أيمن بهجت قمر :أقسم بالله ماشفتش Beautiful mind إلا بعد عرض آسف على الإزعاج
04/08/2008
كان الشاعر الغنائى الشاب أيمن بهجت قمر ضيفاً على برنامج 90 دقيقة ، بمناسبة النجاح الذى حققه فيلم آسف على الازعاج الذى قام بتأليفه فى ثالث عمل سينمائى بعد فيلمى بحبك وانا كمان لسمية الخشاب ومصطفى قمر وعندليب الدقى ، إلا أن أيمن بدأ الحوار بالتأكيد على أن فرحته بنجاح الفيلم أفسدها الاتهامات التى وجهت اليه بأنه نقل الفيلم من آخر أمريكى .
قال أيمن : قيل ان فيلم اسف على الازعاج مسروق من عدة افلام اهمها " Beautiful mind " ،بطولة راسل كرو هى افلام بطلها مريض نفسى وناقشت نفس المشكلة أو المرض ،وطبيعى تلاقى شبه لكن أقسم بالله العظيم أنا لم أر هذا الفيلم الا بعد عرض الفيلم بتاعى ،ودى حاجة أفسدت فرحتى بالفيلم ، هات لى مشاهد متطابقة أو تفاصيل متطابقة .
أضاف أيمن :أنا اتعلمت من والدى ومن العظماء والاساتذة الكبار ، حسين السيد عمل أعانى لعبد الوهاب وعمل كوتوموتو ياحلوة يابطة ، والصح انى أعمل كل الالوان .
سأله معتز : تتر المسلسل بتعمله إزاى ؟
قال : أحانل مش باقرا المسلسل ، فيه حاجات باعملها علشان عايز فلوس ، بيكون مسلسل عارفين إنه أى كلام أو مش قد كده ، بيقولولى إعمل لنا حاجة عن الخير والشر مثلاً أو عن الظلم وباعملها من عير ما اقرا السيناريو ، وفيه أعمال باستمتع لما أقراها زى مسلسل حمادة عزو ، حسيت من بين سطور يوسف معاطى اننا ناس عايشين على الامجاد ومش بنعمل حاجة ، وبرضه فى سكة الهلالى كان بين السطور كلام عن الحياة السياسية فى مصر .
** مفردات اللغة عندك وعند جيلم فيها جرأة ، إيه أنتخ دى ؟
- الجرأة فى كل زمان بس لغة زمان غير دلوقت واللفظ المهم هو استخدامه فى مكانه مادام له مضمون .
** ردك على الكلام اللى بيتقال عن انهيار اللغة وانكم السبب؟
- الكلام ده بيتكرر فى كل عصر وزمان كنت هتلاقى بتاع الخمسينات لا يقتنع بكلام السبعينات وده سبب غرابة الكلام على الجيل ده .
موضوع: أيمن بهجت قمر :أقسم بالله ماشفتش Beautiful mind إلا بعد عرض آسف على الإزعاج 
الجمعة أغسطس 08, 2008 10:36 am
