كيف تكون شخصيتك جذابة

عايز الناس تحبك ويوم ما تموت تبقى حزينة بجد مش مجرد حد مات وعادى عايز الناس كلها تاخد رايك انت فى المواضيع الى تهمهم ويمشو بكلامك عايز كل ده هقولك 20 صفة لو عملتلهم هتحقق كل ده وتبقى شخصيتك بجد الكل يحبها ويضرب بيها المثل

1 - اضحك خلى وشك بشوش حتى لو متضايق متبينش ده الناس بتحب الضحك والدم الخفيف

2 - عليك بالشكر جامل الناس على قد ما تقدر الناس بيحبو الكلام الحلو بس متافورش متنافقش يعنى

3 - ابعد عن الجدال والنقاش دايما الخلافات بتكون بسبب كده فالجدال طريق العناد

4 - اتعامل مع الناس زى ما انت بتحب انهم يعاملوك والى مترضاهوش لنفسك متعملوش فى غيرك

5 - التمس لغيرك العذر دايما قدم لهم الاعذار ومتعاتبش حد

6 - متزعلش من حد مهما كان السبب لان الغضب من الشيطان

7 - سلم على اى حد تقابله سواء تعرفه او متعرفوش فالسلام الصادق طريقك عشان تكسب ود الى حواليك

8 - تهادو تحابو هادى الى حواليك ولو باقل القليل الهدية ليها مفعول السحر عالناس اسالونى انااا

9 - اتعلم انك تسكت اكتر ما تتكلم فالناس بيحبو الى يسمعلهم دايما اكتر من الى يحكى لهم

10 - ادى دايما تفاؤل للناس بلاش التشاؤم اديهم الامل دايما

11 - كن ذبابة ههيهييه طبعا يعنى مش بقولك اتحول لدبانة وافضل زن فى المكان بس قصدى خليك خفيف يعنى تكون خفيف عالناس متقلش عليهم

12 - خلى دايما الى قدامك يفتكر ان الفكرة فكرته واديهم انطباع ان الى اقترحته او بتفكر فيه هما كمان شركاء فيه

13 - تواضع دايما حتى لو كنت حاسس ان ايييه تواضع مفيش حد بيحب الى عامل فيها جاكى شان وشايف نفسه

14 - تسامح دايما وابتدى بالكلمة الحلوة ده بيخلى الناس تحترمك

15 - ماتعملش بورم وتقعد تنصح انصح ماشى بس بطريقة متخليش الى قدامك يزهق منك

16 - شارك الناس حزنهم قبل فرحهم مش فى الحاجات الحلوة بس تبقى موجود وفى الوقت الزنقة متعرفش والدك


17 - متنتقدش حد الكلام بيخلص بس اثره بيبقى لسه فى العقل الباطن

18 - متضحكش كتير فى المواقف الى مش مستاهلة لانه بيخليك تفقد هيبتك ووقارك احيانا الشىء لما بيزيد عن حده بيقلب ضده


19 - خليك صبور دايما

20 - خليك زى النحلة طبعا مش هتتحول برده بس اقصد زى النحلة لما تقف عالوردة بتاخد رحيقها من غير ما تاذى حد

بس كده خلصو
ياريت كل واحد يشوف فيه كام صفة من دول

ايه يا ميرووو الكلام الجميل ده حقيقي انا استفد


ارجو المزيد