| كان نفسك تخوش كلية ايه ؟ | |
|
+7journalist safsofa L O G Y شجره الدر Shahanda Moamen Hassan Princess نور 11 مشترك |
كاتب الموضوع | رسالة |
---|
نور نائب المعلم
عدد الرسائل : 1929 العمر : 36 تاريخ التسجيل : 25/07/2008
| موضوع: كان نفسك تخوش كلية ايه ؟ الإثنين نوفمبر 24, 2008 4:43 pm | |
| تلات تربعنا كان نفسه فى كلية تانية غير الكلية اللى هو فيها وطبعا تنسيق الثانوية العامة ربنا يباركله هو السبب انا من ضمن الناس اللى حلمهم اتحطم كان نفسى اخوش كلية هندسة قسم كمبيوتر وكان فى دماغى حلم انى اشتغل فى شركة ميكروسوفت ويبقى مكتبى جنب مكتب بيل جيتس نفسه لكن طبعا من هندسة كمبيوتر لتجارة صعبة اوى
احكيلنا حلمك وكان نفسك تخوش كلية ايه وهل الحلم ده اتحقق ولا لأ ؟
عدل سابقا من قبل نور في السبت يناير 17, 2009 5:12 pm عدل 2 مرات | |
|
| |
Princess دراع المعلم اليمين
عدد الرسائل : 761 العمر : 35 الموقع : "سبحان الله و بحمده"-"سبحان الله العظيم" تاريخ التسجيل : 23/09/2008
| موضوع: رد: كان نفسك تخوش كلية ايه ؟ الثلاثاء نوفمبر 25, 2008 11:17 pm | |
| دا ايه الطموح دا بس يا مان :-) بس اهو بقيت خريج تجاره و بتقدير كمان .. عقبالي يا رب :-D المهم.. اكلمكم بأمانه كلنا عارفين اننا و احنا اطفال كان بيتكرر علينا كتير سؤال: عايزه تطلعى ايه ؟ و طبعا كانت الإجابه: دكتوره :-D دكتورة ايه بأه الله اعلم ! بس كنا بنتصرف يعني دكتورة ودان:-D مثلا و بتعدي :-) و لما دخلنا على الأعدادي لقيت اني بحب اسئلة التعبير جدا.. و المدرسه بتاعتي كانت بتعجب جدا بأسلوبي في التعبير ..و دا خلاني افكر جديا في اني ابقى حاجه استغل فيها ده.. ففكرت الأول ابقى صحفيه..بس لقيت انها شغلانه مش اد كده و صعبه و لازم ترقيات معينه و بيطلع عين الواحد على بال ما يكتب عمود; و ممكن ماتبقاش على حريتك فيها يعني على حسب الجريده اللي بتشتغل فيها معارضه ولا قوميه ولا حزبيه..و اصلا مش دايما بتحدد القسم اللي لاقي نفسك فيه.. فقلت ابقى محاميه ;-) خصوصا ان انا بطبعي بحب الحق و الصدق في نفس ذات الوقت:-D لا بجد حسيت اني انفع اوي ابقى محاميه اه مهنه صعبه بس مفيش احلى من احساس نصرة مظلوم :-) و لقيت تشجيع من والدي قلت خلاص هي دي "الحقوق" :-D بس مش عارفه ليه كليات الحقوق في مصر مش بيتبصلها نفس نظرة التقدير بره.. بس بقول ان دا نتيجة طبيعيه لتخلف الهيكل التعليمي اساسا فدا من ضمن الحاجات البايظه فيه.. فنعم حلمي اتحقق و دخلت الكليه اللي انا عايزاها.. عامله ايه فيها بأه دا... آلوو ؟ الخط قطع؟ | |
|
| |
Moamen Hassan المعلم صاحب القهوه
عدد الرسائل : 1465 العمر : 37 تاريخ التسجيل : 24/07/2008
| موضوع: رد: كان نفسك تخوش كلية ايه ؟ الأربعاء نوفمبر 26, 2008 4:38 am | |
| هي هي هييه فكرتني باللذي مضي يا نور انت عارف انا من صغري كانت كل العيله بتحسبني دكتور وكانو رسملي اني ادخل كليه طب انا مكنتش ممانع بصراحه وكنت حابب اوي كليه الطب بس انا خيبت امالهم بصراحه ودخلت ادبي اساسا ههههههههههههههههههههههههه وحاليا تقدر تعتبرني محاسب حضرتك | |
|
| |
Shahanda دراع المعلم اليمين
عدد الرسائل : 1130 العمر : 35 الموقع : Start with asmile تاريخ التسجيل : 27/07/2008
| موضوع: رد: كان نفسك تخوش كلية ايه ؟ الأربعاء نوفمبر 26, 2008 5:22 pm | |
| | |
|
| |
شجره الدر دراع المعلم اليمين
عدد الرسائل : 1683 العمر : 35 الموقع : i believe i can fly..i belive i can touch the sky تاريخ التسجيل : 28/07/2008
| موضوع: رد: كان نفسك تخوش كلية ايه ؟ السبت ديسمبر 06, 2008 3:00 pm | |
| والله يا زمن لابأدينا زرعنا الشوك لازم يعني تفكرنا بالذي مضي بس والله الواحد بيضحك علي نفسه كل لما يفتكر اللي حصله المهم انا كان نفسي ادخل هندسه بس طبعا بسبب المجموع كل الاحلام اتدمرت والحمد لله كان عندي هوايه الكتابه وناس كتير قالولي اني بكتب كويس وقلمي معبر وبالاتفاق مع اهلي قلتلهم هدخل اعلام قسم صحافه وجبت 92% بس للاسف اعلام كانت بتقبل 94% قلت هدخل قسم اجتماع واجيب تقدير وادخل قسم صحافه في كليه اداب اهلي اعترضو وقالولي لأ لان بالطريقه دي انتي موقفه مستقبلك علي تقدير ولان قسم اجتماع مش كويس وخاصه ان انا جايبه مجموع كويس قالولي في قسم (الفوناتكس ) قلت ومالو اهو نجرب بردو وللحظ انهم بيعملو حسبه بمجموع الللغات وبيقسموها علي المجموع الكلي المهم كان ناقصلي نص درجه وبالتالي مدخلتش القسم طبعا حسيت ان انا نحس اوووووووووي وكان فاضل شويه وهعتزل التعليم فحولت من الكليه اساسا بعد لما الدنيا اسودت في وشي ودخلت تربيه ولحبي الشديد للتاريخ دخلت تاريخ ومعجبتنيش طريقه التدريس فيه ودخلت انجليزي قالولي العدد استكفي في القسم ملقتش قدامي غير قسم اللغه العربيه ومنها بردو الانسان يبقي عنده لغه كويسه يقدر بيها يكتب بطريقه احسن واقدر اوصل بيها لحلم الصحافه فأمنت بالمثل اللي بيقول اللي مكتوب علي الجبين لازم تشوفه العين يالا (طوله العمر تبلغ الامل) قولو ياااااااااااااااااااااااااااارب | |
|
| |
نور نائب المعلم
عدد الرسائل : 1929 العمر : 36 تاريخ التسجيل : 25/07/2008
| موضوع: رد: كان نفسك تخوش كلية ايه ؟ السبت ديسمبر 06, 2008 6:50 pm | |
| يارررررررررررررررررررررب | |
|
| |
Moamen Hassan المعلم صاحب القهوه
عدد الرسائل : 1465 العمر : 37 تاريخ التسجيل : 24/07/2008
| موضوع: رد: كان نفسك تخوش كلية ايه ؟ الأحد ديسمبر 07, 2008 5:55 am | |
| ايه يا شجره الحظ الحلو ده
مفيش فايده
ابو الزغاليل | |
|
| |
L O G Y دراع المعلم اليمين
عدد الرسائل : 205 العمر : 33 الموقع : www.tamerlovers.com تاريخ التسجيل : 08/12/2008
| موضوع: رد: كان نفسك تخوش كلية ايه ؟ الثلاثاء ديسمبر 16, 2008 9:59 am | |
| كنت فى ثانوى عايزه ادخل هندسه قسم كمبيوتر
بس بعد كده دخلت ادبى وقررت ادخل تجاره والحمدلله دخلتها | |
|
| |
journalist safsofa مشرفة القسم الاسلامي
عدد الرسائل : 2045 العمر : 34 الموقع : alex تاريخ التسجيل : 08/11/2008
| موضوع: رد: كان نفسك تخوش كلية ايه ؟ الأحد ديسمبر 28, 2008 4:33 am | |
| يالهوى يالهوى ليه بس ياعم نور السيرة دى انا بقى على راى اميرة طول عمر اهلينا بيقوللنا عايزين تطلعوا ايه ونقول دكتورة وظابطه بس للاسف انا حلمى عمره ما اتغير من وانا نونو نفسى اطلع صحفية فى قسم التحقيقات واتجوز ظابط وعمرى ما حتنازل عن الحلم ده بغض النظر عن مجموع الثانويه العامه واللى اى حاجه غير الكليه اللى انا فيها لانى طبعا مقدرش اقول عليها كلية دى اى حاجه بس بجد مش حتنازل وانا اليومين دول ماشيه فى موضوع الصحافه وبجد ادعولى بس غالبا مش حيتحقق عشان انا فقر اصلا واخرى حعض جنبكم على القهوه
عدل سابقا من قبل safsofa في الأحد ديسمبر 28, 2008 4:37 am عدل 1 مرات (السبب : اصلى نسيت اسال لو حد عنده عريس ظابط عشان متبقاش من كله يعنى يالهوى واتجوز ظابط ويقبض على المحششين فى القهوة ويالا ونبقى كسبنا الحكومه ونسبنا الحكومه وبقينا حبايب) | |
|
| |
Moamen Hassan المعلم صاحب القهوه
عدد الرسائل : 1465 العمر : 37 تاريخ التسجيل : 24/07/2008
| موضوع: رد: كان نفسك تخوش كلية ايه ؟ الأحد ديسمبر 28, 2008 10:08 am | |
| ايه يا صفاء هي الصحافه ناقصه هياس وبعدين انتي فعلا محتاجه ظابط بس مش للجواز ربنا يحققلك اللي في نفسك يا قمر | |
|
| |
journalist safsofa مشرفة القسم الاسلامي
عدد الرسائل : 2045 العمر : 34 الموقع : alex تاريخ التسجيل : 08/11/2008
| موضوع: رد: كان نفسك تخوش كلية ايه ؟ الجمعة يناير 02, 2009 3:59 pm | |
| والله انا عندى احساس انى حبقى صحفيه شاطرة اوى وانا لاقيه نفسى فى الصحافه اكتر من المحاماه وخصوصا لما يبقى قدوتى صحفى ناجح ومشهور زى مصطفى بكرى لانه اصلا خريج حقوق | |
|
| |
Moamen Hassan المعلم صاحب القهوه
عدد الرسائل : 1465 العمر : 37 تاريخ التسجيل : 24/07/2008
| موضوع: رد: كان نفسك تخوش كلية ايه ؟ الأحد يناير 04, 2009 6:23 am | |
| هههههههههههه
اكيد مصطفي بكري صحفي كبيييييير
بس اكيد وهو في حقوق مكانش اسمه صفاااء
عموما احنا نفرحلك برضه بس ابقي افتكرينا يا صفصوووف | |
|
| |
Fighter pilot صوباع المعلم اليمين
عدد الرسائل : 43 العمر : 38 تاريخ التسجيل : 01/01/2009
| موضوع: رد: كان نفسك تخوش كلية ايه ؟ الإثنين يناير 05, 2009 5:47 pm | |
| بصراحة يا نور انا مكنتش حاطط فى دماغى خالص انى ادخل كلية هندسة بس حبيتها لما اتخصصت فى قسم التخطيط العمرانى والعمارة .. بس كان حلمى بجد من صغرى انى اكون طيار مدنى عشان اسافر كل البلاد والف العالم كلو .... وفعلا الحمد لله ربنا حققلى امنيتى وبعد صبر انى اكون طيار بس طيار حربى موش الف العالم دا انا الف فى النار وتحت تهديد فى اى وقت .. انا عارف انى لما اقدم فى الاكاديمية انى هدخل جوى بس كان معايا واسطة بردو عشان اتاهل ليها بس الحمد لله انا نظرى ويس جدا وحاد جدا ورد فعلى سريع قلبى تمام مبخافش خالص وقصير ... والحمد لله المواصفات دى اللى دخلتنى واكون من الشرفاء انى اكون طيار حربى ... معلش طولت عليك .. توبك جميل اوى يا نور ومستنى المزيد
تحياتى
Commander of military aircraft | |
|
| |
نور نائب المعلم
عدد الرسائل : 1929 العمر : 36 تاريخ التسجيل : 25/07/2008
| موضوع: رد: كان نفسك تخوش كلية ايه ؟ الثلاثاء يناير 06, 2009 3:42 am | |
| نورت الموضوع يا كيبو وعلى فكرة انا لو منك حفرح اكتر انى بقيت طيار حربى لان مميزاتها فى نظرى اكتر من مميزات الطيار وكمان عشان تبقى تعدى علينا فى قهوة انح بطيارة اف 16 ولا اباتشى وتركن بيها قدام القهوة الحمد لله ان ربنا حققلك حلمك ويارب ربنا يحققلنا كل احلامنا شكرا للمشاركة يا بوب ومستنى مشاركاتك الجية | |
|
| |
Fighter pilot صوباع المعلم اليمين
عدد الرسائل : 43 العمر : 38 تاريخ التسجيل : 01/01/2009
| موضوع: رد: كان نفسك تخوش كلية ايه ؟ الثلاثاء يناير 06, 2009 7:45 am | |
| يالا بالمرة نتفسح مع بعض ... ونشد حاجرين فوق على قوة الاوزون ... | |
|
| |
sheetos دراع المعلم اليمين
عدد الرسائل : 491 العمر : 36 تاريخ التسجيل : 25/07/2008
| موضوع: رد: كان نفسك تخوش كلية ايه ؟ الأربعاء يناير 07, 2009 4:05 am | |
| خدوووووووووونى معاكوا انا باه كان نفسى ادخل هندسة وبعدها جبت مجموع فى تانية ثانوى مش كبير روحت محول فى 3قولت خلاص قشطه انا حدخل تجارة انجليزى فرقت معايا على 2 فى تنسيق قولت قشطه الحمد لله قولت انا حدخل كلية حربية عشان اطلع ظابط روحت مقدم ونجحت كل حاجة قولت قشطه اهو ربنا وفقنى فى حاجة روحت الكلية ملقتشى اسمى على علم ان ده حصل معايا سنتين وانتو طبعا عرفين ليه (كوسة) المهم الحمد لله دخلة كلية تجارة انتساب فرقة معايا انتظام على نص درجة بس الحمد لله انا اتخرجت من كلية وبتقدير كمان بس مش لاقى شغل | |
|
| |
Moamen Hassan المعلم صاحب القهوه
عدد الرسائل : 1465 العمر : 37 تاريخ التسجيل : 24/07/2008
| موضوع: رد: كان نفسك تخوش كلية ايه ؟ الأحد يناير 11, 2009 7:02 am | |
| انت ابن حلال يا دودو وتستاهل كل خير | |
|
| |
SANDY صوباع المعلم اليمين
عدد الرسائل : 75 العمر : 44 تاريخ التسجيل : 08/01/2009
| موضوع: رد: كان نفسك تخوش كلية ايه ؟ الأحد يناير 11, 2009 2:57 pm | |
| انا كان نفسي ادخل فنون جميلة لكن اللي حصل بقي نصيب | |
|
| |
الكوماندا المهم دراع المعلم اليمين
عدد الرسائل : 1439 العمر : 34 تاريخ التسجيل : 23/01/2009
| موضوع: رد: كان نفسك تخوش كلية ايه ؟ الجمعة يناير 23, 2009 6:42 pm | |
| اكيد كان نفسى اخش كلية الطب واكيد طب من بقى
ومالها كلية الحقوق ما هى فاتحة بيوت ناس كثيرة جدا
وكل حاجة تحت المسطرة | |
|
| |
journalist safsofa مشرفة القسم الاسلامي
عدد الرسائل : 2045 العمر : 34 الموقع : alex تاريخ التسجيل : 08/11/2008
| موضوع: رد: كان نفسك تخوش كلية ايه ؟ السبت يناير 24, 2009 7:42 am | |
| مش كده يا كومندا انا برده طول عمرى اقول ان الحقوق فاتحه بيوت ناس كتيرة بس للاسف لما تسقط مرة وانتين فجاه تلاقى البيت ده اتقفل الله معنا يا بنى | |
|
| |
الكوماندا المهم دراع المعلم اليمين
عدد الرسائل : 1439 العمر : 34 تاريخ التسجيل : 23/01/2009
| موضوع: رد: كان نفسك تخوش كلية ايه ؟ الجمعة فبراير 06, 2009 3:44 pm | |
| هههه
مرة واثنين بس
انتى طيبة اوى
مرة واثنين .............. وعشرة كومان
بس بجد بجد الكلية حلوة وتتحب من القلب
مفيش بلكونة قريبة سبونى ارمى نفسى عاوز اجيب 2 عصير قصب | |
|
| |
| كان نفسك تخوش كلية ايه ؟ | |
|