جهاز كشف السرقه ......

إخترعوا فى أمريكا جهاز لكشف الحراميه فاكتشف 4 حراميه بعد 3دقايق

المانيا اشترت الجهاز اكتشف 8 حراميه بعد 3 دقايق ... اسانيا اشترت الجهاز

اكتشف 10 حراميه بعد 3 دقايق ..... المهم مصر اشترت الجهاز بعد 3دقايق

الجهاز اتسرق !!!!!!!!!

ههههههه
مش غريبة هما دول اللى فى مصر دلوقتى
واحنا دايما بنضرب الارقام العالمية ونجيب الجديد
نايس توبيك

شكرا على المرور يادكتور ......

ونوعد بالمزيد ........ وبجد نورت التوبيك

اتسرق كمان
ههههههههه
هى مصر مفضوحة حتى فى النكت

مفيش حاجة كويسة لينا



زى الفل

ايه الفضايح ديه طب دارو علينا بس مرسي قوي ليك

أنا اللى ميرسي جدا على مرورك الجميل ده

على فكرة انا اسفه طبعا بس دى مش نكته دى حاجه مضحكتنيش على فكرة

انا عن نفسى فى وجهة نظرى مصر احسن من كل البلاد اللى انت قلتها دى

وطبعا مفيش وجه مقارنه لان كل مكان فى الحلو وفى الوحش

سورى طبعا بس افرد مثلا فى يوم من الايام المنتدى بتاعنا بقى بعد الشر يعنى عالمى يدخل واحد من البلاد دى ويفرح فينا

اظن مفيش حد مصرى يرضيه الكلام ده ولا ايه؟؟؟؟؟؟؟؟

اوك انا هارد على حضرتك فى نقط :

اولا : الموضوع ده فى قسم النكت يعنى هزار وضحك وسخريه طب سخريه من إيه ؟ ممكن يكون

سخريه من واقعنا تمام وده وارد فى كل الشعوب اللى عايز تتقدم نبذ الواقع عن طريق

السخريه منه .

ثانيا : انتى بتقولى ان مصر احسن من كل الدول دى انتى قصدك مصر دلوفتى ولا تاريخ مصر

ان كنتى قصدك تاريخها فايس العاقل من قال هذا أبي ولكن العاقل من قال هذا أنا

اما مصر دلوقتى فحالها فعلا أحسن من الدول دى رعايه صحيه إيه وتعليم إيه والله حاجه تفرح

الدول دى متقدمه عن مصر بقرون ومتقدمه ليه علشان بتشوف عيوبها وبعد كده بتحاول

تصلحها بتشوف عيوبها بعدة طرق منها السخريه اللى مش عاجباكى ....

على فكره إحنا هانفضل نقول إحنا أحسن بلد فى العالم لحد مانتاكل من حيتان التقدم قال

يعنى إحنا دلوقتى مش متاكلين....

عوما شكرا ياصفصوفه على المرور

هاي يا حبي نكته جامده والله ولسان حال بيقول وبيأكد كده
انا أسف يا صفاء بس ان كنت شايفة ان مصر احسن من الدول دي تكوني غلطانة
للاسف مصر بتتسرق كل يوم قصدي كل لحظة

انا مش عايز أقول فضايح ومصائب علشان يبقي شكلنا كويس
بس فيه حاجة تانية احنا منقدرشي نقول مصر وحشة بس نقدر نقول حكومة .........................
وشعب.............................
النقط دي انتي عارفة مكانها ايه


سلااااااااااااااااام

هههههههههههههههههههههههه
ميرسي ليك

والله كلامك صح يااشخصيه جذابه ومكدبتش فى ولالا كلامه شكرا ليك اؤيدك فى كلامك

على فكرة
انا مقصدش ولا تعليم ولا حضارة ولا الكلام ده

حضرتك بتتكلم على ان شعبنا حرامى

ده على اساس انك عاصرت كل شعوب البلاد التانيه وعرفت انهم اشرف من الشرف

متقدمين اه طبعا محدش يقدر ينكر ده

لكن لما انت مصرى تسب بلدك وتقول هزار

يبقى التانيين يعمله اللى هما عايزينه فينا

ونقول ضحك وترفيه

شكرا ياجماعه أولا على فهم النكته وثانيا على المرور

أما بقا إنتى ياصفصوفه فباين إن كلامنا طويل هو صحيح المنتدى ليه مش فيه شات

يسلم فمك يا كوكو

ايوه كده

البلد بلدنا والقهوة قهوتنا

والمشاريب بتاعتنا

واللى حيقول غير كده

هو عارف حنخاصمه

وحنخاصمه اوى كمان


بس عالعموم حنسامحك المرة دى

معلش يا كوكو مكنش يعرف

ماشي ياشهندا انا موافقك ان انا عضو جديد بس انا مش موافقك بس مصر بالحال ده مش امي

ولا عمرى ارضى ان امى تكون بالشكل ده اللى بيحب امه بيبقى عايزها احسن حاجه وبيحاول

يقولها عيوبها مش يسكت ويكتفى بقوله انا بحبها .....

يعنى اشوفها بتبهدل واسكت واقول منا بحبها دى امى .......

على فكره ابقى حاسبي فى كلامك شويه الصعايده دول اجدع ناس مش ناس نقعد نتريق عليهم

ملحوظه : انا مش صعيدي بس بحب امسك غلطات الناس اللى مش بيفكروا كويس قبل مايتكلموا

عموما فى الآخر شكرا على الترحيب

ايه شغل العصبات الجامد ده
الواد مغلطشي في البخاري
للاسف هو مغلطشي بس انتي ياصفاء اللي مش قادره تفهمي
البلد الوحيده اللي في العالم اللي مهما ينسرق منها مليانة
انا معاكي اللي مينفعشي حد يقول علي مصر كده لان مصر هي روحنا ودمنا
واحنا مينفعشي نعيش من غير روح
بس للاسف روحنا بتتسرق من يوم ماوصلنا للدنيا دي بس هنعمل ايهاللي بسرق روحنا هو للاسف اللي بيمثل مصر امام العالم وامام كل المصريين الغلابة

من الاخر براحة يا صفاء علي الولد ده هو لسه عظمه طري وكمان ده صاحبي
اظن الرسالة وصلت

مش حقدر اقول اكتر من اللى شاهى قالته

فين ايامك يا سعيد

عمرنا ما كنا بنرد على حد وهو موجود

دايما كان بياخدلنا حقنا بكل زوق واحنا يادوب صحاب

امال لما تغلط فى حق امه اللى هى مصر حيعمل ايه

مش حطول عليكم

الله يرحمك يا ...................هههههه((وطنيه طبعا))

وويلكم بيك فى انح مرة تانيه

اية يا جماعةةةة هدوو النفوسسسس
صفاء معها حق مش لازم نتريق على بلدناا مهما كان عيوبهاااا وفى نفس الوقت انتا معاك حق العضو الجديد فى بلاد كتيير متقدمة عننااا بس احنا بردو عندنا تاريخ وحضارةة يمكن مش زى لبلاد المتقدمةة
وبعيديين فى الاول وفى الاخر احنا صحاب وعلى راى المثل الى (اختلاف فى الراى لا يفسد فى الود قضيةةة)
دى عينننن وصبتناااا واللة وصابت المنتدىىىى

انتو عندكم حق وانا الى غلطان ان انا بسخر من عيب كبير فينا وعايزنا نصلحه
ونتقدم شويه واستهال الضرب علشان عايز مصر تبقى احسن بلد مش تبقى احسن تاريخ
يافرحتى بالتاريخ .......... عملنا بيه إيه ؟؟؟؟
اقولك انا عملنا بيه إيه عملنا بيه اطفال شوارع وعملنا بيه عشوائيات وعملنا بيه سمعه زى الفل بره
لما تيجى تعاملى اى حد فى الخارج ويعرف إنك مصريه بيحاول يتجنبك من اللى شافه من اللى قبلك......
وبعد ده كله إحنا حبايب ولا حصل أى حاجه دا نقاش فى قضيه معينه وزى ماقالت هبه مش هايفسد للود قضيه شكرا جدا على الترحيب بيه ........

على فكرة انا قريت الموضوع من اوله

ويمكن انا اصغر منكم بس قادرة اميز الى حد ما الموضوع

بصراحه انا شايفه ان صفاء وشاهندا وكومندا وهبا عندهم حق

انت بتقول عملنا اطفال شوارع وعشوائيات
بس انا شايفه اننا كمان عملنا نجيب محفوظ وطه حسين والعقاد واحمد زويل

واجهه مشرفه لكل مصرى بيفتخر بيهم فى كل مكان بيروحله

وياريت تحاول تقتنع
لان طول مانت شايف بلدك مش كويسه حتفضل شايفها كده ولو كل واحد عمل زيك حنفضل زى ماحنا وعمرنا ما حنتقدم

لكن لو كل حد مننا بص لبلده اى كانت على انها احسن بلد فى الدنيا حنحاول نعمل حاجه ويمكن يبقى معظمنا زى العلماء دول وتتقدم بينا

طبعا أنا بحترم كل اللى إنتى قلتيه من علماء وادباء ماقدرش انكر ده وإلا ابقى جاحد لبلدى

بس هاقولك حاجه العلماء دول فىه فى مصر اضعافهم بل ويمكن في احسن منهم بس مش عارفين يشوفو النور ولا يبينوا اى حاجه للعلام سالتى نفسك كل ده ليه ؟ طب سالتى نفسك ليه احمد زويل راح إدى إختراعه لأمريكا ومش جابه هنا مصر ؟؟؟ عايزك تجاوبينى ..... لو كل واحد شاف بلده احسن بلد ومافيهاش عيوب خالص وكلها مميزات مش هايصلح حاجه بل على العكس لما كل واحد يشوف حاجه مش حلوه ويقولها يبقى إحنا بنعرف عيوبنا وبنحاول نصلحها علشان نبقى احسن بلد بجد ......

شكرا جدا على مرورك ونورتى الموضوع وادينى بسمع للنقد اهه ياشاهى وبحاول اقنعكم برده بفكرتى مافيهاش حاجه .......

طؤطؤطؤطؤ ينفع كدا ياجماعه الواحد يدخل يلاقي حد بيغلط فا امه ده اسمه كلام
بص انت عندك حق البلد فيها عبر بس مش فكرت ده ليه حصل من بدايه ده طبعا عشان اكيد في ناس زيك كتير قعدوا يسخروا ومحاولوش يصلحوا فاوصلنا للاحنا في دا ولو
بطلنا حبه سخريه كان زمانا احسن الف مره من بلاد الانت ذكرتها دي بس للاسف مش فالحين غير فاضحك و نكت وسخريه