الى تحبها متتجوزهاش ؟؟ يعنى دة كلام ينفع ؟؟انت ايه رأيك؟؟

(موضوع للنقاش العام)

اللى امشى معاها متجوزهااش ..............جمله اترددت كتير اوى الايام دى.....؟؟

الواد يقول مدام انا مشيت مع بنت تبقى البنت دى مينفعش اتجوزهاااا

علشان هيه مشيت معايا وخرجت واتفسحت معاها حبه .. او حتى كفايا انها وافقت تتكلم

معايا.....وكمان كان ممكن تعمل كده مع حد غيرى...........؟؟

بذمتكوا مش فيه ناس كتير اوى بتقول كده........ولا ايه؟؟

طب البنت دى اكيد انت تعرفها كويس

الى تعرفوا احسن من الى متعرفوش . من راى ان حبيت واحدة وعرفتها كويس وعرفت اخلاقها

واتاكدت انها بتحبك يبقى لازم تعرف انها اى حاجة بتعملها معاك بتعملها عشان بتحبك

وبتعملها عشانك انت بس ومش معنى انها وافقت تكلمك يبقى ممكن تتكلم مع حد تانى

هى بتحاول ترضيك .

وخليك عارف انك لو اتسبب فى تعاسة انسانة طول حياتها بسبب جرح سببتهولها انت كمان

هتفضل عايش حياتك تعيس زى ما اتسببت فى تعاستها وربنا مبيسبش حق حد .

وانت تضمن منين بقه ان البنت اللى هتخطبها او اللى هتتجوزها جواز صالونات مش تبقى

عملت كده مع كتير غيرك





منتظره اعرف راى الشباب فى الكلام دة ونشوف كمان مناقشة البنات

بصراحة يا محمد
دى فعلا مشكلة الشباب الاولى دلوقتى
بس انا بصراحة مش بحترم الدماغ المتخلفة بتاعت الشباب اللى بتقول كده
البنت المحترمة بتبان من البنت اللى
حتى ولو حصل بينهم ايه
البنت بيبان عليها هى بتعمل كده عشان بتحبك ولا عشان ده شغلها الطبيعى بتاع كل يوم بليل
ثم انا مش مقتنع بصراحة بموضوع جواز الصالونات ده لان الاغلبية بيفشل
لكن للاسف فى ناس مش بتبقى قدامها غير الاختيار ده وبيضطر يعمل كده لان فرصه فى التعرف على بنت يختارها قلت لانه خلص الجامعة
بصراحة انا شايف ان انسب وقت ينفع اى اتنين يختاروا فيه بعض هو وقت الجامعة لان ادامكم فترة طويلة تدرسوا بعض من جميع الجهات بعكس الوقت القصير اللى بيفرضه عليك جواز الصالونات

اسف انى طولت
موضوع شديد يا طيفا

دى قلة اصل ونداله من الصبيان
وافترا بعيد عنك
طيب يارب اللى يعمل كده يتجوز واحده مشت مع 18 قبليه وتستغفله بعد الجواز مع 22

بص يا عبد اللطييف انا معاك ان الكلام ده بقى يتقال كتير اوى الايام ديه
بس اللى بيخليهم يقولوا كده علشان اللى بيشوفوه من البنات التانية وعلشان بيبقى كمان من الاول بيقضيها معاها وبس
بس اكيد فيه بنات كمان بيحبوا كده برضه امشى معاك تخطبنى لأ

الموضوع ده بيرجع فى الاول والاخر للبنت يعنى لو هى حسست الولد بقيمتها وممكن تكلمه وكده بس فى حدود الاحترام عشان يحترمها وما تنزلش من نظره ويفكر يرتبط بيها بجد
ونايس توبيك

شكرا يا جماعه للردود

بس يا جماعه الموضوع دع باين جدا في المعاملات بين البنت والولد ومحتاج تفسير كبير

بس ارجع واقول ان البنت المحترمه بتبان من معملتها علي راي نور

ويا رب متقبل يا رب الدعوة من صفاء

وشكرا يا شكري لرايك وعندك حق فيه بنات كتير بتحب تتمشي بس وتقول خطوبه لا

بس فيه برضه العكس انهم بيحبو تدخل البيت من الباب

اما نونيا انا بشكرك لردك بس ازاي انا كنت ماشي مع واحدة قبل كدة ومش هقولك مش

بحبها ازاي اطمئن انني هي مش هتمشي مع غيري وده السؤل والموضوع بس ده

طبعا مش علي عموما البنات ولكن في بنات كدة ؟؟؟؟؟

بص يا طيفا ده بيتوقف عليك انت ممكن تعرف البنت اللى قدامك على حقيقتها وتعرف كل حاجه عنها ومن الاخر مفيش حد دلوقتى مش بيدخل فى اى علاقه سواء بنت او ولد

نونيا كتب:

بص يا طيفا ده بيتوقف عليك انت ممكن تعرف البنت اللى قدامك على حقيقتها وتعرف كل حاجه عنها ومن الاخر مفيش حد دلوقتى مش بيدخل فى اى علاقه سواء بنت او ولد

كلام جميل ومقنع وانتي عندك حق ان الولد هو الي بيعرف كل حاجة عنها بس فيها سعات وتقريبا بنات كتيرة الايام دي بتدي صور انها يما هنا ويما هناك وهي اساسا اي شيء وغلبانه كمان وانا اعرف شخصيان بنات كدة ولا انتي ايه رايك

اوك فى كده بس برضه انت ممكن تعرف ده واديك بتقول ان انت تعرفهم يعنى مش ممكن تتخدع

شكرا تونيا لاهتمامك بالموضوع


بس الي ممكن يضايق في الموضوع ده حاجة اغلب الشباب اخديني بالهم منها وهي اني

انا البنت الي مشيت معاها وحبتها طبعا ممكن الناس تبصلها بصه وحشه والناس مش

فهمه هي ايه بالنسبه ليه ففي الحاله دي الشب ممكنيراجع نفسو كتير قبل الخطوبه

والجواز وللاسف عشان الناس يعني ممكن تقولو بيضيع سعادته عشان كلام الناس


ايه رايكم في الكلام ده

اولا مرسى ياطيفا بس مش مهم راى الناس المهم انه يكون عارف ان الانسانه دى محترمه وبيحبها وفهماه واكيد يكونوا واخدين على بعض يعنى مش مهم كلام الناس المهم راحته وسعادتهم هما الاتنين لان هما اللى حيعيشوا مع بعض مش الناس

يارب تقبل دعواى يا رب

عشان الافترا اخرته كده