ايه ياعم البوكسر الجامد ده ماترفع بنطلونك شويه

لوسمحت ايها الشاب ارفع بنطلونك للضرورة

ارجو من الشباب عدم فهمى خطاء
ده موضوع قريته وعجبني وحبيت اعرف رأيكو

لما الواحد بيروح الاماكن العامة ... والترفيهيه تحديدا .. بشوف شويه حاجات

بيبقى عندى رغبه ملحه لرفع بناطيل كثير من الشباب .. والمصيبة ان هما ملفتين اوى
البنطلون بيبقى خلاص هايقع من على وسط الواحد منهم

دى بقى الى اسمها صيحه الموضة ...جاءت صرخه ..وخاصه للشباب .. اى واحد استحاله يستريح اذا كان من جيلى او الجيل الذى يكبرنى حينما يرى شابا يسيرا ... وبنطلونه على وشك ان يقع منه .. فهل الموضه تقتضى هذا الفعل .. ولا تكتفى بذلك فقط.

فشروط ارتداء البنطلون ظهور الملابس الداخلية (البوكسر) ولذلك ستجد فى خلفيات الشباب حدائق من الالوان
فكل شاب يختار لون الملابس الداخليه الفاقع ... لكى يظهر اكثر تمشيا مع الموضة .. واستجاب البائعون لهذه الموضة ..وغدا البحث عن بنطلون يقف فوق الخوض امرا جالبا للتعب

وصرعه البنطلون السائب او المحلول ظهرت فى سجون امريكا وتحديدا فى سجن ( النقر ) وعرفت هناك بـــ(ثوق THUG)

وخرجت الى الشارع كفعل مرفوض نهائى.. الا ان مروجين الموضة الى هما رجال الاعمال بشوات اى البلد
اقتنصوا هذا الفعل المرفوض وحولوه الى موضه ..يتهافت عليها شباب العالم .. وكانت هذه الموضة مقتصره على الشباب .. الا ان الدعوة فى توحيد الزى او الجنس .. جعلت الفتيات يسرعن الى الاقتداء بالشباب الروشه الى مصحبنها .. فى المنافسة على ارتداء البنطلون الواقع من الوسط الى هو ( المسلوت )
وحديثى عن هذه الموضة ليس من باب المناداة بملاحقة اصحاب البناطيل المسلوتة فانا اعرف تماما .. ان قوى عالميه ( اصحاب دور الازياء العالمية ) سوف تكفينى مغبة المطالبة بسحب تلك الموضة من الاسواق.. بخلق موضة جديدة تذهب البناطيل الى كزبله التاريخ

لكن حديثى منصب على اننا نتقبل صرعات الموضة من غير الوقوف على دلالات الموضة وعمقها الثقافى .. مما يجعل فاعليها محل التندر او الشك والامر الاخر الذى يزعجبنى .. وهو تعميم تلك الموضة حتى ان كثيرين ممن يفعلونها يتحولون الى اضحوكه مكتومه بين الناس

ففى الاماكن العامة تجد هذة الموضة معممه بشكل يدعو للرثاء .. خاصة من قبل اولئك الذين لا يحملون جمالا جسميا يمكنهم من ارتداء مثل هذه البناطيل

فيتحول الى صاحب صرعه على وجوه النلس اى الى ضحكة تجرى على الافواه

وهناك فتيات .. ممن لحقن بهذه الموضة متاخرا ولم تكن اجسادهن رحيمه بهن .. او بنا احنا كمان !!!

فتظهر عيوب اجسادهن بشكل مضحك وكاريكاتورى ..فبدلا من ان ينسل البنطلون على خصرها .. تجد ان شحومها القيت على قارعه الطريق .. لتكون نكتة حلوة لكلاب السكك .. انا لااخشى مثل هذه الصراعات لانها صرعات تاتى وتمضى ..فكل جيل يستنكر على الجيل الذى ياتى بعده ما يفعله بنفسه .. وكما قلت ان مروجى صرعات الموضة لا يقفون عند مرحلة

وأنما على الشاب ان يختار الموضة التى لا تحوله الى بؤرة شك او نكتة على ألسنه المشاهدين له

(ياشباب قبل ان تتبعوا الموضة اعرفوا مصدرها ومعناها كفانا ترديد دون وعى )

اللهم احفظ شباب المسلمين البنات منهم والبنين ..الهم امين

ياتر ى با مؤمن كان ايه لون البوكسر الى انت شوفته ايه ياعم البوكسر الجامد ده ماترفع بنطلونك شويه 452462

لأ انا مشوفتش بوكسرات اللي شوفتو ميتقالش

Razz

والله يا مؤمن تنطبق علي الموضوع مقوله (هم يضحك وهم يبكي)

وكانت ظاهره حمله قبل كده في ال facebook بتطالب بتوسيع بنطالونات البنات

بصراحه مش عارفين نلاحقها منين ولا منين

البنات تضيق البنطالونات .....الولاد يوقعو البنطلونات

زي اللي داخلين في صراع ( دعوه للخلع)

وبيقولو في ظاهره تحرش ليييييييه؟؟؟ طيب مهو من اللي بيحصل والانفتاح ده

وبقي فيه هوس شنيع بالموضه واصبح مرض عند البعض

بجد بقينا بنتقرف من المناظر اللي بنشوفها كل يوم في الشوارع

واحد مربي شعره وعامله غابات استوائيه واللي يشوفه يلاقيه محلقش بقاله 3 سنين

وعاملك فيها المروشن وهو صوته انعم من باكو بسكويت نواعم

وتلاقي الواحد من دول هايص ومايص وكمان لايص

لا وعلشان تكون روش علي حق لازم ترقق كلمتك وتدلع مشيتك وتشخلع ضحكتك

مش عيب إنك تكون واد روش بس العيب

إن الروشنة تقلب معاك خنفسة

لان الخنفسه دي هتخلي صاحبها عنده 28 او 30 سنه ولسه متفطمش

واللي زي ده ميعرفش يفتح بيت وكبيره اوي يفتح ازازه حاجه ساقعه ويشربها

ربنا يهدي كل شباب وبنات المسلمين يارب

والله يا جماعة احنا لو دورنا فى كل حاجة فى حياتنا
حنلاقى اننا فعلا بنقلد تقليد اعمى فى كل حاجة
بالذات فى اللبس والشعر
ومحدش بيفكر انه يكون حلو ولا لا انما كل تفكيره انه يكون ماشى على الموضة
وانا مش بقول انى منمشيش على الموضة بس انا ممكن اعمل اى حاجة الا البوكسر ده لان كده وسعت اوى اوى بصراحة
وانا بستحقر الشاب اللى بيعمل كده
ربنا يهدينا فعلا كلنا

شجره الدر كتب:: بصراحه مش عارفين نلاحقها منين ولا منين

البنات تضيق البنطالونات .....الولاد يوقعو البنطلونات

ايه حكايه البنطلونات صحيح الظاهر مش حنرتاح ابدا

Very Happy