ورقه من مذكراتي ( اول يوم جامعه في رمضان)

اقتباس :

ده فعلا ملخص الموضوع يا شجرة
الموضوع بقه صعب اوى لما يوصل بينا ان فى 6 مليون اسرة تحت خط الفقر
انا سمعت ان اكتر من 40% من المصريين فقراء وتحت خط الفقر
مش عاوز اقول بقه الحكومة السبب ولا احنا السبب بس اكيد الناس دى لو كانت فى ايديها حاجة تعملها مكانتش وقفت
اذن الغلطة غلطة مين ؟؟؟؟؟؟؟
مفتكرش ان حد من المسئولين عن ده حيقوم يقول انا السبب

فعلا يانور والله المجتمع المصري بقي كله بيعاني من الفقر

حتي الطبقه المتوسطه بقت بتعاني في ظل الظروف دي

والمشكله كمان ان الطبقه المتوسطه تضخمت اوي وبقت تميل للطبقه الفقيره

واللي تعتبر بتمثل السواد الاعظم

بس متقنعنيش ان الناس والحكومه مش في اديهم حل

لان احنا الناس واللي مسيطر علينا الحكومه ومفيش عفاريت ساكنين معانا

لان احنا الل خربناها والحكومه ساعدت علي الخراب ده

ومفيش حد غيرنا اللي هيقدر يحلها

والا لو استنينا حد تاني يحللنا مشاكلنا

هنبقي العراق التاني ومصيرنا هيبقي زي مصيرهم

اقتباس :

انا فى اغنية كل ما بسمعها بضحك اوى بتقول :
لا يا مصرى لااااااااااااا لا تهاجر وتسيبنا لا يا مصرى لالالالالالالا بلدك بيك اولى )
ده يوم المنى لما اهاجر واسيبها
لانى مش عاوز فى يوم من الايام انى اكون من ال 40 % دول
ويرجعوا يقولولك ان الشباب غلطان وازاى يسافر ويهجر اهله وصحابه

علي فكره مش انت لوحدك اللي نفسك تسافر
كل شاب دلوقتي بقت امنيته الاولي والاخيره انه يسافر لانه بيشوف ان حياته هتبدأ مع سفره
وبجد عندهم حق لان الواحد منهم بيقضي 20 سنه دراسه ولو في جيش كمان

ويطلع لسه عايز يبدأ يكون نفسه

بجد الحياه صعبه اوي

اقتباس :

اما بخصوص مشكلة الجامعة يا شجرة ورمضان
عشان كده انا مرحتش الكلية ولا ناوى اروح الا بعد العيد ان شاء الله
ويمكن انا عملت موضوع زى الفكرة دى فى قسم جامعتنا برضه
فانا رأيى انك تعملى زيى وتخليكى فى بيتك والمحاضرات مش حتغلبى فيها حتجيبيها من اصحابك
انا عارف انى لو روحت حقعد خمس دقايق وحطلع على ابو ربيع اكل وبعدها اهضم بواحدة كانز على طوووووول
ويارب تعدى باقى ايام رمضان دى على خير
ادعى معايا ياررررررررررررب

ياااااااااااااااااااااااااااااااارب


بس احسن انك منزلتش والله لاني نزلت مرتين وحلفت بعديها خلااااااااص

بس علي فكره ابو ربيع سئلني عليك و قلتله ربنا هاديه و مقضيها اعتكاف في القهوه هههههههههههههه

بجد موضوع جامد ياشجرة بس حرااااااااااااااااااااااااااااااام دا تشوفيه مرة واحدة فى يوم واحد
بجد ربنا يعينك
اولا بالنسبة لمشكلة الكلية يعنى دا المعتاد اللى بنشوفه ودى مشكلة فى رمضان وفى غير رمضان
بس الغريب اوى اوى ان الكلية والشارع فى رمضان بيبقى over فى كل حاجه
مع ان دى ايام مباركة بس طبعا اعتقد الحل يكون فى التالى
اولا _وسائل الاعلام اللى كل شغلها المسلسلات والفوازير فى رمضان ليه مينش فى برامج دينية توعى الشباب ليه مايستضفوش دكتور زغلول النجار والعلماء الكبار والدكتور ابراهيم الفقى واكبر الشيوخ عشان يوعى الناس وويعرفم الناس فضل شعبان ورمضان ويعرفوهم مدى عقوبة الهلس والدلع وعدم الاحترام
ثانيا _طبعا البيت لازم يكون له دور مهم جدا فى التوعية بس فين تلاقى
اما عن مشكلة الغلاء
اعتقد الناس البسطاء وكلنا بسطاء
لو فى ايديهم حاجة يعملوها كانوا عملوها اعتقد الحل فى ايد المسئولين اللى ماسكين الدولة
وبردة لازم يكون عندنا نوع من الترشيد فى الاستهلاك يعنى مش نرمى بالعشرة جنية عيش للطيور ونرجع نقول بعد كده اننا مش لاقين عيش
ومش نرمى القاذورات فى النهر ونقول المايه مش نظيفة
وحاجات كتيرة جدا لازم نتخلى عنها مش عشان نوفر او نتخلص فى الللى احنا فيه لأ
عشان دا نابع من جوانا ان دا غلط
واتمنى ينصلح الحال فى المشكليتن وبيقولوا ايد لوحدها ماتسكفش لازم الحكومة اولا والفرد ثانيا بس التعاون يبقى موجود
وشكرا على التوبيك الجامد ده
والدراسةالسنة دى بعد العيد

ضربت كف علي كف وقلت كل ديه ناس عايزه تتربي من اول وجديد
ههههههههه
عجبتني دي
بس والله اللي بيعملوه في الناس الغلابة ده حرااااااااام حرااااااااااااام
وربنا هيوريهم يوم يتردلهم فيه كل الي بيعملوه ده
بس يا د.محمد انت بتقول الحكومة اولا والشعب ثانيا
لا
الشعب هو اللي لازم يكون اولا لان الحكومة عمرها ما هتتغير الا لو احنا طالبنابكده
لكن فين ومين يسمع ومين يتكلم ويطالب
بس ربنا يفوقهم بقا عن العبط اللي هما بيعملوه ف الشعب
ده

شكرا يا شجرة عالموضوع الجميل

معاكى والله يادكتورة ان بالفعل لازم الشعب هو اللى يبتدى بس المشكلة ان ان الكلام ده مش عندنا
لان احنا احسن ناس تقول عندنا ديمقراطية لكن احنا لانمتللك ادنى مستوى من الديمقراطية
لو واحد حب يقول دا غلط حاجة من الاثنين يااما يعتقل ودا طبعا فى الخبايا او لازم يطلعوا حجة لاعتقاله
او ماحدش يسمعة ويطنشوا ودى طبعا مش الديمقراطية
فالشعب فى الوقت الحالى لو اى حد فكر فى اى تغير مش هيلاقى نفسه بعد كده ومش هيغير حاجه برده
انا قصدى ان الحكومة تبدا تغير فى الاسلوب فى التعامل مع الشعب ومجلس الشعب ده يبقى ببمشاورة الشعب والوزارة تنحط بموافقة الشعب
بس ده مش هيحصل الا اذا الحكومة وافقت وسمحت اننا نعترض على الحاجات الغلط يبقى دور الحكومة انها تسمح لينا باننا نكلم وبعد كده احنا نطالب ونقول دا غلط او صح ونبدا نغير فى النفسنا وزى ماقلت مش عشان خوف من الحكومة لأ عشان الحاجة دى غلط

اخر حاجة ممكن الحكومة تعملها انها تسمع لراينا
ازاي يعني
طول ما هما عارفين اننا ضعاف بنخاف من كل حاجة يبقى هيخوفونا دايما بالاعتقال
بس زي ما قلت قبل كده
لو الشعب كله بقى ايد واحدة محدش يقدر يقرب له
لا حكومة ولا غيره مع احترامي للحكومة طبعا
المشكلة فينا احنا واالله
احنا اللي مش مترابطين كل جماعة في ناحية
مش هنتغير الا لما نبقى ايد واحدة
((يد الله مع الجماعة))