هل يبكى رجل من اجل الحب؟

متى يبكي الرجل..... ؟

دائما يقال ان دموع المراه هي سلاحها ويقال ان دموع المراه طوفان
يغرق فيه امهر السباحين وان البكاء من شيم النساء (والله اعلم )

ولكن هناك سؤال واحد يحيرني

متي يبكي الرجل؟؟؟؟؟

هل يبكي عند موت عزيز او فراق حبيب ؟

هل يبكي عند شعوره بالظلم ؟

هل يبكي عندما يعجز عن حل مشكله ؟

هل يبكي عندما يكون صاحب ضمير وقلب خاشع يبكي من خشيه الله تعالى ؟

ربما يبكي لشعوره بالندم !

البعض من الرجال يعتبر ان البكاء عيب ونقص وضعف ؟

فهو عند بكائه يظهر نقطه ضعفه !

ان البكاء هو انفجار يحدث نتيجه ضغوط او مشاكل توجه الرجل

اما ان يظهر بشكل دموع او يكبته الشخص بداخله ويتحول إلى

حسرات ..........

فلماذا لا تبكي ايها الرجل؟؟؟

ان دموع الرجال عندما تنسكب تكون في الغالب مؤثرة جداُ وصادقة

فالرجل لا يبكي الا عندما يكون الامر فعلاً يستحق البكاء لذلك يوكن بكائه مؤثر جداً

ومن يقول ان البكاء عيب للرجل فاقول له ان حتى الرجل له قلب واحساس ومشاعر وعواطف........

وأخيراً اقول لكم : دموعكم امانة خلقت لتكون بعيون امينة فلا تكبتوها دعوها تذرف فكبتها يعرضك لازمات القلب واضطرابات المعدة والصداع.. لذا لا تقلق وانت تعبر عن بوح وجدانك بالدموع.. فهل هناك ما هو اصدق من الدموع.. دموعنا التي اقتحمت كل تفاصيل حياتنا لتكون عنوان تأثرنا .....

سؤال اخير .. هل يبكي الرجل من أجل الحب ؟؟

موضوعك جميل اوي يا ميرو تسلم اديكي يا قمرايه

وتتصدقي فعلا

انا ابن عمي صغنطوط وكل لما يعيط الاقي باباه يقوله الرجاله ميعيطوش

لدرجه لما انا بقيت بشوفه بيعيط بقيت اقوله الرجاله ميعيطوش

ولما قعدت افكر انا قولت له كده ليه

معرفتش اوصل لاي حل غير ان دي عادات وموروثات واقاويل كنا بنسمعها من زمان

لكن انا بشوف ان ربنا سبحان وتعالي جعل البكاء علشان الانسان يفرج عن همومه

ومش علشان الستات بس هي اللي تبكي

لكن نظرا لطبيعه الست الرقيقه بتخليها بتتأثر بأقل حاجه ودموعها بتبقي قريبه اوي

لكن بجد انا بحييكي يا توتا علي التشبيه اللي قولتيه ده

دموع الرجال عندما تنسكب تكون في الغالب مؤثرة جداُ وصادقة

فالرجل لا يبكي الا عندما يكون الامر فعلاً يستحق البكاء لذلك يوكن بكائه مؤثر جداً

وبالتالي فأنا شايفه ان بكاء الراجل ملهوش اي علاقه بكرامته او رجولته

لان في دراسات كتير اسبتت ان البكاء بيزيل من هموم الانسان

لكن بالنسبه بقي لسؤالك هل ممكن الراجل يبكي من اجل الحب

فده انا مش هقدر افيدك فيه

وهنستني نشوف ردود الاعضاء

ومرسيه ليكي كتييييير ياقمرايه

ميرسى يا شجرة على ردك وانا مستنيه حد يرد على سؤالى عشان لو محدش رد هيحصلو كدة

اولا انا بشكرك جدا علي الموضوع الشديد ده يا مرح وبجد موضوع يشد الانتباه جامد

ثانيا بالنسبه بقا للموضوع انا عندي قعدة ثابته ومش هتتغير الراجل الي يدمع ومقولتيش يبكي علي شان حب ده اساسا ميبقاش راجل ومش يستحق لقب الرجوله حتي لو كان بيحبها اوي وروحو فيها لسبب واحد ازاي حبيبتي تشوف دموعي وانكساري ليه بالطريقه دي مش ينفع
بس تحت الضغوط والظروف ممكن الراجل يبكي بس انا مش بحترم كدة خالص لانها مش من صفات الرجوله وانا اعرف ناس كانت بتبكي عشان الي بيحبوهم وبصراحة قل كتير من نظري في الموقف ده

انا شايف ان الحب يستاهل البكاء ومش عيب ان الراجل يبكي
كلنا بشر وكلنا بنغلط بس المهم محدش يشوف دموعنا دي

موضوع جامد جدا يا اميرة
بحييكى بجد
وبالنسبة لرايى
انا عاوز اقول ان الرجل مهما كان فهو فى الاخر بنى ادم بيحس وعنده مشاعر وبيتأثر وبيفرح وبيبكى
وربنا مخلقش الدموع فى الستات بس وساب الرجالة
وموضوع الراجل مش بيعيط ده مش موافق عليه
وسورى انى اقول ان دى كلمة متوارثة بس من ناس مش موزونة
لانهم كده عاوزين يغيروا خلقة ربنا لان لو مهما كان الراجل بيستحمل عمره ما حيقدر يمسح دموعه لما يموتله حد او لما يتعرض لقهر او لظلم او لاهانة كرامته
بس انا مش من ضمن مؤيدى انى اعيط عشان البنت اللى بحبها
وانا دايما بقول ان دموع القلب اقوى بكتير من دموع العين

مرسي لمواضيعك الساخنة اوى ياميرروووو

بجد بتاثر فينا اوى

وبعدين انا مش شايف ان الراجل اما يبكى عيب خالص

فالدموع تتطهر القلب وتسمو بالشخص لسماء صافية بعدين عن ماكن وصل اليه او الى ماساء من ظروف

فدموع الرجل تظهر عند
فقدان الحبيب مستحيل يمسك فيها مشاعرو واحساسو لو كانت صادقة المشاعر فهيا دموع من القلب

وعند جرحها واشياء اخرى ولا يكاد ان يعاب على الرجل البكاء

البكاء يفيد اى انسان لان الصمت والسكوت وانو يبلم فهذا هو الخطا بعينووو وليس الدموع
فالراجل مش بس بدمعتو الراجل بشرابو وجزمتووووووووووووو

shosh we bs كتب:

فالراجل مش بس بدمعتو الراجل بشرابو وجزمتووووووووووووو

عندك حق شوش
انا شايف ان ده فعلا ملخص الموضوع
شكرا شوش

موضوع: رد: هل يبكى رجل من اجل الحب؟ أمس في 10:17 pm

--------------------------------------------------------------------------------

موضوع جامد جدا يا اميرة

لو سمحت مسميش اميرة اوك

مش كدة برضو

بجد موضوع جامد جدا يا مرح
ويستاهل كل الشكر
وبجد موضوع جميل

انا اشارك رئى مؤمن تماما

وبجد بستغرب من الى بيخلفوا الرئى ده انا عارف ان كل واحد ليه رئيه

بس انا اكتشفت ان معظم مصر عندهم الراجل عمره ميعيط

طيب ليه يعنى هوه مش الراجل عنده مشاعر واحاسيس لازم يعبر عنها ولا عيب زى مبيقولوا

بجد انا مش شايف فرق بين راجل ومراه هوه عنده احاسيس وهيه عندها احاسيس

احنا كلنا بنى ادم بنحس وعندنا مشاعر وحده

انا عارف ان فى فرق بين الراجل والمراه بس فرق بسيط هوه ان المراه عندها مشاعر حساسه اكتر

بس دى ميزه بتميزها

بس البكاء ملهوش دعوه نهائى بكل ده مفيش حاجه اسمها الراجل مينفعش يبكى

والا ميكنش من بنى ادم

وعلفكرا انا عن نفسى ببكى ومش برتاح من همومى غير بكدا وعمرى مخفت ولا اتحرجت

وانا هجاوب على سؤال يا مرح ؟؟

انا راجل بس فعلا انا اكيد ممكن ابكى من اجل حبيبتى طلما هيه تستاهل كدا ليه اخبى الى جوايا

وحده مخلصه بتحبنى بتخاف عليا عمرها مزعلتنى فى يوم بلعكس كونت انا الى سعات بزعلها وبتستحملنى

دى متستحقش يتبكى عليها

انا قولت رئيى بصراحه البكاء بلنسبالى حاجه عديه لانى انسان

وتاكدوا ان مفيش فرق بين راجل ومراه فى البكاء بس ممكن المراه حساسه اكتر علشان دى طبعتها

وبشكرك مره تانيه مرح مرسى اووووووى

يا جماعه ايه المشكله لما الرجل يبكي من اجل الحب

بصوا طالما انه انسان = عنده احساس

و الاحساس ده وارد انه يبقى احساس بالحزن = و لانه انسان عنده دموع = وارد يستخدمهم مش عيب يعني و لو كانت حرام ماكنش اتخلق بدموع

و على فكره انا احترم اوي الولاد اللي تقول انها بتبكي لانه صريحه مش بتكدب على نفسها

و بالنسبه للبكاء في الحب: حسب المعنى المقصود من الجمله دي

يعني : لو بيبكي عشان حبيبته حزينه = يبقى انسان جمييل و بيحب بجد

و لو بيبكي عشان حبيبته سابته= عادي .. لو البنات بتبكي في الحاله دي ..
ايه المانع من انه هو كمان يبكي عشان حبيبته ...

يا عزيزتي كلنا انسان
و توبيك جمييييل اشكرك عليه

بصى يامرح
انا من راى ان راجل مش عيب انه يعيط س العيب انه يعيط على حد ميستهلش

بصى يا مرح اولا ميرسى جدا عالموضوع الشيق ده
ثانيا احب اوضح ان الراجل ممكن يبكى على كل اللى قلتيه وحيبقى طبعا حاجه عاديه جدا علشان لو مبكاش حيبقى مش طبيعى ومعندهوش دم لما حد يموت او لحظه خشوع من ربنا ومتنسوش الدعاء اللى دايما بنقوله واحنا بنصلى اللهم انى اعوذ بك من قلب لا يخشع ومن عين لا تدمع ومن دعوة لا يستجاب لها
اما بالنسبه لدموع الرجل من اجل الحب فانا بصراحه مش بايدها لان من وجهة نظرى بينزل من نظر حبيبته عشان البنت دايما مع احترامى لارائكم كلها عايزه راجل ميتهزش ادامها ولو حصل ايه

ميرسى ليكى يااقمر وعلى ردك

انااعتقد ان الراجل مش عيب انه يبكى لان الراجل مهما كان ليه احساس وعواطف يجب انه يظهرها ولكن مش امام الى بيحبها لانى بصراحه اللراجل الى يبكى امام الى بيحبها بينقص من نظرها وشكرا لكى يا مرح على الموضوع الجميل ده

ايوه ياميرو ممكن الرجل يبكى من اجل الحب
وعلى فكرة لو بكى الرجل تاكدى انه وصل لدرجة كبيرة جدا من الحزن او الندم يعنى بيكون بكاء بجد
وبردة اكيد فى بنات تبكى بكاء بجد ايضا

منور التوبيك