عفوا الشباب المصرى غير متاح حاليا...من فضلك اعد المحاوله مره اخره

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريا

واللف مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!
- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )

حيث تشير إحدى الدراسات إلى أن:




80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. )

طب تعالوا نشوف ازاى الشباب المصرى بيستفيد من الانترنت

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي
( مصيبة لا تكون مش عارف دول كمان )
لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج


معلش هو موضوع احتمال طبعه هجومي بس واقع ومش هيعجب
كتير ومش هلاقى عليه ردود بس برده نزلته المعرفة بالشئ ولا
الجهل بيه

اولا موضوع جميييييييل اوي يا نونيا

وفي بيت للمتنبي بيقول

وكم ذا في مصر من المضحكات ....ولكنها مضحكات كالبكا

للاسف نحن امه اقرا ولا نقرأ

اول ايه في القران

ا(((قرا )))


وللاسف مفيش ناس بتقرا

حتي علي الاقل في مجال تخصصها

وده طبعا شئ مش بيحصل

حتي التي في واللي بجد انا بشوووووف انه مصدر مهم جدا للثقافه

حتي لو برامج كوره او سياسه او اغاني او مناقشات او برامج شبابيه او مسلسل او فيلم

فكلها برامج مفيده وعلي الاقل هنطلع منها بمعلومه

لكن للاسف الناس دلوقتي كمان مش بتتفرج علي التي في ومبقاش عندهم وقت

وتاني مصدر الجرايد واللي دلوقتي مبقتش بتتقرا والحمد لله

بس احنا كشعب مصري بنستغلها في عمل قراطيييييس

فعلا احنا شعب منتج ومبدع ومفكر

وطبعا المشكله الاكبر ان الكتب الدراسيه عقيمه ومش بتفيد بأي معلومات

ودي كارثه تانيه وهي ان التعليم بايظ

وطالما التعليم بااااااااظ يبقي هنقول علي البلد يالاااااا السلامه


وبجد انا خايفه من الايام اللي جايه

لاني بصراحه مشوفتش اي جيل عمل حااااجه جامده في مصر

غير جيل 73

واحنا والحمد لله عايشين علي ذكراها

ربنا يستر من اللي جااااااااي

وميرسي ليكي يا نوني علي التوبيك الغير متاح

بس والنبي قوليلي هيبقي متاح امتي علشان ابقي اتصل

لعلي وعسي حد يرد عليا

بجد بجد بجد موضوع جاااااااااااااااااامد
هو فعلا الشب المصرى غير متاح
بس برضه اقولك على حاجه مش كل الشباب نايمين ولا كل الشباب بايظين ولا كل شباب مشيه فى طريق غلط
وبعدين مش لازم اعرف كل حاجه عن بلدى عشان اكون كويس ولا مثقف
هى اصلا معملتش حاجه عشنا
ولا سعت انها توفرلنا حاجه
طب ازاى احنا هنسعى وراها
كل شب فينا دلوقتى لما يكبر ويقول يا كفاح اول حاجه بيفكر فيها هى السفر
لو هنعاتب بجد فلازم نعاتب البلد اللى احنا منها
افتحى التلفزيون كدا وشوفى هما اهم حاجه عنهم ايه
وبينشرو ايه
قليل اوى لما تلاقى اعلان عن بيشجعنا على حاجه كويسه
دا حتى افلام التاريخ بتتعد على الايد
بس طبعا مش عشان كل ده احنا نمشى وراهم ربنا عطلنا عقل عشان نفكلر بيه
ونعرف الصح من الغلط
ومرسى اوى على التوبيك دا

اولا مرسى ياشجره على ردك الجميل والمقنع جدا
ومرسى ياعمرو لمرورك وردك بس فى حاجه البلد ملهاش ذمب فى اللى احنا فيه احنا لو فكرنا شويه حنلاقى برضه العيب منا عارف ليه لاننا بنشوف الناس اللى نهبه البلد وبتسرق حقنا عينى عينك ومحدش بيتكلم ولا بيسال هما بيعملوا ايه وده اللى خلانا كده سلبيين ومش بنفكر اننا نساعد البلد لا كله بيهرب بره وبيشتغل احسن ما بيشتغل فى البلد وده شئ موسف طبعا لانه حتى لو لقى شغل هنا مش بيخلص فيه بجد
ومرسى لمرورك وياريت مكنش طولت عليكم

ميرسى يا نونيا
بس ليه مسالتي الشباب بتهرب بره ليه
عشان الظلم اللى احنا فيه لو البلد بتدى الواحد حقه عمره ما هيفكر يسبها ولا يهرب منها بس احنا بنهرب من الظلم
وكتير طالبو بحقوقهم ومسكتوش بس احنا عارفين مصيرهم ايه (المعتقل)
وبرده هو لو لقى مقابل لشغله بما يرضى ربنا اكيد هيشتغل بضمير
ازاى بقه ملهاش زمب
بس اقولك لو كلنا بقينا ايد وحده صدقينى حاجات كتير هتتغير
على فكره امن الدوله مستنينى بره ههههههههههههههههههه
ميرسى يا نونيا

هههههههههههههههههه
انت بلغت ولا ايه ياعمرو لا ياعم روح سافر
بس اديك قولتها لو كلنا بقينا ايد واحده حاجات كتير حتتغير وواللهى العيب مش فى البلد العيب فى الشعب

موضوع جامد اوى ومهم يا نونيا

وبصراحه لا تعليق بعد الى شجره قالته

مرسى ياتيرى ونورت التوبيك

علي فكرة الموضوع جميل وفعال اوي وللاسف دي قضية احنا كلنا غافلين عنها
للاسف دي حقيقة بس دهى ميخلناش نفقد الامل لان ايماننا بربنا هو سر حياتنا
احنا عرفنا الي فيه مشكلة وبعدين
يلا نبدا نحلها وباسلوب علمي
اولا حددنا المشكلة وعرفناها وهي فساد في كل شيء بصفة اعم فسادمجتمع
ثانيا يجب تحليل عناصر هذه المشكلة بمعبي ان المجتمع ده طبقات
طبقة متعلمة ودي الي هنتعامل معاها
نسيت اقول ليكو في الاول الي احنا في المجتمع ومنه مش لازم نهرب
انا عن نفسي بشبه النجاح او الحرية اواي هدف عظيم ممكن يتحقق علي مراحل عمرية متتاليةبالسرح العظيم الفرق بين السلبي والايجابي ان اليجابي بيضع لبنة في هذا البناءوهذا البناء لايكتمل في وجود جيل واحد يكتمل هذا البناء عند مشيئة رب العالمين
ولكن يابخت من قام بالمشاركة في هذا البناء ووضع ولو لبنة مكتوب عليها اسمه
انا اسف ساكمل ردي فيم بعد لان عندي ميعاد دلوقتي
بس يلا نشارك في الموضوع ده ويلا بيناى ندور علي الحل ونشوف كل واحد فينا ممكن يعمل ايه

فعلا ده موضوع مهم جدا
بس اللي خلانا كده اننا بنعيش ونموت علشان حاجتين اتنين
الاولى
اننا نفتخر بامجاد اجدادناواللي عملوه
والتانية
اننا نجيب العيب على مصر كل ما يحصل حاجة ..... اللي احنا خليناها ميتة كده
احنا خليناها ميتة ازاي؟؟
سؤال وجيه
احنا شعب طيب وشهم وكل حاجة
لكننا
سلبيين سلبيين سلبيين!!
ودي في حد ذاتها مصيبة كبيرة
احنا شعب سلبي لاقصى حد
لو شفنا ايه بيحصل مش بنتكلم ولا بنتحرك الا بعد ايه!!بعد ما تخرب
بس اتنين ولا تلاتة من وسط 80مليون يطلعوا في مظاهرة
وبيتقبض عليهم
ليه طيب؟؟ مش علشان مصر ظالمة لاااااااا
لانهم طالعين لوحدهم وزي ما قلت 2ولا3يعني اي عيل ماشي جنبهم
يقدر يعتقلهم
لكن لو كلنا اتحركنا محدش يقدر يقف قدامنا ولو جابوا حتى القوات المسلحة
لكن فين؟؟
كل واحد معتمد عالتااني علشان هو اللي يتكلم ويطالب ووو
وكل واحد فينا بيعتمد عالتاني علشان هو الي يتقدم بالبلد
لكن لو فضلنا كده مصر محدش هيعرفها تاني
بنفتخر بالاهرامات؟؟
هيجيلها يوم وتقع من الظروف المناخية الي حواليها
بنفتخر باالعلماء بتوعنا والادباء؟؟
احمد زويل ونجيب محفوظ واحمد شوقي ووو
هييجي يوم وتروح عليهم حتى لو العالم فضل فاكرهم هيبقوا قدموا
هما وانجازاتهم
بنفتخر بالنيل مسيره يجف في يوم
لازم احنا ننجز ونتحرك الناس طلعت القمر
وهيسكنوا المريخ
واحنا لسه بنتخانق على افران العيش
عيب عيب علينا اوي
لو كلنا بقينا ايد وحدة اكيد محدش هيقدر يقف قدامنا
لكن تقول لمين بقا
النوم واخدنا والراحة واخدة كل وقتنا
بس خلينا ده كله هييجي على دماغنا ودماغ ولادنا اللي هيشحتوا من بعدنا
بسبب القحط اللي هيبقى في البلد

وشكرا اوي عالموضوع الاكتر من رائع يا نونيا
انا اسفة اني طولت عليكم بس الكلام ده كان جوايا
وهنا قدرت اقوله بصراحة
اما دلوقتي بقا
عن اذنكم
البوكس مستنيني بره

علي فكرة الموضوع مش موضوع مظاهرات وبس
يا جامد يلي بتطلع في المظاهرات انتي
بس الموضوع كبر اوي زيادة عن حده
للاسف الفساد وصل لينا احنا يا طلبة
للاسف ممبنذكرشي بجد ولا باخلاص للاسف ده اسمه تقصير في العمل علشان هي دي وظيفتنا
كلنا لاسف بنذاكر علشان ندخل المتحان الا الناس الحلوين اللزيك طبعا يا

white angel
وشوية صغيرين
للاسف احنا مندورش علي مصلة غيرنا او علي الاقل المصلحة العامة [i]
تعالي نسال نفسن او نسال اي حد ايه هدفك وعييييييييييييش مع نفسك بقااااااااااا
ياريت نحب بلدنا زي ما بنحب نفسنا
علي فكرة انا عايز اسال عن حاجة هو الروس الكبيرة في البلد دول مين
تسمحولي اجاوب
هما كانو شكلنا في يوم من الايام بس الفرق ان بعضهم او اكترهم كانو فاقدين هويتهم
مش عاوزين نكون منهم يلا بينا أدينا بأيد بعض نحو مصر جديدة






علي فكرة عربية الوكس ولعت احقي طفيها علشان تروحي بسرعة
ايا white angel

يلا بينا
بس ثواني هلبس الطرحة واجي
ثواني ثواني مش هتاخر
هههههههههههه
هههههههههههههههه
والله معاك حق فعلا الموضوع موضوع الفساد الي بيجري
في دم الشباب المصري
((انا مش بطلع في مظاهرات علشان للاسف في المدارس مش بيعملوا مظاهرات
بس سايباها عليكم انتوا بقا يا سباب الجامعة))
وياريت فعلا نكون كلنا ايد واحدة
احنا فعلا والله لو حد وصل للموضوع ده هنتمسك
احنا اتكلمنا فيه كتير اوي
بس هو ده الراي العام اللي مش ممكن يسكت ابدا