ما مصير ايميلك بعد وفاتك ؟

موضوع غريب وفكرته جديدة شفته فى منتدى عجبنى وقولت اعرضه عليكم.....

وهو موضوع يمثل منطقة حساسة في حياة البعض منا...

فكل إنسان منا له حق بأن يكون له أسرار خاصة به...

و أن يحمي تلك الأسرار .. والخصوصيات.

و من تلك الأسرار كان لا بد لنا أن نفكر في البريد الإلكتروني الخاص بنا...

هل فكرت يوما ما سيؤول اليه حال ذلك الايميل اذا ما أراد الله عز و جل ان يتوفاه؟!!

سؤال راودني كثيرا,... لربما نقول اننا نعيش اليوم .. و بعد موتنا لا نريد ان يبقى لنا اي شيء.

ولكن لربما حظي هذا البريد بأسرار تهم أهلك من بعدك .. أو تهم أناس هم بحاجة لها ..

و كان موتك بمثابة الضربة القاضية لهم ...

أو أن ذلك البريد يحتوي على معلومات لا تريد من اي أحد أن يراها !!

في جميع الحالات قد يفكر البعض منا أن يعطي كلمة المرور لأناس يثق فيهم

ويبادلوه تلك الثقة...

هل حاولت يوما أن تقدم كلمة المرور لشخص ما؟

إن كانت الإجابة بـ نعم :

فما مدى العلاقة التي قد تربطك بهذا الشخص لتثق به و تسلمه مفتاح أسرارك؟

وإذا كانت الاجابة بـ لا :

فما سبب عدم ثقتك في شخص يشاركك اسرارك و يضمن لك بقاءها حية بعد أن تفقد أنت الحياة؟

و من برأيك سيرث إيميلك بعد فنائك عن هذه الدنيا ؟!!

سؤال في حاجة الي اجابة منكم ..

والموضوع فى وجهة نظرى مش فكرة الباسورد بتاعت الايميل لكن الفكرة فى ثقتك فى اللى حواليك

طبعا الاعمار بيد الله لكن فعلا سؤال مهم معقول محدش فكر فيه ؟

منقووووووووووووووووول

اوووووووووووولا موضوع مهم جدا جدا جدا

وانا بصراحه عانيت منه فتره كبيره

لان صديقه ليا علي النت وكنا مع بعض في منتدي واحد

توفت في اول يوم رمضااااااااااااااااااااان

طبعا كانت صاعقه لينا كلنااااااااا

لان احنا كنا جروب بنات كبير

ولان احنا مكناش نعرف عن خبر وفاتها وهي بقي ليها فتره اسبوع مش بتدخل

وبالصدفه الباحته لقينا موضوع نازل في الركن الاسلامي

لانها هي اللي كانت مشرفه عليه

واخوها هو اللي دخل ويقولنا خبر وفاتهااااااا من الاكونت بتاعها وطبعا احنا مصدقناش

واعتقدنا ان الاكونت اتسرق

وبعديها اتفتح الميل بتاعها وبعت لينااااااا كلنا مسجات اننا ندعيلها

مش عاوزه اقولك يا نور قد ايه الموقف كان صعب جددددا جدا

يمكن انا مشوفتهاش او متقابلتش انا وهي في الواقع لانها من القاهره

لكن اتكلمنا كتييييير

ولغيت دلوقتي اميلها عندي ومش بمسحه

علي الرغم انه مبيتفتحش

بس مش عاااااااارفه ليه مش بقدر اشيله

لاني بجد كل لما ابص علي اسمها بفتكرهاااااا وبدعيلها بالرحمه

انا بعددددددددت خالص عن الموضوع اللي انت بتتكلم عنه

بس مش عارفه ليه قولت كده

يمكن مقدمه موضوعك هي اللي فكرتني بالموقف اللي حصل

اما بالنسبه لموضوع الباس ورد والميل

فهو بصراحه مفتوح عندي

لان الحمد لله اخويا ووالدي

مدين ليا الثقه وعارفين ان انا مش بعمل حاجه غلط

وانا الحمد لله بحافظ علي الثقه دي

وعلي الرغم ان كل واحد مننا احنا التلاته ليه اكونت لوحده في الجهاز

لكن الباس ورد مفتوح للكل لان مفيش حاجه اخبيها او اخجل منها واداريها

واعتقد ان اكتر ناس هقدر اثق فيهم هما اهلي

وبجدددد توبيك جميل اوووووي يا نور زي ما عودتنا ديما

بس مؤلم اوي اوي

ميرسى يا نوووور على الفكرة الجميله اوووووى للموضوع دا
بجد فكرة انك بتبقى تثق فى الاخرين دى حاجه مش سهله خالص
وبصراحه انا لو فكرت ادى لحد الاميل الباسورد لحد اكيد هيكون من اخواتى
اساسى يعنى لان دى الاشخاص الوحيده اللى انا بثق فيهم ثقه عميااااااااااااااء

بس ممكن سؤال ياا نور بصفتك كاتب الموضوع يعنى
يا ترى انت بقى لو هتدى الباسورد بتاعك لحد
يا ترى هيبقى مين ؟ يعنى مين الشخص اللى انت بثق فيه الثقه العمياااء دى ؟

مفيش حد بثق فيه للدرجة دى Exclamation

هو انا عن نفسى بصراحه مش بثق فى حد اصلا بس ممكن صحبتى القريبه منى اوى اديهولها
بس

انا بصراحه الباص وارد بتاعى مع انتيمتى عشان اصلا مفيش اى حاجه فى الدنيا ممكن اخبيها عليها وبجد بثق فيها ثقه عمياء
وكمان مع واحد زميلى فى الكليه مع العلم ان مفيش بينى وبينه اى حاجه لكن انا بثق فيه كاصدقاء اوى وانا كمان معايا الباص وارد بتاعه
هى حاجه مش صح اوى
بس انا مش بعتبر ايميلى من الخصوصيات الفظيعه فى حياتى
لان فى اصلا برامج تجسس وبقت منتشرة جدا ومن السهل ان حد يعرف انا بعمل ايه عالجهاز
وانا لانى واثقه انى مش بعمل حاجه اتكسف منها فممكن اسيب الميل مفتوح عادى بس للاسف برده مش لاى حد عشان ثقتنا فى البنى ادم بتقل مع الايام

ربنا يرحم الجميع يا نور
واعتقد ان ساعه الوفاه محدش حيفكر ساعتها في ايميل ولا غيره
وانا شايف ان كلنا باس ورداتنا مش مهمه اوي
لأن محدش فينا عنده ارقام حسابات بنوك مثلا او اسرار عسكري
ده طبعا ميمنعش ان فيه حاجات خاصه علي ايميلتنا
بس اعتقد ان اسراري الخاصه ع الايميل متهمش الدوله في حاجه
بس ممكن لو ادي الباس وورد حديه للمعلمه بس

على فكرة انت مفهمتنيش يا مومن
انا مش بتكلم عن الباسورد لانها طبعا حاجة تافهة
انا محور موضوعى هو انك تثق فى حد تديله الباسورد
مفتكرش اننا ممكن نديه لحد من صحابنا فى الزمن ده
انا موضوعى عن الثقة فى الناس والثقة فى اللى حواليك
وليه الناس مبقتش تثق فى بعض
وشكرا لردك يا معلم ما مصير ايميلك بعد وفاتك ؟ 294411

يعنى لو على الثقة
ممممممممم
معتقدش ان فية حد اثق فية فى الزمن دة
وانا اسيبة يموت الاميل ويموت معاة قصتى
ولا ادية لاى حد ....

نايييييييييييس توبك

كل انسان عندة فى حياتى اسرار وكدة بس مش كلها تنفع تتقال لحد

وانا بعتبر الايميل دة سر من اسرار حياتى

وطبعا انا افضل انى لو لا قدر الله مت مش هدية لاى حد

انا شايفه انه شى عادى الباسورد وانا فى 2 صحابى عرفين الباسورد واحد ولد والتانيه تونا طبعا والولد بجد انتيمى وبثق فيه جدا ومفيش مابينى وبينه حاجه خالص بس بجد ونعمه الصديق وتونا طبعا مفيش كلام
اما بالنسبه للثقه فى دى اكيد الواحد حيلاقيها لما يعرف يختار اللى حوليه صح
ونايس توبيك يانور

انا بقا صفصوفه عارفه ايميلى والباس وارد بتاعه
ولما اموت حتدخل تظبطنى

عادي اكيد هيموت ... و اكيد لو فيه حاجات مهمه و انا عارفه كده .. هقول لحد قريب مني في مرض الموت مثلا او اكتب الباصوورد ضمن الوصيه

بس لحد ناو الميل مفيهوش حاجه بلاهميه اللي تخليني افكر فيه واشيل همه كده

يمكن لما ابقى اكبر محاميه في مصر الموقف هيختلف Smile

نايس توبيك نور