ذكريات اول يوم جامعه """ دي فضيحه برضه """

اهلا بيكون اهلا بيكون شباب انح

النهاردا فكرت في اننا نتكلم عن ذكرى حلوه جدا .... مبتتنساش اكيد

و هي ذكرى اول يوم جامعه

اكيد اليوم دا كنا كلنا بنحلم بيه بعد ما نتيجة التنسيق بأه و خلاص عرفت انك هتبقى فتى او فيتاء جامعيه احم قصدي فتاه جامعيه

و طبعا اليوم دا بيبقى له احساس مختلف كدا... اصلا مش بيجيلك نوم ليلتها من كتر الفرحه و ال exciting اللي بنبقى فيه .. ولا كأنك رايح دريم بارك

و طبعا بطبيعة الحال و ان المكان جديد شكلا و موضوعا ....

لااااازم ولابد تحصل مواقف طريفه و ساعات بتبقى محرجه


يللا كل واحد ياخدله واحد سحلب وانا اللي هدفع حسابه _يللا ان شالله ما حد حوش_

و يجلس على كرسي الاعتراف و يحكيلنا ايه اللي حصل معاه يوم ما دخل الجامعه



و يللا كلنا نسمع اغنية "في الكتب قرينا في الكتب رأينا ... الكلمه جنب الكلمه... الفله جنب الياسمينااا "

goooooo

و انا هبدأ


طبعا اول يوم دا كان يوم تحفه موووت بالنسبالي .. اولا كنت رايحه مع صديقه في اداب تاريخ اساسا و الحقيقه كنت نزلت المجمع قبل الدراسه مع صديقه في تربيه احم قصدي تربيه

المهم بأه رحت مع صحبتي دي .. و طبعا مكناش عملنا الكارنيهات و بندخل بالحافظه

اللي حصل بأه ان سعادتها نسيت الحافظه... و الحارس الحقيقه تقديرا منه لأول يوم و سنه اولى .. مدخلهاااش رغم ان البنت كانت على وشك البكاء _فرفوره صح ؟_

المهم بأه مكانش قدامها حل غير انها ترجع بيتهم و تجيب الحافظه اياها

_ فكان عليا اني اخوض التجربه وحدي يا زماني وحدي

طبعا دخلت من باب حقوقتي حبيبتي انا

و كنت داخله المجمع بتناكه ما في بعدها _ولا زلت _
اللي هو داخله من الباب مش هاممني حاجه كده و مبتسمه و عاادي جدا
و ركبي كانت بتخبط على الجيران اساسا

المهم بأه كفتاه محترمه محجبه مجتهده كده بأه اول حاجه دورت عليها هي جدول المحاضرات

وين الجدول وينووو ؟


المهم طبعا وقفت نقلته و المحاضره كانت لسه فاضل عليها ساعه

طلعت المبنى.. المدرج مقفول ..

نزلت و قلت امشي كده في المجمع يمكن الاقي اي وجه مألوف من الوجوه العجيبه دي _استغفر الله قصدي اللي عاملينه في مظهرهم_

قابلت واحده مكنتش بطيقها في الثانويه _بحس انها منحرفه _ احم المهم قلت اهو كائن بشري وخلاص ..لمصادف الحوسن طلعت معايا في حقوق _ يوووم لذيذ من اوله_

كانت معاها واحده صحبتها و الحقيقه رحبت بيا جدا .. و قلت ومالو اتمشى معاهم لحد ميعاد المحاضره الاولى

طول ما هما ماشيين يا انحاويه ... مش مبطلين كلام عن واحد ...
المهم الواحد دا اتكعبلوا فيه....
- طويب امشي انا بأه يا ..
- لا لا استني دا احنا هنسلم و نمشي..
-لالا سلمي براحتك و انا طالعه ...
-يا بنتي مستعجله ليه دا ... و قطع الكلام وجه هو يسلم
طبعا سلم و البنتين اول ما شافوه ولا كأنهم شافوا جوني ديب
و جه يسلم عليا انا طبعا قولتله مابسلمش وقاللي براحتك المهم ان الواد دا تاني يوم لقيت صحبتي بتقولي دا معجب بيكي

#ودا اول هبل استشفه من اول يوم جامعه... و هو ان من استعجال الناس للحب ممكن يقول انه معجب من كلمة: "ما بسلمش" كده .. يعني لو قلتله السلام عليكم و انا ماشيه ممكن يحبني!
دي مش تفاهه لا دا عدم فهم للحب.."البعض" بيبقوا داخلين مسستمين نفسهم انهم لازم يرتبطوا من سنه اولى كدا

المهم سيبتهم و طلعت استنى المحاضره و اتعرفتلي على كام واحده كده
و باقي اليوم عادي يعني عدى على خير حضرت ال3 المحاضرات و روحت
على فكره للناس اللي مش في حقوق ممكن تستغرب اننا بنبدأ من اول يوم كدا ولكنه الواقع يا انحاويه _لحظه ابكي _

جاري انتظار ردود الانحاويه كلهم

كان اول يوم كنت رايح لوحدى ومكنتش عارف حد


كنت بحسبة حيبقا يوم جميل والمدرج فاضى والدكتور حيخش يسلم عليك ويقولك حمد الله على السلامة والكلام الى بنشوفوة فى التليفزيون

لكن دخلت لقيت المدرج ياخد مليون نسمة والعدد كبير جداااااااااااااااااااااااااااااااااااا

وطبعا حضرت اول يوم وقولت توبة من النوبة دية انى احضر تانى بس بعد كدة اخذت على النظام دة


وبعد كدة اتعرفت على الاصحاب وكونا الشلة الفسدانة وادينا ماشيين
وبقت الحياة فى الحقوق فلة شمعة منورة

نايس توبيك يا عسل
بجد ده كان يوم مسخره وعمرى ما حنساه

اول حاجه الصبح وانا نازله بابا لقيته قايم يوصلنى رحت قلتله سبنى بقا انا نازله مع صحابى
وكانه بنتين واول ماوصلنا الكليه طبعا واحد ختيت واقف على الباب يقولى لازم بطاقه عشان يثبت ان الحافظه بتاعتى بكل غلاسه منى رديت عليه وقلتله بطاقة ايه انا لسه صغيرة ورحت داخله عنوة
المهم لقيت صحبتى متفقه مع ولاد خالتها يتقابله هناك وفجاه جم ولاد خالتها لقتهم ولدين وبنت البنت سابتناوراحت محاضرتها ومشفتهاش غير واحنا مروحين والولدين هى للاسف كانت مظبطه واحد منهم وانا مكنتش اعرف
وطبعا عشان تخلص مننا احنا الاتنين بقة عايزة تظبطلى ابن خالتها التانى ده باى طريقة وانا اصلا كنت طالعه من ثانوى قطة مغمضه وطالعه عليا عقد بطلعهاعليهم فى الكليه رحت قالبه على كل اللى قاعدين وقعدت لوحدى طول اليوم
وطلعت حضرت محاضرة واحده معاهم كلهم برده وطبعا وما ادراك ما مدرج حقوق ((نار الله الموقته)) بجد منظر صعب وبشع وناس غريبه وكله عايز يتعرف ورقم التليفون لمجرد الرقم وبدون اى سبب
كانه بيطلبوه قبل الاسم وحياتك
المهم فجاه لقيت واحد بيزاول رحت متنرفزة عليه راح تليفونى واقع ومحطش منطق وبكده انا بقيت شريده واهلى مش حيعرفه يوصلولى وانا لاول مرة بنزل البلد لوحدى
المهم كل ما حد يكلمنى مردش عليه وفضلت طول اليوم شبه العبيطه لحد ما جه وقت المرواح الساعه 2
ويالا نروح
لقيت صحبتى حتروح مع ولاد خالتها وانا طبعا لايمكن ده يحصل ابدا

قلتلهم طيب انته حتركبوا منين قالولى من محطة الرمل
وانا فضلت حاجات تيجى فى دماخى كده وايه محطة الرمل دى
وحاولت امشى وراهم من غير ما يحسه عشان اعرف المكان بس مكنتش عيزاهم يشفونى فللاسف تاهوا منى
وبقت الساعه 4 ومش عارفه اعهمل ايه
رحت راجعه ادام المجمع ولقيت مشروع عمال يقول موقف موقف
فرحت اوى وقلت اخيرا حلاقى موقف ورحت سالته فى من الموقف ده موصلات للعجمى قالى ايوا اركبى
ولقيت الراجل ماشى كتير اوى عكس اتجاه بيتى
وودانى مكان للاول مرة فى حياتى اروحه
واتاريه فى مكان فى اسكندريه اسمه موقف وللاسف من جهلى بالاماكن مكنتش اعرفه وكنت فكراه موقف موصلات

وطبعا ركبت دولى عجمى ودانى 21

وانا ساكنه فى البيطاش
وملخص الموضوع وصلت بيتى الساعه 8 وانا ماشيه من الكليه الساعه 2
واول ما دخلت البيت فضلت اعيط وباب بيقلى كنتى فين كل ده
فضلت اعيطوكل ما حد يكلمنى اعيط شبه العبيطه
يقولولى طب حد عملك حاجه اعيييييييييييييييط

وكرهت الكليه وحلفت منزلش تانى

واعد فى البيت اسبوعين ويتحايلوا عليا اروح واقولهم لا
لحد ما نزلت تانى بعد اسبوعين
وبدا الانحراف
وناو اى حد عايز يسالنى عن اى مكان فى اسكندرية يقلى

وميرسى اوى يا عسل علىالتوبيك ده

الحمد لله ياصفصوفه انك وضلتى البيت
انا بقى روحت اول يوم اناوصديقه عمرى تونا وادينا فى ايد بعض وقلنا ملناش دعوه بحد احنا مع نفسنا وفضلنا على الحال ده روحنا خدنا الجدول ومش عايزين نكلم اى حد كل ما حد يجى يتمحلس نقوله مش عارفين ونمشى ونحضر من محاضره لمحاضره لمده اسبوع كل يوم من 9الصبح لحد 3الظهر محاضرات وبعدين بقينا اكتر ناس عملين شلل فى الجامعه وده لان جمعتنا محدوده شويه وكله يعرف بعضه انشاله بالشبه وبقينا معروفين اوى واكتر من الصحاب مافيش بس الحمد لله فى بعد كده عرفنا مين الكويس وبعدنا عن اللى مش كويس بس بجد هو مش اول يوم بس هو اللى مسخره هو اول اسبوع
ونايس توبيك يابرنسس

هههههههههههههههههه
حرام عليكى ياشجره ده كويس انه بيبصلك بتانيب ضمير بس

يالا هل من فضايح

الاعضاء مش بتحكي ليييييييييييييه؟؟؟

داخلين يضحكو وبس