اول يوم جامعة لسنة 2010

ازيكو يا انحاويه عاملين ايه
كل سنة وانتم طيبين طبعا النهارده كان اول يوم في بعض الجامعات
عاييزين كل واحد يكتب مذكرات اول يوم دراسي بالنسبة ليه

انا هبدأ
اليوم كان يوم تعب جدا الواحد صاحي بدري
وحاسس ان هو يوم جميل هنشوف اصحابنا وكل حبايبنا
وانطلقت الي الكلية ويارتني ما انطلقت
لقيت امام الكلية طلبة كتيييييييييييييييييييييييييييييير اوي واقفة علي البوابة
من حسن نيتي قولت ان ده احتياطات ضد المرض الخبيث المدعو انفلوانزا الخنازير
وفي نفسي فرحت قولت بيحافظو علينا وفيه احتياطات وفيه واقفة ضد المرض
طلعت ساذج اوي طلع ان الحرس مش عايز يدخل اي حد من غير الكارنيه او البطاقة ومعاها بطاقة الترشيح
كرهت الكلية وكرهت الدنيا كلها هي ناقصة الواحد تعبان طول الاجازة وعمال يقول بكرة المدارس والكليات تفتح والشغل هيخف وعمال اقول هروح الكلية حاسس ان هيكون فيه علي الاقل محاضرة عن المرض او الوباء الخطير ده ويا فرحة ما تمت
والله مهما اوصفلكو المظر بتاع الطلبة وهي بتتحايل علي الحرس علشان يدخلو وشكل الطلبة والطالبات وهم واقفين علي البوابة للاسف
هنقول ايه حسبنا الله ونعم الوكيل لما يكون واحد فاشل موقف طالب كلية هندسة علي البوابة علشان الكارنيه
والاعجب من كده ان هو حافظ اشكال واسماء ناس كتير ومش عايز يدخلهم

يسلام علي اولادك يا مصر للاسف نحن لا نعامل في بلدنا العزيز مصر معاملة انسانية
واللي زود البلة طين اللي شوفته من المرور امين شرطة زبالة معفن بيضرب سواق والظابط بيقوله خلاص سيبه يمشي
يا فرحة قلبي
حد يقول حاجة حلوة علشان انا زهقان
مفيش حد عنده خبر يفرح

انا بقا مكنتش ناويه اصلا اروح

ولقيت نفسى صاحيه الصبح فى ميعاد المدرسه عادى جدا
ولما ملقتش حاجه اعملها

قلت افتح النت واعمل اى حاجه
العادى يعنى
وفجاأأأأأأأأأأأأأأأأأأأأأأأأأأأأأأأأأأأه
الاقى خبر جميل

بصراحه حاجه ولاكانت عالبال ولا عالخاطر

فتحت الفيس بوك ولقيت جروب الكليه باعتلى رسالة بتقول ان طلبة الانتسبا حتتمنع من دخول الكليه وكأننا مصابين بكل اوباء العالم

قلت اكيد اشعه
فضلت اقلب فى المواقع
وللاسف
لقيت نفس الكلام فى كل المواقع

وطبعا عشان حظى الجميل اوى انا انتساب

ولانى واحده بتحب الدراسه جدا وبتكره حاجه اسمها اجازة وصيف

كانت طبعا صدمة بالنسبه ليا

ومفيش فى ايدى اى حاجه غير انى اقووووووووول..........و
ياااااااااااااااارب ده ميحصلش

ياسلام ياواد يا eng مش قادر اوصفلك اليوم ده كان جميل ازاى

اولا صحيت الساعه 12 شربت النسكافيه بتاعى وفطرت واتفرجت على فيلم اشاعة حب

بتاع يوسف وهبي وعمر الشريف وسعاد حسنى ..........

المهم فتحت النت لقيت الموضوع بتاعك قلت ادخل اعلق واكسب فيك ثواب .....

:&si:

انا رحت الكلية يوم الاحد
رحت الحمدلله وكلى تفاؤل بالسنة الجديدة
كان يوم متعب شويه بس كان جميل
صحيت الساعة 7لبست وركبت المواصلات ورحت يابشمهندس الكلية
دخلنا من باب الكلية عادى ماحدش وقفنا ولا حاجة على البا ب
رحت سلمت على اصحابى ووقفنا هزرنا شويه
المهم بسال بقى ياجماعة هناخد السكشن فى اى دور
قالولى فى اخر دور فى الكلية يعنى احنا السلمين الاساسين للكليه يوصلوا للدور السابع
قالولى لا دا فى الدور اللى بعد السابع وتطلع من على السلم الخلفى لاخر دور الدور التامن
قلت اتعب نفسى ليه اركب الاصانصير ماشاء الله فى اربعة شغالين اركب واحد
لحد السابع واطلع السلم للثامن
طبعا التفرقة النوعية مازالت موجوده البنات كلهم عند الاصانصيرات مفيش مكان للشباب ابدا
بعد ماربنا وقفنا وطلعنا السكشن وبعد الاستراحات اللى فى الطريق
رحنا لاقينا الدكتورة بتقول الساعة 9بالظبط تكونوا موجودين والساعة كانت 9الا ربع
المهم نزلنا السابع لحد السكشن ماخلص ونزلنا بعد كده الكافتيريا
فطرنا ومن الساعة 11لحد الساعة 3.30فى المدرج محاضرات
اينعم اخر ساعة من المحاتضرة الاخيرة كان هاين على انام بس اكمنى كنت قاعد فى اول بنج دا اللى منعنى عشان كده قررت اقعد فى البنج الخامس او كده عشان انام برحتى لما ازهق
وبعد كده روحت بس كده
وثانكس على التوبيك

مرسي جدا علي المرور يا صفصوفة بجد انا ضحكت جامد وانا بقرأ
الحكاية بتاعة اول يوم ده تقريبا السنة دي فيها حاجة غلط مش عندي لوحدي
انا كده فرحان جدا
لاني مش لوحدي في العذاب
شكلها سنة جامدة
ربنا يقويكي

يا سلام عليك يا حبي انت بصراحة تعبت
تقوم الساعة 12
وتشرب وتفطر وتروق وتحبس بفيلم بصراحة رايق
علي بالك ايه
شكرا علي مرورك الجميل يا عمور

متقلقيش يا شهنده انتي في الكلية بقالك 3 سنين وكله تمام مش لازم يكونو الاربعة
لازم سنة احلي من كل سنة
ربنا يسترها علينا كلنا
انا عايز افهم زعلانين انكو مش راحين الكلية يا رب تجيلي انا الفرصة دي
بس هيهات هيهات
لانها كلية عملية هندسة بقي نعمل ايه
يا رب تكوني السنة دي اجمل واسعد سنة علينا كلنا اصل بدايتها مش مظبوطة
شكرا علي المشاركة

اولا يا دكتور ازاي بتقول تفرقة عنصرية علشان حاجة المفروض من باب الرجولة انك تعملها
مش قادر تطلع السلم واعيز بنت تطلعه حرام عليك
يا عم خس شوية الطخن مش حلو وانت دكتور وفاهم
تاني حاجة عايز تنام ليه انت رايح تتعلم وتدرس ولا تنام النوم في البيت يا حبيبي
انا مش لسه هعلم
ثالثا مقولتش فطرت ايه يا عم انا جنبك في الكلية ابقي رن عليا نطلع نفطر مع بعض متخفشي انا اللي هحاسب ما أنا اللي بيحاسب علي طول (في المواصلات وفي الاكل و................... مش عايزين نكمل )
علي كل حال مرسي جدا علي مرورك الجميل ده يا حماده بس لسه فيه حجات تانية كتييييييييييييييييييير انت مقولتهاش ومش عايز اسيحلك قدام الناس

اولا يابشمهندس مابيسمهاش تفرقة عنصرية اسمها تفرقة نوعية تفرق كتير اتعلمت من الطب الدقة فى الفاظى اتمنى تكون عارف الفرق بين الاثنين
ثانيا بالنسبة للرجولة احنا متقسمين 4سكاشن بمجموعتين وعندنا اربع اسانسيرات
اى بنت طالعة للدور التانى تروح تركب الاسانسير بتاع الشباب كده عدل يعنى واطلع انا الدور الثامن مرتين على السلالم
لو البنات اللى فى السكشن معاى طالعين استحاله اقول تعليق لان طالعين نفس الدور اما تعليقى على اللى مستخسرين يطلعوا الدور التانى على السلم
ثالثا بالنسبة للطخن انا طخين!!!!!!!!!!!!!!!!!!!!!! الكدب حرام واعتقد انا اللى اعرف مين طخين ومين مش طخين بص يابشمهندس لازم لو انت طوللك 150سم يبقى وزنك من 40ل60 كيلو اوك وانا الحمد الله فى rang بتاع طولى
وعلى فكرة ماتفكرش تقول لحد فى طب انت طخين لان كلهم بنضارات وروزنهم مناسب لطولهم تماما
رابعا انا معيش نمرتك اصلا عشان ارن عليك وطول ماانا فى الكلية مابتصاش بحد وموبايلى صامت
وعلى فكرة انا بفطر دايما فى البيت بس نادرا لما بفطر فى الكافتريا لما بكون صاحى متاخر بس وفى اوقات الامتحانات
وعلى فكرة مش انت اللى عندك شركة عالمية برده ومكتب وسكرتيرة كمان صح ؟؟؟؟؟؟؟؟؟؟
يبقى انت اللى تحاسب بس على فكرة انت ازاى بتدفعلى وانا راكب المواصلات وانت اصلا مابتركبش المواصلات طبعا بتروح الكلية بعربيتك الجديدة ال2010 فهمنى دى احسن مش فاهمها بصراحة ازاى تدفعلى وانت راكب العربية المستوردة الجديدة موديل 2010 اللى جايه من فرنسا


خامسا يعنى ايه كلمة اسيحللك دى بتككرها كتير ومش فاهم معناها انا بسمعها من فئة كده معينة من المجتمع هما اللى بيقولوها بس ..............................
سادسا انت كليتك فين وانا كليتى فين عشان تعرف انا عملت ايه تحر الصدق فى كلامك قبل ماتكتيه واتاكد ان المعلومة اللى وصلالك صح وانت تكون اللى شايفها مش حد تانى
سابعا ادعيلى ياهندسة عشان وراى امتحان الاسبوع الجاى تقريبا

اخيرا قطعت الاضراب بتاعى وصحيت من اليوم يوم الخميس

وقلت اروح اشوف الناس بتعمل ايه فى الكليه


فى طلبه فى حضور فى الكلام ده

وكنت ناويه والنيه لله واسلم ع7لى صحابى الانحاويه ومقفش معاهم اكتر من 10 دقايق واجرى اشوف محضراتى على طول

لازم بقى اخدها جد عشان متقلبش بغم

بس مين

انا بكلم نفسى وبرد عليها

مقدرش اشوف العيال اللى زى العسل دول

واسيبهم وامشى وكل شويه اقول خلاص حقوم خلاص حقوم
ومحاضرة عدت ورا التانيه

ومفيش فايده

لحد ما فجاه لقيت الدنيا بدات تظلم والراجل اللى بيزمر ده جه قالنا يالا شطبنا

خرجنا بره الكليه

والعادى يعنى رحنا عند هريدى

وطبعا عشان الخوف الفظيع من وباء الانفلونزا
معظمنا مكلش
مع اننا ملينا كل الكافتريا نظرا طبعا لان كل الانحاويه كانته موجودين اليوم ده

وعشان نسكت الراجل بدل ماهو بصصلنا كده
كل واحد جايب معاه اكله من بره

وكان حيموت بالسكته القلبيه طبعا

طلعنا الكوتشينه وقلنا نسلى قعدتنا لحد ما نزهق

ولعبنا ومردناش نلاعب عمو معانا طبعا

كان واقف يتفرجبس

وكان يوم لذيذ اوى

وعدا ولا محاضرات ولا يحزنزن

ولا حتى جبنا الجدول

المهم اننا رحنا ادينا مهمتنا وعملنا اللى علينا وهيسنا وخلاص...........

وعقبال السنه الجيا

تصبحه على خير

وانتي من اهل الخير
بس بصراحة تعبتي وعملتي اللي عليكي وزيادة :&si:
لو اعرف عن النحاوية كده انا امشي علي طول مش ....................
انا بقي ربنا هديني من يومين وبروح الكلية الساعة 10 وبروح الساعة تقريبا 2 يعني بقضي وقت كبير في الكلية والحمد لله بحضر اغلب المحاضرات للاسف علشان عندنا في القسم مبيحبوش يتعبو نفسهم وينزلو كتب
وكل يوم ببقي مخنوق بس الحمد لله فيه اخبار حلوة كده بدأت تظهر وربنا يسهل

شفت يابشمهندس الجامعة وعمايلها معانا متبهدلين اخر بهدلة والحمدلله