طبعا شجره الدر و الالئ معودانا على المواضيع التحفه دي
بس ده مايمنعش اني اشكرها و اعزمها على واحد كابتشينو و بسكويت
بصي يا شيكو
انا شايفه ان الحب ده _اجمل شيئ ممكن "يصادف" الانسان _ و لكن.....
ليه لا الحب ده ييجي مع جواز الصالونات؟؟
هو يعني ايه جواز صالونات اساسا؟؟
انا مش هتكلم من ناحيه دينيه بحته-عشان اخاف اغلط في معلومه او شيئ..وساعتها اكون كده عملت كارثه.. من قال لا اعرف فقد افتى_
و لكن احنا ليه دايما مفكرين ان جواز الصالونات ما هو الا فكره متخلفه تعبر عن اللا مواكبه للعصر و الانفتاح..
يعني بنفكر انه عباره عن نظام خاطبه.. انا عندي عروسه و انتي عندك عريس.. اوكش يللا نروح نتقدم و نقعد معاهم في الصالون و يا جت يا مجاتش بأه ..والله ما في غير كده.. هستنى شششششششششش طفوا الاغنيه دي
احم .. نرجع لموضوعنا
سيستم الصالونات اللي انا بشجعه هو وجود" اهل" الطرفين طبعا... و ترك فرصه للنقاش و الحوار بين العروره و العرير .. و لو وجد "قبول" و " ارتياح" كان بها...
و دا طبعا مش جلسه واحده و يسألوها بأه : هاا في قبول؟ لانها اساسي مش من اول مره ولا اول انطباع هو اللي بيبقى صح دايما.. يعني "بدون ضغط"
و بكده نكون حلينا مشكلة :
1-فكرة عدم وجود الحب... لان طالما فيه ارتياح و قبول.. اكيد بيتطور التطور الطبيعي موده و رحمه و سكينه و تعود و معزه
2- كسرنا حته ان ممكن حد يحب حد مش مناسب له -ايا كان بأه على المستوى الفكري المادي .. -
مع ملاحظه ان الاهل بشر برضه يعني مش معفيين من الخطأ.. و لكن بنسبه كبيره حنتفادى الوقوع في الخطأ ده
-و خلينا عارفين ان مفيش حد بيتجوز غصب عنه
-و مفيش حد بيتجوز مرات حد تاني
دا حتى على رأي المثل.. الفرخه كلت بيضها