قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 نوووووووووور محبوس في سجن انح يا انحاويه

اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 6:53 pm

Princess كتب:

1) ايه اكتر صفه انت بتحبها في نفسك؟؟؟
انى طيب
Princess كتب:

2) ايه رأيك في سياسة البلد-منتا كده كده في السجن.. اتكلم براحتك -
بلاش اتكلم لاحسن لو اتكلمت مدة الحبس تزيد ولا حاجة وعشان كده بقول انى بحب مصر اوى وبحب الحكم بتاعها و رغيف العيش اكبر من طبق الدش وزى الفل والشغل مرمى فى كل حتة ودايما بغنى اغنية عظيمة يا مصر و حلوة يا بلدى

Princess كتب:

3) ايه رأيك في الصحوبيه؟؟؟
يمكن انا قولت عليها انها الدواء للاحساس بالوحدة وبجد من اسعد لحظات حياتى هى خروجى مع اصحابى بالذات فى الرحلات


Princess كتب:

4) هل تفضل عمل المرأه ؟؟
بصراحة اى واحد مش بيحب ان مراته تشتغل لكن طبعا الواحد بيحس بالفراغ اللى هى حتعيش فيه بالزات فى الوقت اللى هو حيشتغل فيه هى اكيد بتبقى قاعدة فى البيت مخنوقة وعشان كده انا ممكن اسمحلها انها تشتغل بشرط انها متقصرش فى واجباتها نحية اولادها ولو قصرت اكيد مش حتشتغل تانى .

Princess كتب:

5) ايه رأيك في مطعم هريدي ؟؟-بحياديه و موضوعيه لو سمحت -
والله هو ليه زكريات جميلة معايا اوى وفى ناس هنا فى المنتدى عارفاها
هو حيبقى حلو بس يبطلوا يضيفوا الصراصير فى سندوتشات الكفتة والسوسيس لان انا بصراحة تعبت Sad Sad انا واكل ييجى تلات مواسير و بلاعتين لحد دلوقتى
بس هما اكيد نيتهم خير يعنى اصل بيقولك ان رجل الصرصار فيها نسبه حديدوز احسن من السبانخ

Princess كتب:

6) هل توافق على تولي جمال مبارك الرئاسه بعد ابوه؟؟ احم قصدي ببانا كلنا- -
مش عارف ليه يا اميرة حاسس انك عاوزة تودينى فى داهية
اانا سمعت ان فى مخبر بيقعد على قهوة انح هنا تبع الريس Shocked
وعشان كده معنديش غير رد واحد ليكى يا اميرة scratch
معرفهاش يا باشا

Princess كتب:

7) في رأيك... ازاي نتخلص من مشكلة البطاله؟؟؟ -
اننا نعتمد على التكاثر الذاتى .

Princess كتب:

Cool هل توافق على ما فعله شحته المزين في حاجب عمرو دياب و رأسه ؟؟
والله يا اميرة انا ياما نصحته انه يبعد عن شحتة
اهو شوفتى اخرتها اربع اغانى اتسربوا ولسه
الا صحيح هو مين شحتة ده اساسا ؟ scratch


Princess كتب:

9) ماذا تفعل لو كنت رئيس جمهوريه؟؟
حقفل انح واقلبه كباريه

Princess كتب:

10) ما رأيك في قناة الجزيره الاخباريه؟؟
اتخنقت منها عشان مش بتجيب الدورى الانجليزى lol!

Princess كتب:

11) ايه اكتر صفات ماتقدرش تتعايش معاها بأي حال من الاحوال-غير الخيانه- ؟؟؟
العصبية والكدب Evil or Very Mad

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس


عدل سابقا من قبل نور في الخميس فبراير 12, 2009 6:25 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 6:54 pm

الكوماندا المهم كتب:
معلش يا نور شدة وتزول
ولو عاوز محامين فية كثير بس انت تأمر

وحسالك اسئلة بسيطة وسهلة كانى بقولك صباح الخير بالظبط
سيبك انت
والنبى انت عسل Very Happy

الكوماندا المهم كتب:

افضل مدينه اعجبتك ......
بحب المانيا اوى ونفسى اسافر اقضى شهر العسل هناك عشان كده داخل كورسات فرنساوى اليومين دول lol!


الكوماندا المهم كتب:

ماهو مشروبك المفضل ...........
مشروب اسمه اكلير من عند عصير مكة فى سموحة مينفعش اعدى من هناك الا لما اشربه
وفى ناس هنا كتير شربتهولها وبقت مدمناه هى كمان


الكوماندا المهم كتب:

افضل قناة تعجبك .....
قناة موجة


الكوماندا المهم كتب:

المجال اللي تحب التكلم فيه .....
بحب اتكلم فى المجالات اللى بحبها ومش بحب اتكلم فى حاجة انا معرفش عنها معلومات كفاية واكتر مجالات بحب اتكلم فيها هى الكمبيوتر والموسيقى والافلام والسياسة وقضية التنمية scratch

الكوماندا المهم كتب:

شخصية تفتقدها في المجتمع .....
الشخصية اللى بتعمل الخير من غير ما تستنى مقابل


الكوماندا المهم كتب:

اجمل بيت شعري اعجبك.....
والخيل والليل والبيداء تعرفنى .......والسيف والرمح والقرطاس والقلم lol! lol!


الكوماندا المهم كتب:

سيارتك المفضله.....
هامر H3 - بورش


الكوماندا المهم كتب:

ماهي التجربه التي تتمنى تكرارها.....

الطفولة


الكوماندا المهم كتب:

ماهو أفضل مكان تتردد إليه.....

البحر

الكوماندا المهم كتب:

شخص لاترفض له طلبا........
والدى


الكوماندا المهم كتب:

ماهى نقاط ضعفك ونقاط قوتك وهل ياترى الحب نقطة ضعف ام قوة بالنسبة لك......

نقطة ضعفى الدموع ونقطة قوتى هى الفعل
والحب بالنسبة لى نقطة ضعف ونقطة قوة فى نفس الوقت
نقطة ضعف وهى الانسانة اللى حرتبط بيها
ونقطة قوة وهى ان الحب بيدينى قوة ارادة و تحمل و صبر وبيخلينى اقوى من الاول.

شكرا يا كوماندا

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس


عدل سابقا من قبل نور في الجمعة يونيو 19, 2009 6:19 pm عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 7:37 pm

safsofa كتب:
وبالمناسبه دى يا نور حهديلك اغنية جامده اوى

((تشرب ايه جرح دمع ظلم كل اللى انت عايزه انا عازمك عليه تطلب ايه ويل مر نار أمر وقلى نفسك فى ايه كله من خيرك كتر الف خيرك وبدعى عليك روح ربنا يديك على اد ضميرك انا حالف ما اسيبك وشايلك نصيبك بينى وبينك حساب شايلك ميت عذاب وكل ده من نصيبك والمرة دى انا اللى ححاسب انا عازمك عشان نتحاسب اصل انا مديونلك كالعادة بس بجد مكنتش فاضى بس فضتلك والمرة دى حتاخد حقك وزياده ))
ههههههههههه
يالا كفايه عليك كده على بال ما احضر شويه اساله
شكرا يا صافى على الاغنية الجميلة دى Sad Sad
عاوزك بقه تسمعينى حتة ( سيدى وصالك )

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 9:35 pm

شجره الدر كتب:


عارفاااااااااااااااااااك انك مش طايقني ولو تطول تخنقني هتخنقنى


بجد احلى جملة قولتيها من اول الموضوع

شجره الدر كتب:

السؤال الاول
انت كنت جاوبت علي سؤال سئلتهولك وهو يعني ايه الحياه بالنسبه لنور وكانت اجابتك

اقتباس :
الحياة الحياة بالنسبة لى خمس عناصر ويمكن قولتهم قبل كده فى سوال فات وهما :
1 -علاقتى بربنا 2- اهلى 3-اصحابى 4 - دراستى ومستقبلى 5 - شريكة حياتى

دلوقتي بقي انا عوازك تحطلي النسبه لكل عنصر في حياتك؟؟؟؟؟
صعبة اوى دى يا شجرة scratch
لان المفروض ان العلاقة بربنا ميكونش ليه نسبة معينة فى الحياة والمفروض يطبق فى جميع المجالات الاربعة التانية وعشان كده صعب تحديد النسب


شجره الدر كتب:

السؤال التاني

بردو تعقيب علي اجابه لسؤال سئلتهولك

وهو

13-لو صحيت من النوم ولقيت عندك فلوس كتير اوى اوى هتعمل بيها ايه
وكانت اجابتك

اقتباس :
يلهوووووووووووووى ده انا حعمل عمايل
اولا طبعا حزبط اهلى واصحابى واجيب لهم اللى هما عاوزينه
وبعدين اخوش انا بقه واجيب اللى انا نفسى فيه ( عربية هامر H3 - شاليه فى بورتو مارينا - ادخل شريك فى شركة مايكروسوفت ............... الخ الخ

اجابتك بتدل علي انك بتستخدم الماده (وهي الفلوس ) في تحقيق رغبات ماديه فقط
هل ده صح ولا غلط
وانت بتشوف نور شخصيه ماديه بنسبه كام في الميه؟؟

مين قال انى شخصية مادية لا طبعا الكلام ده غلط وملوش اصل من الصحة
بقولك ايه ..............
تدينى كام واتنازلك عن منصب النائب؟ lol!

بس يمكن اكون مادى عشان طبيعى ان معظم الاحلام محتاجة فلوس scratch
بس غير احلامى المادية فانا نفسى اغير ظروف الناس الصعبة واحل كل مشاكل الناس واشوفهم مبسوطين ومش معنى كده انى انا اللى كويس ومعنديش مشاكل بالعكس انا ممكن اكون اكتر منهم لكنى بحاول افكر فى اللى حواليا الاول.........
ونفسى يكون ليا سلسلة مستشفيات خيرية وجوامع ...............
نفسى احج للناس اللى اتوفت فى عيلتى ...........
نفسى تتحل مشكلة فلسطين ...................وحاجات تانية كتير


شجره الدر كتب:

3- رساله عاوز توجهها لشخص في المنتدي ؟
شخص معين هو عارف نفسه عاوز اقوله متزعلش منى على الكدبة اياها

شجره الدر كتب:

4-معاك 8 كروت توجهها ل8 اشخاص في حياتك....ياتري مين الاشخاص دول
وهتكتب لهم ايه في الكروت؟؟؟
1 - ترجع بالسلامة : والدى
2 - يخليكى ليا :والدتى
3- مبروك : عصام اخويا بمناسبة انه بقه اب cheers
4- مستنيك : اسلام اخويا فى قطر Sad
5- شكر : ياسمين صحبتى .
6- بحبك : كل اصحابى .
7- اسف: لاى حد زعلته.
8-عتاب : الناس اللى اتخلو عنى .




شجره الدر كتب:

5- اوصفلي دور والدتك في حياتك؟؟
دور مؤثر جدا فى بناء شخصيتى وطبعا الاغلبية كانت نتائج ايجابية بس برضه كان فى نتائج سلبية.

شجره الدر كتب:

6-ايه هي اكبر مشكله قابلتك في حياتك؟؟
هما كتير بصراحة وأكبر مشكلة مش حقدر اتكلم عنها
لكن طلوعى بمادة فى البكالوريوس ظلم بعد مشوار النجاح الطويل ده وتأخرى عن الجيش كان من ضمن اصعب المشاكل اللى قابلتها فى حياتى

شجره الدر كتب:

7-امتى تقول الكلمات دي

اسف : لما اكون متاكد ان انا السبب فى الموقف

لا : لو حد حيقولى حاجة مش من حقى انى اسمعها

مش هعتذر : لما بكون واثق و متاكد انى مش غلطان

ياسلام : لحد مش من حقه انه يطلب الحاجة دى منى

مش عاوز اعرفك : لو حد خانى .

الموت اهون : انى اعتذر لحد ميستاهلش

زهقت : لما بحاول اغير حاجة مرة واتنين وتلاتة ومبقدرش

اسعد يوم في حياتي يوم ما اتجوز فتاة احلامى

اسوء احساس فى الدنيا : الظلم


شجره الدر كتب:

8-ما مدي تأثير اصحابك علي طباعك وشخصيتك ؟

تأثيرهم قوى لدرجة كبيرة لانى بعتبرهم مرايتى وهما اللى شايفين شخصيتى الحقيقية لكن الاهم ان الواحد يسمع عيوبه من اللى متأكد انه بيحبه وميديش اهتمام لعيب واحد صاحبه عادى قالهولو لان الصحاب اللى بجد هما اللى بيبقى شايفين عيوبك الحقيقية وبيبقوا خايفين عليك وده المبدأ اللى انا بطبقه.


شجره الدر كتب:

9- هقولك مجموعه القاب وتقولي عاوز تقولها لمين في المنتدي


طيب : احمد سعيد

مجنون : هند

عاقل : شجرة الدر

مثقف : محمد يوسف

مرح : العضوة مرح

رومانسي : مومن

محترم : جويد

حكيم : الدكتور سعيد فرحان اللى معانا فى المنتدى Very Happy

متفائل : عمرو

صريح : عبد الودود

موهوب : ابو تريكة

خجول : مى صاحبتى

شجره الدر كتب:

10-قولي أسماء لها ذكريات وأثرت فيك بقوه؟ (تقول اسم الشخصيه واتعلمت منها ايه؟)

والدى : يمكن خلانى اعمل حاجات كتير انا مكنتش متوقعها فى شخصيتى وكان ليه برضه اثر كبير اوى فيا
والدتى : فى نتائج ايجابية وسلبية زى ما قولت قبل كده .
اخويا الكبير :نسخة طبق الاصل منى وكنت بحاول ابقه زيه فى حاجات حلوة فيه .
عمرو خالد : كان ليه تاثير فى تغيير شخصيتى للاحسن .
الدكتور ابراهيم الفقى : برضه كان ليه تاثير ايجابى فى تعديل شخصيتى .
ياسمين صحبتى : وقفت جنبى فى كتير اوى من المواقف الصعبة اللى اتعرضلتها فى حياتى.

شجره الدر كتب:

11-قولى كل واحد بيفكرك بمين من الممثليين

احمد سعيد : محمد سعد

مؤمن : خالد صالح

عبد الودود : جميل راتب

شادي : طارق علام

الكومندا : الولا بتاع (لاززززززززززم تشرب)

تيري : خالد سليم

هبهوبه : عبلة كامل Very Happy

شاهندا :ميرنا المهندس

SHEMO: ايناس الدغيدى

نونيا :علا غانم

صفصوفه :نيلى كريم

برنسيس : هند صبرى

مرح : ياسمين عبد العزيز

سوسو : منى زكى

سندريلا : سمية الخشاب

عاشقه الغروب : نانسى عجرم

واخيرا شجره :صابرين


شجره الدر كتب:

12-ايه أكتر مشهد شوفته فى فيلم وأثر فيك؟

مشهد من فيلم رومنسى اجنبى والمشهد ده عمرى ما حنساه وكان اخر مشهد وكان البطل والبطلة من كتر حبهم فى بعض كانوا ماسكين ايد بعض وناس وراهم بتشدهم من بعض وعاوزين يفرقوهم ومن كتر ما اتمسكوا بايد بعض ايديهم كانت كلها دم
مفتكرش ان لسه فى حب كده Question

شجره الدر كتب:

13-عندك فوبيا من شئ معين؟؟؟
اه بدوخ من الاماكن العالية ومش بحب المراجيح

شجره الدر كتب:

14- لما بتدعي لنفسك في صلاتك بتقول ايييييييييه؟؟؟
اللهم اصلح لى شأنى كله ...................

شجره الدر كتب:

15-لو طلبت منك انك تصرخ بأعلى صوتك وهيسمعك كل الناس في الكره الارضيه
ياترى هاتصرخ
وتقول اية ؟
جواز عتريس من فؤداة باطل lol!

شجره الدر كتب:

16- ايه احساسك بعد ما جاوبت 15 سؤال؟؟؟
احساسى انتى حسيتى بيه يا شجرة واحب اعيده اهو :

شجره الدر كتب:


عارفاااااااااااااااااااك انك مش طايقني ولو تطول تخنقني هتخنقنى


بس بجد كانت اسئلة جميلة اوى ومن اصعب الاسئلة اللى اتوجهتلى فى حياتى
وفى نهاية البرنامج احب اطلب اغنية ( ست الحبايب ياحنانا انت )
شكرا شجرة

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس


عدل سابقا من قبل نور في الجمعة يونيو 19, 2009 6:27 pm عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 10:04 pm

sandrala كتب:
هاااااااااااااى عليك يا نور عامل ايه فى سجن انح يا جميل وايه اخبار العيش والحلاوه
ماشى يا نرفان
هانت عليكى عشرة ايام المعمورة والجاتوه
اصيلة والله يا نرفان Sad


ا
sandrala كتب:
انا مش هسالك غير سوال واحد وومكن اتنين وربما ثلاثه وممكن تنتهى على اربعه الاخر

بيعجبنى فيكى انك بتثبتى على قرارك

sandrala كتب:

1-هل فى مبرر للغش او للكذب؟

مفتكرش بس ممكن فى حالات نادرة اوى وصعب انك تسامحى فيها .

sandrala كتب:

2_هل صحيح وراء كل رجل عظيم امراءه عظيمه؟

طبعا الكلام ده غلط.....
لانها مش شرط تكون وراه ما هى ممكن تكون قدامه
لكن حقولك على حاجة فى ناس كتير اوى صنعوا تاريخ ومكانوش متجوزين اساسا
لكنى مقتنع ان لو دور المرأة ايجابى فى حياة الرجل فهى ممكن تخليه اقوى بيها .

sandrala كتب:

3_لو شخص فى خطر وطلب مساعدتك بس انت هتتعرض للموت بنسبه 50%هتعمل ايه؟

سؤال يحير فعلا
والواحد لو قال طبعا حروح انقذه يبقى ملاك وده مش صح
ولو قال انه مش حيعمل حاجة يبقى مش بيحس وده برضه غلط
لكن متهيألى اللى حيحكم فى الموقف ده
هو غلو الشخص ده عندى
فى ناس ممكن تفديها بروحك 100 % حتى لو الواحد مفيش ادامه غير اختيار الموت
وفى ناس مينفعش ان الواحد يغامر بحياته عشانهم ولو حتى بنسبة 1 %

sandrala كتب:

4_ازاى تبنى كامل الثقه فى اصحابك؟

سؤال جميل اوى
بس ليا رأى صغير scratch
ان موضوع بناء الثقة بينك وبين صاحبك مش بيتوقف عليكى انتى بس
لأن شخصية الطرف التانى ليها دور كبير اوى فى النقطة دى
يعنى الموضوع متوقف على الطرفين كل واحد بنسبة خمسين فى المية تقريبا.
ولو كان الواحد يبنى كامل الثقة فى صحابه لوحده كان عاملها من زمان.

بشكرك جدا يا نرفان على اسئلتك اللى فى الجون دى واعجابى زاد بدماغك

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الثلاثاء فبراير 10, 2009 10:24 pm

بيروو كتب:

1-امته دموعك نزلت كان امته وكان ليه ؟

ايه يا عبير انتى ايه اللى صحاكى
انتى مش قولتيلى انك مسافرة فيتنام scratch
يلا مش مهم
ثم انتى حتعيطينى Sad من اول سؤال كده ؟
انا اخر مرة دموعى نزلت كانت من فترة ع التليفون بليل وكنت ساعتها بحكى لحد معين عن اكبر مشكلة فى حياتى Arrow

بيروو كتب:

2-لو جالك تزكره انك تسافر تحب تروح فين ؟
المانيا

بيروو كتب:

3-لو الحيا ه رجعت بيك لورا كان نفسك تعمل ايه؟
حاجات كتير اوى ..................
بس اكتر حاجة كان نفسى ارجع ثانوية عامة تانى عشان اعمل فيها مجهود اكبر واحاول اجيب مجموع كلية الهندسة قسم الكمبيوتر

بيروو كتب:

4-انت راضى عن نفسك ولالا ؟
لا

بيروو كتب:

-تقول لمين انا اسف؟
لاى حد كنت فى يوم سبب فى زعله او بكائه Sad

بيروو كتب:

5-لو مكنتش نور كنت تتمنى تبقى مين من الناس اللى حواليك
مفتكرش انى عاوز ابقى حد من اللى حواليا
بحب اكون نفسى ...........

بيروو كتب:

6-ايه احسن من وجه نظرك الحب ولا الصداقه ؟
اكيد اى انسان بالنسبة له افضل انه يحب ويتحب
وانا من ضمن الناس دى لكن الموضوع ده بيتوقف على حسب العلاقة بين الشخصين
فى ناس مينفعش العلاقة تتطور بينهم لاكتر من صداقة .............
وفى ناس حبوا بعض بجد وعشان كده مينفعش يكملوا اصدقاء..............

بيروو كتب:

-مين مثلك الاعلى
ملقتش واحد عاوز ابقى زيه فى كل حاجة...........
بس ده طبيعى يمكن عشان مفيش انسان مش خالى من العيوب ومفيش حد كامل غير ربنا وسيدنا محمد طبعا
بس انا نفسى اكون فى زكاء بيل جيتس و اخلاق عمرو خالد .



بيروو كتب:

8-سوال دايما بتساله لنفسك ومش لاقيلوا جواب
انا امتى حتغير ؟

شكرا بيروووووووووووووو ومتنسيش العصير اللى وعدتينى بيه اول يوم فى الكلية

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sandrala
دراع المعلم اليمين
دراع المعلم اليمين
avatar

عدد الرسائل : 498
العمر : 25
تاريخ التسجيل : 22/08/2008

مُساهمةموضوع: رد: نوووووووووور محبوس في سجن انح يا انحاويه   الأربعاء فبراير 11, 2009 4:33 pm

ميرسى ليك اوى يا نور على كلامك الجميل دا بس من زوقك وبجد سورى لو كانت اسالتى كلها مش بدور فى محور ثابت تعبتك معايا


بس انا كنت عاوزاه اوضحلك حاجه صغيره اوى
لما سالتك هل صحيح وراء كل رجل عظيم امراءه عظيمه ؟

مكنش قصدى انها شرط تكون مراته لا ممكن تكون ماماته او اخته وزى ما انت قولت ان فى رجال صنعوا تاريخ ومكنوش متجوزين بس اكيد كان ليهم امهاتهم اوا خوتهم ولا ايه رايك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Princess
دراع المعلم اليمين
دراع المعلم اليمين
avatar

عدد الرسائل : 761
العمر : 29
الموقع : "سبحان الله و بحمده"-"سبحان الله العظيم"
تاريخ التسجيل : 23/09/2008

مُساهمةموضوع: رد: نوووووووووور محبوس في سجن انح يا انحاويه   الأربعاء فبراير 11, 2009 5:08 pm

انا لو منك يا نور اهرب
مهو سكوفيلد مش اشجع منك يعني

ايه دا بيسألوك عن جمال مبارك و كده تؤ تؤ اوفر اوفر ..


بالنسبه لشحته المزين دا الراجل اللي اكل ودنه قبل كده .. هههه اسمع اغنية رصيف نمره خمسه و انت تفهم

لو لقيت عيش و حلاوه على الباب .. دول مش مني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الجمعة فبراير 13, 2009 5:40 am

sandrala كتب:
ميرسى ليك اوى يا نور على كلامك الجميل دا بس من زوقك وبجد سورى لو كانت اسالتى كلها مش بدور فى محور ثابت تعبتك معايا

بالعكس والله يا نرفان دى كانت اسئلة جميلة جدا و حلاوتها اساسا انها مكانتش بتدور فى محور ثابت والسؤال ده عجبنى جدا :
sandrala كتب:

3_لو شخص فى خطر وطلب مساعدتك بس انت هتتعرض للموت بنسبه 50%هتعمل ايه؟
بس انا كنت عاوز اعرف انتى حتعملى ايه برضه


sandrala كتب:

بس انا كنت عاوزاه اوضحلك حاجه صغيره اوى
لما سالتك هل صحيح وراء كل رجل عظيم امراءه عظيمه ؟
مكنش قصدى انها شرط تكون مراته لا ممكن تكون ماماته او اخته وزى ما انت قولت ان فى رجال صنعوا تاريخ ومكنوش متجوزين بس اكيد كان ليهم امهاتهم اوا خوتهم ولا ايه رايك

فكرتك وصلتك يا قمر..........
ويمكن برضه لازلت مصمم انه مش شرط عشان يبقى الرجل عظيم لازم يكون فى أمرأة فى حياته ومش معنى كده زى ما قولت انها حتقلل عظمته بالعكس دى ممكن تخليه اقوى واعظم وده بيتحدد على حسب العلاقة اللى بينهم .
ميرسى لتوضيحك يا نرفان وحشوفك فى عيد ميلاد شاهندة اللى جى

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الجمعة فبراير 13, 2009 5:49 am

Princess كتب:
انا لو منك يا نور اهرب
مهو سكوفيلد مش اشجع منك يعني

لا لا طبعا يا اميرة ازاى يعنى سكوفيلد اشجع منى انا ؟
مش ده بتاع منتخب سكة حديد سوهاج؟ lol!


Princess كتب:

ايه دا بيسألوك عن جمال مبارك و كده تؤ تؤ اوفر اوفر ..
مش عارف انا ايه الناس دى يا اميرة
اللى ما فى انحاوى واحد بعتلى محامى Sad



Princess كتب:

لو لقيت عيش و حلاوه على الباب .. دول مش مني
متقلقيش مانا وصلنى الكرنب اللى انتى باعتاه امبارح أكلته على الغدا
وعملى مشاكل كتير lol!

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الجمعة فبراير 13, 2009 7:07 am


1-اهلك فى البيت غصبوك انك تتجوز واحده هما اللى عايزنها وانت رافض ومش عايز تتجوزها
ولو مااتجوزتهاش هتحصل مشكله جااااامده مع اهلك....هتعمل ايه ...ايه هيبقى رد فعلك....
وقولي الاحتمالين في الوقت لو انت كنت فيه مرتبط او لو انت في الوقت ده مكنتش مرتبط


2-بتحب واحده موووت خلاص بقيت بتعشقها
بس للاسف الظروف اللى عندك ما تسمحلكش انك تتجوزها دلوقتى واهلها فى البيت مش هيستنوك..؟؟؟؟ اوصفلي رد فعلك

3-انت قولت في موضوع قبل كده في المنتدي ان الحب من طرف واحد مايبقاش حب وكلامك مظبوط..... انت بقى لوحبيت واحده بس هى ما بتحبكش..
ما تقوليش فى داهيه ومع السلامه.... انا عايزه اعرف نور من جواه هيبقى عامل ازااااى....؟؟؟


4-اشمعني المانيا اللي نفسك تسافر ليها؟؟

5-ايه ردة فعلك لما تقولك حبيبتك ,,, أحبك آه أتجوزك لا ؟

6-بتؤيد الزواج العاطفي ام الزواج التقليدي ؟ وليه ؟

7-هل تعترف بشيء اسمه الصداقه بين الرجل والمرأة ؟

8-لو مثلا صحيت من النوم وملقتش ولا اي حد حواليك ولقيت نفسك في صحراء.. حتعمل ايه؟؟؟؟؟؟

9- لو فرضنا انك شفت واحدة وأعجبت بيها أوى تعمل ايه علشان تحسسها بيك ؟ عايزه أجابه صريحه وواضحه

10- ايه هى المرة اللى حسيت فيها انك عبقرى
والعكس ؟؟؟

11-تعمل ايه لو اترفضت في يوم خطوبتك وانت لابس الحته اللي علي الحبل ومجلجل شعرك وعامل قصه

ورايح بكل الاطه وبعدين اهل العروسه رفضوك وقالو ان انت مش عاجب العروسه


12-مين اللى بتشوف وشه فى الصبح تقول يا نهار نحس ومين اللى بتتفائل بيه الصبح



13-لو آديتـك قلم وورقــه وقلم ..هتكتب ايه وهترسم ايه؟؟

14- لو واحده من زميلاتك فى الجامعه جت جمب ودنك كده وقالتلك انها
معجبه بيك وبتحبك هتعمل ايه..؟؟ واوصف رد فعلا بالظبط

15- كنت خارج مع حبيبتك واخر حلاوه وانسجام وحب حب وعشق عشق وفجأه اخوها جاي من بعيد وبيبص عليكم
حتعمل ايه؟؟؟؟؟؟؟

16- لما انت تكون فى مشكله وانت اللى مظلوم وتتفاجأ ان الكل جاى عليك ومطلعينك غلطان
رغم انك مظلوم يا عينى وبرده مفيش فايده
حكموا عليك ان انت اللى غلطان.....من جواك بتبقى عامل ايه
اوصفلى شعورك....؟؟؟؟؟ بصراحه

17- كل واحد عنده نسبه لا مبالاه انته عندك كام ^%

18-كلمه في مسوده تقولها لماما وبابا

19- امتى تفكر فى الانتقام من شحص ما وايه السبب اللى ممكن يدفعك لكدا ؟؟

20-اوصف لينا يومك بيبقي عامل ازاي من اول ما بتصحي من النوم؟؟

21- هل تؤيد مقولة (العين تعشق قبل القلب) ؟

22-تعمل ايه لو صحيت من النوم وبتدخل علي انح ...وملقتهووووووش نهائي والمنتدي بحححححح
وجيت تدخل علي اميلاتك كلها لقيتها مسروقه؟؟؟؟؟؟؟؟
هتتصرف ازاي وايه ردك فعلك

23- امتى حسيت بالعتمة (بمعنى مش شايف جواك كويس او مش قادر تفهم او تفسر سلوكك لفترة ومش حاسس باى حاجه ولا حاجه لها طعم ) ؟

24-هقولك مجموعه اغاني لمطربين بتحبهم وهما اليسا وتامر وتقولي بتهديهم لمين


انا شكلي هحبك ولا اييه

انتي اللي عملتي لكل شباب الدنيا قلق

اعتذري

الله يباركلي فيك

ارجعلي انا قلبي معاك مش قادر انسي هواك

يابنت الايه

اكتر حاجه بحبها فيكي هو ده

حبيبي وانت بعييييد مشتاق للمسه ايد

اديتك فرصه اخيره

كل مررررره بشوفك فيها

ميحرمنيش منك

مكنتش مبين


اليسااااااااااا بقي

خد بالك عليا دي مش معامله تعاملني بيها

اواخر الشتاء

بستناااااااااك

جوايا ليك احساس بيكبر كل يوم

ذنبي انا ذنبي بهوااااك

عيشالك احلي سنين

لو تعرفووا

ياعاااالم بكره ياحبيبي مخبي لنا ايييييه



25-اكتر حاجه ممكن تدايقك من اصحابك واكتر حاجه ممكن تبسطك منهم ؟

26- لو موبايلك رن ولقيت رقم غريب بيرن عليك ورديت لقيت صوت بنت تحفففه وبتعاكس ؟؟ ياتري هتعمل ايه؟؟

27- لو عرفت انى مت فى يوم من الايام هاتعمل ايه؟

28- انت مؤمن بالمقولة دي... الراجل بميت ست وان جات الست يغور الراجل...
وهل ممكن تبيع صاحبك علشان واحدة

29-
هل ممكن تتجوز واحدة اكبر منك في السن لانك حبيتها

30- ختامه مسك بقي.....اسئل كل حد سئلك من الاعضاء سؤال نفسك تسالهوله

والاعضاء لازم تجاوبك

يالااااااااا علشان تعرف بس ان انا بخليك تاخد بثأرك منهم
وكفايا عليك 30 سؤال النهارده


عدل سابقا من قبل شجره الدر في الجمعة فبراير 13, 2009 10:30 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
journalist safsofa
مشرفة القسم الاسلامي
مشرفة القسم الاسلامي
avatar

عدد الرسائل : 2045
العمر : 29
الموقع : alex
تاريخ التسجيل : 08/11/2008

مُساهمةموضوع: رد: نوووووووووور محبوس في سجن انح يا انحاويه   الجمعة فبراير 13, 2009 9:04 am

ورجعنا تانى شوقى ليك خلانى انسى اى بعاد مابنا واى يوم عدااااا
اولا:الخيانه بالنسبه ليك عبارة عن ايه؟
ايه الاهم الكرامه ولا الحب وليه؟
احسن سنه كانت بالنسبه لك ايه وليه؟
اكتر موقف محرج حصلك فى حياتك وفى المنتدى؟
سماح البرهومى بتقول مستكتر ليه..تقولها لمين؟؟
بتقول نور رحال لاتختبر صبرى ..نور يقلها لمين ؟

نور ممكن تشارك فى منتدى تانى وتبقى فى زى انح؟

ايه رأيك فى شباب جيلنا ده؟

مين اكتر واحد حبيته فى الطبيعه ومحبتهوش فى المتتدى؟
كلمه نفسك تقلها لكل اعضاء المنتدى؟
ايه لون الحياة المناسب ليك ولو حبيت تغيره حيبقى ايه؟

واخيرا قلى ايه اكتر موضوع عجبك فى المنتدى؟؟؟؟؟؟؟
كفايه عليك كده النهارده

_________________
url=http://www.0zz0.com][/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
heba_cool02
دراع المعلم اليمين
دراع المعلم اليمين
avatar

عدد الرسائل : 1012
العمر : 29
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الجمعة فبراير 13, 2009 11:54 am

اية اكتر فيلم بتحبة؟
اية اكتر اغنية بتحبها؟
وانتا صغير كان نفسك تطلع اية؟
نفسك تتجوز وانتا عندك كام سنة؟
بتحب الاغانى النكد ولا الفرح؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 1:20 pm

نووووووووووووووووووووووور

بحذرك لو مجاوبتش بأقسي سرعه ممكنه

فأنا هنززززززززززل 40 سؤال

وبعدين مبحبش اللكاعه دي

احنا في سجن مش في بورتو مارينا

مساجين اخر زمن صحيح

ولقد اذعر من انذر يانوووووووووووور

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
heba_cool02
دراع المعلم اليمين
دراع المعلم اليمين
avatar

عدد الرسائل : 1012
العمر : 29
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 1:32 pm

انا مش عارفة اية المساجين المدلعين اوى كدااااااا
وعقبال ما تاخد افراج كدا واغنيلك (راجع لبيتى وسريرى راجع لقوتى وباشكيرىىىى)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 1:38 pm

عظمه علي عظمه ياست
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Moamen Hassan
المعلم صاحب القهوه
المعلم صاحب القهوه
avatar

عدد الرسائل : 1465
العمر : 32
تاريخ التسجيل : 24/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 3:33 pm



حرام عليكو الواد عصرتوه في السجن

انا طبعا مش محتاج اسأل كل الاسئله اللي في بالي اتسألت
شجره انا شايف انه لازم ياخد افراج بعد ما يجاوب علي اسألتك دي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anna7.ahlamontada.net
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 5:20 pm

شجره الدر كتب:
نووووووووووووووووووووووور

بحذرك لو مجاوبتش بأقسي سرعه ممكنه

فأنا هنززززززززززل 40 سؤال

احنا في سجن مش في بورتو مارينا

مساجين اخر زمن صحيح

ولقد اذعر من انذر يانوووووووووووور


لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لالالالالالالالالالالالالالالالالالالالالا
لا والنبى حجاوب اهو Sad Sad
انا بس كنت مشغول اليومين دول مع لجنة حقوق الانسان اللى جت تزورنى فى السجن
وعلى فكرة بقه انا قلتلهم على كل حاجة وحييجوا يزبطوكم
قلتلهم على قلة الاكل وعلى الضلمة وعلى البنات اللى بتجيبهوملى بليل
وقالولى احنا حنبعت طيارات تقصف السجن عشان اهرب
بس مش عارف ليه قالولى اقرا الفاتحة قبل القصف scratch

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 5:29 pm

Moamen Hassan كتب:


حرام عليكو الواد عصرتوه في السجن

انا طبعا مش محتاج اسأل كل الاسئله اللي في بالي اتسألت
شجره انا شايف انه لازم ياخد افراج بعد ما يجاوب علي اسألتك دي
الحقنى يا صحبى Sad

اساسا لو دورت مش حتلاقى اسالة تانى تتسال اساسا scratch
انا اتسالت فى المنهج كله مع انى فى حاجات مخدنهاش
وانت كنت بتفكر تسال
ابعتلى محامى تانى غير اللى انت بعتهولى ده
جه صلح الحنفيات بتاعت السجن ومشى

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الأحد فبراير 15, 2009 5:31 pm

صوعوبت عليااااااااااااا والله وحاسه الدمعه هتفر من عنتيك يانور




بس بردو هتجاوب يعني هتجاااااااااوب
ولا تأخذكم بهم شفقه ولا رحمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
journalist safsofa
مشرفة القسم الاسلامي
مشرفة القسم الاسلامي
avatar

عدد الرسائل : 2045
العمر : 29
الموقع : alex
تاريخ التسجيل : 08/11/2008

مُساهمةموضوع: رد: نوووووووووور محبوس في سجن انح يا انحاويه   الإثنين فبراير 16, 2009 10:04 am

بصى يا شجرتى برده مردش
جاااااااااوب
انا المحامى اللى شيعنى المعلم من طرف ام زكى

_________________
url=http://www.0zz0.com][/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
heba_cool02
دراع المعلم اليمين
دراع المعلم اليمين
avatar

عدد الرسائل : 1012
العمر : 29
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الإثنين فبراير 16, 2009 10:48 am

انتى المحامىىىىىىى
يبقى ربنا يرحمك يا نوررررررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
salem
القهوجي واللي بيلم الحساب
القهوجي واللي بيلم الحساب
avatar

عدد الرسائل : 60
العمر : 30
الموقع : اسكندريه
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الإثنين فبراير 16, 2009 1:14 pm

ايييييييييييييييييييييييييييييييييييييييه ياصاحبى شد حيلك السجن للرجاله وانتا قدها وقدود


بس والله منور السجن


وانا هسألك سؤال واحد بس وهو ايه هى اكتر حاجه حسيت بقيمتها وزعلت عليها اوى لما ضاعت منك؟







ومتقلقش انا هوصى شجره الدر انها تخفف عنك السجن وتجبلك دى فى دى فى الزنزانه عشان تتسلى بليل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: نوووووووووور محبوس في سجن انح يا انحاويه   الإثنين فبراير 16, 2009 3:16 pm

ههههههههه اه والله ياصافي عندك حق

احنا نجيب له ام ذكي بنفسها ترسم علي نور طقم الحنيه بتاع كل واحد تقابله

وانا واثقه انها هي دي اللي هتجيب معاه نتيجه

----
وقولو والنبي يا سالم يجااااااوب

بقاله 4 ايام مغلبني ومش عاوز يجاوب

وانت دلوقتي تقولي ديفيدي

انا شكلي هعصره ينزل مساجين صغيريييييييين

لغيت دلوقتي بتبع معاه سياسيه نانسي عجرم بتاعه يا طبطب يادلع

ومش عاوزه اتبع معاه سياسه العصا والجذره

لانه عااااااارف انا ممكن اعمل ايييييه لو مجاوبش

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: نوووووووووور محبوس في سجن انح يا انحاويه   الإثنين فبراير 16, 2009 7:36 pm

شجره الدر كتب:

بس بردو هتجاوب يعني هتجاااااااااوب
ولا تأخذكم بهم شفقه ولا رحمه
لاتأخذكم بهم شفقة ولا رحمة مين بس يا شجرة Sad
هو انا من كفار قريش
تاخديش صرة من الدنانير وتفرجى عنى بقه
بقولك ايه انا حبدأ بأسئلة عبير واسئلة هبة الاول وانتى حخليكى فى الاخر Razz Razz

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نوووووووووور محبوس في سجن انح يا انحاويه
الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: افتكسااااااات انح-
انتقل الى: