خبر عااااااااااااااااجل

انته اكيد مستغربين لانى كسرت الاضراب ودخلت كتبت حاجه
بس صفاء مش بترجع فى كلامها


لكن انا مش صفاء انا اقرب صاحبة ليها وهى اكتر من اختى ولو كان ليا اخت مكنتش ححبها اكتر منها
بس هى حصلها حادثه صعبه شويه وكان لازم اقول ليكم علشان كلكم تدعولها انها تقوم لنا بالسلامه تانى
هى صحيح تعبانه شويه بس انا عندى امل انها حتبقى كويسه تانى


واحنا دلوقتى مفيش فى ايدنا اى حاجه غير الدعاء ليها وانا انشاء الله حبقى ادخل اطمنكم عليها من وقت للتانى

الف سلامه عليكي يصفاء نسال الله الشفا لكي

انتي اكيد بتهزري
لو الكلام ده بجد يا ريت تقوليلنا ايه اللي حصل بالظبط لو سمحت

صفاء قافلة تليفونها................
no comment
بطلب من اصحابنا البنات انها تدخل وتحاول توصلها
وتقولنا ايه الحكاية............
وعموما انا مفتكرش انك حتهزرى فى حاجة زى دى
بس ياريت تطمنينا عليها
وربنا يارب يشفيها..................
وترجعلنا بالسلامة

لا حول ولا قوه الا بالله
الف سلامه يا صفاء
ان شاء الله تخفي بسرعه

ربنا ستر
ويقومك بالسلامة

وننتظر حد يطمنا على صفاء بسرعة

الف سلامه عليكى يا صفاء

وانشاء الله ترجعى بلسلامه

الف سلامه على صفاء بجد لوسمحتى بما انك صحبتها ياريت تقولى ايه اللى حصل بالظبط علشان بجد انا قلقت عليها اوى وياريت تطمنينا عليها كل شويه ميرسى ليكى

يا جماعه صفاء خرجت من المستشفى الصبح وانا عندها دلوفتى

وهى وصتنى انى ادخل واطمنكم انها بقت احسن الحمد لله

وانشاء الله حتبقى كويسه قريب وترجعلكم تانى بس لازم تعض كام يوم كده فى السرير متتحركش عشان ميحصلش مضاعفات عشان حصل شوية مشاكل فى ظهرها واتخبطت فى دماخها فلو اتحركت كتير ممكن الخبطه تأثر على عينها

وشكرا لكل اللى سأل عليها وادعولها وهى انشاء الله حتبقى كويسه............اسماء العوضى

ألف سلامه يا صفاء
ان شاء الله هتبقي كويسه وأحسن من الاول
يا رب تقومي بالسلامه

يا جماعه صفاء بخير الحمد لله انا لسه ساءل صحبتها عليها
وهى بخير الحمد لله والنهارده هى احسن
وان شاء الله ترجعلنا بالسلامه

ادعولها بس

ان شاء الله تقوم تانى بالسلامة وترجع الى مكانها الطبيعى
والف بعد الشر عليكى وقدر الله ما شاء فعل

الف سلامة عليكى

ياجماعة ادعولها

قول امين

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

يا حول اللة

امييييين يازيزو

ربنا يرجعك لينا ياصفاء بالسلامه وهى الحمد لله دلوقتى احسن يارب ترجع بالسلامه وتنور انح تانى

ربنا يقومها لينا بالسلامه الف سلامه عليكى يا صفاء

طبعا ياريت كلنا ندعي ليها بالشفاء يارب

وانا لسه متصله بيها من شويه

وهي الحمد لله بتتحسن

وزي ماقيل ان ظهرها فيه شويه مشاكل صغيرين

والمطلوب منها الراحه التامه الفتره دي

وربنا يقومها لينا بالسلامه ان شاء الله

وترجع من تاني تنور المنتدي

وياريت ياجماعه كل لما ندخل المنتدي ندعيلها لانها محتاجه دعانا فعلا

يارب تقومى بلسلامة يا ام حمادة يارب وتنورى المنتدى من تانىولو ان حمادة حيصدعنا تانى

ايه ده هى صفصوفه قامت من السرير وسيحت لنفسها فى النت ولا ايه

خلاص يعنى يا صفصوفه مش قادرة تستنى لحد لما تخفى بس اكيد مش هى اللى كتبت

عشان بجد انا لما شفتها لقيتها تعبانه اوى ده غير الشلفطه اللى هى فيها

ربنا يشفيكى يا صفصوفه يارب

بس هى بتتحسن الحمد لله
ربنا يستر
وادعولها انته كمان ربنا يقومها بالسلامه

الف سلامة عليكى يا صفصوفا

وان شاء الله أزمة وتعدى وتبقى كويسة

وتنورى انح من تانى

وربنا معاكى يشفيكى

ربنا يشفيكى ياصفصوفة


وياجماعة حد قراء الدعاء اللى كتبوا زيزو



امييييييييييين يازيزو

الله يسلمكم كلكم يا جماعه

انا لو بقيت كويسه دلوقتى فبجد بفضل دعواتكم وسؤالكم عليا بجد انته صحاب جامدين اخر حاجه

وكلكم طلعته عندكم اخلاص واخلاق فوق تصور اى حد

وبشكر كل اللى سال عليا واللى مسالش برده
مع ان تقريبا مفيش حد مسالش
عشان انته بجد ناس ملهمش وصف وكل يوم بيزيد حبى ليكم اكتر واكتر وطبعا

عاييزن بقى تعزمينا كلنا على تورتة حلاوة رجعوك بلسلامة بس خلى بالك انا بحبها بلشكلاتة

هبا مش بشوفك غير لما تكونى عايزة تاكلى

وبعدين تورته ايه احنا اتفقنا على سنكوشت كبده

مكنش فى تورته خااااااااااااااااااااالص


وعشان الحوارات دى

كمان ححرمك من سنكوشت الكبده

كنت حقسمه بينك انتى وهند

دلوقتى مفيش خالص ولا انتى ولا هند