تيجى نلعب روميو وجولييت

تيجي نلعب روميو و جولييت أنا أقول بحبك و انتي كمان تقولي, انا أقول يا روحي و انتي كمان تقولي يا روحي, انا اتنهد و أبص للسما و انتي تقولي بتبص على ايه يا منيل القمر مش موجود فأقولك لإنه نزل يقعد جنبي فتبتسمي تلك الابتسامة الحمراء (لإنك أهلاوية) و تميلي برأسك و تلامس قطعة من وجهك كتفي فتظهر لي تلك المنطقة الوسطى من رأسك التي تقول باحتمالية وصولك لمرحلة الصلع المبكر فأبكي بداخلي على حظي المهبب فتسأليني لماذا أبكي يا نور العين؟ فألملم نفسي بسرعة و أقسم باغلظ الايمان بالإله رع و بعزة آمون بأن دموعي فتحت باب عيوني و نزلت عندما تخيلت أنه قد تكون بيننا لحظة فراق!
فتصدقي كلامي زي الهبلة و تقسمي بعزة اللات وهبل بأنك في حضني باقية وتستغليها فرصة و تلقي بنفسك بين يدي و تضعي وجهك على كتفي و تحاولي باستماتة أن تلامسي شفتاي, فتحمل الرياح إلى أنفي بعض من رائحة عرقك الذي تساقط من كتر اللف و الدوران على شقة تلمنا فأصرخ في نفسي و أقول يارب! فتسمعها أذنك اللعينه و تسأليني ما بك يا حبيب قلبي؟ فأكذب للمرة الميون و أقسم بجمال أفروديت أنني أشكر الرب على وجودك بجواري.. فتستغليها فرصة و تزيدي من التصاقك بي و تسعي بجهد أكبر نحو شفتاي لتقبليها فأشعر بالبرد يقرص جسدي مع أني أعلم من أصدقائي ذوي الخبرة أن للبوسة مفعول السحر في الجسم و كأنك أخدت دش ساخن في عز البرد؟ فأحاول أن أصل بيدي إلى خدي لألطم و أندب فتسأليني بكل الرقة المصطنعة ماذا تفعل يا روح قلبي؟
فأخدعك للمرة المليون و أقسم بعظمة آلهة جبال الألب أني أريد أن أرفع يدي تضرعاً للرب بأن يحفظك لي و أن يديم شفاهك نعمة و يحفظها من الزوال! فتبتسمي ابتسامة مثل ابتسامة يوسف داوود في مسلسلاته و أفلامه! فأكره نفسي أكثر و أقرر أن أنتقل إلى الجزء الثاني من الخطه و أسألك بكل براءة و ألح في السؤال و أتمادى في التمثيل.. تيجي نلعب روميو و جولييت أنا أقول مستحيل أعيش من غيرك و انتي تقولي و انا كمان, انا أقول حياتي من غيرك عذاب و انتي تقولي نار جهنم يا حبيبي, انا اقول مستحيل حد يفرق بينّا يا حياتي و انتي تقولي طبعاً يا منية القلب, و أظل استعبط فيها و أتمادى و كإني يوسف بك وهبي على خشبه المسرح حتى استدركك لتلك اللحظه التي تعلني فيها رغبتك في الموت إذا حدث و افترقنا عن بعض أو تلك اللحظة التي تعلني فيها قرارك بالانتحار لان حياتنا معاً لن تكتمل و تهمسي في اذني و تقولي " تيجي يا حبيبي نلعب روميو و جوليت.. انا اقولك تعالي ننتحر لانهم حيفرقونا عن بعض و انتي تقولي و ماله يا روحي ننتحر و نقابل بعض في الاخرة, انا اقولك اختاري لنا طريقة للانتحار و انتي تقولي مافيش غير سم الفيران يا حياتي" فأوافق فورا على رغباتك و اخرج من جيبي الشمال كيس السم فتسأليني

بكل براءة انت كنت عامل حسابك و اللا ايه؟ فأكذب عليكي للمرة المليون وواحد و أقسم برحمة أوزوريس و جسده المبعثر في كل مكان أني اشتريت السم من أجل فار معذبني في حياتي لم تفلح معه المصيده و لا حتى شبشب الحمام! فتصدقيني بكل بساطة وتبتسمي و تقبليني و تتبرعي بأن تشربي السم قبلي فأتظاهر بالامتناع و الرفض, فتصممي و تصممي فأبادر بالموافقة و أنا آخذ بعض من ريقي لأضعه تحت عيني ليعطي احساس البكاء فترفعي يدك بالسم ثم تترددي و تنظري إليّ و تقولي أحبك..



فأزيد من بكائي المصطنع و أقتل الشفقة بداخلي و أرد بكل هبل و أنا كمان يا حبيبتي!
فتشربي السم سريعاً و ينكسر كوب السم الذي بيدي بفعل فاعل و ألطم أمامك على حظي العثر و أقسم كذباً أنني سأنتحر و ألحق بك غداً أو بعد غد فتبتسمي و تقولي ضحكت عليا يابن"........."
فأقسم صدقاً لأول مرة في حياتي أنني لن أمشي في جنازتك و لن أزور أمك..
فقط سوف أذهب لكي أتف على قبرك!
و آدي جزات البنات اللي بتمشي مع الصبيان مشي بطال..

بجد تسلم ايدك يا صفصف موضوع جامد جامد جامد وكمان انا كان نفسى اتفرج على روميو وجوليت والحمد لله مش هتفرج

:


يخرب بيت ابليسك يا صاااااااااافي

ايه الجمااااااااااااااااااااااال ده

انا موووووووت من الضحك علي الحلفانات والايمانات

وبعدين دي مش قصه حياه روميو وجوليت

دي جوليوووووو ورميت




بس بجد جاااااامده موووووووت

وفعلا يتسحقوووووووو كل اللي يحصلهم بجد

عاااااااارفه يا صفصوفه

كنت بتفرج مره علي حلقه لعمرو خالد

وقال لو عاوزه تعرفي قيمتك عن الولد اللي انتي ماشيه معاه ده تعملي ايه؟

تكوني مثلا خارجه معااااااااه وقاعدين في العربيه بتاعته

والجوووووو لطيف خالص ورايحين تقضو يوم مع بعضيكم وتتفسحو

واعملي نفسك اتخضيتي مره واااااااااحده

وقوليلوووووووووو

(اختك في العربيه اللي قدمنا مع ولد )

طبعا هوووووووو مش هيبقي قدامه غير تصرفييييين

الاول

انه ينزل من العربيه ويروح يفتح دماغ الواد ده

وهنا تعرفي انه راضي عليكي اللي ميرضهوش علي اخته

اما التصرف التاني

انه هيقولك عااااااااااااتي وايه يعني

وهنا هتعرفي انه انسان سيكي ميكي


بس بجد يا صافي عجبني الحلفانات بتاعتهم دي

وسمعني احلي سلاااااااام

تحتمس بيضحك ليييييه اتااااااااااااريه كان حد بيزغزغه


ناااااااااااايس توبيك صفصوفه يا مولعهااااااا انت ياجامد

يا مواضيعك الجامدة يا صفصوفة اية الحلاوة دى

لا بجد قصة جمييييييييلة اووووى ومشوقة كمااااااان

واحلى حاجة فيها الاسلوب الساخر اللذيذ دة

وانا طبعا شايف انا دة بيحصل كتير اليومين دول كلة بيلعب على كلة

محدش بيقول عالمشاعر الللى جواة كلة كدب وخداع

وفى الاخر بتيجى على دماغ اى حد فيهم واكيد اللى نيتة سليمة طبعا

وانا بوجة نداء للبنات احترسووووووووووا من اى روميووووووو


شكرااااااااااااااااااااااااااااااااا يا صفاء

[quote="safsofa"]فأقسم صدقاً لأول مرة في حياتي أنني لن أمشي في جنازتك و لن أزور أمك..
فقط سوف أذهب لكي أتف على قبرك!
وquote]


من اشد المواضيع الرومسنية اللى قرتها فى حياتى يا صافى
ايه المواضيع التحفة دى
شكرا صافى

ههههههههههههههههههههههه
بجد تحفه
كفايه الضحكه على الموضوع نايس توبيك صفصف

بجد موضوع تحفه

يموت من الضحك

شكرا يااقمرايه على التوبيك الجميل دة

الله علي الاسلوب والدقه ف التعبير مع زكاء كوميدي مش عادي ياصفصف بي اوعي تكوني انتي جوليت.mohamed youssef

ميرسى يا جماعه لمروركم ومشاركتكم
بس ازاى يا محمد انا جولييت يعنى بعد ما انتحرت كتبت الموضوع

ههههههههههههه
جامد ياصفصوف بوظتى الدنيا يابنتى

مهي دي الخدعه يا صفصف

جاااااااااامد يا صفصوفه