قصيدة البتاع

يالى فتحت البتاع فتحك على مقفول

لان اصل البتاع واصل على موصول
لان اى شىء فى البتاع الناس تشوف على طول
والناس تموت فى البتاع فيبقى مين مسئول

وازاى حتفتح بتاع فى وسط ناس بتقول
لان هذا البتاع جاب الخراب بالطول
لان حتة بتاع جاه الغبى مخبول
امر بفتح البتاع لانه كان مسطول

وبعد فتح البتاع

جابه الهوا المنقول
نكش عشوش البتاع وقال بكل اصول
وفات فى بيت اببتاع قام سمم المحصول
وخلا بيت البتاع اصفر حزين مهموم

وساد قانون البتاع والعلا والمعلول

والقاضى تبع البتاع والقاضى تبع البتاع


يبقى البتاع فى البتاع والناس سايبها زهول

وناس غرقانا فى البتاع وناس تموت من الفول
وناس تنام عالبتاع وناس تنام كشكول

ادى اللى جابه البتاع

جاب الخراب مشمول
لان حتة بتاع مخلب لراس الغول


باع البتاع بالبتاع
وعشان يعيش على طول

عين حرس للبتاع وبرده مات مقتول



يارب يعجبكم البتاااااااااع

هو ايه البتاع طيب ههههههههههه

والله اجمل بتاع قريته

وهو زجل من ازجال احمد فؤاد نجم علي فكره يا سمسم

اقريله كتييييير علشان هيعجبك اوووووي

وميرسي يا بطوطه علي مجهودك

وعاوينك تجيبنا بتاع كتير من ده

ههههههههههههههههههههههههههههه


الله يخربيتك يا سلمى

بتاع ايه بس اللى قرفانا بيه

كتكوا القرف مليته البلد

ايه البتاع ده يا بت

بجد احمد فواد نجم تتحفه
كل كلماته تحفه كده

اها حلوالبتاع ده
تسلم ايدك على البتاع يابت ياسلومه

انا عندي فيديو وهو بيقولها
شكرا يا سيمو علي اللبتاع الجميل ده وربنا يكتر من بتاعاتك

يادى البتاع اللى وجعتى دماخنا بيه

ومسمعتهوش من سلمى اصلا

تحفه