قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ازاى تخلى حد يحبك

اذهب الى الأسفل 
كاتب الموضوعرسالة
amrmoonlight
دراع المعلم اليمين
دراع المعلم اليمين
avatar

عدد الرسائل : 110
العمر : 29
تاريخ التسجيل : 28/01/2009

مُساهمةموضوع: ازاى تخلى حد يحبك   الجمعة أبريل 03, 2009 12:32 pm

عنوان غريب
دايما بنكتب عن ازاى تخلى حد يحبك ، او ازاى تعرف لو حد بيحبك
بس الموضوع ده مختلف شويه
الموضوع ده هيقولك ازاى تحب حد لو انت عندك مشاكل فى حبه ، حتى لو كان جارحك
وحتى لو كان الحد ده مش بيحبك.. لسه فى حاجات تقدر تعملها عشان تحبه
وهتبان ليك الحاجات دى وانت بتقرا الموضوع

دلوقتى هديك مثال عشان الموضوع يبقى واضح اكتر
تخيل لو انت متجوز والطرف التانى بيحبك جدا ، بس انت حبك ليه ابتدى يقل ، فى الحالة
ده انت محتاج حاجه ترجعلك الحب ده عشان تنقذ العلاقة قبل ما تنهار.. صح؟
هو ده بالظبط اللى هنتكلم عنه فى الموضوع بتاعنا..
ازاى تحب حد انت مش قادر تحبه.




اقنع نفسك انك بتحب الشخص ده

اول خطوة تعملها عشان تحب حد انك تقنع نفسك ان انت فعلا بتحبه
عقلك الباطن هيبتدى يكون اعتقاد جديد ويصدقك لو فضلت تكررها عليه
بس مش معنى كده انك هتفضل طول الوقت تقول انا بحبه.. انا بحبه..
لازم تعمل حاجه اقوى تقنع اللاوعى بتاعك بالحب ده
يعنى مثلا تروح للشخص ده وتقوله انا بحبك
وانت بتقولها ليه هتبقى فى الحقيقه بتقولها لنفسك..بس تأثيرها أقوى لما تسمعها وانت بتقولهاله عن لما تقولها بينك وبين نفسك.
وكل ما تقولها ليه اكتر ، كل ما هيزيد اقتناعك انت شخصيا بالحقيقه دى.




طب لو أنت أصلا بتكرهه ؟

تكرار الكلمة مش هيساعد لو الحقيقه اللى انت عايز تقنع بيها عقلك الباطن ، بتعارضها حقيقة تانيه لاوعيك مقتنع بيها ( وهى انك بتكرهه )
عشان كده لازم الاول نعمل عملية حذف للحقيقة الاولانيه او بمعنى تانى نشيل حقيقة انك بتكرهه من عقلك الباطن ، قبل ما نبدأ نقنعه انك بتحبه.

الكره : الكره عاطفه بيستخدمها عقلك الباطن عشان يحميك من أنك تقرب للاشخاص اللى بيمثلوا خطر على حالتك النفسيه ، على عيشتك عيشه جيده.
وهتلاقى نفسك دايما بتبتدى تكره لما تكون فى موقع الشخص الاضعف.
بتكره الاشخاص اللى بيستغلوك ، بيستغلو ضعفك ، بتكره اللى بيجرحوك ، وبتكره الاشخاص اللى بيمثلوا تهديد بالنسبالك.

طيب دلوقتى لما تبص للكره من الناحيه دى ، هتلاقى ان الشخص اللى لازم يتغير هو انت ، مش الشخص التانى.
لو علمت نفسك انك تتكيف وتقدر تتعامل مع الناس حتى لو كانوا مش كاملين ، مش 100% كويسين ، هتلاقى فى النهاية انك مش بتكره اى حد.
حاجة تانيه هتساعدك عشان متكرهش ، دايما بص للنية الحقيقه اللى خلت الشخص يتصرف التصرف اللى ضايقك ، و متبصش للتصرف نفسه وتحكم عليه منه.
بمعنى تانى ركز على الدوافع مش على التصرفات. وخلى نظرتك للموقف نظرة عميقة مش سطحية.
بالطريقة دى هتكتشف ان فى ناس كتير مش بتقصد فعلا الإساءة أو الضرر، حتى لو كانوا بيسيئوا ليك وبيأذوك بالفعل.
ناس تانيه بتبان وحشه وهى فى الحقيقه تصرفتها مبنيه على الخوف او نقص فى الثقه بالنفس.
طيب يبقى متبصش للناس نظرة سطحيه ، وخلى نظرتك عميقة ، هتكتشف ان ناس كتير متستحقش الكره اللى انت حسه من نحيتهم.




تخيل نفسك معاه

لما تكون عايز تنسى او تتجاوز شعور الحب ناحية شخص معين اكبر غلط ممكن تقع فيه
انك تتخيل انك معاه فى مواقف واحداث مختلفه..
على العكس تماما لما تكون عايز تحب حد ، لازم تتخيل نفسك معاه ، وتفكر دايما انه معاك فى كل مكان...
بكده هتقوى فكرة انك عايز تكون معاه وهتأكدها لعقلك الباطن.




اقضى معاه اكبر وقت ممكن

متتجنبش الشخص اللى بتحاول انك تحبه بالعكس اقضى اكبر وقت معاه ،
قربك ليه مش بس هيزود الالفه والموده بينكم ،
ده كمان بيقوى الاعتقاد فى عقلك ان انت بتحبه.

فى كل مره بتقابله فيها بتبعت لعقلك الباطن رسالة قوية بتقوله
ان الفرصه موجوده ليك مع الشخص ده ، وانكم ممكن فى يوم من الايام تكونوا لبعض.



طب لو جربت كل اللى فات ده وبرضو مش قادر تحبه


فى الحالة دى هتسأل نفسك شوية اسألة
بس لازم الاول تبعد مشاعرك تماما وتتأكد انك هتسأل وترد بعقلك بس..

صفيت عقلك وبعدت مشاعرك خالص ؟؟
اسأل نفسك بقى الاسئلة دى:

1- هل انا بحاول احبه عشان حاسس بالذنب نحيته ؟؟
( طبعا ده فى حالة انه يكون بيحبك وانت مش بتبادله الحب ده )

2- هل الشخص ده مناسب ليا؟ هل فى تكافوء بينى وبينه فى القيم والمستوى؟

3- طب لو انا حبيته مستقبلنا هيبقى ازاى؟ هل هننجح مع بعض؟

4- هل علاقتى بيه هتخلى حياتى افضل ولا هتنزلنى للأسوأ؟

بعد ما سألت نفسك ،، لو لاقيت انك كنت بتحاول تحبه عشان حاسس بالذنب
او اى دافع تانى غير الحب بجد
يبقى من الاول انت غلطت فى محاولاتك انك تحبه
وفى الحاله دى احسن حل ليه وليك انك تعتبره مجرد صديق.



لا تأسفن على غدر الزمان لطالما رقصت على جثث الأسود كلاب
فلاتحسبن برقصها تعلو اسيادها..تبقى الأسود أسودا والكلاب كلابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
chester
دراع المعلم اليمين
دراع المعلم اليمين
avatar

عدد الرسائل : 652
العمر : 27
تاريخ التسجيل : 11/02/2009

مُساهمةموضوع: رد: ازاى تخلى حد يحبك   السبت أبريل 04, 2009 9:28 pm

طب يا عموره ولو انت متأكد انك بتحبه ومش بتشوف غيره ف حياتك ومش قادر تسامحه تعمل ايه
ولو انت بتاخد الامور بشكل عميق ومش سطحي وده بيبعدك عنه
ولو عقلك الباطن عايزه بشده وانت مش قادر تسمع صدي صوت نفسك وبتحارب نفسك
وتعمل ايه اذا كنت متأكد ان هو ده اللي كان في خيالك وهو ده اللي هتقدر تعيش وتكمل معاه عمرك ومش هتقدر في يوم تسامحه
ايه الحـــــــــــــــــــــــــل ؟
مع العلم ان عمرك ما هتتنازل عن كرامتك ولا هيجي يوم هتطلب منه انه يرجعلك
والنبي قولي ايه الحل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amrmoonlight
دراع المعلم اليمين
دراع المعلم اليمين
avatar

عدد الرسائل : 110
العمر : 29
تاريخ التسجيل : 28/01/2009

مُساهمةموضوع: رد: ازاى تخلى حد يحبك   الثلاثاء أبريل 28, 2009 11:50 am

الاول بجد انا اسف انى مش متابع بس بجد غصب عنى
المهم بص يا شيستر اللى بيحب حد بجد صدقنى مش بيفتكرله غير الحلو بس
وطالما انت بتقول هو دا اللى فى خيالك وكمان متناسب معاك
يبقى لازم تتنازل شويه حتى لو على حساب كرامتك
لان الخب ساعات بيطرنا اننى نتخلى عن كرمتنا شويه ودا مش حاجه وحشه ولا ضعف من الانسان
ولا تتسمى بمعنى انك معندكش كرامه
هى فى الحقيقه تنازل وتضحيه وصدقنى لو انت بتحب الشخص دا وهو بيحبك
يبقى لا داعى انك تبعد عنه لان اللى يلاقى فى زمنا دا حد يبحبه لازم يتمسك بيه
لان دا كنز مفقود ويا ريت تكون فهمتنى ولازم تتنازل شويه يا قمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاى تخلى حد يحبك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: انا رومانسي-
انتقل الى: