اصبحي فتاه رمضانيه

1ـ لا تفرطي بالسنن الرواتب لا في رمضان ولاغيره واعلمي أنك ان فرطت فيها فانت تخسرين بذلك بيتا في الجنة كل يوم كما جاء في الحديث الصحيح (( مامن عبد مسلم يصلي لله تعالى في يوم اثنتي عشرة ركعة تطوعاً غير فريضة إلا بنى الله تعالى له بيتاً في الجنة )) رواه مسلم السنن الرواتب هي : ركعتان قبل الفجر ، وأربعاً قبل الظهر وركعتان بعدها ، وركعتان بعد المعرب ، وركعتان بعد العشاء .
2ـ احذري من قضاء أكثر الوقت في النوم فإن يجلب الكسل والخمول ويضيع الوقت .

3ـ احذري من عصيان الله تعالى بالسهر أمام القنوات التلفزيونية .

4ـ لا تسرفي في الطعام وتضيعي الوقت في طهيه وتنويعه فما لهذا شرع الصيام .

5 ـ اعلمي أن الكلام البذيء والمحرم ينقص أجر صيامك ، قال صلى الله عليه وسلم : (( فإن سابه أحد أو قاتله فليقل إني صائم إني صائم)) رواه البخاري ومسلم 6ـ رمضان فرصه عظيمة للتزود من الطاعات فلا تضيعيه بالخروج للأسواق وخاصة أيام العشر الأواخر .

7ـ إ حرصي على التصدق في أيلم رمضان ولو قليلاً ولو بغير المال .

8ـ إ حرصي أيضاً على تفطير الصائمين فمن فطر صائماً كان له مثل أجره .

9 ـ عمرة في رمضان كحجة مع النبي ـ صلى الله عليه وسلم ـ فطوبى لمن نال هذا الشرف .

10 ـ إذا كنت ممن يصلي في المساجد فمري بالمعروف وانهي عن المنكر وعلمي أخواتك الجاهلات وانصحي الغافلات فهي فرصة كبيرة للتذكير والمناصحة خاصة وأن القلوب مستعدة لقبول الحق في هذا المكان الطاهر وفي هذا الشهر المبارك

11 ــ انتبهي لا تؤذي الآخرين بأطفالك سواء في المسجد أو غيره .

12 ـ كوني حريصة على أذكار الصلاة وأذكار الصباح والمساء والنوم وغيرها فذكر الله تعالى فيه خير عظيم وهو يحفظ الانسان ويعينه ويجعله موصلاً بربه وفي الحديث (( لا يزال لسانك رطباً من ذكر الله )) رواه أحمد وصححه الألباني ، صحيح الجامع
13 ـ في رمضان فرصة عظيمة لهجر المعاصي والمنكرات حيث النفس طهرها الصيام ومن ثم تتيسر التوبة إلى الله عز وجل منها .

14 ــ في رمضان تظهر إصدارات رمضانية مقروءة ومسموعة وهي مفيدة جداً فلا يفوتك أجر اقتنائها وتوزيعها .

15 ــ في شهر الخير والبركة تقام معارض إسلامية عن أحوال العالم الإسلامي فلا تُقصري في المشاركة فيها بالحضور والدعم المادي والمعنوي .

16 ـ أسالي الله عز وجل دوماً أن يتقبل منك الصيام والقيام فكم من صائم ليس له من صيامه إلا الجوع والعطش وكم من قائم ليس له من قيامه إلا التعب

17 ــ ليلة القدر تساوي ثلاثة وثمانين عاماً وأربعة أشهر من عمرك فأضيفي إلى أعمالك حسنات كثيرة في ساعات قليلة لتنالي الرحمات وتفوزي بأعلي الجنات

18 ــ إذا كنت ممن ينوي أداء العمرة في رمضان فأوصيك أختي ألا تفرطي في الفرائض والحقوق والواجبات لأجل أداء النوافل والمستحبات كتضييع حق الزوج وإهمال الأبناء لأجل العمرة وكوني أختي محتشمة بعيدة عن مزاحمة الرجال , بعيدة عن كل ما يؤذي المسلمين من قول أو فعل وتذكري أن السيئات تضاعف في الحرم الشريف كما أن الحسنات تضاعف أيضاً .

وصية أخيرة

أختي المسلمة حاولي مضاعفة أعمال الخير والطاعات المباحة لك أيام الحيض في وقت عادتك , إذ لا صلاة تجب عليكِ ولا صيام فعوضي عن ذالك بأنواع القربات المختلفة كذكر الله عز وجل والاستغفار والصلاة على النبي صلى الله عليه وسلم والدعاء والصدقة واستماع القرآن وقراءة الكتب النافعة والمساهمة في تفطير الصائمين وغير ذالك من أعمال البر واعلمي أخيتي أنك إذا احتسبتي في تركك للصلاة والصيام وقت الحيض وأنك ما تركتيهما إلا تعبد لله عز وجل ورضاء بقدره فأنت مأجورة على ذاك .

جزاكي الله خير يا شجره وربنا يهدي نساء المسلمين

تمام يا شجرة

يا رب سهل علنا الطاعات في رمضان وان شاء الله تستمر بعده كمان

ياااااااااااااااااااااااااااااا رب cheers

دايما كده صنف البنات ده عامل مشاكل حتى فى رمضان
مفيش فايدة ابدا

رقم حداشر ده يا ريت الامهات بياخدوا بالهم منه
عشان نبقى في المسجد و يجيبوا معاهم عيالهم الرضع و بيطلعونا من مود الخشوع خاالص من عياطهم المتصل اللا منفصل

و اللي اكبر شويه بأه في عز الهدوء في السجود ممكن يضحكوكي غصب عنك... تلاقي واحده بتلعب ام مع صحبتها و عايشه الدور اوى و عماله تزعقلها ماعملتيش المواعين ليه Laughing

بجد كان موقف وحش اوي و بيدل على خلل ما في تفكير لا مؤاخذه مامتها لأن الصلاه في المسجد مش فرض لينا .. انا مش بفتي بس دي معروفه..

و اختلف معاكي في عنوان الموضوع يا جميل
لان مفيش حاجه اسمها فتاه رمضانيه و فتاه جماد اوليه Laughing

لانه ببساطه ربنا رب كل الشهور ... و الاداب اللي انتي كتباها فوق يكون احسن انها تتعمل في كل الشهور مش في رمضان بس

و جزاكي الله خيرا

و اختلاف الرأي طبعا مش هيفسد مابينا اي قضيه Very Happy

شكرا ليكم كلكم يا جماعه

واحب بس اعقب علي كلامك يا برنسيس

بصي يا قمرايه انا معاكي فعلا لان بتحصل حجات في المساجد بجد بتفقد الانسان لخشوعه

وزي ما انتي قولتي سعات بنلاقي العيال قاعده تلعب وتضحك بصوت عالي

وتلاقي اطفال بتصرخ وحجات كتيررررر اوي

اما بقي بالنسبه لاعتراضك علي اسم التوبيك

فأكيد انا سعيده بأعتراضك ده وياستي الود زي ما هو ومفيش اختلاف هيفسده

لاني بحب النقاش

دلوقتي ياقمر انتي اعترضتي علي اسم التوبيك

ده طبعا رأيك وانا احترمه لكن بردو اكيد ليا حق اوضحلك شئ صغنون وهو

ان اولا القسم اسمو رمضان جانا واحنا هنا بنحاول نضع بعض الادعيه وبعض النصائح

وبعض الفتاوي اللي بنساعد بيها بعض علي اننا نخرج من رمضان واحنا كسبانين

وانا متفقه معاكي اننا لازم تبقي كل النصائح دي متبعه في كل ايام السنه مش في رمضان بس

لكن لو انتي لاحظتي هتلاقي ان في بعض النصائح موجوده خصيصا علشان رمضان

زي اللي بتتكلم عن صيام المراءه وبتتكلم عن العمره والحج في رمضان واللي بتتكلم عن

ليله القدر

اما بقي عن اعتراضك عن لفظ (امراءه رمضانيه) فأنا مختلفه معاكي

لان الكلمه رمضان لو حاولتي تحوليها الي نسب هتبقي رمضاني وتأنيثه رمضانيه

والنسب اللي احنا درسناه في اللغه العربيه يعني الانتساب للشئ... زي مثلا لما بقول انا مصريه او احنا شخصيات اسلاميه

ومعني الانتساب للشئ يعني الالتزام بكل اموره وتعاليمه وواجباته

واللي مقصود من كلمه امراءه رمضانيه هي اننا نلتزم في رمضان بكل تعاليمه

واكيد انتي شوفتي حلقه عمر خالد في قصص الانبياء لما قال حاولي تكوني امراءه مريميه

ومريميه هنا نسبه الي السيده مريم يعني بيأمرنا اننا نكون زيها في عفتها وطهارتها وايمانها

واكيد مش بيأمرنا اننا نبقي زيها في وقت محدد ......ده بيأمرنا نبقي زيها في حياتنا كلها

ياريت تكوني فهمتي قصدي كويس وانا مش معني كلامي خالص في الموضوع ده

التزام المرأه في رمضان بس .......لكن المقصود منه هو الانتساب والتحلي بجميع الصفات الرمضانيه اللي احنا مأمورين بيها وفي نفس الوقت تطبيقها في رمضان وغير رمضان

ويارب اكون قدرت اوصلك مفهومي البسيط

ومرسيه ليكي ولمشاركتك يا جميل وعايزين تفاعل كتير ومعارضات وانتقادات اصبحي فتاه رمضانيه 166249

هههههههه
بصي يا قمر -انا مش عارفه التفاهم بيننا صعب ليه-- انتي برج الايه يا بنتي Smile

--

انا عارفه ان في حاجات انتي كتباها بتاعه رمضان و بس .. يمكن عشان كده كتبتي تعبير "فتاه رمضانيه"

و عشان كده برضه انا قلت" الاداب اللي انتي كتباها فوق يكون احسن انها تتعمل في كل الشهور مش في رمضان بس"===و نحط خط احمر تحت كلمه اداب..و انا مختاراها بقصد ..و كنت متوقعه انك هتردي تقوليلي كده... بس انا عارفه الفرق بين الاداب العامه..
-- و عبادات رمضان زي ليله القدر و عمره رمضان
--و الاداب اللي بقصدها زي:الامر بالمعروف و النهي عن المنكر و عدم الاسراف

و والله انا عارفه ان الكلمه لفظا المقصود بها الانتساب لرمضان

و يااا رب نكون انا و انتي بنات مريميه Smile

[b]

اقتباس :: هههههههه
بصي يا قمر -انا مش عارفه التفاهم بيننا صعب ليه-- انتي برج الايه يا بنتي --

ههههههههه لا لا متقوليش كده

انا معاكي برج الجوزاء يعني عندي 669745 شخصيه وبتعامل مع كل واحد بنفس طريقه تفكيره

اقتباس :: انا عارفه ان في حاجات انتي كتباها بتاعه رمضان و بس .. يمكن عشان كده كتبتي تعبير "فتاه رمضانيه"

و عشان كده برضه انا قلت" الاداب اللي انتي كتباها فوق يكون احسن انها تتعمل في كل الشهور مش في رمضان بس"===و نحط خط احمر تحت كلمه اداب..و انا مختاراها بقصد ..و كنت متوقعه انك هتردي تقوليلي كده... بس انا عارفه الفرق بين الاداب العامه..
-- و عبادات رمضان زي ليله القدر و عمره رمضان
--و الاداب اللي بقصدها زي:الامر بالمعروف و النهي عن المنكر و عدم الاسراف

و والله انا عارفه ان الكلمه لفظا المقصود بها الانتساب لرمضان

و يااا رب نكون انا و انتي بنات مريميه

طيب يا حبيبه قلبي يبقي مختلفناش

لان انتي بتتكلمي في نقطه وانا بتكلم في نقطه تانيه

لان انتي ركزتي علي نقط معينه وانا بتكلم عن الموضوع في العموم

وعلي العموم يا ستي انا سعيده جدا بالنقاش معاكي

يا ساتر كل دول شخصيات

همم خير خير

انا بأه برج الثور ...

و على العموم انا عارفه اننا مااختلفناش اصلا

و كل سنه و انتي طيبه رمضان خلص خلاص

عيد سعيد عليكي و على كل الناس و عليا