شهادة البلطجة المعتمدة من الخارج

مبيدهاش بقه
وبدل ريكو قال ( راح زمن الشهادات)
يبقى يلا بينا يا شباب انح
انا عرفت مركز كويس حيطلعنا بلطجيين زى الفل
وحجزتلكم كلكم
وعرفت الشروط الاولانية عشان القبول
قولت اجبهالكم :

شروط الالتحاق:
في حالة التخلي عن اي من البنود التالية مش هأديك شهادة البلطجة المصرية فرع بولاق ، Ok ياكابتن

1- المظهر: أول حاجة مالكش دعوة بمظهرك الخارجي (والداخلي برده) خليك على طبيعتك، يعني ماتستعملش أي نوع م البرفانات، انت تمتلك البرفانات الطبيعية المركزة ، هدومك؟؟ ايه يعني لما تلبس جينز في حفلة سبور والا بدلة حمرا في عز الصبح ماحدش له عندك حاجة وافتح زرارين والا تلاتة م القميص حركة يعني وماتنساش (انت بلطجي يا كابتن)

2- التدخين: وده مهم خالص، ماتدخنش غير الأنواع اللي الناس بتتقرف منها ،مش انت مصري يعني فرعوني وليك في البنات يعني مالكش غير الملكة كليوباترا وحاول تشرب على قد ماتقدر لازم تكيف الناس برده معاك (مش معنى انك بلطجي يعني ماتمزجش ولاد بلدك)

3- نظرتك: لازم تكون نظرتك شريرة وفي نفس الوقت نظرة لامبالاة (ماحدش ليه عندك حاجة) بصلهم بقرف وخللي نظرتك عدائية بحيث انك لو عملت حاجة غلط ماحدش يقدر يقولك تلت التلاتة كام

4- الرياضة: لازم تمارس الرياضة ع المسا كده ، مع عيال الحتة المعصعصين بأدوات رياضية تضرب وتعور وماتموتش عشان الجمهور المترقب يستمتع بطول الجولات ويعرف كل واحد انه ممكن يجيله يوم ويدخل معاك جولة

5- الترفيه: ماهو البلطجي لازم برده يرفه عن نفسه ممكن تسمع أغاني بس مش أي أغاني عندك "بعرور" و "شعبولا" و "حموءة" يعني العالم دي وطبعاً ماتنساش ترفع الصوت ع الآخر عشان ترفه الناس معاك (زاي ماقلنا قبل كده مش معنى بلطجي انك ماتمزجش ولاد بلدك)
آه نسيت أقولك اوعى تجيب الشرايط الأصلية هاتها من الواد حودة اللي ع الناصية بيبيعها بـ 2 جنيه وصوتها كمان بيبقى فيه الحشرجة اللي في صوت ولاد البلد

6- وانت ماشي لو قابلت واحد من فرافير اليومين دول اللي راكب عربية بابي ومامي ماتنساش تبصله بصة من بتوعك اياهم ولو قالك "بم" اديهومله "بم بم بم" وعلى صداغه ويستحسن قدام البنات اللي كان عمال يتنطط عليهم بعربيته

7- ترجع البيت متأخر ويستحسن كمان تبات بره عشان أهلك مايفتكروش انك مقطوعلهم.

8- ودي آخر حاجة يا ريت تعلم كام واحد أسرار البلطجة عشان يبقوا عزوة وطبعاً هتنصب نفسك عليهم زعيم

آدي كل الشروط لو حد استوفاها هيضمن ان شاء الله حصوله على شهادة البلطجة المصرية

ياريت يا مومن تفتحلنا قسم البلطجة لما ربنا يكرمنا ونتقبل فى اكاديمية البلطجة دى
وربنا يكرمنا ان شاء الله
واطمنوا انا سمعت ان شهادتها معتمدة ومختومة من على زلبطة بلطجى الجمهورية العالمية

وسمعنى سلام اوعه يغرك جسمك
امضاء البلطجى المبتدىء / نور

ايه يا نور هتلقوهملى نيلى نيلى هلقولهملك شريهان شريهان

احنا لازم ناخد ختم البلطجه الابديه 20 غرزه فى وش كل واحد معادا انا و1000غرزه فى وش عبد الودود لوحده

نور بيعجبني فيك دماغك العاليا
فعلا السي في بتاعنا ناقص شاهدات كتير
من اهمها شهاده البلطجه
ولازم نعمل انتخابات ونختار احسن بلطجي
عشان الامان يعني bounce

محدش عارف بكره حيحصل ايه

من طرف اخوكو اللمبي

فل عليك يا جيهه البلطجه مهمه برضه فى الزمن ده و بالنسبه للاخ اللى بيقول 20غرزه فى الوش ده احب اقوله ان التعو ير فى الوش مفيهوش معلش والبنى ادم مادام اتخلق لازم يعمل قلق pirat

salem كتب:: فل عليك يا جيهه البلطجه مهمه برضه فى الزمن ده و بالنسبه للاخ اللى بيقول 20غرزه فى الوش ده احب اقوله ان التعو ير فى الوش مفيهوش معلش والبنى ادم مادام اتخلق لازم يعمل قلق

سالم ابو دومه