اديني في الهايف واحبك يا منتدي

مش عارف ابتدي بايه ولا اقول ايه بس انتم ممكن تفهموني من العنون

بصراحة انا فكرة كتير قبل ما اتكلم في الموضوع دة بس قولت مبدهاش بقا واتكلم

علي راي عمنا المزجنجي اديني في الهايف واحبك يا منتدي 609390

اديني في الهايف واحبك يا منتدي اديني في الهايف واحبك يا منتدي 939785

بصراحه يا جماعه انا ملاحظ اننا مهتمين جدا بالموضيع الهيفه محديش يفهمني غلط لا يا ريت بمعني انا الناس الي منزله موضيع ترفيهيه برضه منزلين موضيع جميله جدا ومهمة جدا بس للاسف اديني في الهايف واحبك يا منتدي هههههه
مش عارف انا شايف ان العيب مننا احنا خصوصا اننا معظمنا في الجامعه ومتخرجين ليه مش نساعد بعض ونفيد بعض في كل شيء ونعمل موضيع مهم جدا نستفيد منها
بجانب الموضيع الترفيهيه ايه المشكله انا سيب ليكم الرد اديني في الهايف واحبك يا منتدي 264577

ومن ناحيه تانيه يا جماعه محدش يفتكر اني مش بحد الهزار بالعكس انا من اوئل الناس الي بتعشق الهزار والهرج جدا جدا
اديني في الهايف واحبك يا منتدي 266559

يا ريت يا جماعه تكونو فهمين قصدي كويس ونحاول نفعل المنتدي ده لمصلحتنا كلنا يا ريت وبرضه نهزر ونلعب ونرفه عن نفسنا اكتر كمان اوكيييييي

واديني في الهايف واحبك يا منتدي

السلام عليكم ورحمه الله وبركاته
ازيكو
عاملين ايه
فعلا يا طيفه انت كده حطيت ايدك علي زتونه الموضوع انا اول لما عملت المنتدي ده كان ليا هدف وهدفي اننا نبقي كلنا اصحاب بجد ونفهم دماغ بعض ونعرف مشاكل بعض ونرد علي بعض ونتكلم عن الدنيا وعن البلد وعن الناس وكل واحد بقول اللي في نفسه من غير خوف او كسوف لان ده منتدي حواري بس بصراحه اتضايقت جدا لما شوفت ان اكتر المواضيع اللي شغاله هي مواضيع الالعاب وسايبين موضوع مهم زي الكارثه بتاعه المقطم دي
طبعا انا مش قصدي علي كل الناس بس انا بطلب منكم بجد لازم كلنا يبقي عندنا شجاعه ادبيه اكتر من كده ونقول اللي في نفسنا بجد علشان نفهم بعض اكتر لأننا تقريبا كلنا من سن بعض ولازم نبقي مع بعض ونساعد بعض

شكرا ليكو

مؤمن

بجد انا اتمنيت ده برده اتمنيت ان كله يفهم بعضه كله يشارك غيره

كل واحد يحكى الى عنده

وانا حولت وعملت فى الاول موضوعين مهمين شويه بلنسبه لسنى

بس لقيت ان اغلب الردود فى العب فى الحب فى الترفيه

اتريت انى اعمل مواضيع عن كدا علشان اكسب اكتر عدد من الردود

بس يريت نحاول نغير ده

وانا مستعد يا مؤمن انت وتيفه انى اعمل كل الى تؤمرونى بيه

اى حاجه ممكن تطلبوها منى انا انشاء الله هقدر اعملها

علشان المنتدا دا بتعنا كلنا ولازم نحافظ عليه ..

وعجبيييييييييي عليك يا محمد

بجد والله قلت حاجه كان نفسي اقولها

والحمد لله مطلعتش انا لوحدي اللي ملاحظه الشئ ده

ده الموضوع بقي محط انتباه وانظار من كبيرنا وهو مؤمن لصغيرنا سنا وليس عقلا وهو تيري

وبجد انا معنديش اي تعليق تاني اضيفه علي اللي انتو قولتوه

لكن شايفه فعلا ان مواضيع اللعب اخدت حقها زياده علي حساب مواضيع تانيه جديه

بجد مش عارفه السبب في كده

علي الرغم ان الانسان لو عاش حياته كلها ضحك وهزار هيبقي انسان هايف

لكن لازم يحصل balance شويه بين المواضيع الجديه والمواضيع الهزليه

واعتقد مواضيع المنتدي مش بتتكلم في قضايا عميقه او معقده

ده احنا بنكلم في واقع حوالينا وتجارب بنعيشها علشان نحس ببعض ونستفاد من بعض

ده بالاضافه الي القسم الاسلامي اللي اصبح منحصر علي عدد محدد من الاعضاء وكاننا بندخل القسم ده بكارنيه عضويه

بجد نفسي المنتدي يبقي في تفاعل اكتر واكتر لان دي اهميه المنتدي

ونفسي المنتدي يبقي احسن

نفسي الاعضاء تكتب اي موقف يمر بيهم في حياتهم لان اكيد كلنا بنمر بمواقف

مش شرط يكون موقف نكد لكن ممكن يكون موقف مضحك مر بيه

اكيد هو استفاد منه واحنا كمنا هنستفيد منه وممكن يكون موقف من المواقف الباكيه

الضاحكه اللي بنمر بيها كل يوم في الشوارع وفي الجامعه وفي المواصلات

ياريت الناس تحرك الاقلام بتاعتها شويه لحسن الحبر خلااااص قرب يجف

اولا : شكرا يا تيري علي مشاعرك الجميله وانا عارف انك دخلت علي المنتدي لقيت الناس بتلعب وبتتدلع بس ان شاء الله قريب حيحصل حركه تغيرات كبيره وانا مش طالب منك الا انك تفضل معانا صاحب واخ صغير

ثانيا :برضه يا شجره ردك مفيد كالعاده وعندك حق برضه ان لازم يبقي فيه بالانس لأن بجد ردك هو اللي بيعبر عن شخصيتك ولو كل ردودك هزار وكده يبقي انت سوري انسان هايف لازم تتكلم بجد وقت الجد وتهزر وقت الهزار انا اكتر حاجه جنتني بجد وموتتني م الضحك لما عملت قسم اسمه شويه جد بقي ولقيت الناس داخله تهزر جوه برضه
ده فكرني بسعد زغلول لما قال مفيش فايده

شكرا

ههههههههههه
فعلا كله كوم والناس اللى بتهزر فى قسم شوية جد كوم
مفيش فايدة
والله يا جماعة انا مش بلاقى حد بيتكلم جد فى الاعضاء غير قليل ويتعدوا على الصوابع
حاجة غريبة فعلا
وفى ناس فعلا مش بتشوفها الا فى الالعاب والمواضيع الهايفة
لو حنستمر كده يبقى انا شايف اننا نقلبها ملاهى انح مش مقهى انح
ورغم انى اكتر عضو منزل العاب وبالرغم ان فى اعضاء كتير اوى منزلة العاب هى كمان لكن اعزرونى لان انا مشرف قسم الافتكاسات ولازم اعمل دورى فيه وانزل العاب ومواضيع مسلية وفى نفس الوقت انا مهتم بكل مواضيع الاقسام التانية وبرد عليها ومواضيعى موجودة فى كل قسم خصوصا قسم الجد وايه اللى مضايقك لانى بحبهم اوى
ولو انا كنت اعرف ان الالعاب حتقلب المنتدى ملاهى بالشكل ده مكنتش عملتها اساسا
وعموما انا بناشد انا كمان الاعضاء التانية انها تكون معانا فى الجد وفى الهزار
وانتظروا تجديدات كبيرة فى انح بعد رمضان

واشكرك على النقطة دى يا طيفا عشان كان فى كتير مش واخد باله منها
فى لحمة جمل يبقى لسه فى امل

بب ياطيفا وحلوتك وانت هارش المنتدى

فعلا ياجماعه انا بقيت بلاقى اعضاء كتيرة تخش تلعب وتجرى
مش بتشوف فى ايه فى الاقسام التانية
بلاقى اللى بيتعب مبيتقدرش

موضوعو الجد واللى محتاجين كلنا نقف فيه وقفة ونتكلم واللى بيكون مدايق ومحتاج يفضفض مع حد

بالعب دة محدش بيقف جنبو ولا ياخد بايدو يعديها الشارع هههههههههه وادى التهريج بعينو

بجد فى ناس بتتعب ومش بتلاقى رد ولو شكرا حتى
وتلاقى المنتدى كلو بيلعب

ياريت مش كلو لعب لعب وشوف فى ايه تانى محتاج انك تبص عليه

احنا كلنا واحد وبينا هيقوم المنتدى ومن غير وقفتنا هنرجع للخلف

شد حيلك واحجز لك كرسى على قهوة انح

بالجد هتكسب بالعب الكتير هتخسر كتير

باى

كان معكم

شوش

صاحب لعبة بيت العيله

صح يا شوشو كلام سليم اديني في الهايف واحبك يا منتدي 503767

انا ليا وجهة نظر مختلفة عنكم يا جماعة انا شايفة ان المنتدى مليان مواضيع جد وحلو اوى
ثانيا حكاية نفضفض لبعض دى مش بتحصل لان كل واحد فينا ليه اصحابه اللى بيفضفض معاهم
بس هو ممكن يكون فى شوية هزار مننا بس قليل مش كتير اوى
مش عارفة انا شايفة كده