عندمـا تنتهـي علاقـة الحـب هـل تمـوت الغيــرهـ ...؟؟

الكلام جامد و مالهوش حل

و انا من رايي ان الغيرة ما بتنتهيش و اللي يقول غير كده يبأه بيشتغل نفسه قبل ما يشتغلنا

انا مش معاك خالص يا حماده
انا شايف ان الحب لما بينتهي الغيره مبيبقاش ليها مبرر هو ممكن يبقي فيه احساس تاني اللي هو انا اللي ضيعتها من ايدي
ولا ايه رأيكو؟؟

صحيح الغيرة مبيبقاش ليها مبرر بس لما تشوف حبيبك اللي قضيت معاه احلام ايام مع حد

تاني ماتؤولليش انك انت مش هاتتأثر ..................................

بص يا مؤمن هقولك علي حاجه في فرق بين النسيان وفرق بين الغيره

ممكن مثلا تكون بتحب حد قوي وتحصل ظروف تبعدكم عن بعض قد تكون عدم اتفاق

او موت الشخص ده او سوء تفاهم لكن صدقني عمرك ما هتقدر تنساه وهيفضل في بالك دايما

حتي لو بعد فتره وكنت نسيته فعلا لكن بردو هتلاقي اي موقف يحصل بيذكرك بيه

لكن الغيره دي بقي

انا شايفه ان الانسان اللي ينفصل عن شخص

ويفضل بردو بيغير عليه ومش عايزو يرتبط بحد تاني

ده يبقي اسمو حب تملك

لان المفروض طالما اخدتم قرار الانفصال يبقي كل واحد يشوف مصلحته

ويشوف حد تاني يرتبط بيه لان هي دي سنه الحياه

كلامك صح يا شجره
فعلا المفروض لما ناخد قرار الانفصال كل واحد يشوف مصلحته بس افرضي ان الانفصال كان غصب عن الاتنين اللي بيحبو بعض هل ده يخليهم ينسو بعض برضه؟

اقتباس :

افرضي ان الانفصال كان غصب عن الاتنين اللي بيحبو بعض هل ده يخليهم ينسو بعض برضه؟

بص يا مؤمن لو فعلا حصل انفصال يبقي ده راجع لقضاء الله وقدره

ولازم الاتنين يعرفو كده كويس

ويعرفوا اكتر ان ده في الاول والاخر حكايه نصيب

ولو ربنا كاتب انهم يكونو لبعض فأكيد مفيش قوه في الدنيا هتمنع ارتباطهم ببعض

لكن لو مفيش نصيب..فالافضل زي ما قلتلك ان كل فرد منهم يبحث عن نصفه الاخر وفي نفس الوقت يفتكر الشخص التاني بالخير دايما ويتمناله انه يلاقي انسان كويس يحبه ويصونه