دلوقتـي هنمسـك نظريـة الولاعــه .. و هنركـز على الجـزء الأولانـي دلوقتـي
نبدأ بمشاهـد بتحصـل من أرض الواقـع
المشهـد الأول :
بعد ما فتحي خطب فتحيه .. رايح مره يقعد معاها فى البيت .. طبعا ً ابو الآنسه فتحيه قاعد .. يدور فتحي على ودن فتحيه و يقولها
هو الحج مش هيقوم يا فتحيه بقي ولا ايه .. مش هنقول الكلمتين
فتحيه : انا متفقه مع ماما بعد 10 دقايق تيجي تاخدي
قبل ما فتحيه تخلص كلامها تدخل طنط ام فتحيه وتنادي على عمو ابو فتحيه ..
تعالى قشر معايا البطاطس !!
بعد فاصل من الحب .. تبص فتحيه لفتحي وتقوله انا عاوزه اقولك حاجه بس خايفه لا تزعل .. يرد فتحي بكل لرومانسيه .. مفيش حاجه تقدر تبعدنا عن بعض يا قلبي
تقول فتحيه : انا كنت اعرف واحد قبلك بس مكنتش بحبه زيك طبعا .. بس فى لحظة ضعف استغل تعلقي بيه و غلطنا سوا !!
المشهـد التانـي :
سنيـه .. و فتكـات قاعديـن سوا قعدة حريمـي
سنيـه تقـول لفتكـات ..
ازاي اكلم العريس الى متقدم دا .. و اوافق عليه ازاي وانا غلطت مع واحد قبله
ترد فتكات .. ياستي وافقي و متجبيش سيره .. والطب دلوقتي ممكن يصلح كل حاجه
سنيه ترد تقولها.. طب و ابدأ حياتي معاه على كدبه .. ازاي وانا عاوزه ابدأ معاه من جديد
ترد فتكات .. وانتى فاكره انه لو عرف هيتمسك بيكي بعد ما عرف انك ساكند هاند !!
المشهد التالت :
سيد و سعيد ماشين عـ الكورنيـش
سيد يقول لـسعيد : تخطب و تجوز مين يابني.. متعرفش ان سعيده دي العيال اغتصبوها قبل كدا .. يعني مهيش بنت بنوت
يرد سعيد : الى حصل دا كان غصب عنها كانت راجعه من الدرس وطلع عليها شوية عيال مساطيل وهيا مقدرتش تهرب منهم .. و الحكومه مسكتهم و اترمو فى السجن بعدها .. يعني هيا شريفه ودافعت عن نفسها ..
يرد سيد : ايوه بس متنساش كلام الناس و الى يشاور و يقول مش دي الى حصل كذا وكذا هتقدر تواجهه الى حصل دا قدام الناس و نظراتهـم !
دلوقتي احنا هنطلب من الشباب و البنات ..كل واحد يحط نفسه فى المشاهد التلاته ..
الشباب تحط نفسها مكان فتحي هل هتقدر تسامح !!
وحط نفسك مكان سعيد .. هل هتقدر تتجوز واحده مغتصبه وتطنش نظرات وكلام الناس
و البنات تحط نفسها مكان سنيـه .. هل هتصارحي الى جاي يتقدملك و الصراحه راحه .. ولا هتبدأي معاه على انك بنت بنوت و تقلبي ولاعه !!
موضوع: شوف واقوالى بس الصراحة راحة 
السبت مارس 07, 2009 11:54 am
