ازاي تبقي خنيق

الموضوع ده طبعا مش عشان تبقي غلس
لا
ده عشان تبقي مش غلس لو انت بتغلس

ولو انت مش غلس تعرف مين بيغلس عليك


· قول نكته طويلة و لما تيجى عند آخر سطر - وهو السطر المهم اللى فى الأفيه - أعمل نفسك نسيته ، لو حد غلس عليك قوله " كانت نكته جامده بس الظاهر أنى نسيتها " .


· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

· لما حد يشكي لك من حاجة قوله أنا عندى مشاكل أكتر منك !! .
خدوا بالكوا من اللي فاتت ده اوي

· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له
" ممكن الطحينه بتاعتك ثوانى ؟.

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قوله " أتجوزت ؟! " هيقول : أه الشهر اللى فات ، قوله " الشهر اللى فات ؟! " و هكذا .

· و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .

· بعد عشر دقايق كرر نفس الحركه تانى .

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

· و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر .

· طول ما انت قاعد مع زمايلك فى الشغل ، شغل موسيقى نشيد بلادى ، و صدقنى هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى !!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

· كل ما حد يقولك حاجة قوله " هاها ... كل الناس فاكره زيك بالظبط " !!! .

· وانت قاعد مع ناس و قدامك كمبيوتر تخيل الماوس عدة تليفون ... و أتكلم فيها كل كل شويه بصوت عالى ... " ألو ... أيوا " .

· علق فانوس كبير فى الشارع و فروع ورق زينة ، بشرط مايكونش في رمضان .

· أتكلم مع الناس بصوت الريبورت ( الانسان الآلى ) !!! .

· أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

· و أنت في المول ، ماتمشيش عادى ، لأ ... أفضل نط لحد ماتوصل للمكان اللى أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف منك برضه و هو المطلوب .

· في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا !!! .

· أعزم ناس في حفلات ناس تانيه " عيد ميلاد أو فرح او خطوبه ... " .

· هات علبه مناديل ورق و انت داخل السنيما و طول ما انت قاعد أفضل نف ، و على فكره أنت كده تعتبر بترزل على نفسك علشان كده انت كمان مش هاتسمع الفيلم !!! .

· سيب أشارة العربية الشمال شغاله لمدة 5 كيلو من غير ماتلف ... و بعدين أطفيها فجأة و كمل علطول !!! .


· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .

· ألعب فى ألوان التليفزيون لحد ماتبقى كل الناس لونها بنفسجي ، و أعزم أصحابك يتفرجوا عالماتش عندك ... و لو حد اعترض ، قوله " أنا شايف أن دا لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم الحج ايه الرزاله دى .

· و أنت ماشى في حته كل ماتقابلك حاجة طبل عليها !!! .


· غير قناة التلفزيون قبل نهاية الفيلم و أو الماتش ب5 دقايق .

· أضحك لواحدة ماتعرفهاش في الشارع و قولها بصوت عالى صباح الخير ... عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن تكون شافت الموضوع ده

اكبر رزاله بقي مش انا اللي عامل الموضوع ده

يا ساتر يا رب
الله العنى عنك المواضيع الغريبه دى


انا عمرى ما كنت خنيقه اصلا
ونايس توبيك يا كومندا

ههههههههههه

خنيق خنيق يعنى
ميرسى يا كوماندا بس متبقاش تتخنق لما اعمل الحركات دى فيك

لا اعمليها والنبى يا حنان
عشان ميكتبش مواضيع كده تانى للمنتتدى يلقط ولا حاجه ويبقى فى حد خنيق

ههههههههههههههههههههه
ايه الرزله دى انا لوشفت حد كده

بنت الحارس كتب:

ههههههههههه

خنيق خنيق يعنى
ميرسى يا كوماندا بس متبقاش تتخنق لما اعمل الحركات دى فيك

حنان هنا كمان

ومالة تعمليها فيا انا معتقدش لانك عرفانى انا مفيش رحمة بالطوبة واضرررررب
واعمليها براحتك انا مش حتخنق

هههههههههههههه
جامدين موووووووووت ياكوماندا
بس انا لو حد عمل معايا موقف بس من دول انا هموته علي طول
لانها غلاسه غلاسه يعني