قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 تتجــــــــــــوزيـــــني ؟!

اذهب الى الأسفل 
كاتب الموضوعرسالة
chester
دراع المعلم اليمين
دراع المعلم اليمين
avatar

عدد الرسائل : 652
العمر : 27
تاريخ التسجيل : 11/02/2009

مُساهمةموضوع: تتجــــــــــــوزيـــــني ؟!   الأربعاء مارس 11, 2009 2:12 am

يا ريـــــــت تكملوها لآخرهااااااصدقوني جامده جدااااااااااااا

تتجوزيني ؟!

أفندم ؟
بقولك تتجوزيني ؟ لأ
ليــه ؟ بصراحه كده شكلك مش عاجبني
ازاي يعني ؟
يعني ..... أصل انا ليا مواصفات معينه لفارس أحلامي..
مواصفات معينه ؟ .... هو انتي هتتجوزي عربيه ؟
لأ ! ........بصراحه كده أنت مش فارس أحلامي اللي بتمناه

********************************************

تتجوزيني ؟
أيه ده ؟ شكلك اتغير
ايه رايك ؟
واو .......شعرك بقي ناعم ! ..... دي باروكه ؟
ايوه
ودي عدسات خضراء؟
أيوه
واو ! انت بجد ........ بقيت وسيم ....واو ! ده انت بقيت شبه نيكولاس كيج
مين عباس كيج ده ؟
عباس !!!! ياي ...... ايه عباس دي ؟ اسمه نيكولاس ....
مين نيكولاس ده ؟
بقي مالكش في السينما وجاي تكلمني ؟ ياي ....!
*****************************************

تتجوزيني ؟

انت لسه ليك عين تكلمني ؟
ايوه .... انا عرفت مين بنكرياس كيج ده
أولاً : اسمه نيكولاس كيج
ايوه ايوه .... كنت هقول اسمه صح ... بس اختصرته ..ده ممثل امريكاوي ....
أمريكاوي ؟!....... اخييي ......اسمه امريكاني يا بابا
ما تبقاش دونكي
دونكي دي تبقي شتيمه ؟
اوف كورس
*************************************

تتجوزيني ؟

عندك عربيه موديل كام ؟
موديل دي تبقي شتيمه !!!!!
*********************************

تتجوزيني ؟

قوللي الاول ......حاطط انهي نغمه ف الموبيل بتاعك ؟
نغمه دي تبقي شتيمه !!!
*****************************

تتجوزيني ؟

ما قلتليش ....انت بشتغل ايه ؟
أنا - بلا فخر - عاطل
عاطل ! ..ياي
مش احسن من اللي ما بيشتغلش ؟
لا
يعني مش هتتجوزيني ؟
لا
كده انا ازعل !!!!!
ما تزعلش يا بابا ............... خليك فريش
ماشي ماشي ...بس قوليلي ؟
ايه ؟
فريش دي تبقي شتيمه ؟؟؟؟؟
*******************************

تتجوزيني ؟

لقيت شغل ؟
ايوه طبعااا... سنتين وانا بدور ........ واخيرا لقيت
أيه هو ؟
سواق تاكسي
ياي ! .....مش مكسوف وانت بتقولها ؟
فيها ايه العمل شرف ...وكلها كام سنه واجمع مبلغ كويس
شرف ؟ جتك القرف
*********************

تتجوزيني ؟

جمعت مبلغ كويس ؟
طبعاااا .... مبلغ اد ايه ؟
الف جنيه !
نعم !!!!!!!!!..... الف جنيه دول تسرح بيهم ببطاطا
يعني موافقه ؟ روح اتنيل
*********

تتجوزيني ؟
عندك شقه ؟
طبعاا ... اوضه علي السطوح
نعم ؟
أيه المشكله احسن ما ننام ف الشارع
في الشارع ؟! .......ايه الالفاظ السوقيه دي ! ......ياي
لازم يا بابا تجيب شقه
امم طيب .......كلها كام سنه واجيبلك احسن شقه ف الدنيا
وهتجيبها ف جاردن سيتي ولا الزمالك ؟
لا في الاهلي ............... ههع ههع هع هع هع هع هع هع
************************************
بعد سنواااااااااات

تتجوزيني ؟

جبت الشقه ؟
ايوه ........ الحكومه بتبني شقق للشباب وانا خدت شقه ...صحيح انها اتاخرت سبع سنين
لكن المهم انها جت
فانتاستيك
بس الشقه ناقصها حاجه !
ايه هيا ؟؟؟؟
مفيهاش حمام
امشي من قدامي !............. مش طايقاك
***************************************

تتجوزيني ؟

انت تاني ؟
جبتلك حمام انما ايه ؟
خليه ينفعك !!!
ليه بس ؟......ده ينفع لينا احنا الاتنين
وانا مالي ؟
مش عاجبك .......مش مشكله ....اكتبه باسمك !!!
***************************************

بعد سنيــــــــــن
.......


هتتجوزيني ولا اولع فيكي ؟
ومالك محروق اوي كده ليه ؟
حكايتنا طولت اوي ..... اكتر من اللازم
اوكي ....... بس ممكن اعرف حاجه ؟
ايه ؟
انتي ليه متمسك بيا اوي كده ؟
أصل ....أصل
أصل انا بُحبك
بحُبك ................ايه بُحبك دي ....اسمهاا بَحبك
وبعدين خليك روش واقول
i love you
ماشي ..... بس قوليلي
نعم ؟
روش دي تبقي شتيمه ؟
************************


تتجوزيني ؟

بصراحه ..............زفي حاجه كنت عايزه اقولهالك من زمااان
أيه ؟
انا بصراحه مش شايفه ان حد يستاهلني !
يا سلام ؟ ليه !!!!!!!
علشان انا جميله ............. خفيفه الدم ......... رقيقه .. ورشيقه
رقيقه ؟ ده انتي بداتي تقشفي
فشر
فوقي لنفسك .....................العمر بيجري
أنا مصره علي رأيي
يعني ايه ؟
يعني اقطع معايا !
بعد كل السنين دي .....بعد كل الحب ده ؟
بلاش تراجيديا من فضلك
ماشي .......بس قبل ما امشي عايز اسألك علي سؤال واحد ؟
تراجيديا دي تبقي شتيمه ؟
***********************************************

بعد سنوااااااااات
........
تتجوشيني؟

ايه؟
تتجوشييييييييني؟
انت مين ؟
انا حبيبك يا هبله ؟ ....البشي النضاره علشان تشوفيني !!!
طيب شاعدني علشان الاقي النضاره ؟
اهي علي التربيزه قدامك
فين ؟
لا دي نضارتي انا
ايوه لقيتها
البشيها بقي
طييييب
عينيكي فوق شويه ده بقك
طب لبشها لي انت
عقبال ما البشك الدبله
ما تكشفنيش ...... كنت بتقول ايه ؟
كنت بقول تتجوشيييييني ؟
اكوشك ....ازاي ؟
يا وليه مش تكوشيني ........تـــــ... تــــــــ...جــــ.....و ..........شــــــ .....يـــ ....نــــ ......ي؟
دي شتيمه ؟
لااااااااء بقولك تتجوشيني ؟
اه ؟... اجوشك؟
بالظبط هااه ؟
شيبني افكر !!!!
اشيبك تفكري ؟ ...ده انتي هتموتي خلاش !
لا .. شيبني افكر
ربنا يوفقك
ايه ؟
ربنا يوفقك
بتقول ايه ؟
ربناا ياخدك
****************************

علي فراش الموت

كوح ......... كوح ...كوح ...........كوح كاح كيح
تتكوشـــ .....كوح كوح ....... ـيني ؟
مش شامعه ؟
بــ ..اقولك كوح كوح .................. تتجوشـــــ ...... كوح كاح .... ـيني ؟
اتجوش مين ؟
هـ .. و.. ه .. كووح كوح كاح .. هوه إنتي .. كوح كوح .. معرفتيـش .. كوح كوح كيح .. ميـ .. كوح .. مين ؟
إيه ؟
لا .. كوح .. أبدًا .. كوح .. كنت … كح كح .. بأكح
كنت بتكح ؟!!!! .. شلامتك .. ما قلتليش ليه ؟
هو .. كوح .. إنتي .. لشة .. عارفـ .. ـة .. كوح كوح
بتقول ايه ؟
يا .. ولية .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟
أجوشك ؟!! .. طب بش خد الدوا الأول
يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟
أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !!
كوح كوح كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع ـ يا حاج .. يا حاج
يا حاااااااااج affraid




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Moamen Hassan
المعلم صاحب القهوه
المعلم صاحب القهوه
avatar

عدد الرسائل : 1465
العمر : 31
تاريخ التسجيل : 24/07/2008

مُساهمةموضوع: رد: تتجــــــــــــوزيـــــني ؟!   الأربعاء مارس 11, 2009 2:15 pm

****************************

علي فراش الموت

كوح ......... كوح ...كوح ...........كوح كاح كيح
تتكوشـــ .....كوح كوح ....... ـيني ؟
مش شامعه ؟
بــ ..اقولك كوح كوح .................. تتجوشـــــ ...... كوح كاح .... ـيني ؟
اتجوش مين ؟
هـ .. و.. ه .. كووح كوح كاح .. هوه إنتي .. كوح كوح .. معرفتيـش .. كوح كوح كيح .. ميـ .. كوح .. مين ؟
إيه ؟
لا .. كوح .. أبدًا .. كوح .. كنت … كح كح .. بأكح
كنت بتكح ؟!!!! .. شلامتك .. ما قلتليش ليه ؟
هو .. كوح .. إنتي .. لشة .. عارفـ .. ـة .. كوح كوح
بتقول ايه ؟
يا .. ولية .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟
أجوشك ؟!! .. طب بش خد الدوا الأول
يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟
أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !!
كوح كوح كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع ـ يا حاج .. يا حاج
يا حاااااااااج




هههههههههههههههههههههههههه


لا نهايه سعيده بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anna7.ahlamontada.net
عاشقه الغروب
دراع المعلم اليمين
دراع المعلم اليمين
avatar

عدد الرسائل : 265
العمر : 25
تاريخ التسجيل : 02/02/2009

مُساهمةموضوع: رد: تتجــــــــــــوزيـــــني ؟!   الخميس مارس 12, 2009 2:15 pm

هههههههههههههه ايه ده يا شيستر النهايه السعيده دىىىىىىىىى على العموم مبروك بجد لذيذه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
journalist safsofa
مشرفة القسم الاسلامي
مشرفة القسم الاسلامي
avatar

عدد الرسائل : 2045
العمر : 28
الموقع : alex
تاريخ التسجيل : 08/11/2008

مُساهمةموضوع: رد: تتجــــــــــــوزيـــــني ؟!   الخميس مارس 12, 2009 2:37 pm

لولولولولولولولوللىىىىىىىىىىىىىى


بقلك ايه عارف انا شكلى كده حروح اجيب الماذون عشان بجد صعبه عليا

_________________
url=http://www.0zz0.com][/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tito
صوباع المعلم اليمين
avatar

عدد الرسائل : 65
العمر : 29
تاريخ التسجيل : 02/03/2009

مُساهمةموضوع: رد: تتجــــــــــــوزيـــــني ؟!   الجمعة مارس 13, 2009 11:06 am

جامده
بس الله معك انا لو قللتلي لا استحاله ارجعلها
دانا تعبت من القرايه امال اعمل ايه معاها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
chester
دراع المعلم اليمين
دراع المعلم اليمين
avatar

عدد الرسائل : 652
العمر : 27
تاريخ التسجيل : 11/02/2009

مُساهمةموضوع: رد: تتجــــــــــــوزيـــــني ؟!   الجمعة مارس 13, 2009 8:11 pm

و أنا تعبت ف كتابتها ههههههههههههههههههههه
بس عايزين نفرح بيهم ابعتي جيبي المأذون بسرعه يا سوسو قبل ما تغير رأيهاااااااااااااا
حاج يا حاج affraid
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
terey
رومانسي القهوة
رومانسي القهوة
avatar

عدد الرسائل : 994
العمر : 25
تاريخ التسجيل : 02/09/2008

مُساهمةموضوع: رد: تتجــــــــــــوزيـــــني ؟!   الخميس أبريل 09, 2009 7:15 am

طيب انا معشوم فى الفرح

ولا هيكون فى الترب

_________________

عاشــــــــ الرومنسية و الجمال ــــــــق


وبموووت فى منتدى انح
وبحب ازوغ من الحساب


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
chester
دراع المعلم اليمين
دراع المعلم اليمين
avatar

عدد الرسائل : 652
العمر : 27
تاريخ التسجيل : 11/02/2009

مُساهمةموضوع: رد: تتجــــــــــــوزيـــــني ؟!   الجمعة أبريل 10, 2009 6:36 pm

لا يا خبيبي الفرخ كله منور بيك
ده انا ناوي اجل الفرح شهرين علشان اعملكم اوبن بوفيه ايه رأيكم علي ما يكونوا استريحوا في قبرهم كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MARMAR
دراع المعلم اليمين
دراع المعلم اليمين
avatar

عدد الرسائل : 150
العمر : 26
الموقع : الاسكندريه
تاريخ التسجيل : 07/02/2009

مُساهمةموضوع: رد: تتجــــــــــــوزيـــــني ؟!   الثلاثاء أغسطس 11, 2009 7:02 am

انا رايى تجيبولهم بدل الشربات اتنين جلكوز

بس بجد نيس التوبيك اوى وميرسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mony
صوباع المعلم اليمين
avatar

عدد الرسائل : 82
العمر : 22
الموقع : الا سكندرية
تاريخ التسجيل : 13/03/2009

مُساهمةموضوع: رد: تتجــــــــــــوزيـــــني ؟!   الثلاثاء أغسطس 11, 2009 3:02 pm

ولله جميله اوى وكمان اوعوا تنسو ا تنسوني فى الفرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تتجــــــــــــوزيـــــني ؟!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: افتكسااااااات انح-
انتقل الى: