افتكاسه الفراخ المحشيه من مطبخي

يا مرحبا يا مرحبا

النهارده بقي عزماكم علي فراخ محشيه

هي افتكاسه جديده من افتكساتي المطبخيه اللولبيه بس بجد طعمها طلع تحفه اوي

انا كنت بحسبها هتطلع فاشله لكن لما طلعت من الفرن ودوقتها عجبتني


اولا هنجيب صدر فرخه مخلي




طمطمايه كبيره مقطعه شرائح

بصله كبيره مقطع شرائح

زيتون

جبنه مودزريلا او شيدر

ملح / فلفل




ركزو معايا في الطريقه بقي



هنجيب صدر الفرخه بتاعنا ونقطعه من النص مش للاخر

زي ما بنقطع أي سندوتش كيزر بالظبط

وبعدين هنتبل الفرخه من جوا بشويه ملح وفلفل

ونرص فيها المكونات بتاعتنا علي هيئه طبقات

البصل الاول وفوقيه الطماطم وبعدين الزيتون وبعدين الجبنه

ونقفل الفرخه بتاعتنا وبعدين نحط قطع جبنه علي وش الفرخه من فوق علشان تسيح عليها



هنحطها في طاسه ونحط في ارضيه الطاسه شويه بصل وطماطم


وبعدين نحط شويه مايه صغيره ونحط الفرخه

ونحطها علي النار شويه

وبعديها ندخلها الفرن لغيت لما تستوي

ونطلعها من الفرن ونزينها ببقدونس وخيار وطماطم



وبالهنا والشفا

جربوا وادعولي يا انحاويه

اقتباس :

ربنا يخللنا افتكاساتك يا شجرة

ربنا يخليك للغلابه ههههه

اقتباس :

وميحرمنيش من شتيمة ماما ليا كل ما اقولها على افتكاسة من افتكاساتك

هههههههههه ايه ده هو انا اتشهرت كده

قولها متقلقش الاكل واخد تصرح وزاره الصرف الصحي والاسكان

وربنا يخليهالك يارب

اقتباس :

هى بتغير منك باين ولا ايه ؟

لا هي خايفه عليك وعلي صحتك

اقتباس :

حجرب المرة دى يمكن ترضى عنى
وميرسى يا قمر على افتكاساتك وياريت دايما الاكل الى جى يكون جديد عشان انا مليت من القديم

مرسيه ليك يا نور علي ردك الجميل
بس بردو الاكل القديم له مذاقه الخاص
ومفيش اكل احلي من اكل الست الوالده
لكن الافتكاسات دي تعتبر نوع من التغير