بكل الحب هناقش كل قضايا الحب

مبروك عالتاجيل يا معلمي (شوش)

شجره الدر كتب:

سيدي يا سيييييييدي

ايه الموضوع الجامد ده

انا مكنتش واخده بالي منه خالص

بس بجد مجهود جامد يا شادي فعلا

بجد يطلق عليك رومانتك دينمو بتاع المنتدي


طيب استني كده علشان معانا اتصال

ونقول الوووووو

اقتباس :

الو ايوا يا اسامه

نقول ألووووو ...
ألووو هاى أوسامة .. عامل ايه؟ أنا جينا
هاى يا جينا و أنا أوسامة
هاى أوسامة .. عامل ايه؟ واحشنى موت طحن تقطيييع
مرسى يا جينا .. ربنا يخليكى
أنا مبسوطة أوى يا أوسامة انى عرفت أكلمك .. دانا بمووووت فيك
ربّنا يخليكى يا جينا ... عندك كام سنة؟
تمنتاشر سنه
بتدرسى؟
أكيد ..أنا ف سنة أولى انجليش أكاديمي .. بيزنس أند أدمينستريشن و عندى مشكلة جامدة أوى
أنا محتاجة أوى سدر حنين أفدفدلة .. و انت قريب أوى منى
خير يا جينا؟ أولا أنتى مخطوبة؟
لأ أنا مرتبطة .. كنت أعرف واحد من سبع سنين و كنا بنحب بعض خالص و اتفقنا عالجواز .. أصله كان راجل أوى .. و عنده بى ام .. .. مش قادرة أقولك أد ايه..
أد ايه يا جينا؟
مش قادرة .. مش قادرة
وبعدين؟
لقيته بيحب أنتيمتى و لقيت على موبايله ماسجات منها .. و لما واجهته أنكر و قال انها هى اللى عايزه تكلمه بالعافية و حاول يفهمنى أنو برىء
و بعدين؟
فى الوقت ده أنهرت .. و هو كان عنده صاحبه الأنتيم – بصراحة شاب ممتاز : ابن ناس و بيروح جولدين جيم ....و عنده إبيزا .....– هو مرة قبل كده كان بص لى .. و كانت عينيه بتقول حاجة .. اتصلت بيه و طلبت انه يقابلنى عشان يساعدنى فى المشكلة .. بصراحة ارتحت له أوى أوى و قابلته بعد كده كام مرة
طب و الأولانى يا جينا؟
كنت بارتاحله برضه و بقابله .. عادى
أوكى .. مفهوم مفهوم .. و بعدين؟
و بعدين التانى أبتديت أتعلق بيه جدا و مكنتش بعرف أعيش من غيره .. و ف يوم جاتلى مكالمة من واحده بتقوللى انه مش بيحبنى و بيهرج معايا و كده .. قمت اتصدمت جدا جدا
(يبدأ صوت أوسامه فى التوتر) و التانى كمان صدمك يا جينا؟ ها و عملتى ايه؟
التانى كان عنده ابن خاله خرج معانا مرة و كان بيبصلى بصات غريبة كده و مرة ادانى موبايله .. فكلمته عشان أتأكد من التليفون اللى جالى ... بصراحة كان راجل أوى أوى .. مش قادرة أقولك أد ايه؟
أوسامه:و عنده إيه ... ؟؟؟
عنده لانسر فضى بس بصراحة راجل أوى مش قادرة أقولك أد ايه
معلش يا جينا يا ريت تقوليلنا بالتقريب كده .. أد ايه .. انتى أثرتى المستمعين .. أقصد أثرتى فضولهم
مالوش حل يا أوسامه .. حسيت ان ابن خالة التانى قريب منى أوى و بصراحة اتعلقت بيه و مبقيتش عارفة اعيش من غيره....
طب و التانى يا جينا؟ برضه كنت اتعلقت بيه أوى هو كمان
يعنى كده فى تلاته معلقينك بيهم أوى ؟
أرجوك ماتفهمنيش غلط يا أوسامه- كل واحد كان بيملى عندى فراغ معين
واضح يا جينا انك فراغاتك زيادة
المهم ... اتقدم لى فى الوقت ده ابن صاحب بابا .. بصراحة شاب ممتاز .. ماكنش عندى حجه عشان أرفضه
قوليلى يا جينا: انتى عندك بابا؟ يعنى موجود و عايش معاكو؟
أيوه طبعا .. أنا بحب بابا و متعلقة بيه جدا ..
هو كمان؟
المهم يا أوسامه .. العريس اللى متقدم لى ده مش قادرة أرفضه بيشتغل فى السعودية و جاهز و عنده 180 اس ال كى.. و أهلى بيضغطوا عليّا .. و ف نفس الوقت مش قادره أسيب التانيين .. كل واحد متعلقة بيه بطريقة شكل و كل واحد بيدينى حاجة ناقصانى .. بصراحة يا أوسامه مش عارفة أعمل ايه؟
أسامه : تقريبا بصى يا جينا .. العريس الوحيد اللى يصلحلك هو أبو الهول .. فيه تنوع و متكامل بس للأسف .. هو عنده مركب شمس كحلى ..
و نسمع : كان فيه بنت اسمها تررررررم

جامدة اخر حاجة يا شجراااااااااااا
الحلقة دى لو بجد يبقى والنبى هاتهلنا يا شادى
عشان البت دى نكتة بجد

يا مان انت مين اللي قال لك اني مبحبش اسامه منير
انا طبعا عارفه قيمته كويس وانه امبراطور الرومانسيه و انا شخصيا شايفه انه علامه مهمه من علامات جيلنا..يعني الاجيال القادمه لما هيتكلموا عن جحافل القرن ال٢١ لازم هيذكروه_زي ما هيذكروا عمرو دياب في الغنا.و زويل في العلم_
دا كفايه انه يمكن الوحيد اللي من الكبار فاهم دماغنا و بيدينا امل وبجد احنا محتاجينه..
و دا اللي مخليني اتخنق لما احس ان البرنامج-_مش اسامه_وانا كتبت اسم البرنامج كامل في تعليقي الأول عشان انبه ان الكلام عليه_-
بدأ يحسس بالملل وفاهمه قصدك انه مش بأيده مكالمات الحلقه المفتوحه و مواضيعهم..بس بجد في الحلقات اللي بيبقى فيها مواضيع بقت مواضيعه معظمها ليها دعوه بالمتجوزين ..و ده جميل بس برضه التوازن مطلوب بيننا و بينهم .. و زي ما قلت في الاول حوار المسدجات الناقصه.و الاعلانات الكتير والمذيعه هبه اللي بتبقى في الصيف و المفروض انه الhigh season ..كل ده بيخليني اتضايق و احس انه سوء تقدير لأسامه منير القيمه و الشخص...

eshth 3la mawade3k el so5nh ya shosh
rabna m3ak 2keed hatet3b

مرسى ليك اوى بجد ياشوش لان اسامه منير بصراحه مفيش بعده وانا من عشاقه ولازم اسمعه على طول بس برضه فى حلقات كده بتقع منى ياريت تجيب حلقه العند بين الحبين والغيره لانى بجد عايزهم
وربنا يخليك لكل المحبين انت واسامه منير