افرحوا يابنات يا قصيره (من النهارده محدش هيقولك يا قصيره)

ازيكم يا بناتيت

النهارده قريت موضوع عجبني اوي

طبعا في بنات كتير قصيرين هما مش قصيرين اوي يعني

لكن وسط هوجه البنات اللي شاده حليها دي بقينا قصيرين ومين عارف يمكن بكره ندخل في

دائره الاقذام

معرفش يابنات دلوقتي بلاقي البنات طولت اوي؟؟؟؟ بس هو ليه كده؟؟

يمكن بيعيشو علي نبات السافانا والعيش الفينو وزعازيع القصب

تلاقي البنت 170 او 173



ايييييييييييييه ده حرااااااااااااااام بقي!!!!! مش كده ارحمووووووني

يعني واحده زي دي تكلم باباها ازاي

طيب لما يجي يزعقلها ...هيزعقلها بأنهو وش وهي اطول منه

بقي بزمتكم في بنت تطول علي ابوها ههههههههه

دلوقتي بقيت بمشي في الجامعه وحاسه اننا في زمن الديناصورات

مع اني مش قصيره اوي يعني هما يادوب 162 سم

وبلا فخر واخده جائزه افضل لاعبه رمي جوله البصل في سبت المطبخ

لكن بجد بقيت بضايق من البنات اللي شبه زرع اللبلاب دول

حاسه لو هزيتها ممكن تنزل بلح

مش هطول عليكم بقي يا بنات انح

هجيب لكم الموضوع اللي قريته وهو عباره عن بحث علمي بيؤكد ويصمم ويشجب ويندد

ويتحيز للمراه القصيره وبيقول انها اكثر انوثه

وعلشان كده كل واحده قصيره لازم تقول

الحمد لله علي نعمه القصر




أكد الباحثون بريطانيون أن الرجال طوال القامة أكثر جاذبية للمرأة في حين أن المرأة القصيرة تعد الأكثر أنوثة.

وقال الباحثون أن الرجل الطويل اكثر تأثيرا وجذبا للنساء وبالتالي تزداد فرصته في العثور على شريكة مناسبة له في

حين يبحث عن علامات الخصوبة والإنجاب عند المرأة التي يرغب في أن تكون شريكة حياته.

وقد كشفت دراسة بريطانية سابقة أن النساء قصيرات القامة أكثر جذبا للرجال ولديهن القدرة على إقامة علاقة زواج

ناجحة، حيث وجد الباحثون أن السيدات اللاتي تترواح أطوالهن بين1.51 و1.55سم أكثر ميلا للزواج والإنجاب.

ويرجع ذلك الى أن التكوين الجسماني للمرأة القصيرة يعكس للرجل شعورا بالقوة والقدرة على احتواء المرأة وعدم

منافسته في الطول، بالإضافة إلى أن المرأة قصيرة القامة لا يبدو عمرها الحقيقي وتكون دائما في حالة نشاط.

ووجد فريق البحث بعد دراسة طبيعة الحياة والصحة والتطور الاجتماعي خلال مراحل العمر المختلفة لحوالي 10 آلاف رجل

ولدوا في بريطانيا منذ عام 1958 إن الرجل الطويل والمرأة القصيرة مفضلان في عملية تطور الإنسان عبر الزمان بل

وحتى في العصر الحديث.

لذلك فمن غير المحتمل ان يختفي الفارق في الطول بين الرجل والمرأة.

بالنسبه المرأه الطويله فعلا تفتقر للأنوثه وأجمل ما في المرأه ان تكون ذات طول معتدل ويميل على القصر ولا يميل

على الطول

بجد انا بشكرك ياشجره الدر على الموضوع ده
عشان انتى مراعيه ظروفى وظروف كتير من البنات
يلا بقى خلينا نفرح بدل ما الناس كلها بتقول الطول هيبه
والقصر خيبه احنا اللى حنفرح بعد كده
وتتغير المقوله

هههههههههههههه
ايوا يا شيموووو هو ده الكلان يا بنتي ......اهو المثل اللي بيقول الطول هيبه هيتمسح من القاموس اساسا وخلي الطوال بقي يزعزعو كمان وكمان هههههههه

وانت يا نووووور بلاش والنبي الفول ده لحسن بيعمل اثار جانبيه مش كويسه

ويخيلي الايطاليين يرجعو في كلامهم ويمشو مع راي ابو عوض وام عوض
ويرجعو يقولو الطول هيبه ......احنا مش ناقصين خليهم كده حلوين

هاها لا والله شغال البحث دا.. و الحمد لله اني متوسطه يعني المقولتين مش هيأثروا فيا‎‏ ‎:-D‎ انا معاكم و مع الناس التانيين :-)