أولا : البنت بتحب الولد التقيل خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه
ثانيا : البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبد العزيز فى حرميه كي جى2 ولو ما عندكش فلوس .......وفاشل ارسم عليها انك غنى اشتغلها.. هو انت يعنى لاقى شغل يا فاشل اشتغلها
واعملها شغلانتك.
ثالثا : البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص
رابعا : البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.
خامسا :البنت بتحب الولد الحبوب المحبوب استخف نفسك وخليك كده فريش طول الوقت وغلس على كل خلق الله وهزر فى اى وقت وبداعى ومن غير حسسها ان كل الناس بتحبك تهزر معاهم.
سابعا :البنت بتحب الولد الى يفهمها انها احلى بنت اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها.
ثامنا : البنت تموت فى الولد الى شكله معتوه البس لبس غبى ....لازم تسقط البنطلون البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول لو عمر دياب مره حلق حواجبه اوع تتردد اديها حواجب قرعه علطول.
تاسعا : البنت بتحب الولد التافه اتكلم ع التمثيليات وبرامج التليفزيون والاغانى الجديده والفيديو كليبات و والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفو موهبتك وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها. عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها بنى ادمه واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى النسوان . اوع تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار ولا اى شحاته ((نوع كده وخليك واد كووووووول)) النتيـــــــــــجــة هتعلق نص بنات الدنيا والنص التانى هيعلقو واحد تانى قرا نفس الموضوع ولو أنت و هو اتفقتو سوا ممكن تبقو تبادلومع بعض النص بتاعك والنص بتاعه لو كل واحد اتخنق من النص بتاعه طبعا هتسأل وباقى شبان الدنيا يابنى دول خلاص ندهتهم النداهه كلهم كمنشات ومعظمهم مضحوك عليه وعايش فى وهم معيشاه فيه بنت
ملحوظة هامة جدا :
أنا كاتب الموضوع ده من باب النكتة لا أكثر علشان كدة مش عايز أي بنت تزعل مني
مع تحياتي لكل الأعضاء (البنات قبل الرجاله)
Nonaa دراع المعلم اليمين
عدد الرسائل : 2688 العمر : 34 الموقع : اسكندربه مدينه العشاق تاريخ التسجيل : 02/01/2009
اولا يا اسلام انا عارفه انك كاتب على سبيل الهزاربس انا حرد على سبيل الجد سورى يعنى اولا البنات اللى كده تبقى متخلفه وما اظنش ان فى بنت تحب فى ولد كل العته والهبل ده ولا حرامى ولا عشان معاه فلوس لالالا مش حتحبه حتحبه على ايه يعنى وبعدين ازاى حراميه زى كى جى 2 لا هى كانت مدرسه ومحترمه وخليته هو كمان انسان محترم جدا وجدير بيها وياريت مكنش ازعجتك بكلامى ونايس توبيك
بنت الحارس مساعد صبي القهوه
عدد الرسائل : 39 العمر : 35 تاريخ التسجيل : 12/02/2009
اية يا حنان مش كفاية الى انا عارفة عاوزة اية تانى بعد كل دة
روحى نامى شوية
journalist safsofa مشرفة القسم الاسلامي
عدد الرسائل : 2045 العمر : 35 الموقع : alex تاريخ التسجيل : 08/11/2008
موضوع: رد: نصائح للشباب لتعليق البنات الأربعاء فبراير 18, 2009 7:30 am
ثالثا : البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص
منك لله يا نيشه كل مادى بتكرهنى فى الرجاله بس نايس توبيك يا عسل وانا مزعلتش برده عشان انت اصلا مش بتعمل كده وبعدين كل بنات الانحاويه مزعلتش عشان مش حنعمل عقلنا بالكلام ده برده يا عسل ولا ايييييييييه؟ ثانكس مرة تانيه عالموضوع
terey رومانسي القهوة
عدد الرسائل : 994 العمر : 31 تاريخ التسجيل : 02/09/2008
موضوع: رد: نصائح للشباب لتعليق البنات الخميس فبراير 19, 2009 8:56 am
اشطه عليك يا شيتوس
كلام جامد واحلى حاجه فيه
انك لو فعلا معاك نص بنات اسكندريه
النصايح دى هتبقلشك
وهتشحت على باب السيده جزم حريمى
هههه انا بس بهزر يا مان
Moamen Hassan المعلم صاحب القهوه
عدد الرسائل : 1465 العمر : 38 تاريخ التسجيل : 24/07/2008
موضوع: رد: نصائح للشباب لتعليق البنات الأربعاء مارس 18, 2009 10:45 am
ربنا يزيدك من علمه يا سولم طول عمرك بتاع بنات ومجرب اكيد تفهم اكتر مننا برضه
white angel دراع المعلم اليمين
عدد الرسائل : 567 العمر : 28 تاريخ التسجيل : 27/05/2009
موضوع: رد: نصائح للشباب لتعليق البنات الإثنين يونيو 08, 2009 11:36 am
إحنا طبعا أكيد مش هنزعل لأننا متاكدين إنك بتهزر يا باشا عالعموم موضوع رائع و الكلام ده صحيح 100% لو فتحتوا أي موسوعة عالمية هتلاقوا الكلام ده مذكور ولا إيه يا بنات؟؟؟؟؟؟ إحنا ساكتين يا إسلام ومش عايزين نولعها عليكم والطيب أحسن ما يغركش إن إحنا طيبين إحنا معانا بنات تاكل الزلط ولا إييييه يا بنات ؟؟؟؟؟ حد يقوله حاجة حد يوريه قدراتنا إوعى تنسوا إن المرأة بتاكل في نص مطاعم المجتمع (المرأة نصف المجتمع باللغة العربية) ههههه
موضوع: نصائح للشباب لتعليق البنات 
الثلاثاء فبراير 17, 2009 2:28 pm
