(الحلقه الاول) يوم من عمري جامد مووووووووت

بسم الله الرحمن الرحيم


في تمام الساعه الرابعه و النصف عصرا في يوم من ايام الصيف الممله ، استيقظت صوت علي الطائر المغرد الذي استيقظ علي صوته كل يوم و هو يغني الموشح الي يغنيه كل يوم


- انت لسه نايم لحد دلوقتي ، قوم قامت قيامتك ن داهيه فيك و في منظرك


- فيه ايه يا بابا ، يعني حقوم اعمل ايه بدري ، ادن بدال الديك


- انت عارف الساعه كام دلوقتي


- كام يعني


-الساعه 4 و نص


و ايه المشكله


-قوم افطر و شوفلك اي حاجه تعملها بدل نومك ده اللي يجيب الفقر

حاضر يا عم الحاج


استيقظت و اتجهت الي المكان الوحيد الذي اشعر فيه بالراحه في هذا المنزل ، حيث الهدوء التام ، حيث استطيع ان اصل الي قمه التركيز ، انه الحمام


بعد ان خرجت من الحمام توجهت الي غرفه المعيشه حيث وجدت الاسره الكريمه ملتفه حول التليفزين يشاهدون احد الافلام العربيه القديمه الممله التي تدور احداثها حول البطل حنفي الموظف في احد الجهات الحكوميه الذي يبحث عن شقه تتناسب مع مرتبه الذي لا يكفي ثمن المواصلات ، حتي تاتي اليه الفرصه ، رجل اعمال يعرض عليه رشوه مقابل ان ينجز له بعض المصالح ، و لكن حنفي المثال للمواطن الشريف يرفض هذه الرشوه ، فتنشب عداوه بينه و بين رجل الاعمال حتي تتدخل الشرطه و تلقي القبض علي رجل الاعمال و تكافئ حنفي علي امانته فيشتري الشقه .


- ايه يا ماما اللي بتتفرجي عليه ده


- ايه ماله ، مش احسن من الكلام الفاضي و الافلام الاجنبي اللي بتتفرج عليها


- أ مش احسن ، دي افلام تجيب التخلف ، انا نازل


قررت النزول من المنزل محاوله للهرب من حاله الملل المسيطره علي و لكني لم اكن ادري انني اخرج من نقره لأقع في دحديره!!!!!!!!!!!!!!!!!!!!!!!!!!!!!!!!!!!!




انتظرووووووو الحلقه الثانيه قريبا علي انحني انح تانيحة