افتكاسه التشيز كيك جامده جدددددددا

النهارده بقي عملالكم تشيز كيك وانا عن نفسي بجد بموت فيها لانها خفيفه جدا وطعمها تحفه


جهزو نفسكم بقي علشان هننطلق واحده واحده بالخطوات المصوره زي ما عودتكم


وعلي الله حد يتريق انتم حرين بقي

اتفرجو وانتم ساكتين



اولاً المقادير


3 باكو بسكويت الشاي

بيضه

زبدة



1 علبة لبن مكثف
1 دريم ويب
1 علبة قشطة
جيلاتين حيواني
12 قطعه من جبنه كيري



3- مربي بأي نكهة

انا اخترت الفراولة



ندخل علي الطريقه بقي يا انحاويه

اولاًهنطحن البسكويت لغيت ما يبقي ناعم وده طبعا من خلال الخلاط

نضيف عليه الزبدةوملعقة قشطة وبيضه واحد





ومن هنا هتلاقي العجينه لينه هنحطها في صينيه


بس لازم الصينيه تكون جدرانها مفصوله

يعني ينفع نشيل القاعده عن الجدران اكيد انتم فاهمني يابنات


ودلوقتي حطيه في الفرن بس متسبهوش يتحرق





نجيب الخلاط بقي و نحط فيه الجبن وشغليه

واثناء ماهو بيشتغل حطي القشطة واللبن المكثف و الدريم ويب كريم

و الجيلاتين خذي منه ملعقة وصبي عليها ماء بيغلي وحركيها فوراً
وبعدين صبي الخليط ده فوق قاعده البسكويت اللي طلعناها من الفرن
وسيبي الخليط في الثلاجة ليلة كاملة او على الأقل 6ساعات او اكثر





وثاني يوم طلعيه من الثلاجه وصبي فوقه صلصة التشيز كيك



وسيبيه في الثلاجه لمدةساعتين او اكتر

وبعدين افصلي الجدران عن القاعده





دوقو يا انحااااااااااويه وادعولي

شجره تعرفى تعملى كيك بالتفاح ياريت تقوليلى الوصفه لو تعرفى

love is my m.s.g كتب:

شجره تعرفى تعملى كيك بالتفاح ياريت تقوليلى الوصفه لو تعرفى

اوك حاضر من عنيا

بس قولي عايز انو طريقه

اللي بيكون التفاح فوق وش الكيك متزين بيها وبيدخل الفرن يستوي معاها


ولا

اللي بيكون في عجينه الكيك نفسه او بمعني اصح الكيك معجون بالتفاح


ولا

عايز كيك معجون بعصير التفاح

؟؟؟؟؟؟؟؟؟؟


قول اللي انت عايزه وانا هجيبلك طريقتها

love is my m.s.g كتب:

انا عايز اخر اتنان

طفس من يومك
قشطه شجرة در على كيك جامده
بس مش عارف الكيكه شكلها غريب
بس تسلم ايديك
والحمد لله اننا حنلاقى حاجة نبلع بيها شاى سالم المبيتشربش

اقتباس :

هههههههههههههههه
موقف جامد جدا
انا اساسا اول مرة اسمع عن كيكة التفاح والغريب انى الاقى شجرة الدر بتقول لاحمد انهو نوع من التلات انواع بتوع كيكة التفاح
اروح انتحر انا احسن

هههههههه

ولا يهمك بتحصل في احسن العائلات

وبعدين المطبخ مجاله واسع اوي

وكل لما بتضيف اي حاجه بتدي نكهه مختلفه وطعم مختلف

love is my m.s.g كتب:

انا عايز اخر اتنان

ان شاء الله هحطلك المقادير بتاعتهم بالظبط

وابقي جربهم وقولي النتيجه

sheetos كتب:

love is my m.s.g كتب:

انا عايز اخر اتنان

طفس من يومك
قشطه شجرة در على كيك جامده
بس مش عارف الكيكه شكلها غريب
بس تسلم ايديك
والحمد لله اننا حنلاقى حاجة نبلع بيها شاى سالم المبيتشربش

شكرا يا عبد الودود منور التوبيك

وهي ولا غريبه ولا حاجه

لانها عباره عن طبقات واللي فوق خالص دي مربي فراوله

بس صدقني طعمها لذيذ جدا

sheetos كتب:

love is my m.s.g كتب:

انا عايز اخر اتنان

طفس من يومك
قشطه شجرة در على كيك جامده
بس مش عارف الكيكه شكلها غريب
بس تسلم ايديك
والحمد لله اننا حنلاقى حاجة نبلع بيها شاى سالم المبيتشربش

انت ماللك هو انت الة هتاكل هتفضل طول عمرك شبه حاجه من ضمن مكونات الكيكه اكيد انت فاهم