فينك يا طرزاااااااااااان (افتكاسه الكيل طفح بينا)

ايه يا شجره انتي قلبتي المواجع ليه


والله يا مؤمن المواجع موجوده وظاهره زي عين الشمس مش محتاجه تقليب

يابنتي المشكله مش في الشباب
المشكله في ظروف المجتمع اللي احنا فيه
لأن كل شاب طبيعيي بيخلص تعليمه بيدور علي شغل
يعني بيعمل اللي عليه
حته بقي انه ما يلاقيش شغل او يلاقي شغل مش مناسب


بس بردو يا مؤمن محدش ينكر ان في شباب عايزه تريح دماغها

ومبيكلفش نفسه يدور علي شغل وعايزه اقولك ان البلد فيها شغل

لكن للاسف مفيش ناس عايزه تشتغل

انت تعرف ان اقل نسبه بطاله موجوده عند الاشخاص الاميين

وبعدها المتعلمين تعليم عالي

واعلي نسبه بطاله موجوده عند المتعلمين تعليم متوسط

ودي اخر احصائيه قريتها

وان دلت علي شئ هتدل علي ان الاميين برغم اميتهم الا انهم بينحتو في الصخر علشان يحققو نفسهم

وبصراحه في ناس اميين في نظري احسن بكتير من ناس متعلمين تعليم عالي

واكيد في نماذج كتير بنشوفها في ده


دي مش مشكلته بصراحه ولازم اهل عروسته يفهمو ويقدرو ده

وللاسف ان هي دي المشكله

لان كل اسره شايفه بنتها كونتسه

ولازم تتجوز واحد زي كونتا كنتي او عمر الشريف


بعدين طرزان مين يا بنتي اللي نعمل زيه
هو اساسا طرزان ده كان بيعمل حاجه غير انه يلبس ورقه شجره
ويقعد يلف علي الشجر وياكل موز
طب عمرك شوفتي طرزان شايل تلاجه 16 بوصه؟؟
ولا عمره اشتره اوضه نوم عامله 20 الف جنيه

ههههههههههههههه
طرزان اخدها ايام الرخص

طب عمر طرزان راح سينما مع البت بتاعته وراحو ضربو جيلاتي عند عزه
وصرف يوميها بتاع 80 او 90 جنيه
خليني ساكت احسن
ال طرزان ال


هههههههههههههه

الكيل طااااافح اوي باين

وشكلك دفعت كتتيييييييييييييير

علي العموم تسافري وترجعي بالسلامه يا شجره الدر
وقهوه انح مستنياكي اوعي تنسينا


لا اسافر فييييييين
قاعده علي قلبكم

دي كانت مزحه مش اكتر

ونورتني يا مؤمن ويارب يكون التوبيك عجبك ونال رضاك

ممكن اسأل سؤال (هو مين طرزان الى انتو بتكلمو عنه اسسا؟)
مسأء الخير

نور كتب:

يوووووووووووووووووووه بقه
بقولكم ايه
انا طالع بمادة ومخنوق طبيعى فمحدش يقلب عليا المواجع
انامش ناقص
انتوا كمان حتعقدونى فى الجواز مش كفايا انى مش حلاقى شغل
عموما برضه
انا حبيت طرزان ده اوى
وانا حطلع من هنا على الغابة
لو انتى دايسة معايا يا شجرة الدر يبقى يلا بينا
انا حستناكى ترجعى من ابو ظبى عشان تجيبيلى الغسالة والبوتجاز دول
وانا ساعتها حكون محضرلك عشة زى الفل فوق شجرة
وحنعيش من ايراد الشجرة اللى جنبنا عشان حفتحها فرع لقهوة انح
ومتقلقيش بالك بالاكل انا عليا الموز

بايات

لا والله يابني عداك العيب وازح كمان

وموز ايه يابني ؟؟؟؟؟

ده انت علي كده مش هتتجوز شيتا

لا
هتتجوز قرده

هههههههههه

ودايسه قال هههههه


لا خليني صايمه احسن

يابني ده انا جالي طرزان ملو هدومه عايش في جزر هواي

كان هيجيبلي شجره بحري في ماليزا نصيف فيها

وشجره قبلي في مدغشقر نشتي فيها

بس انا اللي مرضتش

وكنتا كنتي بذات نفسه

كان قاعد عندنا وامو كنتي هانم قاعده هنا

وانا علي صرخه واحده مخدوش يابابا مخدوش يابابا

ههههههههههههههههههه

انت عارف بقي النفس

مفيش نفس خالص


ومتقلقش يا نور يا ابني

بكره تلاقي شيتا بنت حلال

اصبر

فات الكتير ما باقي الا الكتير

ومحدش بيموت منغير جوزا

love is my m.s.g كتب:

ممكن اسأل سؤال (هو مين طرزان الى انتو بتكلمو عنه اسسا؟)
مسأء الخير

مساء الدماغ العاليه

خفف المعسل شويه

انا باه عندى حل جامد طحن
بص الشباب يدور على ستات العندها 60 سنةومعها فلوس كتيرتتجوزها و5و6 سنين وتتكل على الله
وبعدها تعيش
او تتدورك على حته اجنبية تجوزها وتسفرك وعيش ياريس

اما البنات احتمال تعنسوا او فى حل ممكن تستوردوا عرسان من بره
على فكرة حلوين وارخص من هنا ومعاهم ضمان وشاحن هدية عشان لو عطل
بصى شجرة در بجد احوال البلد بجد صعب طحن وانا من راى ان حتى لو شاب اتجوز من الصعب جدا انه يقدر يتحمل مسؤولية بيت كامل لان العيش بقيت غلية جدا
وانا بقلك كده عشان انا روحت اشوف شغلانه قالى 150 جنية فى شهر
فانا راضى زمتك 150 تتجيب شقة وتفتح بيت وتربى عيال

انا باه عندى حل جامد طحن
بص الشباب يدور على ستات العندها 60 سنةومعها فلوس كتيرتتجوزها و5و6 سنين وتتكل على الله
وبعدها تعيش

الفيلم ده شوفتو فييييييين قبل كده

ااااااااااه ساعه تقب وساعه تهب

بس خلي بالك يا عبدالودود لان الستات العواجيز اليومين دول مبقوش زي زمان

دول متربيين علي السمنه البلده

لكن احنا كبيرنا بناكل بالزيت وبنقول تعبانين

وبالتالي دول بيعمروا في الدنيا وممكن توصل لسن ال80

لكن احنا ربنا يرحمنا ونوصل لل40

ففكر كويس لحسن قبل ما تتعشي بيها تتغدي هي بيك وتموتك يا كبدي ناقص عمر



او تتدورك على حته اجنبية تجوزها وتسفرك وعيش ياريس

علي العموم يعني البنات الاجنبيات دول بيبقول بيض اوووووي وعيونهم خضرا ياااااااااااي

وشعورهم صفرا حلاوتهم تموع النفس كده حلوين حلاوه تقرف هههههههههه



اما البنات احتمال تعنسوا او فى حل ممكن تستوردوا عرسان من بره

على فكرة حلوين وارخص من هنا ومعاهم ضمان وشاحن هدية عشان لو عطل

منا موصيه علي واحد من جزر القمر واتشحن وقرب يوصل

بصى شجرة در بجد احوال البلد بجد صعب طحن

وانا من راى ان حتى لو شاب اتجوز من الصعب جدا انه يقدر يتحمل مسؤولية بيت كامل لان العيش بقيت غلية جدا

فعلا والله وده لو هيدل علي شئ هيدل علي ان حال البلد بقي نايم

ويا عالم هيصحي امتي لان الحاله فعلا بقت تغم وتجيب الاكتئاب

وادينا كل يوم بنشوف وبنسمع عن حالات الطلاق


ده غير قانون الزواج الي اتعمل دلوقتي وبيطالب كل شاب انه يدفع 4000 جنيه والبنت تدفع 1000 جنيه

قبل كتب الكتاب

ومع كل طفل يتولد يدفع الاب 400 جنيه


يعني هما بيقولوها بالعلني مش عايزين ناس تتجوز

وانا بقلك كده عشان انا روحت اشوف شغلانه قالى 150 جنية فى شهر
فانا راضى زمتك 150 تتجيب شقة وتفتح بيت وتربى عيال



والله ياعبد الودود مش عارفه اقولك ايه هم يضحك وهم يبكي


150 جنيه دول دلوقتي بيتكمل عليهم ونجيب جزمه

لكن شوف دلوقتي الراجل عايز يحطك قدام الامر الواقع وانت مطالب انك تكون نفسك وتبني مستقبلك


لكن فعلا مفيش حاجه هقدر اقولها غير ربنا ان شاء الله يكون معاك ويكرمك بوظيفه كويسه

تقدر تبني بيها مستقبلك وتحقق كل احلامك

Moamen Hassan كتب:

انا شايف ان مفيش احلي من لبن الام

ههههههههههههههههه

المعلم قرر الاقلاع عن فكره الزواج

عندك حق مفيش احسن من القعده مع الست الوالده

تاكل وتشرب وتلبس وتخرج وتتفسح ومفيش مسئوليات

بس للاسف هي دي سنه الحياه وشر لابد منه

انا معاكوا بس فى الزمن المهبب اللى احنا فيه ده مكنش الشاب اهله
يساعدوه فى الشقه والشبكه والمصاريف دى مش حيتجوز الا على الاربعين
انا راى ان كل اب يامن مستقبل عياله من وهما صغيرين زى مااجدادنا عملوا معاهم وجوزوهم
وبعدين برضه الماديات مش كل حاجه لو انت بتشتغل ممكن واحده واحده مع بعض يعنى مش لازم شقه كبيره وتمليك ممكن فى الاول تبقى ايجار وبعدين تجيبها تمليك واحده واحده
ومش لازم العربيه الجيب يامعلم ممكت تقضوها اتوبيسات فى الاول

shimo كتب:

انا معاكوا بس فى الزمن المهبب اللى احنا فيه ده مكنش الشاب اهله
يساعدوه فى الشقه والشبكه والمصاريف دى مش حيتجوز الا على الاربعين
انا راى ان كل اب يامن مستقبل عياله من وهما صغيرين زى مااجدادنا عملوا معاهم وجوزوهم
وبعدين برضه الماديات مش كل حاجه لو انت بتشتغل ممكن واحده واحده مع بعض يعنى مش لازم شقه كبيره وتمليك ممكن فى الاول تبقى ايجار وبعدين تجيبها تمليك واحده واحده
ومش لازم العربيه الجيب يامعلم ممكت تقضوها اتوبيسات فى الاول

اهو ده الكلام يا شيموووووو

بجد تسلمي يامشمشه علي الكلام الجميل ده

هو ده عين العقل فعلا

لان الحياه لازم تمشي step by step

nice opinion shosho

thanx