قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 حوار بين الجدة وحفيدتها سنة 2060

اذهب الى الأسفل 
كاتب الموضوعرسالة
white angel
دراع المعلم اليمين
دراع المعلم اليمين
avatar

عدد الرسائل : 567
العمر : 22
تاريخ التسجيل : 27/05/2009

مُساهمةموضوع: حوار بين الجدة وحفيدتها سنة 2060   الثلاثاء أغسطس 18, 2009 7:45 pm

دار الحوار ده بين جدة وحفيدتها سنة 2060شوفوا اللي فيه
..............
الحفيدة: تيته ميرو إزيك..بقى لي زمان ما قعدتش معاكي


الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

الحفيدة: ومابتفتحيش الدش ليه يا تيته

الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة: معقول يا تيته؟ للدرجة الفظيعة دي!!؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل

لو عجبتكم ليها حلقة2
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د.غاوى طب
دراع المعلم اليمين
دراع المعلم اليمين
avatar

عدد الرسائل : 373
العمر : 27
الموقع : طاعة الله والوالدين و هدفى و مستقبلى هم حياتى
تاريخ التسجيل : 25/06/2009

مُساهمةموضوع: رد: حوار بين الجدة وحفيدتها سنة 2060   الأربعاء أغسطس 19, 2009 2:14 am



طبعا عجبتنا وجميلة جداااااااااااااااااااا ومنتظرين الحلقة الثانية
وبجد مضحكة وبتناقش مشاكل عصرية
وربنا يستر فى السنين اللى جايه وتكون احسن من كده
نايس توبيك يادكتورة وبجد مواضيعك جميلة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marah
دراع المعلم اليمين
دراع المعلم اليمين
avatar

عدد الرسائل : 1594
العمر : 26
الموقع : اسكندريه
تاريخ التسجيل : 04/09/2008

مُساهمةموضوع: رد: حوار بين الجدة وحفيدتها سنة 2060   الأربعاء أغسطس 19, 2009 5:46 pm

نايس توبيك يااانجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eng
دراع المعلم اليمين
دراع المعلم اليمين
avatar

عدد الرسائل : 123
العمر : 27
الموقع : بلد المعز
تاريخ التسجيل : 04/08/2009

مُساهمةموضوع: رد: حوار بين الجدة وحفيدتها سنة 2060   الخميس أكتوبر 01, 2009 10:46 am

جامد يا تيته farao
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار بين الجدة وحفيدتها سنة 2060
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: افتكسااااااات انح-
انتقل الى: