نوووووووووور محبوس في سجن انح يا انحاويه

جميع مشاهدي القناة التلتماية سبعة و تمانيين الأرضيه المصرية
بندحرج التماسي لكل قلب حنين
و مافيش سلام للقاسي ..اللي زعلان ومش بيبين
معاكم شجره الدر في برنامجكم .. خلف الاسواااااار
من داخل اسوار سجون انح التعذيبيه كما تعودتم منا دائما

اننا نقدم لكم الحقيقه الكامله

قدمنا لكم ثلاث حلقات سابقه وكان ضيوفي فيها

المعلم مؤمن – شادي - شاهندا

والنهارده غير كل مررررره

لان
النهارده ضيفي غير عادي .. اكيد مش عادي .. استحاله يكون عادي ..
وسمعني احلي سلام عادي في المعادي

وعارفين ليه النهارده غير عادي

علشان ضيفي النهارده غريب اه وربنا
انا شايفاه شخصيه غريبه

اصله شخصيه مجنونه
بس اوعى تزعل

بس بردو شخصيه عاقله
بس اوعى تصدق




شخصيه لذيذه ذو طابع مميز
اشتهر سريعا وتألق زي البرق
مجتهد الى ابعد الحدود


انسان اقرب لنا من ان نقول عليه اخ
لانه حقا مثال للاخوه فى ادبه
وروحه الهادئه (كدب طبعا لانه خلبوص كبير )



فاصل قصيرر واستنوني رجعالكم تاني


مطار الأنفاق ده سعادتك عامله واحد من الناس المتريشين قوي قوي
اه
طب اقولك علي خبر مش هاتصدقه
الراجل اللي بكلمك عنه ده كان صاحبي
اه من ايام ما كان ساكن معايا فالوايلي

و في هذا الوقت يعلو صوت الكاسيت قائلا( شيال الحمول يا صغير......)

الصحراااااااااااااوي


عدنااااااااااااا من تاني


نجمنا النهاردة مميز جدا
عندي وأكيد عند الكل
شخصية أشتهرت بالضحك والمرح
روحه جميلة زي شخصيته
أنا عرفته عن قرب وعايزاكم تعرفوه انتم كمان
لأنه ببساطة شخصية تستحق المعرفه والتقدير
شخصيه لذيذه وساعه الجد تلاقيه جنبك صاحب واخ
وساعه الهياس بيبقي اكبر مهيس في تاريخ الكتب التهيسيه المحليه والعالميه

وهنسيبكم دلوقتي من عناوين الاخبار ونرجعلكم من تاني استنوني


انفجار في سوق الخضار حيث قامت كوستان انتحاريتان بتفجير انفسهم والي الان السبب غير معروف

زواج الفنانة المشهورة الانسة طماطم من المغني الشهير بطاطا وقد حضر الفرح باقة من المع النجوم
من اشهرهم مدام انبوبة والاخ سكينة و اكيد فوزية مشاكل

مأساة صنية البطاطس تتكرر مرة اخري فقد تم اليوم اعدام جيش كامل من البطاطس ولا عزاء للبصل




تتتااتاتاتان تاتاتان


ناموس عمال يقرص ياخويا .. مش عارف أنام منه ياخويا... مش عارف أنام من وقت ما حطيت كيتو ياخويا ... مش لاقي ولا ناموسه ياخويا .. و عارف أنام

عدنااااااااااااا

ضيفى وضيفكم انسان خفيف الظل
مرح لبق اتسم بحسن الخلق
وجمال الطباع محبوب من الجميع
يعتبر من اوائل مؤسسين انح

هاااااا لسه معرفتوش



ضيفي وضيفكم

هتلتقو بيه دلوقتي في نشره انح الاخباريه

ونترككم مع الخبر




مرحبا بكم أعزائي في نشرة الاخبار الساعة بالتوقيت الصيفي الانحوي
واليكم أهم عناوين الاخبار نوفيها عليكم من قناه انح الاخباريه :
ونبدأها ببيان نقلته الينا مراسلتنا من امام قهوه انح

إيها السادة:

نرحب بيكم اعزائنا الحاضرين والحاضرات
والغائبين والغائبات
ونرحب بمسجوننا الجديد
حبيب الملايين


نورررررررررررررررر



والذي يعتبر من اكبر مشاهير انح والذي ذاع صيته في الاونه الاخيره





واصبحت صوره منتشره في جميع الصحف والمجالات



واصبحت البلاد تعاني من هوووس البنات وعبط الستات
بالمدعو نووور






الذى تم اعتقاله مؤخرا



ولمده عام باكمله يوووووووووووووه عفوا
لم يتم تحديد المهله المخصصه لسجنه حتي الان

نظرا لكونه مشترك في احد عصابات المافيا الانحاويه



ولكن سوف نوافيكم بكل ما هو جديد
والان ما نلاحظه انه يتم غسل وفرم ونشر المسجون
استعدادا لعمليات التعذيب والعدد الانهائي من الاسئله
المتلاحقه علي المدعو نور فوزي

وكما نقلنا لكم اخر الانباء من مراسله قناه انح الاخباريه
فقد

جائنا البيان التالي


انه في يوم الجمعه الموافق الخامس من نوفمبر

تم شن هجوم شرس على المذكور نور من قبل طائفة تدعى سجون انح
تتزعمها شجره الدر
ولم تطلب الطائفه فدية حتى الان ولم نعلم متي سوف يطلقون سراح هذا البرئ وخاصه من بعد ما يعانيه من تعذيب شديد

انتهي البيان

والان معنا علي الهاتف منظمه الطائفه شجره الدر

شجره الدر ما هي طلباتكم لكي تعيدو المدعو نور الي الاراضي الانحاويه سالما وما هي دوافعكم من وراء اعتقالكم اياه



شجره الدر
انا شجره الدر احدثكم من الساحل الشمالي الافغاني وقد قمت ب 41عمليه ارهابيه في جميع الدول الاجنبيه المنوفيه منها والغربيه ..احذرك يا نور أنه.. لن تنعم قهوه انح بيوم واحد
جاوب بصراحه تعاطفك وحده موو كفايه

وان لم تجاوب بصراحه لسوف اقتلك واقتل بنتك ثم اقتل كريمه السكرتيه عليكم اللعنه جميعا
وعلي فكره انا بقي لا بيهمني بوليس ولا الحركات البلدي بتاعتكم دي

وهتجاوب يعني هتجاوب والا هتشوف اقوي واعنف مشاهد العذاب

لا تقولي ابو غريب ولا سجن القناطر ولا حتي سجن النساء


احنا مبنرحمشششششششششششش


والسلام عليكم ورحمه الله وبركاته

انتهت النشره


ومن هنا



وبكل الحب تشرق شمس جديدة على مسجون جديد في سجن انح

وبكل الحب نرى فيه الأخلاق والالتزام والعطاء وخفه الدم والروح الحلوه

بكل الحب هو يستحق كل هذا الحب من كل المنتدي وعن جداره

بكل الحب نقدم ضيفنا لهذا الأسبوع

نووووووووووووووووووووور



وزي ما انتو اتعودتو دايما ان في سجون انح التعذيبيه

لازم نعصر ونفرم المسجوووون بتاعنا

عوزاكم تغرقوووووه اسئله عن اي حاجه

عن حياته ودراسته وطموحه وكل حاجه تخطر علي بالكم قصصه ومغامراته

وعلي فكره يانووووووور هتجاوب يعني هتجاوب

علشان انت عااااااااارف انا مبرحمش

وسمعني احلي سلام

انا جايلك ونويها بظبط وقتيل علي الباب بخبط
هتعملي ايه هتسلم بعديها فقصر
وبجد انا مش بهزر هخاف ولا اييييييه؟؟

ههههههههه
انت وقعت ولا الهوا اللي رماك
انت وقعت ومحدش سما عليك
ده انا هوريك النجوم في عز الظهر
والشمس في عز نص الليل
وهطلع كل الوز وز والبط بط عليك انا وكل اعضاء انح
[/b]

اه واسم البقال البتشكك منه
والبنت النفسك تتربط بيها تكون عامله ازاى؟
يلا بسرعة انتى لسه مردتشى

وكمان عايزة اعرف انت ليه بتزعل بسرعه كده ؟؟
ومين اكتر حد بتحبه فى انح؟؟

ومين فى انح بس مش من صحابك من اسلوب كلامه تتمنى انه يعيش معاك كأخ فى بيت واحد ومتزهقش منه؟؟

ومين اكتر حد ضايقك فى حياتك؟؟
ومين اكتر واحد بتحبه اوووى غير بباك طبعا عشان انا عارفه انت بتحبه اد ايه؟؟؟
واخيرا نفسى بجد اعرف ايه سر حبك لبباك وتعلقك بيه اوى كده مع ان فى سننا ده الاغلبيه بيبعد عن بباه بالذات عشان ياخد راحته وميكبسش على نفسه؟؟؟؟؟؟
جاوب والنبى........

وبجد توبيك جامد يا شجرتى وانا اول مرة احضر تحقيق وجديده عليه

1- ايه اكتر موقف اتعرضتله وكان محرج اوى؟

2-امتى حسيت انك زعلت حد بس مكنتش قاصد كده؟

3- مين اكتر بنت وولد بتحترمهم اوى من صحابك ؟

4- اتعاركت قبل كده وانت اللى اضربت ؟

انا بقى بعد طول غياب وسهر وعزاب جيت من اخر البلاد عشان اسالك فى شوية حاجات....
1/مين اكتر شخصية بتسريحلها فى الشلة وتحب تتكلم معهاااااااا ؟(طبعا من بعدى)
2/مين من صحابك عمل معاك موقف ندالة وزعلت منة اوىىىىىى؟
3/عمرك حسيت بلوحدة مع ان كل صحابك جمبككك؟

نووووور كل الاسئله اللي هما سئلوها
انا كنت عايزه اسئلها
بس سؤال مين اللي قالتلك الوداع قلتلها قشطه

سورى يا صحبى بس نانا كونت نفسى اسالك فى الاسئله دى واهى جت الفرصه

هيه صفصوفه اقترحتهم وانا برده عايز اجبتهم بس بصراحه

مين اكتر حد بتحبه فى انح؟؟

ومين فى انح بس مش من صحابك من اسلوب كلامه تتمنى انه يعيش معاك فى بيت واحد ومتزهقش منه؟؟

ومين اكتر حد ضايقك فى حياتك؟؟

ايه يا بت يا شييجو المواضيع الجامده دي هههههههه دا انتي مسخره





انح شو ده ولا ايييييييه؟؟؟؟



بييس يا نووووور وينك تجاوب وينك

انا مش هحط اسئله جديده لان صحابنا كلهم حطولك اسئله كتييييييييير تحفه ...
لما تبقى تخلصهم واحد واحد كداااا
يبقى باااقي الانحاويه يسألوووك تاني و تالت و رابع الخ الخ الخ

مستنيين اجاباتك

بس بلاش دبلوماسيتك و النبي

نوووووووووووور مطلوووووووب حالا

وعلي وجه السرررررررررعه

محروقا او مشنوقا او مدبوحا

كده مينفعش التأخيرررررررررر ده

ويالا جاوب مش عاوزين لكاعه

بسررررررررررعه بقي علشان انا كمان عاوزه اسئل

واحنا كمان يا نور
بس ياريت الاجابه تكون اسرع

sheetos كتب:

اه واسم البقال اللى بتشترى شكك منه

مساء الورد يا عبدو وخد البوسة دى عشان تخف عليا من الاسئلة
ابس انت عرفت ازاى انى بشترى كل حاجتى شكك

sheetos كتب:

والبنت النفسك تتربط بيها تكون عامله ازاى؟

بص يا سيدى ان اساسا اللى راسمها فى بالى دى ملاك مش بنى ادمة ومواصفاتها :
1- طبيعى لأى شاب ان اول صفة تكون الاخلاق والتدين .
2- جميلة .
3 - الرقة والانوثة الكاملة عشان بحس ان تلات تربع البنات اليومين طريقتهم قالبة على سيد .
4- لازم تكون دمها خفيف عشان هى حتلاقى قرد بيتنطط فى قلب الشقة اساسا وانا مش بحب النكد.
5- لازم تكون بتحب الاطفال اوى .
6- تكون زكية وبتعرف تتصرف لو انا مش موجود .

safsofa كتب:

عايزة اعرف انت ليه بتزعل بسرعه كده ؟؟

بسم الله الرحمن الرحيم
الاجابة ب تونس

بس انتى عندك حق فعلا يا صفاء انا فعلا اقل حاجة بتزعلنى اوى يمكن عشان متعود انى مزعلش حد منى ويمكن عشان بحب اصحابى اوى فبتمنى انهم يعاملونى بنفس المعاملة وانا معاكى ان دى صفة وحشة فيا اوى وانا بحاول اغيرها
وعارف انك دوقتى كتير من الصفة دى بس انتى عارفة انا بموت فيكى قد ايه

safsofa كتب:

ومين اكتر حد بتحبه فى انح؟؟

انا تلات تربع اعضاء انح اصحابى من زمان ومن قبل ما نبنى انح وبحبهم اوى كلهم شباب وبنات

safsofa كتب:

ومين فى انح بس مش من صحابك من اسلوب كلامه تتمنى انه يعيش معاك كأخ فى بيت واحد ومتزهقش منه؟؟

فى ناس كتير طريقتها واسلوبها يشد ماشاء الله بس مش حنكر ان احسن اسلوب شوفته هو لسلوب شجرة الدر وفعلا لما قربنا من بعض حسيت انها بتخاف على اصحابها اوى وبتحبهم بقينا صحاب اوى انا وهى الفترة الى فاتت دى ودايما بنحاول نغير من بعض للاحسن وبحس انها اختى وهى اللى ممكن تعيش معايا فى البيت الواحد ده.

safsofa كتب:

ومين اكتر حد ضايقك فى حياتك؟؟

كتير ضايقونى قبل كده لكنى معرفتش اكره منهم اى حد ويمكن عشان كده انا مش عارف مين اكتر واحد ضايقنى فيهم.

safsofa كتب:

ومين اكتر واحد بتحبه اوووى غير بباك طبعا عشان انا عارفه انت بتحبه اد ايه؟؟؟

اكتر واحد بحبه بعد بابا فهو بابا برضه لان مفتكرش ان فى حد ححبه كده.

safsofa كتب:

واخيرا نفسى بجد اعرف ايه سر حبك لبباك وتعلقك بيه اوى كده مع ان فى سننا ده الاغلبيه بيبعد عن بباه بالذات عشان ياخد راحته وميكبسش على نفسه؟؟؟؟؟؟
جاوب والنبى........

يمكن فى اسباب مش حقدر اقولها لانها خاصة اوى لكنه عمره ماحسسنى انه كابس على راحتى بالعكس انا بعمل اللى انا عوزه وقت مانا عاوزه ويمكن عشان بحسه انه زيى بالزبط فى كل حاجة وفى كل صفة.

وميرسى يا صفصوفة على الاسئلة الجميلة دى

shemo كتب:

1- ايه اكتر موقف اتعرضتله وكان محرج اوى؟

ايه يا شيمو الكلام مش حنروحوا المعمورة واخدك قدامى على العجلة ولا ايه
والله وحشتنى ايامك السودا ربنا ما يعودها تانى ابدا يارب
وبخصوص اكتر موقف محرج اتعرضتله غير مزاولات المعمورة فهو لما كنت بكلم واحدة مى صحبتى واتلغبطت فى النمرة واتصلت بواحدة تانية اسمها مى برضه وكانوا هما الاتنين نفس الصوت تقريباوقعدت اتكلم بتاع ربع ساعة وقولتلها حاجات خاصة جدا ومكانش لازم تعرفها وفوجئت فى الاخر انها مش هى لقيت نفسى قفلت السكة فى وشها ومن ساعتها مش عارف اقولها ايه

shemo كتب:

1-
2-امتى حسيت انك زعلت حد بس مكنتش قاصد كده؟

كتير اوى حصلت بس يمكن عشان ساعات بقول كلام انا مش ببقى قاصد المعنى اللى وصل للى قدامى وده يمكن كان السبب الرئيسى فى اغلبية خلافاتى لان زعلى وحش اوى بالزات لما اكون حد بحبه اوى ساعتها بيبقى يومه مش معدى
واكتر مرة حسيت بكده كانت لما جرحت بنت معينة مش حقدر احكى التفاصيل......

shemo" كتب:

-
3- مين اكتر بنت وولد بتحترمهم اوى من صحابك ؟

انا كل صحابى محترمين

shemo كتب:

-
4- اتعاركت قبل كده وانت اللى اضربت ؟

متفكرنيش يا شيماء والنبى
ده انا فى مرة مش اضربت بس ده انا اطحنت اساسا انا واصحابى فى ثانوى
كنت انا وواحد صحبى اسمه كريم وواحد اسمه ايمن وكان معانا بتاع تسع بنات على البحر من مدرسة لوران وواحد صياد على البحر زاول واحدة من صحباتنا فاتلمينا عليه ضربناه ومفيش دقيقة لقينا موجة جية من بعيد
لكن الموجة دى مكانتش موجة البحر اللى قصادنا لا
دى كانت موجة صحابه الصيادين يعنى تقريبا كل صيادين اسكندرية جم يتعاركوا معانا
ومن ساعتها اتعلمت انى متعاركش ومعايا بنات
بس الحمد لله جت سليمة ( 15 جريح واتنين فى حالة خطرة )

heba_cool02 كتب:

انا بقى بعد طول غياب وسهر وعزاب واشتياق جيت من اخر البلاد عشان اسالك فى شوية حاجات....
1/مين اكتر شخصية بتسريحلها فى الشلة وتحب تتكلم معهاااااااا ؟(طبعا من بعدى)

هبة وحشتينى والله ومينفعش محكيش لحد غيرك رغم انك بتاعت سياح
بس انا بحب كل الشلة وكلهم صحابى وبحكيلهم لكن اكتر ناس بحكيلها فهى احمد سعيد وعمرو و جويد
وبلاش نتكلم فى موضوع البنات
[quote="heba_cool02"]

heba_cool02 كتب:

3/عمرك حسيت بلوحدة مع ان كل صحابك جمبككك؟

اه حسيتها كتير

love is my m.s.g كتب:

اوبا صحبى نووووووووور اتسجن لاء اكيد انا اول واحد هساعد فى هروبك من الاسئله المحرجه وهرد مكانك وسنتوعد نحن مافيا انح بخطف العضو شجره الدر لانها ساعدت فى سجن اهم عضو فى العصابه الانحاويه

الحقنى يا احمد كلم الفيفا
وقولهم انهم بيطفوا عليا النور بليل وبيجبولى مزز وعاوزين يجرونى للرزيلة وانا بصراحة بحبها
وخليهم يبعتولى سى دي بتاع فيلم الهروب الكبير بتاع الريس متقال

bosy cat كتب:

نووووور كل الاسئله اللي هما سئلوها
انا كنت عايزه اسئلها
بس سؤال مين اللي قالتلك الوداع قلتلها قشطه

عيب عليكى يا بوسى مانتى عارفة
متخلقتش الانثى اللى تقولى وداع
الموضوع انى شوفت الكلمة دى ملصوقة على عربية ومن ساعتها عجبانى ومعلقة معايا اوى

terey كتب:

سورى يا صحبى بس نانا كونت نفسى اسالك فى الاسئله دى واهى جت الفرصه

هيه صفصوفه اقترحتهم وانا برده عايز اجبتهم بس بصراحه

الف شكر على اهتمامك يا تيرى
والاجابات عندك فوق بس متقولش لحد
وفينك غايب ليه الفترة اللى فاتت ومبقتش تيجى تقعد معانا ؟
عاوز ابقى اشوفك يا بوب

Princess كتب:

انا مش هحط اسئله جديده لان صحابنا كلهم حطولك اسئله كتييييييييير تحفه ...
لما تبقى تخلصهم واحد واحد كداااا
يبقى باااقي الانحاويه يسألوووك تاني و تالت و رابع الخ الخ الخ

مستنيين اجاباتك

بس بلاش دبلوماسيتك و النبي

حتى انتى يا اميرة
بقولك ايه يا ميرو تاخدى كام وتقنعى شجرة الدر انها تمسح الموضوع ويبقى ليكى عندى اول يوم فى الترم التانى اعزمك على اتنين كبده

مستنى باقى اسئلتكم وربنا يستر فى الاسبوعين دول

مين اكتر شخص كرهته فى حياتك ؟

اسم اول حد اعجبت بيه مش حبيته هناك فرق؟؟؟؟؟

كم مره كدبت على اللى بتحبها ؟؟؟


اكتر حد بتحبه فى المنتدى؟

كان نفسى اديلك اسئله اكتر من كدة بس دول الى فكرت فيهم جاوب عليهم عقبال ما افكر لك فى اسئله تانيه صعبان عليه جدا يااانور



بجد نايس ياااشجرة

نجمنا النهاردة مميز جدا
عندي وأكيد عند الكل
شخصية أشتهرت بالضحك والمرح
روحه جميلة زي شخصيته
أنا عرفته عن قرب وعايزاكم تعرفوه انتم كمان
لأنه ببساطة شخصية تستحق المعرفه والتقدير
شخصيه لذيذه وساعه الجد تلاقيه جنبك صاحب واخ
وساعه الهياس بيبقي اكبر مهيس في تاريخ الكتب التهيسيه المحليه والعالميه

بجد يا شجرة انتى عندك حق فى كل ده لآن بجد نور من الشخصيات الجمله جدااااا ومبسوطة جدا انى عرفته وبجد نور من الناس الى تقدرى تقولى عنهم انا عندى صحاب بجد لآن هو بجد فيه كل
المميزات الى اى حد يتمنى ان هو يكون عنده صاحب كده وبالمميزات دى

وبالنسبه ليكى يا صافى انتى قولتى ان هو بيزعل بسرعه انتى عندك حق بس بجد على الرغم من ان هو بيزعل بسرعه بس بجد قلبه ابيض جداااااااااااااااااا وبيسامح برضه بسرعه

بس فى اوقات مش بيسامح بسرعه خااااااااااااااااالص

اكيد طبعا كل الى انا قولته ده مش جديد لآن اى حد بيعرف نور كويس اكيد بيكون عارف عنه كل ده
وانا باء مش عندى اى أسأله لنور مبسوط باء وحسابى كله لمدة خمس سنين عنده