الحب فى الكلية

سيدي سيدي مبرووك يا نور علي القسم ومكنتش متوقع البدايه تكون علي الحب كده انا عاوز اقولك ان احلي قصه حب في حياتك ممكن تعيشها في الكليه بتبقي الدنيا حلوه اوووي وكمان علي الاقل بتشوفها علي طوول وطبعا ده ميمنعش شويه تزوويغ من المحاضرات وياسلام علي كام سندوتش عند هريدي ومتنساش تضرب حاجه ساقعه صارووخ بعدين تطلعو جري علي بالما واتنين شيكولاته بالتلج ومتدفعش اكتر من 9 جنيه اه انا بقولك اهو
احلي احساس الحب في الكليه وبتبقي زكري تعيش معاك طول العمر بالرغم من ان فيه ناس بتبقي حاقدين عليكو وحاسسين بغيره ليه وليه بقي انتو مبسوطين وبتحبو بس سيبك منهم المهم انك كويس كده بس خلي بالك برضه الكليه فيها صباح الحورات من البنات والولاد يعني ممكن تبقي تقضيه بس او مصلحه ورق مثلا علشان كده لازم تختار صح

الحب فى الكلية بيبقى تقضية وقت وتسلية ولعب عيال وكل الى انا اعرفهم يدوبك بلكتيير اوىى بيرتبطو سنة واحدة وبعد كدا بيفركشو .... وقليلللللل اوىىىىىىى لما تلاقى اتنين بجد بيحبو بعض فى الكلية دىى

ايه يا هوب هوب الاكتئاب ده فكرتك غلط علي فكره
فيه قصص حب كتير عاشت واستمرت
بس المهم يكون اختيارنا من الاول صح

يا جامد يا جامد يا جااااااامد
طول عمري اقول عليك هادى فى رنتك وراسى فى كلمتك وتقيل فى مشيتك
علي الرغم من شويه المشاغبات اللي بتعملها بس دماغك جامده فعلا
ندخل في الجد شويه ...عايز الجد ولا ابن بنته ههههههه خلاص خلاص هقول اهو
اولا كلامك وكلام هنوده وكلام هبهوبه عجبني جدا ومش معني كده اني بعترض علي كلام مؤمن لا ابدا والله بس يمكن يكون ربنا كاتب انه يلاقي الانسانه اللي بيدور عليها في المكان ده لان دي في الاول والاخر نصيب ومحدش عارف هيقابل نصيبه فين لكن فعلا انا بشوف ان الحب في السن ده مجرد لعبه بيلعبوها علي بعض ولو حتي العلاقه نجحت مع البعض فدول قله ممن رحم ربي بس طبعا اي شاب او بنت في السن ده وبعد خروجهم من سجن الثانوي وبعد سماعهم للقصص المشوقه جدا من اخواتهم وقرايبهم علي انفتاح الجامعه و بتلاقي البنت او الولد داخلين بقلب جامد اوي وعايز يجرب كل حاجه الناس قالوله عليها ابتداء من لحمه هوهو و انتهاء بالصحوبيه والحب و يمكن تنتهي بورقه عرفي
وفي دكتور عندنا في الجامعه دايما يقولنا اوعو أي واحده مجنونه فيكم تفكر تحب واحد معاها في الدفعه لان الولاد دووووول اديكم منهم والقبر ولا شغله ولا مشغله ولسه قدامهم جييش ومشوار طويل ولو أي بنت استنت أي ولد منهم يبقي تضمن انها هتعنس
وانا الحمد لله عندي قناعه ان (صاحب بالين كداب) يعني بشوف ان البنت المفروض تروح الجامعه علشان تدرس وبس ومش رايحه تدور علي عريس او تصاحب ويمكن انا قضيت في الجامعه 3 سنين والحمد لله علاقتي بالشباب شبه منعدمه لان انا اللي حطيت الحدود واجبرت أي شاب دلوقتي انه لما يشوفني يحترمني.... لان من الاول خالص لما حد بيجي عايز يتعرف او يبدأ كلام فأنا كنت بجاوب الجواب علي قد السؤال وبتسأذن منه وبمشي علشان محرجهوش واحرج نفسي لو فتح أي حوار للتعارف ...لان لو انا كلمته وعلاقتنا تطورت لاتجاه تاني وانا جيت وقولتله( لا مينفعش انت زي اخويا ) يبقي انا كده اذيته واذيت نفسي يمكن البعض بيشوف ده تخلف مني اودماغي عليها قفل كبير... لكن انا بشوف ان دي قناعات
وماله يعني لما يكون ليا شله بنات وبس وللشاب بردو شله شباب وبس.. انا بشوف ان ده احلي بكتير لكن طبعا علي مين الكلام ده مش بياكل مع ناس كتير وعلي رأي المثل
واقفة الراجل بميت ست أن جت الست .... اكمل ؟؟؟؟ هههههه
وفي الاول والاخر هي وجهات نظر واختلاف في التفكير ونصيب في المقام الاول
وبجد موضوع جااااااااااامد جدا ومبروك علي منصب نائب المعلم

شجره الدر كتب:

طبعا اي شاب او بنت في السن ده وبعد خروجهم من سجن الثانوي وبعد سماعهم للقصص المشوقه جدا من اخواتهم وقرايبهم علي انفتاح الجامعه و بتلاقي البنت او الولد داخلين بقلب جامد اوي وعايز يجرب كل حاجه الناس قالوله عليها ابتداء من لحمه هوهو و انتهاء بالصحوبيه والحب و يمكن تنتهي بورقه عرفي

انا معاكى فى دى اوى يا شجرة لانها فعلا بتبقى باينة اوى على الطلاب بتوع سنة اولى وبتسحى انهم كانوا فى سجن فعلا ومرة واحدة خدوا البراءة

شجره الدر كتب:

والحمد لله علاقتي بالشباب شبه منعدمه لان انا اللي حطيت الحدود واجبرت أي شاب دلوقتي انه لما يشوفني يحترمني.... لان من الاول خالص لما حد بيجي عايز يتعرف او يبدأ كلام فأنا كنت بجاوب الجواب علي قد السؤال وبتسأذن منه وبمشي علشان محرجهوش واحرج نفسي لو فتح أي حوار للتعارف ...لان لو انا كلمته وعلاقتنا تطورت لاتجاه تاني وانا جيت وقولتله( لا مينفعش انت زي اخويا ) يبقي انا كده اذيته واذيت نفسي

لو تسمحيلى يا شجرة بملاحظة صغيرة
انا محترم رأيك جدا
بس انتى كده حطيتى ان الطريق الاكيد والوحيد لعلاقتك باى شاب حيكون الارتباط وده ممكن اه وممكن لا والاحتمال الكبير انه يكون لأ عشان الاغلبية بيكونوا صحاب وانتى يا شجرة ممكن بكل بساطة انك تنهى كل ده بجملة واحدة ا( انا مش بتاعت ارتباط يا جماعة ) وبكده حتضمنى ان كل الشباب مش حيفكروا انهم يرتبطوا بيكى وتقدرى تعيشى حياتك بالحدود اللى انتى عاوزاها مع الشباب بعد ما حددتيها معاهم وكمان حتكسبى انك حتكتمى اى حد يتكلم عليكى
ده مجرد وجهة نظر جايز اكون غلط وجايز اكون صح
بس انا لو كنت مكانك كنت عملت كده

شجره الدر كتب:

وعلي رأي المثل
واقفة الراجل بميت ست أن جت الست .... اكمل ؟؟؟؟ هههههه

ههههههههههههههه
لا والنبى متكملى خلى الطابق مستور

شجره الدر كتب:

وبجد موضوع جااااااااااامد جدا ومبروك علي منصب نائب المعلم

ميرسى ليكى انتى يا جميل وعقبالك لما تبقى شجرة الدر التانية بتاعت مصر قريب
[/quote]

برافوا يا نور موضوع جامد بجد وانا بصراحه معاك فى الراى فعلا الغالبيه
بقى غرضها الاساسى لما تروح الجامعه انها تتسلى وبس.

يا واعي انت

يا ساتر يا رب انت هتقر يا معلم مؤمن انت ولاااا ايه لا

قل اعوذ برب الفلق

ميرسى جدا نور على الموضوع الجميل ده بس انت سؤالك جامد جدا بس ممكن تقول اية لحد ممكن يكون بيحب بجد والطرف التانى مش عجبة شخصية الانسانه دى هو مش بيقول لها كده طبعا بس هى واثقة ان هى بتحبه وهو بيقضى وقت تفتكر تغير من نفسها عشان تقدر تلفت نظر ولا تنسى الموضوع بشكل عام من غير تفكير بس الى انا متاكده منه ان هى فعلا بتحبه جدا بجد ياريت ترد عليه بكل صراحة انت وكل الموجودين

نادية27 كتب:

ميرسى جدا نور على الموضوع الجميل ده بس انت سؤالك جامد جدا بس ممكن تقول اية لحد ممكن يكون بيحب بجد والطرف التانى مش عجبة شخصية الانسانه دى هو مش بيقول لها كده طبعا بس هى واثقة ان هى بتحبه وهو بيقضى وقت تفتكر تغير من نفسها عشان تقدر تلفت نظر ولا تنسى الموضوع بشكل عام من غير تفكير بس الى انا متاكده منه ان هى فعلا بتحبه جدا بجد ياريت ترد عليه بكل صراحة انت وكل الموجودين

اولا ميرسى على مشاركتك الجميلة يا نادية
وهلا بيكى فى انح
وبخصوص موضوعك انا رأيى بصراحة ثابت
اللى بيحب حد بيحب عيوبه
حتى لو عدلتى فى الشخصية عشان تعجبه
مفتكرش انه ممكن يحبها لان الانسان بيتغير مع الوقت
وانا شايف انها حتى لو اتغيرت عشانه العلاقة حتفشل مع الوقت
بس هو اساسا مش بيحبها من الاول
عارفة لو كان بيحبها من الاول كان عادى جدا انه يطلب منها انها تتغير
لكن هى عاوزة تتغير عشان تلفت نظره اساسا
لو كانت عجباه كانت لفتت نظره من زمان
وده مجرد وجهة نظر يا نادية
قابلة انها تكون صح وتكون غلط
وصاحب الموقف هو اللى ادرى بيه وهو اللى فى ايده القرار النهائى والسليم

ميرسى جدا نور على اهتمامك بالموضوع الى انا كتبتة وفعلا انت عندك حق وبجد كلامك صح جدا ومش المفروض ان هى تعلق نفسها بانسان مش هيقدر يحبها ميرسى جدا وعلى العموم انا مش اسمى نادية ده عشان اشارك معاكم بجد لان انا عضو جديدة فى المنتدى بس مش فى الجروب

نور بجد انت كلامك مقنع جدا بجد ميرسى صديقة جديدة على المنتدى بس مش على الجروب اطلاقا

لاشكر على واجب يا ( مش نادية )
وايا كان اسمك فاهلا بيكى غلى المنتدى
ونورتينا ويارب يكون كلامى فادك

صعب اوىىىى تلاقى اتنين بيحبوا بعض فى الكليه بجد اكترهم بيقضوا وقتهم فى الكليه وخلاص

مش شرط يا شيمو
انا معاكى انه صعب اوى انك تلاقى حد بيحب بجد
بس فى ناس بتحب بجد والدليل ان فى ناس صحابنا حبوا بعض و ارتبطوا رسمى
متحطيش فى دماغك كده عشان يمكن يجيلك حاجة خير

انا بصراحه من ساعة ما دخلت الكليه وخت على نفسى عهد حب فى الكليه لا يعنى لا لانى كمان كنت بحب من بره اصلا بس انا كل الحكايات اللى حصلت لصحابى فشله اخر حاجه ومش شوفت حاجه نجحت والموضوع جامد يانور

بصراحة يا نونيا الحب ده حاجة خارجة عن ارادة الواحد
ممكن تكون في اي وقت بس اهم حاجة يكون حب(مشاعر حقيقية وصادقة)
ومش من طرف واحد
لان فعلا الواحد ميقدرشي يعيش من غير حب
علي فكررررررررة انا انكويت بنار الحب ومش عايز اقول ليكم الحياة ومدي صعوبتها بدون الحب
واد ايه الحياة الجامعية صعبة من غير صاحب او صديق كويس

بجد موضوع جامد يانور
الحب فى الكلية موجود بس بيبقى على حسب الشخصية
وعلى حسب قدر المحبة اللى مابينهم يعنى حب حقيقى ولا لأ
وعلى فكرة مفيش مكان محدد للحب
سواء فى الكلية او فى اى مكان الاثنين موجودين فيه يقدر الحب يستمر ويكمل
بس يكون حب حقيقى وتكون مشاعر صادقة