قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 كلمات البوم ((عبد الفتاح الجرينى))عايش حياته...

اذهب الى الأسفل 
كاتب الموضوعرسالة
journalist safsofa
مشرفة القسم الاسلامي
مشرفة القسم الاسلامي
avatar

عدد الرسائل : 2045
العمر : 28
الموقع : alex
تاريخ التسجيل : 08/11/2008

مُساهمةموضوع: كلمات البوم ((عبد الفتاح الجرينى))عايش حياته...   الثلاثاء يوليو 07, 2009 4:17 am

afro afro afro afro afro afro afro afro afro afro




كلمات البوم عبد الفتاح الجريني - عايش حياته 2009


هتجننينى

هتجننينى دى كلمة عادية ما انا قربت خلاص انهار
واللى ايديه ياحبيبى فى المية مش زى اللى ايديه فى النار
اصل انا بصراحة كده جبت معاك اخرى
ودة مش من دلوقتى ده من بدرى
انا فى الدنيا مشفتش عمرى بس اللى انا شوفته انا فى هواك
وقت الجد الاقيك تيجى وتهرج
لما بقولك مشتقلك تضحك
هو غرامى كده بقى نكتة تضحك للدرجة دى وجايبة معاك

هتعب قلبى انا ليه فى محايلة وانت مبيحوقش معاك
قسمتى وخلاص طلعت مايلة يبقى اشترى نفسى وانساك
دايما مشغول عنى وده العادى
ولما بقابلك تعمل مش فاضى ولامتى انا بالحال ده اانا هفضل راضى
اسمنا بس اتنين حبيبن ده الكلمة الحلوة بتستكترها ولما بقولك حاجة تعمل غيرها
وحياتنا انا وانت مقضينها اجى شمال تيجى انت يمين

لو اعرف

لو اعرف كده مالاول اللى هيجرالى معاك
مكنتش يوم حنيتلك وملت فى يوم لهواك
سحرك مقدرش عليه رمشك جراح كده ليه
حبيتك واعمل ايه وازاى عنك هتحول
كان وعدى معاك حاجة تانية
نتعاون سوا عالدنيا واتغير كله فى ثانية ولقتنى بضيع فى هواك

معرفش انا ليه صدقتك وازاى خدعتنى عنيك
اتاريك بتضيع وقتك ولا مرة صعبت عليك
سحرك مقدرش عليه رمشك جراح كده ليه
حبيتك واعمل ايه وازاى عنك هتحول
كان وعدى معاك حاجة تانية
نتعاون سوا عالدنيا واتغير كله فى ثانية ولقتنى بضيع فى هواك

بحب اشوفك

بحب اشوفك كل ثانية تفوت عليا قصاد عنيا
ده انا لو بس تبعد عنى ثانية معيش دنيا تفوت عليا سنة
ومستنغناش ياعمرى عنك يوم فى عمرى
منايا اعيشلك كل عمرى حبيبى ليك سلمت امرى

انت اللى بحلم طول حياتى اعيش حياتى ذكرياتى معاه
والله اعلم انت غالى عندى مالى غيرك انت اهواه
ومستنغناش ياعمرى عنك يوم فى عمرى
منايا اعيشلك كل عمرى حبيبى ليك سلمت امرى

اقل كلمة تقولها ليا ترد فيا روحى ليا اوام
والله مقدر اوصف اللى جوا منى مش هلاقى كلام
ومستنغناش ياعمرى عنك يوم فى عمرى
منايا اعيشلك كل عمرى حبيبى ليك سلمت امرى

كام يوم

كام يوم مقابلتنيش كلمنى ومداريش
لما اقول فى ايه تسكت اوام وتقول مفيش
مسالتش عنى ليه زعلان ماتقول فى ايه
انا لو غلطان فى حاجة قولى اللى غلطت فيه
انا جيت ميت الف مرة ياحبيبى وقولتلك
انا ازعل نفسى سهل بس صعب ازعلك
ولمين هقدر اعيش لو مكنتش عيشتلك

انا جيت دلوقتى ليك ولا هرجع الا بيك
ولا همشى من مكانى االا وايديا فى ايديك
ده انا مرضاش مهما كان تمشى وانت زعلان
والا انا مقبلوش على نفسى مقبلهوش عليك
انا جيت ميت الف مرة ياحبيبى وقولتلك
انا ازعل نفسى سهل بس صعب ازعلك
ولمين هقدر اعيش لو مكنتش عيشتلك

نيجى على باله

اقوله بتيجى على بالى وقربك منى بفرح بيه
يقولى طيب وانا مالى وبتقولى الكلام ده ليه
ويضحكلى واوام يمشى وبعديها بشوية الاقيه
راجعلى يقول متزعلشى ومش فاهم بتزعل ليه
وبرجع تانى واصفاله والمح له انى معجب بيه
يادوب ملحقش اقولهالو يقولى يعنى تقصد ايه

ياقلىب شايفه بعنيا وكل مافيا مشتاق ليه
وهو بياسى ليه عليا وبيعذبنى وياه ليه
بقرب منه يبعدنى وبيقولى عشان بهواه
وببعد عنه يخاصمنى يامين يلاقيلى حل معاه
وبرجع تانى واصفاله والمح له انى معجب بيه
يادوب ملحقش اقولهالو يقولى يعنى تقصد ايه

مخاصمنى

مخاصمنى لسه زعلان منى قولت غصب عنى
مش كفاية كده بعد حبيبى
على عينى حالنا ده على عينى امتى بقى هتجينى
واحنا لينا غير بعض حبيبى
كام يوم بناديك ترجع ياشاغلنى عليك
ده انا بدعى الله يهديك وتحن عليا
كام يوم مشتاق وانت مقضياها فراق
اه يانارى من الاشواق واللى عملاه فيا

وصالحتك جيت لغاية عندك كل ده ومش عاجبك
انت ليه واقفلى كده عالوحدة
عديها ياللى سايق فيها والله ماهتنيها
انسى بقى مكانتش دى غلطة
كام يوم بناديك ترجع ياشاغلنى عليك
ده انا بدعى الله يهديك وتحن عليا
كام يوم مشتاق وانت مقضياها فراق
اه يانارى من الاشواق واللى عملاه فيا

زى ماتحب

وزى ماتحب عايزنى انسى عايزنى اقسى عايزنى احب
حبيبى انسى حبيبى اقسى حبيبى تحب
خلاص قلبى وجعنى معاك خلاص العمر راح فى هواك
عايزنى انسى عايزنى اقسى عايزنى احب
حبيبى انسى حبيبى اقسى حبيبى تحب

بتقولى اروح وانساك طب قولى ازاى انساك
فرحلى قلبى معاك مش راضى اتكلم
مسيره يجيلك يوم متدقش فيه النوم وتعيش تنام محروم مالماضى تتعلم
نسيت ايام ماكنا اتنين انا وانت روحين دايبين
عايزنى انسى عايزنى اقسى عايزنى احب
حبيبى انسى حبيبى اقسى حبيبى تحب

ابقى افتكرنى

وابقى افتكرنيى كل فين وفين
ده احنا اللى بينا مش عشرة يومين
لو فينا جرح كفينا بيه السنين
بينا ليالى سوا سهرناها غيرنا اتمناها هننسى بعض ليه
خلينا بكرة مجرد ذكرى محدش يكره التانى ويدوس فيه

ملقتش منى زمان غير كل خير
سلمتك حياتى واديتلك كتير
لو شيلت منى خليك انت الكبير
بينا ليالى سوا سهرناها غيرنا اتمناها هننسى بعض ليه
خلينا بكرة مجرد ذكرى محدش يكره التانى ويدوس فيه

عايش حياته

عايش حياته مش فى باله يعيش عشانى
فى الف حاجة عشانه لسه معيشانى
اروح من حبه فين اعيش بعديه لمين
سنين ازاى معاه انا انساها فى يومين
واللى عملت حسابه لقيته قولت نسيته ومبنساش
بعده ده كله محصل بعضه ومفيش بعده حياة تتعاش

كتير بقول للناس ده ماضى وراح لحاله
والناس يقولوا ياريت يصدق فى اللى قاله
بقول للناس نسيه واروح اسال عليه
يادوب بقول كلام اوام رجعت فيه
واللى عملت حسابه لقيته قولت نسيته ومبنساش
بعده ده كله محصل بعضه ومفيش بعده حياة تتعاش

بنت اللذين

تشوفها تقول ملاك ياقلبى مفيش كده
وهى بنت اللذينة بصراحة غير كده
ازاى بالسرعة ديه قدرت تضحك عليا
بطريقة غير عادية تخدعنى كل ده
بنت اللذينة عملتها فينا ضحكت علينا
دى مشكلة
شغلتنا بيها الله يجزيها اهى جت معاها
متسهلة
تشوفها تقول ملاك ياقلبى مفيش كده
وهى بنت اللذينة بصراحة غير كده

عملالى قال بريئة وهى مش كده
وبتقدر فى الدقيقة تلعب على ده وده
وبتلون فى ثانية تلاقيها واحدة تانية
دى اصلها زى الدنيا هتعيش وتموت كده


_________________
url=http://www.0zz0.com][/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكوماندا المهم
دراع المعلم اليمين
دراع المعلم اليمين
avatar

عدد الرسائل : 1439
العمر : 29
تاريخ التسجيل : 23/01/2009

مُساهمةموضوع: رد: كلمات البوم ((عبد الفتاح الجرينى))عايش حياته...   الثلاثاء يوليو 07, 2009 3:31 pm

تشوفها تقول ملاك ياقلبى مفيش كده
وهى بنت اللذينة بصراحة غير كده
ازاى بالسرعة ديه قدرت تضحك عليا
بطريقة غير عادية تخدعنى كل ده
بنت اللذينة عملتها فينا ضحكت علينا
دى مشكلة
شغلتنا بيها الله يجزيها اهى جت معاها
متسهلة
تشوفها تقول ملاك ياقلبى مفيش كده
وهى بنت اللذينة بصراحة غير كده

عملالى قال بريئة وهى مش كده
وبتقدر فى الدقيقة تلعب على ده وده
وبتلون فى ثانية تلاقيها واحدة تانية
دى اصلها زى الدنيا هتعيش وتموت كده



البوم جامد
شكرا يا صفاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات البوم ((عبد الفتاح الجرينى))عايش حياته...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: الشعر والتأليف وكلمات الاغاني-
انتقل الى: