نوووووووووور محبوس في سجن انح يا انحاويه

safsofa كتب:

بصى يا شجرتى برده مردش
جاااااااااوب
انا المحامى اللى شيعنى المعلم من طرف ام زكى

صفاء المحامىىىىىى
تقريبا رحت فى داهية
لو ربنا ستر وكان بيحبنى اوى يبقى مؤبد ان شاء الله

salem كتب:

ايييييييييييييييييييييييييييييييييييييييه ياصاحبى شد حيلك السجن للرجاله وانتا قدها وقدود


بس والله منور السجن


وانا هسألك سؤال واحد بس وهو ايه هى اكتر حاجه حسيت بقيمتها وزعلت عليها اوى لما ضاعت منك؟

ومتقلقش انا هوصى شجره الدر انها تخفف عنك السجن وتجبلك دى فى دى فى الزنزانه عشان تتسلى بليل

سالم حبيب قلبى
انت جيلى السجن وسايب القهوة لوحدها
وكمان جى تسالنى سؤال
طب مخصوم منك 213 يوم

وبالنسبة لسوالك يا برنس عن اكتر حاجة حسيت بقيمتها لما ضاعت :
فكانت لما بعدت عن الناس اللى عرفتهم ايام ماكنت متدين شوية وكنت بروح الجوامع وعرفت ناس جميلة بجد وكانوا بيجتمعوا فى كل حاجة حلوة ووحشة سوا وفى نفس الوق يتفسحوا فى كل مكان ومبيفوتوش صلاة ويشجعوا بعض وبيسالوا على بعض
بعكس الايام دى .......................

safsofa كتب:

ورجعنا تانى شوقى ليك خلانى انسى اى بعاد مابنا واى يوم عدااااا

انا معنديش غير اغنية واحدة ارد بيها على اغنيتك دى يا صفاء
اغنية
غلطة لهانى شاكر

safsofa كتب:

اولا:الخيانه بالنسبه ليك عبارة عن ايه؟ea9e0:

حب بدأ من طرف واحد وانتهى بنهاية قاتلة لنفس الطرف ده
لكن الطرف التانى مش حيتألم لا فى البداية ولا فى النهاية لانه اصلا محبش
اللى حب بجد لايمكن يخون

safsofa كتب:

ايه الاهم الكرامه ولا الحب وليه؟ea9e0:

الحب (( الحقيقى )) ثم الكرامة
يمكن فى ناس ممكن مش بتقتنع بكده
لكن لو اتنين حبوا بعض بجد عمرهم ما حيفكروا انهم يجرحوا كرامة بعض لان المفروض ان كرامتهم من كرامة بعض وزى ما قولت ده لو كانوا بيحبوا بجد
والكرامة حتبقى قبل الحب فى حالة واحدة :
لو طرف من الطرفين اتاكد ان الطرف التانى بيستغله على حساب كرامته............

safsofa كتب:

احسن سنه كانت بالنسبه لك ايه وليه؟ea9e0:

احسن سنة كانت السنة دى وبرضه كانت اصعب سنة
والسنة دى كانت احسن سنة عشان عرفت كنوز من الناس ا

safsofa كتب:

اكتر موقف محرج حصلك فى حياتك وفى المنتدى؟ea9e0:

لما كنت بتكلم مع واحد معرفهوش عن ان الدين الاسلامى وانه احسن من الدين المسيحى
مع احترامى لكل الاعضاء
المهم فى نهاية كلامى معاه
بقوله فرصة سعيدة وكده وقولتله متعرفناش...........
فبيقولى انا اخوك جرجس
كان نفسى اختفى ساعتها

safsofa كتب:

سماح البرهومى بتقول مستكتر ليه..تقولها لمين؟ea9e0:

انا مسمعتش عن الاغنية دى يا صفاء بصراحة
وبصراحة مش عاوز اسمعها لان اسم اللى بتغنيها سد نفسى

safsofa كتب:

بتقول نورا رحال لاتختبر صبرى ..نور يقلها لمين ؟ea9e0:

لاى حد بيفكر يستفزنى زى شجرة الدر مثلا لو فكرت تحط اسئلة كمان

safsofa كتب:

نور ممكن تشارك فى منتدى تانى وتبقى فى زى انح؟ea9e0:

مستحيل احب منتدى بالطريقة اللى حبيت بيها انح ولا عمرى حعمل نشاط فى اى منتدى بالطريقة دى رغم انى مشترك فى منتديات تانية كتير
ويمكن فى ناس قالتلى انك لو عملت النشاط والمواضيع اللى بتعملها فى انح فى منتدى كبير حتتشهر وكده
لكن انا يكفينى ان انا هنا معايا كل صحابى اللى بحبهم وعشان كده مش حينفع احب منتدى بالشكل ده غير انح
ويكفى انى صاحب مقولة ( لو لم اكن انحاويا لوودت ان اكون انحاويا )

safsofa كتب:

ايه رأيك فى شباب جيلنا ده؟ea9e0:

فى صفات كتير اوى فى جيلنا ده الغالبية منها وحشة زى :
1 - مكافح
2- ظروفه صعبة جدا
3- منفتح اوى
4- يائس جدا
5 - بيعتمد على الاخرين فى اغلب حياته

safsofa كتب:

مين اكتر واحد حبيته فى الطبيعه ومحبتهوش فى المتتدى؟ea9e0:

واحدة كده مفيش داعى اذكر اسمها دمها زى العسل وبنهزر مع بعض كتير اوى فى الكلية وبتموتنى ضحك اساسا انما مهما كتبت هنا فى المنتدى بصراحة مش ببتسم حتى

safsofa كتب:

كلمه نفسك تقلها لكل اعضاء المنتدى؟ea9e0:

عاوزين نبقى اصحاب بجد مش مجرد كلام وتواصل على المنتدى

safsofa كتب:

ايه لون الحياة المناسب ليك ولو حبيت تغيره حيبقى ايه؟ea9e0:

بصراحة انا بحب اللون الاسود جدا بس مفتكرش انه حيبقى لايق انه يبقى لون حياة
ولو حبيت اغيره فاحب اغير لون حياتى للون الاحمر عشان يبقى كلها حب

safsofa كتب:

واخيرا قلى ايه اكتر موضوع عجبك فى المنتدى؟؟؟؟؟؟؟ea9e0:

فى مواضيع كتير جامدة اوى
بس عجبنى اوى موضوع ( لاتجعل التوافه تحطمك ) فى قسم ايه اللى مضايقك
و مش قادر انسى موضوع الطفل الفلسطينى اللى اتقتلت والدته وهو فى حضنها

heba_cool02 كتب:

اية اكتر فيلم بتحبة؟

فى افلام كتير بحبها اوى يا هبة
فى العربى بحب فيلم ( تيتو ) اوى
وفى الاجنبى بعشق فيلم ( TROY )

heba_cool02 كتب:

اية اكتر اغنية بتحبها؟

اغنية ( مقدرش انساك ) محمد حماقى

heba_cool02 كتب:

وانتا صغير كان نفسك تطلع اية؟

مهندس كمبيوتر او بترول

heba_cool02 كتب:

نفسك تتجوز وانتا عندك كام سنة؟

مش حتجوز الا لما احب
انشله بعد ميت سنة

heba_cool02 كتب:

بتحب الاغانى النكد ولا الفرح؟؟

الاتنين
بس النكد اكتر بصراحة


واحب افكرك يا هبة فى الاخر انى عارف عنوان البيت وعارف مواعيد شغل باباكى
عشان لو فكرتى تسالى اسئلة كمان

انا حسالك سؤال واحد اكتر واحده بتحبها فى المنتدى واكتر واحده مبتحبهاش فى المنتدى او دمها تقيل على قلبك واكتر واحد بنحبه واكتر واحد دمه تقيل على قلبك وسمعنى سلام لو مكنتش انت تدلعنى مين حيدلعنى

عاشقه الغروب كتب:

انا حسالك سؤال واحد اكتر واحده بتحبها فى المنتدى واكتر واحده مبتحبهاش فى المنتدى او دمها تقيل على قلبك واكتر واحد بنحبه واكتر واحد دمه تقيل على قلبك وسمعنى سلام لو مكنتش انت تدلعنى مين حيدلعنى

اجابة السوال ده صعبة شوية
لان كل الشباب والبنات هنا اصحابى كلهم وبحبهم كلهم
وعارفهم من قبل ما نعمل المنتدى
فاكيد مفيش حد بكرهه والا مكناش دخلناه معانا
وطبعا بحب كل الاعضاء
لكن لو اكتر شباب وبنات فهو زمايلى والجروب بتاعى فى الكلية المشتركين فى انح

يا عينى
مين ده اللى فى السجن
بس بدل معاك محاميه شاطرة كده يبقى متقلقش يانور كله حيتظبط ويبقى تمام

dodo alaa كتب:

يا عينى
مين ده اللى فى السجن
بس بدل معاك محاميه شاطرة كده يبقى متقلقش يانور كله حيتظبط ويبقى تمام

محامية شاطرة ايه بس يا دعاء
اصل انتى متعرفيش صفاء
انا كده تقريبا اخدت مؤبد مع الشغل
ولو ربنا بيحبنى حيبقى اعدام بس ان شاء الله

شجره الدر كتب:

1-اهلك فى البيت غصبوك انك تتجوز واحده هما اللى عايزنها وانت رافض ومش عايز تتجوزها
ولو مااتجوزتهاش هتحصل مشكله جااااامده مع اهلك....هتعمل ايه ...ايه هيبقى رد فعلك....
وقولي الاحتمالين في الوقت لو انت كنت فيه مرتبط او لو انت في الوقت ده مكنتش مرتبطه

ااولا لو فى اهل بيعملوا كده يبقى دول مش اهل
وفى كلا الحالتين سواء كنت مرتبط او مش مرتبط فانا حرفض الجوازة دى
وحفضل متمسك باللى مرتبط بيها لانها ملهاش زنب فى كل ده
والحمد لله ان الواحد اهله مش كده خالص
ومفتكرش ان فى مبرر فى الدنيا يخلى اهل يعملوا كده فى ولادهم مهما كانت الظروف.......

شجره الدر كتب:

2-بتحب واحده موووت خلاص بقيت بتعشقها
بس للاسف الظروف اللى عندك ما تسمحلكش انك تتجوزها دلوقتى واهلها فى البيت مش هيستنوك..؟؟؟؟ اوصفلي رد فعلك

اكيد طبعا الواحد حيبقى فى حالة نفسية صعبة
لانه مش زنبه انه اتحط فى الظروف دى ولا هى زنبها ان اهلها عاوزين يأمنوا مستقبلها
ومش معنى كده ان البنت ملهاش دور هنا بالعكس بيبقى ليها دور كبير اوى ولازم تقوم بيه فى محاولة الدفاع عن حبيبها ومحاولات اقناع اهلها ....
بس ساعتها الواحد لازم يفكر انه يتصرف باسرع وقت وباى وسيلة مشروعة و الاهم انها تكون سكة مش غلط
لكن لو عمل كل محاولاته وكل اللى يقدر عليه فهو اكيد مش حيقدر يغير المكتوب وساعتها يبقى يرضى باللى قسمه ليه ربنا .
بس يكون عمل اللى عليه عشان ميندمش وضميره يأنبه فى يوم من الايام..............

شجره الدر كتب:

3-انت قولت في موضوع قبل كده في المنتدي ان الحب من طرف واحد مايبقاش حب وكلامك مظبوط..... انت بقى لوحبيت واحده بس هى ما بتحبكش..
ما تقوليش فى داهيه ومع السلامه.... انا عايزه اعرف نور من جواه هيبقى عامل ازااااى....؟؟؟

اكيد ححس باحساس صعب اوى
والحمد لله انى محستوش قبل كده
وبدعى ربنا من قلبى انه ميحصلش
والمشكلة ان الطرف التانى بيبقى برضه ملوش زنب لانه معرفش يحب ومش عاوز يضحك عليها .............
وبيبقى حاسس بالطرف التانى اوى لكنه مش قادر يعمل حاجة
لانه يأما يبعد عنها ويشوفها بتتالم ويتالم عشانها
يأما يرتبط بيها ويضحك عليها وده طبعا مستحيل لانه بيحطها فى مكانة اخته وان ده حرام جدا.

شجره الدر كتب:

4-اشمعني المانيا اللي نفسك تسافر ليها؟؟

بحبها اوى من صغرى وكنت بقرا عنها كتير وليا ناس اعرفهم هناك حببونى فيها اوى من صغرى واتعرفت على ناس كتير منها على النت وكنت دايما بختارها فى اى لعبة كمبيوتر ومن احلامى انى اسافر هناك شهر العسل

شجره الدر كتب:

5-ايه ردة فعلك لما تقولك حبيبتك ,,, أحبك آه أتجوزك لا ؟

حقولها احبك لا واخطبك لا واحبك لا واعرفك لا
قوم بالليل لا قوم بالصبح

شجره الدر كتب:

6-بتؤيد الزواج العاطفي ام الزواج التقليدي ؟ وليه ؟

الزواج العاطفى طبعا .............

لان نسبة نجاحه بتكون الضعف عن الجواز التقليدى
لان فى فرق كبير بين اتنين اتقابلوا صدفة وحبوا بعض
وبين اتنين اتقابلوا مخصوص وعمدا عشان يتعرفوا على بعض ويتجوزوا بعض وهنا بيبقى فيه فرصة كبيرة انهم يمثلوا على بعض وكل واحد يعمل نفسه احسن واحد فى الدنيا علشان يعجب التانى ودى بتتعمل بالزات من البنت ...........

وللاسف مع مرور الوقت وبعد الجواز الشخصية الحقيقية بتبدأ تظهر على حقيقتها وممكن الموضوع لاقدر الله يؤدى لطلاق............

ولكن ممكن نتلافى ده بالجواز العاطفى لان كل واحد بيبقى على طبيعته ومفيش مصلحة ليه انه يمثل على التانى لانهم كانوا بادئين مع بعض كصحاب ومفيش صحاب بيمثلوا على بعض

طولت اوى فى الاجابة انا سورى

شجره الدر كتب:

7-هل تعترف بشيء اسمه الصداقه بين الرجل والمرأة ؟

هو بصراحة دينيا معروفة انه حرام
ومشكلة جيلنا اننا كلنا عارفين كده كويس لكننا برضه بنصاحب ..............
ومش حنكر انى واحد منهم وبعمل كده
وانا دى من ضمن عيوبى واللى بحاول اغيرها بس فى نفس الوقت بحافظ على انى مكونش انطوائى اجتماعيا..............

شجره الدر كتب:

8-لو مثلا صحيت من النوم وملقتش ولا اي حد حواليك ولقيت نفسك في صحراء.. حتعمل ايه؟؟؟؟؟؟

حقول يووووووووووووووووووووووووووووه الحلم تانىىىىىىىىىىىى
وحنام تانى عشان اصحى الاقى نفسى فى بيتنا

شجره الدر كتب:

9- لو فرضنا انك شفت واحدة وأعجبت بيها أوى تعمل ايه علشان تحسسها بيك ؟ عايزه أجابه صريحه وواضحه

ححاول اقرب منها مع المحافظة على شخصيتى وعدم تغيير اى حاجة فيها والاهم انى مكدبش عليها فى حاجة فيا عشان مترسمش فى خيالها انسان تانى و لو حبتنى يبقى حبت شخصيتى الحقيقية ...................

شجره الدر كتب:

10- ايه هى المرة اللى حسيت فيها انك عبقرى
والعكس ؟؟؟

اما نجحت فى الفيزياء

شجره الدر كتب:

11-تعمل ايه لو اترفضت في يوم خطوبتك وانت لابس الحته اللي علي الحبل ومجلجل شعرك وعامل قصه
ورايح بكل الاطه وبعدين اهل العروسه رفضوك وقالو ان انت مش عاجب العروسه

وانا ايه اللى حيخلينى من الاول اتقدم لواحدة متعرفتش عليها وانا مش عاجبها اساسا
طبعا
بس ده لو حصل طبعا حاخد الهريسة اللى كنت جايبها معايا واروح..........

شجره الدر كتب:

12-مين اللى بتشوف وشه فى الصبح تقول يا نهار نحس ومين اللى بتتفائل بيه الصبح

انا مش النوع اللى بتفائل بحاجة وبتشائم بحاجة...........
ثم انا متشائم من غير حاجة اساسا ونكدى كده زى ماناس اعرفهم بتقولى

شجره الدر كتب:

13-لو آديتـك قلم وورقــه وقلم ..هتكتب ايه وهترسم ايه؟؟

هكتب سبحان الله وبحمده سبحان الله العظيم
وحرسم بحر فوقيه شمس ومركب فى الميه..............

شجره الدر كتب:

14- لو واحده من زميلاتك فى الجامعه جت جمب ودنك كده وقالتلك انها
معجبه بيك وبتحبك هتعمل ايه..؟؟ واوصف رد فعلا بالظبط

احم احم
مش عارف ليه السوال ده بالزات مش مرتاحلك فيه نفسيا يا شجرة
بس لما بيحصل ده انا ببدأ اتفاهم معاها وبتناقش معاها فى الموضوع بهدوء
وفى نفس الوقت مش بحاول اجرح مشاعرها خالص.................
وبتعامل على حسب الشخصية اللى قدامى وعلى حسب الطريقة اللى بتوقع انها ممكن تتقبل الوضع بيها................
يعنى فى ناس مثلا لازم الموضوع ييجى معاها بهزار
وفى ناس الموضوع لازم تاخد موقف منها عشان تقدر تتقبل الوضع
وفى ناس بتبقى مضطر انك تعمل حاجة وحشة مقصودة علشان يكرهوك لان ده بيبقى السبيل الوحيد انهم ينسوك ويبدأو يعيشوا حياتهم عادى وده بيبقى اصعب اختيار بالنسبة للطرفين............

شجره الدر كتب:

15- كنت خارج مع حبيبتك واخر حلاوه وانسجام وحب حب وعشق عشق وفجأه اخوها جاي من بعيد وبيبص عليكم
حتعمل ايه؟؟؟؟؟؟؟

اكيد حفضل مكانى وحقف اتكلم معاه عادى جدا واكون واقف واثق من نفسى تماما وحيكون كلامى معاه على حسب الاتفاق بينى وبين اللى مرتبط بيها............

يعنى طبعا صعب انى اقوله انى بحبها وهو مكانش ليه علم بالموضوع من الاول من اخته وساعتها حسبب كارثة ليها فى البيت واحتمال متخرجش تانى ومعرفش اتقدم ليها اساسا

وفى نفس الوقت لو قولتله انى صاحبها مش اكتر حتبقى بدايتى معاه كذب وساعتها حبقى بدأت معاه مشوارى مع اخته بكذبة وطبعا ده غلط وانا مش حعمل كده

لكن كلامى معاه حيتحدد على حسب نوعية اهلها وعلى حسب اتفاقى معاها وعلى حسب شخصيتها وشخصية اخوها وعلى حسب الموقف نفسه.................

شجره الدر كتب:

16- لما انت تكون فى مشكله وانت اللى مظلوم وتتفاجأ ان الكل جاى عليك ومطلعينك غلطان
رغم انك مظلوم يا عينى وبرده مفيش فايده
حكموا عليك ان انت اللى غلطان.....من جواك بتبقى عامل ايه
اوصفلى شعورك....؟؟؟؟؟ بصراحه

احساس الظلم ده صعب اوى ومفتكرش ان فى اصعب من كده
لان الانسان بيبقى صعبان عليه نفسه اوى
وانا اتحطيت فى الموقف ده كتير بسبب كلامى اللى بيتفهم غلط ساعات
وساعتها بحس باحساس فظيع وساعات الموقف بيخلى الواحد مش قادر يدافع عن نفسه اصلا
لكن بحاول اتماسك تانى واحاول اوضح وابرر موقفى وادافع عن نفسى
ولو مجاب نتيجة ساعتها الموقف حيتحدد على حسب حاجتين:
1- لو الناس دى غالية عندى ويهمونى ساعتها طبيعى حقول انا اسف يا جماعة ومتزعلوش منى حتى لو مكنتش مقتنع.............
2- لو الناس دى متفرقش بالنسبة لى مش حعتذر وحقولهم انى عملت اللى عليا ولو عاوزين تصدقوا صدقوا مش حتصدقوا يبقى فى داهية وانا مش حعتذر ابدا ............

شجره الدر كتب:

17- كل واحد عنده نسبه لا مبالاه انته عندك كام ^%

نسبة كبيرة جدا وتقريبا ممكن تكون فوق ال 75 %
وكانت فى فترة معينة كل يوم فى زيادة...............
لكنى بحاول اقللها الفترة دى لان خطرها زاد اوى................

شجره الدر كتب:

18-كلمه في مسوده تقولها لماما وبابا

ربنا ما يحرمنى منكم

شجره الدر كتب:

19- امتى تفكر فى الانتقام من شحص ما وايه السبب اللى ممكن يدفعك لكدا ؟؟

بجد ده من اكتر العيوب اللى فيا
لان مجرد ما حد بيأذينى بنتقم منه انتقام فظيع ومعايا دكتوراة فى المجال ده
وبحاول امسك كل الخيوط اللى تقدر تخلينى انتقم منه
وممكن يكون انتقامى اشد من غلطته معايا اضعاف مضافة
ومش بحس بيأس..........
يعنى ممكن اخطط خطة لو تطلبت انها تستمر سنين لغاية ما انفزها ومبنساش الحق ده
وفى واحد عملت معاه كده بس انتقامى كان صعب اوى وانا زعلت من نفسى جدا ساعتها ........

شجره الدر كتب:

20-اوصف لينا يومك بيبقي عامل ازاي من اول ما بتصحي من النوم؟؟

بصى يا ستى
كل فترة بيبقى ليها تقضيتها وايامها
لكن الاهم انى بحاول اعمل واجباتى الاساسية مع اهلى وبدى حقى لنفسى
وبصراحة الفترة دى صعبة اوى عليا لانى متلغبط فيها جدا
بسبب انى متكعبل فى موضوع الجيش اللى تقديمه الشهر الجى
واللى مخلينى ولا عارف اشتغل ولا عارف اقضى وقتى فى حاجة مفيدة
بجد فترة صعبة اوى................

شجره الدر كتب:

21- هل تؤيد مقولة (العين تعشق قبل القلب) ؟

اها طبعا
بس مع المزز بس
لكن اكيد طبعا مستحيل حد يحب حد من قلبه الا لما يكون على الاقل قابل شكله
ومحدش قلبه بيدق لحد قبل ما يشوفه اكيد..........................

شجره الدر كتب:

22-تعمل ايه لو صحيت من النوم وبتدخل علي انح ...وملقتهووووووش نهائي والمنتدي بحححححح
وجيت تدخل علي اميلاتك كلها لقيتها مسروقه؟؟؟؟؟؟؟؟
هتتصرف ازاي وايه ردك فعلك

حعتبر ده كابوس واخوش انام تانى عشان اصحى افتح الايميل................
ولو صحيت لقيت الوضع متغيرش مش حيبقى قدامى غير انى ارمى نفسى من كوبرى استلى

شجره الدر كتب:

23- امتى حسيت بالعتمة (بمعنى مش شايف جواك كويس او مش قادر تفهم او تفسر سلوكك لفترة ومش حاسس باى حاجه ولا حاجه لها طعم ) ؟

فترة التسع شهور اللى فاتت دى
لانها كانت اصعب فترة عدت علي فى حياتى بجد
وكنت مبعرفش نفسى
وكانت كل تصرفاتى مش انا ..............
بس بحاول اتكيف وأتاقلم على الوضع الجديد
وبحاول ارجع نوووووووووووور..................

شجره الدر كتب:

24-هقولك مجموعه اغاني لمطربين بتحبهم وهما اليسا وتامر وتقولي بتهديهم لمين


انا شكلي هحبك ولا اييه : للحلبة الحليب عشان شربتها فى كافتريا قبل كده وعجبتنى :good

يابنت الايه : ريهام صاحبتى

انتي اللي عملتي لكل شباب الدنيا قلق : هيفاء وهبى

اعتذري : ليكى انتى يا شجرة عشان عملتى موضوع السجن ده

ارجعلي انا قلبي معاك مش قادر انسي هواك : محدش

اكتر حاجه بحبها فيكي هو ده : رقة مى صاحبتى

حبيبي وانت بعييييد : بابا فى سفره

مكنتش مبين : لكل اللى اتخدعت فيهم

شجره الدر كتب:

اليسااااااااااا بقي

خد بالك عليا دي مش معامله تعاملني بيها : للناس الغاليين عليا اوى

اواخر الشتاء : اهديها لفصل الصيف ....

بستناااااااااك : اى حد متاخر عليا

ذنبي انا ذنبي بهوااااك: لاى حد بحبه ومعاملته معايا وحشة

لو تعرفووا : للناس اللى متعرفنيش

شجره الدر كتب:

25-اكتر حاجه ممكن تدايقك من اصحابك واكتر حاجه ممكن تبسطك منهم ؟

اكتر حاجة بتفرحنى انى اخرج معاهم ونعيش وقت لزيز.........
واكتر حاجة بكرهها انهم يتعاملوا مع بعض كاصحاب فى وش بعض وفى ظهر بعض يكونوا اعداء والكراهية مالية قلوبهم.................

شجره الدر كتب:

26- لو موبايلك رن ولقيت رقم غريب بيرن عليك ورديت لقيت صوت بنت تحفففه وبتعاكس ؟؟ ياتري هتعمل ايه؟؟

طريقتى ثابتة على التليفون وع النت :
( لو مقولتيش انتى مين يبقى مع السلامة ومتتصليش هنا تانى )
احبك وانت حمش

شجره الدر كتب:

27- لو عرفت انى مت فى يوم من الايام هاتعمل ايه؟

حطمن انى مش حتسجن تانى

شجره الدر كتب:

28- انت مؤمن بالمقولة دي... الراجل بميت ست وان جات الست يغور الراجل...
وهل ممكن تبيع صاحبك علشان واحدة

المقولة دى مش بتتطبق مع اى حد
لكن لو كنت مع واحد صاحبى متعود عليه اوى وحبيبتى جت فطبعا مش حتكسف منه واقوله بعد ازنك حروحلها
ده لو كان معندوش دم اساسا ومشى من نفسه يعنى

شجره الدر كتب:

29-هل ممكن تتجوز واحدة اكبر منك في السن لانك حبيتها

اكيد ............الحب الحقيقى مش بالسن

شجره الدر كتب:

30- ختامه مسك بقي.....اسئل كل حد سئلك من الاعضاء سؤال نفسك تسالهوله
والاعضاء لازم تجاوبك

لا والنبىىىىىىىىىىىى
لاحسن يسالونى تانى
ده انا من غير ما اكلمهم سألونى الاسئلة دى كلها اومال حيعملوا ايه فيا بقه لو سألتهم

انا بس نفسى اعرف حطلع امتى انا بقالى اكتر من اسبوع
ده انا لو كنت ممسوك فى قضية امن دولة مكنتش قعدت كل ده
وبطلب الافراج فورااااااااااااااااااا مع وقف تنفيذ الحكم

لا مش مصدقة
حبييييييييييييييييب قلبى فى السجن
طبعا انت متعرفش انا ميييييييييييين
وانا مش حقولك
خليك كده محتارررررررررررر

يعنى ينفع كده اول ما اسجل فى قهوتك الاقيك فى السجن
فرحانة فيك مووووووووووووت
ووحشتنى مووت والله بجد


المهم بقاااااااااا يا سيدى
انا حسئلك سوالين بس
شوفت انا طيبة ازاى

1- ايه اكتر مطرب بتحبه واكتر مطربة ؟
2- انا مييييييييييييييييييييييييييييين ؟

الف مبروك على الافراج يا نووووووووووووووور

مبررررررررررررررررروك يانور على الافراج وكفاره
حاكل انا بقى العيش والحلاوه اللى كنت جيبهوملك
بس قوليلى ياشجره هو طالع حسن سير وسلوك
طب مش ممكن نجدد الحبس 5 شهور كمان عشان خاطر الحبايب
اصل انا اعز نور اوى

الف مليون مبروك يا نور على البراءة

مش قلتلك معاك محاميه شاطرة
دى صفصوفه جايبه افراج لكل الاهالى امال انت فاكر ايه اسألنى انا

ممكن الاتعاب بقا عشان البت مزنوقه اليومين دول والدوا غالى والعيشه مرة وانت فاهم بقا مش حتكلم فى الحساسيات دى

اشطه يا مان برائه اخيرا دانا كونت فقد الامل

الف مبروح يا عم ومنجلش فى حاجه وحشه

الف مبروك يا نور على الافراج

الف مبروك يانور عالبراءة

مش قلتلك يا معلم انى حطلعك براءة

يالا هاتلى زباين بقا عشان اتشهر على ايدك

بس يارب الاول انح ترجع زى ما كانت

مبرررررررررررررررررررررروك يا نور على الافراج الف الف مبروك

طلعتلى من تانى يا ابو عيالىىىىى ونبى العيال كانو لايصين من غيرك نورت بيتك يا خويااااااا