قهوه انح

شكلك تعبان ومتضايق شدلك كورسي واقعد تشرب ايه بقي مع قهوه انح مش حتقدر تزوغ م الحساب
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 طب ازاي في حجات بتموت .. وبتيجي الصدفه تحيها؟؟

اذهب الى الأسفل 
كاتب الموضوعرسالة
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: طب ازاي في حجات بتموت .. وبتيجي الصدفه تحيها؟؟   الأربعاء أغسطس 20, 2008 7:38 pm

حياتي وهو مش فيها .. سنين عدت رضيت بيها ..وفاكر لو قابلت عينيه عادي جدا هعديها.. واديك ياللي افتكرت نسيت قبلته الليله واتهزيت... طب ازاي في حجات بتموت وتيجي الصدفه تحيها

وافتكرت لما جت عيني في عينه سنيني معاه وافتكرت وعد كان بيني وبينه زمان خدناه وافتكرت مسكته في ايدي وايدي خلاص سيباه

قصادي عيونو محتاره يقرب ولا يداري ..جه اليوم اللي اشوفه انا فيه ...ومنكلمش يا خساره ...دي صعبه عليا واعمل ايه
مفيش في اديا شئ تاني ...خلاص اهو اسمي شوفت عينيه
علشان دي بجد وحشاني


الاغنيه دي بتاعه حماقي بجد حلوه اوي اوي وكلماتها جامده ا

واحساسها بجد قوي فعلا
عيزاكم تسمعوها بجد وتغمضو عنيكم وتتخيلو المشهد ده
مش هقولك تتخيل انك انت وحبيبك بعدتم عن بعض واتقابلتم تاني
بالصدفه لأ
المشهد اكبر من كده
شوف لما تكون بتحب حد قوي من كل قلبك وهو اللي بيديلك push في حياتك علشان تنجح وتحقق نفسك
بمعني اصح (انت عايش علشانه وبس )
عايش مع انسان شايفه انه ملاك حياتك وشمسها اللي بتنور في النهار وقمرها اللي ضوءه بيدفيك بليل
لما تحب تسمع اول صوت في يومك يكون صوته
وهو بيقولك صباح الخير يا اجمل انسان / انسانه
ومش عايز تسمع أي صوت بعد ما يقولك تصبح علي الف خير
كان هو اقرب انسان ليك لما بيضحك ..بتحس ان ضحكته بتنور دنيتك وبتدور علي أي شئ علشان ترضيه وتبسطه وتفضلو مع بعض حياتكم كلها
لما بتتضايق ..بتروحله وتشكيله همك وبتلاقيه اول واحد واقف جمبك وبيتحدي الدنيا كلها علشانك
تلاقي نفسك عايش معاه قصه من اروع قصص الحب والعاشقين
لكن زي ما بيقولو (تأتي الرياح بما لا تشتهي السفن)
وتسمع اكبر صاعقه في حياتك كلها واكبر هزه هتهد حياتك وكيانك
ياريتها كانت خيانه وياريتها كانت كدبه وياريتها كانت خداع
لكن للاسف

تسمع ان الشخص ده مات وراح من ايدك اجمل حلم
اغلي حد في دنيتك كلها واحلي حاجه عايش علشانها راحت
مات الانسان اللي بيرسم بسمتك وبيلون دنيتك
موقف صعب اوي ومحدش هيحس بمراره الموقف اللي قلتهلكم ده
غير حد مر بيه قبل كده
الموت ده شئ صعب اوي كلنا عارفين ان دي سنه الحياه لكن بجد بتتألم من جواك اووي وخاصه لو اقرب الناس لقلبك
الانسان اللي حسيت معاه بالامان واللي متوقعتش في يوم انك ممكن متلقهوش جمبك
احساس صعب اووووووي اوووووووي

وهنا عايزه اسئل سؤال عن الموضوع اللي قلت مقدمته ده
هل ياتري لو الشخص اللي بتحبه واللي محبتش غيره مااات
هتقدر تنساه؟ هتقدر متفكرش فيه ؟ هتقدر تمنع البسمه اللي هتلاقيها علي وشك لما تفتكر لحظه حلوه كانت بينكم؟ ياتري هتقدر تمنع الدمعه اللي هتنزل علي خدك لما تفكر انك مش هتشوفه تاني؟
ياتري ممكن تحب انسان تاني بعده ؟
ولا هتفضل عايش علي ذكري جميله كانت بينكم؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور
نائب المعلم
نائب المعلم
avatar

عدد الرسائل : 1929
العمر : 30
تاريخ التسجيل : 25/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأربعاء أغسطس 20, 2008 7:48 pm

بصى يا شجرة
انا معاكى انه ممكن يكون اصعب موقف الانسان يتعرضله فى حياته
وانا لو فى الموقف ده انا ممكن اموت وراه اساسا
بس برضه كلنا عارفين ان الحياة مش حتقف على حد مهما كان هو مين
لان الانسان ده عمره ما حيكون مثلا فى غلاوة الام وفى ناس كتير امها بتموت وبرضه بيكملوا حياتهم
الحمد لله ان ربنا رزقنا بنعمة النسيان
ولو بصيتى فى حياتك ورا حتلاقى نفسك اتعرضتى لمصايب مكنتيش تتوقعى فى يوم انك ممكن تنسيها وحتلاقى نفسك فعلا ناسياها
يارب كلنا منتعرض للموقف ده ولا لاى حاجة وحشة فى حياتنا

_________________
لو لم اكن انحاويا لوددت ان اكون انحاويا
اجمل هندسة فى الحياة ان تبنى جزيرة من الامل فوق بحيرة من اليأس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأربعاء أغسطس 20, 2008 8:11 pm

نور كتب:
بصى يا شجرة
انا معاكى انه ممكن يكون اصعب موقف الانسان يتعرضله فى حياته
وانا لو فى الموقف ده انا ممكن اموت وراه اساسا
بس برضه كلنا عارفين ان الحياة مش حتقف على حد مهما كان هو مين
لان الانسان ده عمره ما حيكون مثلا فى غلاوة الام وفى ناس كتير امها بتموت وبرضه بيكملوا حياتهم
الحمد لله ان ربنا رزقنا بنعمة النسيان
ولو بصيتى فى حياتك ورا حتلاقى نفسك اتعرضتى لمصايب مكنتيش تتوقعى فى يوم انك ممكن تنسيها وحتلاقى نفسك فعلا ناسياها
يارب كلنا منتعرض للموقف ده ولا لاى حاجة وحشة فى حياتنا

فعلا يا نور الانسان من السهل جدا انه ينسي حجات كتير اوي ودي فعلا نعمه

لكن في حجات بردو صعب اوي اوي ان حد ينساها ولو طول عمره

والموقف ده حصل لحد اعرفه لكن للاسف مش قادر ينسي

لكن المشكله فعلا ان الانسان بينسي اي حاجه وحشه

لكن الشئ الحلو عمره ما بيتنسي

ممكن بعض الناس تعيش حياتها وتكبر دماغها وتدور علي غيره وغيره

وممكن ناس تفضل طول حياتها علي ذكري الشخص ده

وممكن ناس تحب تاني وتالت لكن يفضل في عقلها وقلبها الشخص ده

وبجد بشكرك جدا علي رأيك الواقعي جدا والمنطقي

والدنيا فعلا كفيله انها تنسي الانسان اسمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
7aMaDa
دراع المعلم اليمين
دراع المعلم اليمين
avatar

عدد الرسائل : 517
العمر : 28
تاريخ التسجيل : 06/08/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأربعاء أغسطس 20, 2008 10:08 pm

لما يموت لنا حد عزيز اوي بيتهيألنا ان الحياة بتقف في اللحظة اللي فقدنا فيها بس الحياة عمرها ما بتقف على وفاة شخص او ولادة شخص الساعة دايما شغالة وعقاربها ما بتقفش حداد على حد او فرحة بحد عشان كده ربنا كرمنا بالنسيان لانك لو فضل نفس التفكير في دماغنا على طول كان الواحد انتحر من زمان و النسيان هنا مش بمعنى الاهمال بس بتيجي على البال في اوقات معينة حاجات بتخلينا نقدر نكمل حياتنا.....................................


ThAtS It
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   السبت أغسطس 23, 2008 1:43 pm

كلامك جميل يا حماده واسلوبك حلو

لكن صدقني انا

في اوقات كتير مش بنقدر ننسي

وبالذات لو شخص عزيز عليك اوي اوي

طبعا الحياه مش هتقف لكن مهما عملت مش هتقدر الشخص ده ولو للحظه

يمكن انت بتقول كده لانك ممرتش بتجربه زي دي

ويارب يارب محد يمر بيها ابدا

لانها بجد تجربه مره اوي

لكن مش سهل زي ما انت فاكر انك تنسي انسان قريب لقلبك بالطريقه دي

وبشكرك جدا جدا علي رأيك واسلوبك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shimo
دراع المعلم اليمين
دراع المعلم اليمين
avatar

عدد الرسائل : 144
العمر : 32
تاريخ التسجيل : 26/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأحد أغسطس 24, 2008 3:20 pm

بصى ياشجره انا شدنى اوى الموضوع ده واتاثرت بيه وعينى دمعت بجد
بس فعلا زى ماانتى قولتى ان الحياه مش بتقف على حد معين
بس فى حاجه انتو نسيتوها ان احنا طول ماعندنا ثقه وايمان بالله وبالقضاء والقدر
والنصيب اكيد حنعدى اى ازمه او حاجه وحشه حنمر بيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shahanda
دراع المعلم اليمين
دراع المعلم اليمين
avatar

عدد الرسائل : 1130
العمر : 29
الموقع : Start with asmile
تاريخ التسجيل : 27/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الجمعة أغسطس 29, 2008 6:50 am

هااااى عليكى شجرة موضوعك حلو اوووى وعجبنى جدا بس احب اقولك
طبعا ان النسيان فعلا من اعظم النعم اللى ربنا وهبها لينا لكن الناس اللى احنا
اتعلقنا بيها اوووى كدا وسكنت كل ما فى الوجود زى ما بتقولى بعد فراقها او موتها
بتبقى ذكرى لا يمكن للزمن ان يمحيها ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأحد أغسطس 31, 2008 3:01 pm

shimo كتب:
بصى ياشجره انا شدنى اوى الموضوع ده واتاثرت بيه وعينى دمعت بجد
بس فعلا زى ماانتى قولتى ان الحياه مش بتقف على حد معين
بس فى حاجه انتو نسيتوها ان احنا طول ماعندنا ثقه وايمان بالله وبالقضاء والقدر
والنصيب اكيد حنعدى اى ازمه او حاجه وحشه حنمر بيها

انتي بجد حساسه اوي يا مشمشه وبجد شكرا ليكي جدا علي كلامك الجميل ده

ربنا يكرمك يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شجره الدر
دراع المعلم اليمين
دراع المعلم اليمين
avatar

عدد الرسائل : 1683
العمر : 30
الموقع : i believe i can fly..i belive i can touch the sky
تاريخ التسجيل : 28/07/2008

مُساهمةموضوع: رد: طب ازاي في حجات بتموت .. وبتيجي الصدفه تحيها؟؟   الأحد أغسطس 31, 2008 3:02 pm

Shahanda كتب:
هااااى عليكى شجرة موضوعك حلو اوووى وعجبنى جدا بس احب اقولك
طبعا ان النسيان فعلا من اعظم النعم اللى ربنا وهبها لينا لكن الناس اللى احنا
اتعلقنا بيها اوووى كدا وسكنت كل ما فى الوجود زى ما بتقولى بعد فراقها او موتها
بتبقى ذكرى لا يمكن للزمن ان يمحيها ...

فعلا يا شاهي صعب جدا ان الزمن ينسينا ناس عزيزه علي قلوبنا

وتسلمي ليا يا حبيبتي يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طب ازاي في حجات بتموت .. وبتيجي الصدفه تحيها؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قهوه انح :: Anna7wyyy 3la tooooool :: ايه اللي مضايقك؟-
انتقل الى: