ترميمات أنح...

السلام عليكم
جاءنا البيان التالي
بعد حدوث زلزال بمنطقة قهوة أنح.. و حدوث تداعيات مريبه أدت إلى إنخفاض معدل الإقبال على المقهى و حدوث سرقات عديده حيث إختفى برطمان المخلل في ظروف غامضه
قررنا نحن التالي...
_أولا: سرعة العوده للقهوه و المساعده في ترميم آثار الزلزال
يعني نرد على المواضيع الموجوده جميعها.. أكرر جميعها
_ثانيا: نطلب من الساده أعضاء أنح نسيان موضوع الإنتخابات دا بصفه مؤبده .. واللي مش عاجبه هنحكم عليه بشرب شاي دون سكر طوال فترة معارضته
ثالثا: نرجو ملاحظة التالي:
. إن القهوة كانت جديده ..ومعظم اللي سبب المشاكل دي هو سوء التفاهم و عدم خبرة معظمنا بالشغل على المنتديات
. المنتدى كان فيه مميزات خلته مميز عن أي منتدى تاني.. هو إنه بدء من شلتنا و كان شغال تمام لما كنا ايد واحده وكلنا بنحب بعض و مفيش نفسنة بنات هبله ولا تسرع حكم على ولاد لمجرد انها ناس جديده او خلل في توازن الجد مع الهزار ... يا ريت نرجع الروح الحلوه دي من تاني
‏
و معاكم من أول ??/?/????
نفتتح المنتدى من جديد
و شعارنا دايما: قوم يا أنحاوي أنح دايما بتناديك ادفعلي حسابي حسابي دين واجب عليك

إحم من أول خمسه و عشرين يونيه

و شعارنا دايما: قوم يا أنحاوي أنح دايما بتناديك ادفعلي حسابي حسابي دين واجب عليك



تفتكرى ينفع ده يحصل تانى؟

انا اتمنى ده

بس خليكى اد كلمتك

لو عايزة تبدئى يبقى من النهارده
مش من 25\6
يالا
نلتقى بعد الفاصل

حبيبي إزيك وحشاني
اخبار تاريخ القانون ايه معاكي؟ خدي بالك الدساتير الامبراطوريه جايه. و ادخلي علجروب حاطين الحاجات الي الد. قال عليها
انا بودي ابدأ من اللحظه دي
و على أد ما أقدر دخلت عملت جوله في القهوه ونفضت كام كرسي كدا وقعدت و كنت عايزه اعملي نيسكافيه لقيته منتهي الصلاحيه و الأنبوبه فاضيه
‏
بصي انا متفائله جدا
انح مش راجعه زي الأول لأ دي راجعه بينا احسن من الأول خمسين مره
‏
انا محدده معاد اول يوم بعد الامتحانات. حبيت اكون واقعيه و احط في بالنا إن الناس بتمتحن.. ودا التاريخ الحد الأقصى لإمتحاناتنا
بالمناسبه احب اشيد بمجهوداتك يا صفصف في القهوه و تمسكك بيها حتى وقت الزلزال كنتي ماسكه في رجل طرابيزه و بتبكي بحرقه و تقولي بلاش الطاقيا انا عندي حساسيا
نتقابل كلنا بعد الفاصل بإذن الله
تفائلوا وحياة مؤمن

عندك حق فعلا لما دخلنا على الامتحانات كلنا بعدنا عن المنتدى وانا معاكى فى كل الى انتى قولته لازم المنتدى يرجع احسن من الاول ويطور خمسين مرة عن الاول وتبقى كلنا ايد واحده وشله واحده بلاش العراك كل شويه لازم نعرف اننا كلنا بنهزر مع بعض يا انحاويه

معاكى حق والله ياااميرة بس يريت بجد تعرفى ترجع انح من تانى

واحنا معاكى فى اى حاجه يااقمر

يا جماعه مش هيا اللي هترجع انح لوحدها
لازم كلوا بجد يشتغل ومش يتكلم ع الفاضي ولازم مواضيع جديده كتير تنزل والعاب جديده تنزل وكل واحد يدخل علي اي موضوع يرد عليه ومش يمشي ويسيبه كده بجد انا اوقات كتير جدا كنت بلاقي فرحه وسعاده ف انح فيا ريت كله يدخل
وكمان انا عندي فكري احنا ممكن نجيب اعضاء كتير من علي الفيس بوك ونعمل جروب لينا هناك علشان القهوه تحقق مكاسب بقي
اي حد عنده صاحب يقله ويروجاخبار لققهوه والمشاريب بقي تبدأ تنزل من جديد

طبعا يا كوماندا انت مننا وتحمل الجنسيه الأنحاويه
و واجب عليك أول ما تخلص امتحاناتك تنزل تشتغل معانا

نقطه جامده جدا يا عاشقه الغروب
تستاهلي عليها كباية عصير فجل هههههه
بجد روحنا في المنتدى هي روح الأخوه وزي ما قلتي كلنا بنحب بعض و محدش منفسن من التاني عشان أول ما قلب الهزار لجد حصل الزلزال اياه
خلاص احنا نسيناه و محدش يسأل حد ايه اللي حصل.. واللي يسألك قوليله ملكش دعوه
بالحب اتجمعنا
والدنيا هتسمعنا
والليله أول أعيادنا
أدي طريق امجادنا
و ادي السمر ولادنا
وأدي انح و ادي بلدنا
افريقياااااا
!lol!

اهلا اهلا مرح
والله أنا عايزاكي معانااا
خلصي امتحاناتك و لمي هدومك و تعالي اعملي كامبنج هنا في المقهى
إنتي عضوه نشيطه زيك زي صفاء و كوماندا و عاشقة الغروب و تشستر و غيرهم كتير
القهوه تخسر بجد لو تمشي أو اي حد فيكم يمشي
و خدي عصير الفجل دا عشان أختك مش بتحبه باللمون‎;-D‎

اهلا اهلا تشستر
احب اطمنك ان فكرتك اتنفزت و فشلت
و الحقيقه دي فكرتي اساسا .. بس تفيذها كان بشع وحاولت اقنع مدير التنفيذ الجروب اني اشتغل معاه ادمن لإن مش دا الي كان في دماغي .. بس الله يحفظه اخد حتتين الصيغه بتوعي و سافر
بص سيب موضوع الفسبوك دا عليا انا خبيره فيه اكتر-وليعاذ بالله من كلمة انا- بس انا عندي افكار كتير و هحتاجك معايا فيه عشان شايفه انك وصلت للبوينت من التوبك دا بالظبط بجد

يا جماعه انا لوحدي مش هقدر اعمل حاجه
بجد انا عايزه الناس كلها ترجع المنتدى تشارك فيه زي زمان
مش محتاجين اعضاء جدد ... محتاجين اشتراكات.. على الأقل دلوقت بس عشان اصلا الناس الجديده الي بتدخل لما بتلاقي المنتدى نايم بتنساه اساسا
أنا نازله المنتدى أول ما أخلص بإذن الله.. و يا ريت اللي خلص منكم ينزل يظبط الحياه هناا
وأنا متفائله جدا :-)

خلصى امتحاناتك ياااميرو واحنا معاكى

ميرسي ليكي ي برنسيس وانا تحت امرك ف اي حاجه تطلبيها ب ما تدخليش علي طمع مش اي حاجه يعني
دوسي بنزين واحنا هنجري وراكي

نووووووووور وحشتني والله اخيرا يا مان هترجع انح
مستينك ويلكم باك

نور عضو اساسى فى انح يريت بجد يرجع تانى

يا أهلا يا أهلا
نور معاكو ايه بس يا راجل بطل تواضع
دا إحنا اللي معااك يا مان
نور مش عضو اساسي في انح يا مرح
لأ دا هو صاحب القهوه عمليا والمعلم سابله مفاتيح القهوه و الفلوس الي هيقبضنا بيهااا-وين فلوسي وين-
عايزين تشجيعك معانا حتى لو مقدرتش ترجع زي الأول فإحنا مقدرين
و هانت أسبوع و راجعين يا أنح

تيتيرتى تى تيرتى تى تيرتى تى
انحححححححححححح

تيتيرتى تى تيرتى تى تيرتى تى
انحححححححححححح


تيتيرتى تى تيرتى تى تيرتى تى
انحححححححححححح

السلام عليكم يا انحاوزززز
‏
بصوا من غير مقدمات بأه ولا حوارات ولا كلام و خلاص
و النبي يا صفصف غني أغنية اهئ اهأ اهؤ انا عمري ما كنت بؤ
‏
أول مبدأ من مبادئ الترميمات اللي هنشتغل عليها هي: الرسايل...
بصوا بأه..معظمنا عنده اكونت علفسبوك و بتتبعتله رسايل من جروباته اللي مشترك فيها عشان يزورها..
تمام جدا
انا بأه عايزه دا يحصل هنا

-إحم..بس هو المعلم فاضيلنا بأه يفضل يبعت في رسايل؟
ارد و أقول:
المعلم مش فاضي... إحنا فاضيين

-اه قصدك تقولي الانحاويين يبعتوا لبعض رسايل عشان يزوروا أنح؟!
اه بالظبط....
بس مش عشان يزوروا أنح.. بما اننا عيله واحده و وحشنا بعض..واجب عليك يا أخي و واجب عليكي يا أختي تسألي على الأنحاويين اللي إختفوا في ظروف غامضه
مش يمكن تعفن شراب حماده ابن ودود ساهم في غلق فتحات التنفس لديهم و دخلوا في غيبوبه لا سمح الله.. إسأل على الانحاويين اللي كانوا نشيطين في الفتره الماضيه
و لو أنت انحاوي ناشئ و متعرفش مين كان شغال و مين مكنش شغال.. بص إختار اي حد و ابعتله
‏
-جميل جدا.. بس عشوائي كدا؟؟؟
بصوا احب النظام .. تعالوا نظبطها كدا يوميا الأسبوع دا لحد الأربعاء الجاي نبعت رسايل.. كل عضو يبعت لخمس أعضاء يوميا..
إن شالله حتى كانوا هما هما الخمسه كل يوم عايزنهم يزهقوا من الرسايل
بس المهم يكونوا خمس أشخاص
‏
ايوا بس هبعت اقول ايه بالتحديد؟
بالتحديد ايه انت في حقوق شكلك.. كل واحد و اسلوبه عادي براحتك بهزار.. بجد..
وحشتنا.. مبتجيش ليه ياض..
انت و أسلوبك وتذكر إن تعزم على مشروب على حسابك وأول ما تدبسه و يجي يشرب اعمل نفسك مش شايف
let's start it ‏
كل ممبر يدخل هنا يوميا .. كل ما يبعت رسايل يقول لمين
و في مفاجأه و جوايز و كدا للناس اللي تقنع اكبر عدد من الأنحاويين
sponserd by: pepsi
‎
GO!

جميل جدا
ومبادرة حلوة
ويلا نبدا وان شاء الله ترجع انح من تانى
اهئ اهأ اهؤ انا عمري ما كنت بؤ

اهى اها اهؤ

ان عمرى ما كنت بؤ

وعد منى حبدء من يوم السبت
حفضحكم فى الفضئيات

عشان انا اصضلا كلها اسبوع ونشاطى حيتقطع فترة كده لمدة شهر للمصيف بس وعد ححاول مبعدش عنكم وححاول اعوض غيابى بنشر اللينك
واهى اها اهؤ انا عمرى ما كنت بؤ