مواقف (انيس منصور)

مواقف‏

‏بقلم : انيس منصور


*‏ النميمة لبانة الشفتين‏,‏ والتليفزيون لبانة العينين‏!‏
‏
*‏ تعيس من ينظر إلي ماضيه‏.‏ أتعس من يتطلع إلي مستقبله‏:‏ هذه حالنا‏!‏
‏
*‏ الجنون هو لحظة توافق صادقة مع عالمنا المجنون‏!‏
‏
*‏ إذا تشاجر زوجان وقف الشيطان ليبارك أحدهما‏!‏
‏
*‏ الزواج محاولة مملة للتوفيق بين اثنين أحدهما ينام والنافذة مفتوحة‏..‏ والثاني والنافذة مغلقة‏!‏
‏
*‏ حاول أن تجعل مسافة دائمة بينك وبين زوجتك‏:‏ لاتتسع جدا ولا تضيق جدا‏!‏
‏
*‏ إذا أيقنت أن الرجل طفل‏,‏ فقد عرفت عنه كل شيء‏!‏
‏
*‏ بصراحة ما الذي يريده الرجل في حياته الزوجية‏ ‏ مرتبة‏ و‏ تغسل وتكنس وتربي الأولاد‏!‏
‏
*‏ إذا أبدي الرجل رأيه فهو حر‏,‏ وإذا أبدت المرأة رأيها فهي قليلة الأدب؟‏!‏
‏
*‏ إذا أخطأ الرجل فهو غلطان وإذا أخطأت المرأة فكلهن كذلك‏!‏
‏
*‏ الحب مرحلة في حياة الرجل‏,‏ وكل حياة المرأة‏!‏
‏
*‏ الموسيقي هي‏:‏ عين الأذن‏!‏
‏
*‏ كيف تمشي مستقيما في شارع أعوج؟‏!‏
‏
*‏ الشيطان يسكن العقول ولا يسكن القلوب‏!‏
‏
*‏ الحب يصنع المعجزات إلا الزواج السعيد‏!‏
‏
*‏ أجمل سنوات الحب‏,‏ ما كانت قبل الزواج‏!‏
‏
*‏ نحن أولاد الذين تزوجوا فأحبوا‏,‏ وآباء الذين يتزوجون بلا حب ويحبون بلا زواج‏!‏

Moamen Hassan كتب:

إذا أيقنت أن الرجل طفل‏,‏ فقد عرفت عنه كل شيء‏!

انا مقتنع بدي اوووي

الله ينور يا شجره فعلا ده كلام في الجووووون

شكرا ليك ولمرورك جدا يا مؤمن ودايما منور مواضيعي

شجره الدر كتب:

[img]
*‏ تعيس من ينظر إلي ماضيه‏.‏ أتعس من يتطلع إلي مستقبله‏:‏ هذه حالنا‏!‏
‏
‏size][/color]

مش عارف عجبانى ليه دى
شجرة

بشكرك يا نور علي ردك واختيارك للمقوله دي بالذات

وفعلا الانسان لازم يعيش كل لحظه كأنها اخر لحظه في حياته

لكن بردو لازم يرجع للماضي علشان يتعلم منه

ولازم يبص للمستقبل علشان يعرف يخطط له كويس

ومرسيه مره تانيه علي مرورك الجميل

‏ إذا أبدي الرجل رأيه فهو حر‏,‏ وإذا أبدت المرأة رأيها فهي قليلة الأدب؟‏!


ليه الظلم يعنى ؟؟؟؟؟!!!!!!!!!!!!!!

للاسف هو ده الواقع يا شاهي

لكن في نساء كتير دلوقتي بيحاولو انهم يفرضوا شخصيتهم وارائهم علي المجتمع

علشان يقولو لهم (احنا هنااااااا)

وتسلمي يا شاهي يا منوراني دايما

اولا هرد عليكي يا برنسيس
بشكرك علي رأيك يا قمر
بس انتي عارفه اكيد ان كل انسان له كامل الحريه في كتاباته وطبعا انتي عارفه ان انيس منصور شخصيه ليها تاريخ وكل كلمه بيكتبها هي حصاد تجارب مر بيها في عمره كله يعني لو هنقول عنده 50 سنه فكل كلمه بيكتبها حصاد تجارب 50 سنه
وبالنسبه للتشائم والتفائل فيمكن هو عنده شويه تشائم لكن بجد هو انعكاس للواقع
اصل استحاله هيجيبلك صوره الواقع بمبي بمبي والدنيا ربيع والجو بديع
والواقع اساسا لونه اسود
لكن لو ركزتي شويه هتلاقي ان كل موقف او سطر من دول بيحمل في طياته حكمه صغيره
ممكن تأمني بيها وممكن لا
لكن صدقيني يا برنسيس احنا مهما كنا ووصلنا لدرجه كبيره من العلم
لكن احنا بردو مش هنقدر نعمل نص التجارب اللي عنده واللي هو وصلها
لان العلم مش بيقدر يوصلك التجارب اللي الانسان بيعيشها والخبرات اللي بيكتسبها
واحب اضيف ليكي كمان ان انتي شايفه ان انيس منصور نظرته تشائميه اوي
طيب ياستي اقري كتابات المعري وفلسفته وانتي هتشوفي السواد الاعظم
لان المعري انا قريتله كتير وفلسفته في الحياه قمه في التشائم لكن لو حاولتي تفكري شويه
هتلاقي ان في اراء صح واراء غلط
ولازم يكون لكل شخص فلسفه خاصه بيه وكيان خاص بيه
علشان منكونش نسخ كربون من بعض
وكمان لازم نقبل اراء الاخرين





اما شاهيستا القمر بتاعنا بقي
بصي يا شاهي يا حبيبه قلبي
اهو انتي بنفسك قولتي ان الحريه فى الفكر مش عيب دى من حق اى فرد
لو كان ولد او بنت مش كدا يعنى ؟

وانيس منصور بردو حر في كتاباته وحر في فلسفته
لان كتابات كل شخص بتعبر عن فلسفته الشخصيه
يعني مثلا لما انا وانتي وغيرنا بيكتب في المنتدي
اكيد كل واحد ليه شخصيه متفرده وكل واحد له رأيه وتربيته
ومش المفروض اننا نرفض افكار بعض
اهي دي كمان اسمها مواقف انيس منصور اللي بيعبر فيها عن نفسه
اما بقي عن النقطه اللي انتي طرحتيها بتاعه الحريه عند الولد والبنت

فأحنا مش هنكدب علي نفسنا ونقول ان مجتمعنا بيسمح بكده
لاننا في مجتمع شرقي
لكن الحريه او التقيد اللي بيفرضه علينا المجتمع ممكن يكون في افعال وتصرفات
لكن بالنسبه للافكار والتعبير عن الراي فأنا شايفه اننا بنعبر زينا زي الولد بالطريقه اللي عايزينها
ويمكن في بنات بتقدر تعبر عن افكارها وفلسفتها بطريقه جيده وافضل من 100 رجل
لكن اللي عايزه اقولهولك وهو مش دفاع عن انيس منصور او مهاجمه ليكي
لكن كلام انيس منصور بيعبر عن واقع هو شايفه في مجتمعنا

ههههههههههههههه

لا ياقمر والله مش قصدي اللي انتي فهمتيه

لان لما انا قريت ردك ده (مع كامل احترامي ليه بحس ان
مشكلته انه متشائم في نظرته للحياه و دا على فكره حال معظم الفلاسفه
و انيس منصور لما تقرأ كتاب "عاشوا في حياتي" بتاعه هو اللي كاتبه بيروي فيه قصه حياته هتحسوا ان تشائمه و موقفه السلبي من المرأه و من الزواج ليه اسباب منطقيه من و هو صغير)

لقيت ان كل كلامك عن المواقف التشائميه والسلبيه لانيس منصور
ومعطتهوش حقه في التقدير لان شخصيه زي دي بجد يستاهل يترفع ليها الشابو
وانا حبيت اوضحك بس ان انيس منصور بيعبر عن اراءه الخاصه بيه
وزي ما انتي ذكرتي انها كلها نتاج حياه مضطربه عاشها


وياستي مختلفناش وماشاء الله عليكي شكلك مذاكره كويس
وعايزين نستفاد منك بقي
علشان احنا مش هنضيعك من ايدينا

ونصيحه كمان ليكي طالما بتحبي الفلسفات ابقي اقري فلسفه المعري
لانها هتعجبك جدا جدا وياريت لو قريتي اي كتب تانيه غير انيس منصور تبقي تفيدينا
علشان الكل يستفاد منها

وبجد انا مبسووووووطه منك اوي اوي والله وفرحانه بيكي جدا لان انتي نموذج للبنت يشرف
وبقي نادر دلوقتي لما بشوف بنات مهتميه بالعلم والفلسفه
وربنا يوفقك يا قمرنا ويزيدك علم

ربنا يخليكي و الله ده من زوقك

و انا مش شايفه اني اوي كده يعني

ده علمي يا دوب اد كميه الميه اللي بتاخدها العصفوره من بحر واسع

و مع ذلك اكيد مش هبخل على حد بأي حاجه اعرفها

دي اقل حاجه يا برنسيس

بس بجد ماشاء الله عليكي ربنا يوفقك يارب


اما شاهي بقي تتصدقي عجبتيني

عارفه ليه

لانك جبتي اسمي في الموضوع ههههههههههههههه

وعندك حق بجد يا شاهي

احنا الاسلام عطينا حقوقنا كامله وعلي الرغم من كل ده بنرجع لابحاث وتقارير اجنبيه

ودرسات اجنبيه

عارفه المثل الشعبي اللي بيقول

(يبقي ابني علي كتفي وادور عليه)

هو ده اللي بيحصل فعلا

وللاسف هو ده اللي مودينا في داهيه

اننا بنفصل الدين عن الحياه وقليل اوي اللي يعرف ان الدين هو الحياه

واحنا للاسف في دوله عامله فصل بين الدين والحياه

وهو ده اللي مرجعنا ورا

مررررررررررررررسى ليكى اوى ياشجره
بجد كل حاجه جبتيها صح
نايس توبيك