رمضان والجامعة

بصراجة محدش فينا بيحب ينزل الكلية وهو صايم وخصوصا فى الجو دا وانا اولهم .. لسة حصى بدرى واللبس وانزل واركب مواصلات وطبعا الجو بيبقى حر موت وبتبقى عطشان وغير كدا الهزار بقى مع صحابك وتفضلو تنمو فى سيرة الناس وتخدو ذنوب فى رمضان ... احسن حاجة انك تعقد فى البيت كدا وتقرا القران وربنا يهدينا كلنا .........

انا من راى انى لازم اروح اشوف البنت ام كت

وكما قال الشاعر

اقتباس :

ساعتها حتقول الجملة المعتاده ( والله مانا نازل الكلية دى تانى فى رمضان )

بس احتمال انزل يوم علشان اشوف صحابي الاشرار

بس فعلا والله الواحد بيروح بيرجع وهو ضامن وحالف انه فاطر بالثلث

خلينا محبوسين في بيوتنا وعاملين بيات صيفي رمضاني

من خرج من داره اتقل مقداره

انا بأه قلت اروح الكليه يوم الاحد اللي فات ده عشان اجيب الجدول و فعلا حصل
اتصلت بعدد لا بأس به 3 بس و باقي الاصدقاء حاولوا يقنعوني بأني مااروحش
لكن الوطنيه اخدتنى و كان مبدأي ان رمضان مش شهر كسل و نوم دا شهر عباده و بما ان العمل عباده و احنا عملنا الدراسه فكان الطبيعي اني اروح الكليه
المهم طبعا الكليه زحمه جدا جدا و المدرج مليااااان بس من فئه الدحاحين و لقيت المحاضرات شغاله و كانوا تلاته و منهم الدكتور المبجل عصام سليم ..طبعا كل بتوع حقوق و تجاره عارفينه .. الراجل اول ما دخل حط المايك في بوءه و اعد يزعق بتحيتنا و امنياته بعودة رمضان بالخير.. و بدأ ما شاء الله عليه في محاضره لسنه رابعه ..و كان هيكمل لولا تدخل ولاد الحلال و قالوله اننا سنه تانيه... طبعا كانت محاضره مسخره وكأننا بنتفرج على مسرحيه عادل امام من كتر الضحك.. المهم قلب في ثانيه على منهجنا و فضل يعد في المذاهب المسيحيه في العالم و بصوت عاااالي يطرش المهم بعتناله ورقه نقوله ابعد المايك عنك.. الحقيقه كان مطيع .. بس الكارثه اللي حصلت انه بعد المايك من هنا و قرب هو للمايك من هنا.. مقدرش اوصفلكم احنا كنا عاملين ازاي من الضحك كنا بنمووووت ..
و طبعا جالي صداع من صوت عصام سليم و الشمس في محاوله البحث عن مركوب و كنت بموت من العطش..
و فعلا قلت مش جايه تاني في رمضان
و قلت كمان يا بخت الاطرش يا د.عصام[b]

اميره واضح انك عانيتي كتير في محاضرتك دي

وربنا يهديك يا عصام

كلامك صح الصح يانور
وانا عن نفسى مابنزلش من البيت فى رمضان لا بروح مدرسة طول الشهر ايام ثانوى
ولا بنزل جامعة خالص لحد كمان ما الستة البيض يعدوا
بقضيه بصراحة فى البيت والجامع
وانا بصراحة نقطة ضعفى الاكل مش بقدر عشان كده مابنزلش وماببذلش مجهود عشان اقدر استحمل لحد المغرب