بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه

اتكى عالصبر شويه للآخر وما تستعجلش

هناك صداقه بالفعل بين الشاب والفتاه ؟؟؟

طبعا ده موضوع يطول شرحه والحديث فيه نفردله موضوع لوحده

وبصرف النظر عن مفهوم الصداقه وعن طبيعة العلاقه وكيفيتها بين الاصدقاء المختلفين فى الجنس . انا هاتكلم النهارده عن موقف واحد من الحياه

ولكن خلوا باكلم الى مش هايشارك فى الموضوع بكل صدق وموضوعيه مش عايز اقولكم هاعمل فيه ايه ؟ ( فى اخر الموضوع اكون فكرت فى عقاب حلو كده )

المهم الاول اعرض عليكم ما يقال لي من افواهكم او من افواه مثيلكم من الشباب فى العمر على الاقل :

البنت :والله انا ليا اصدقاء ولاد وما عندكش فكره هما مخلصين جدا اد ايه ويمكن احسن من البنات كتيييييروالله لو طلبت منه طلب ما يترددش ابدا ابدا فى انه ينفذه ويجيبلى ورق ومذكرات عشان الامتحانات وكمان كان مرة الموبايل بتاعى خلص شحن فخلانى اتكلم من موبايله وعارف فلان قعد معايا و شرحلي الماده الى ما كنتش باحضرها وفهمتها جداااوفيه بقى قلان جدع قوى كنت مرة داخله السكشن ومفيش مكان اقعد فيه فراح قام وخلانى اقعد مكانه والله مخلصييييييين عن البنات صداقه بريئه جدا والله

الشاب: والله انا مش عارف ايه التخلف ده احنا لسه عايشين فى القرن التاسع عشر ولا ايه ؟ ايه يعنى لما يكون ليا اصحاب بنات؟؟؟ طب والله العظيم انا اصحابي البنات باخاف عليهم قوى واحميهم كأنهم اخواتي واكتر . عارف فلانه؟؟ يوم لما اتأخرنا فى الرحله بتاعة القاهره ورجعنا من هناك الساعه اربعه الفجر ما سبتهاش الا لما وصلتها البيت زي ما تكون اختي
وفلانه مانت عارفها كان فيه واحد بيعاكسها عند كلية تجارة جريت عليه وضربته عشانها اصلها زى اختى

واكتتتتتتتتتتتتتتتتتتتر.

السؤاااااااااااااااااااااال :::

للولد اولا:

صاحبتك الى زي اختك بالظبط وبتخاف عليها زي اختك واكتتتتتتر . يوم لما كنتم واقفين قدام المدرج تستنوا المحاضره تبدأ والدكتور لسه ماجاش( اه لما كانت لابسه بادي وبنطلون جينز) لما اتلفتت تكلم صاحبتها الى وراها بصيت لها ازااااااااااااي ؟؟؟؟؟ ؟؟؟؟؟؟ولما مره كنتو داخلين السكشن وانت وراها عادى يعنى ماشى مع اصحابك وفجاه وقع منها الموبايل على الارض .....بصيت لها ازاااااااااى؟؟؟؟ ؟

بكل الصدق مع النفس اولا والى هايكذب هاعرفه على طوووووووووووول

ثانيا للبنت: صديقك الى زي اخوكي وبيخاف عليكى مووووت ومخلص عن البناااااات يا حلوه يوم ما كنتم واقفين تستنوا المحاضره

( اه ونفس البادي والبنطلون الى فاتوا) واتلفتي تكلمى صاحبتك كنت حاسه ومتأكده انه بيبص عليكى وكده يعنى واخد باله ولا لاااااااااا؟؟؟؟

ولما وطيتى تجيبى الموبايلمن الارض كنتى حاسه ان اللى زى اخوووووكى ده بيبص عليكى ويمكن شاف حته من جسمك ؟؟؟؟؟

وبرضه الصدق عشان ايه العقاب انا لقيته خلااااااااااااااااص .

العقاب للبنات الى مش هتشارك وتقول الصدق كمان ( هاحطلها شطه فى علبة الكريم المرطب)

والولاااااد هاحطلهم بودرة العفريت فى البرفان فحذاااااااااري مني

ههههههههههههههههه

تحياتى

يلا كله يجاوب بسررررررررررررعه

ومن غير افتاءااااااااااااات وعبارات شعاريه

واصل والحكايه والروايه وبتاع

ههههههههههههههههههههههههههههههههههههههههه

بصراحه انا مببصش اوي

والبنات اللي معايا كلهم فعلا زي اخواتي لأني انا اصلا معنديش اخوات بنات

فعلا بعاملهم زي اخواتي

شكرا يا سولم علي التوبيك

بس عاوزين نسمع رأيك برضه

بلاش انا اتكلم فى الموضوع ده
عشان البنات بتوع الشله فقشونى كذا مره وانا ببص على بنات معديه
احم احم اعفينى انا
واكيد فهمت طبعا Embarassed

طبعا فى صداقة بين الشباب والبنات وفى صحاب جدعة جداااا ويخافو على صحبتهم جداااا زى اخواتهم بلظبط بلعكس كمان ممكن يكون الصاحب بيبقى اكتر من الاخ وبتقدر تحكيلة كل حاجة وبينصحك ازاى وتعمل اية ..... وانا قابلت صحاب جدعان جداااااا .. ... ومؤدبين جدااااا .... عشان كدا الصداقة بدوممم بين الشباب والبنات لما يكونو محترمين مع بعض وبيخافو على بعض...........

ربنا يخليكي يا هوب هوب طبعا قصدك عليا

والله يا اخويا اسلام
انا ماعنديش غير اخت واحده بس
فاهمنى
وانت اكيد عارف انا اول حاجه باخد بالى منها ايه
وبلاش سياح
واللى بيقول انا بعامل البنات زى اخواتى ده شاب لامؤخذه
مش طبيعى
انا اسف يا مون
هى دى الصراحه

يعني قصدك ان انا شاب لامؤخذا
لامؤخذا بقي انت اللي لامؤخذا

ياجماعاااااااااااااااا
مستحيل طبعا يكون 100 % من الشباب كده
انا مش حنكر ان فعلا تلات تربعهم كده
بس فى ولاد بيحترموا فعلا ان البنت اللى معاهم وبيقدروا انها بتكون مديالهم الامان لما هى مش بتبقى شايفاك
واكيد اغلبية الناس دى بيكون عندها اخوات بنات وبتبقى خايفة ان يحصلهم كده
ومن الاخر كده ده بيتوقف على الاحترام
لو انت محترم مش حتعمل كده
لكن لو انت لامؤاخذة
يبقى من حقك تبص براحتك Laughing

الله ينور عليك يا نور

خليييييييك محترم

انا فعلا كان ليا صحاب كتير بس فى الاخر عرفت مين الجدع والمحترم واللى بيخاف عليا بجد وهما3بس بجد ده لما شعرايه تبقى طلعه من طرحتى بيقولى دخلى شعرك ويزعقلى

انا لو البنت تستهال بجد هبص لاكن لو كانت ميستحقش يتقال عليها بنت بعمالها كأنها واحد صحبى

ايوه ياسعيد لو انت مفهمها ان انت صديق بجد وبتعمل كده تبقى انت غلطان لانك المفروض تعامله زى اختك بس المهم تكون محترمه عشان تستحق واديك شوفت المعلم بيقول انه فى بيعملهم زى اخواته بالظبط

المعلم بيعملهم زى اخواته علشان مضطر وهو فاهم قصدى

صداقه الولد مش في كل الاوقات
تكون صحيحه لان اغلبهم بيعملو
زي مااسلام بيقول بس هي اللي
تخليهم يحترموها او لا وهو لو شايفها
محترمه هيحترمها غصب عنه والغلط اولا علي البنت
مش الولد

يا جمااااااااااااااااااعة البص دة حاجة طبيعية بتيجى غصب من عننا والا اية يا سعيد

ازاى يعنى ياهيمه غصبن عنك بعدين ماتنساش ان احنا صحاب ها بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه 166249

ازاى غصبن عنك يعنى ياهيمه ما تنساش ان احنا صحاب ها بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه 166249

مش مع اى حد طبعا يا نونا

انا شايفه ان اسلام عنده حق
فعلا يا بنات وانا واحده منكم طبعا ومن غير زعل احنا بنتعامل مع صحابنا بتحرر شويه
وانا شايفه اننا لازم فعلا نحد من التعامل ده شويه احنا بنتعامل معاهم كاخوات فعلا بس هما معظمهم بيبصلنا باصه تانيه كبنات سايبه مش لاقيه حد يحكمها وانا شايفه ان عندهم حق
فيها ايه يعنى لو الضحك والهزار مع صحابنا الولاد يتحول مع البنات اكيد حيبقى احسن ومش حنموت يعنى من غيرهم
يالا افرح يا نيشه حقلب المزز عليك بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه 995489

بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه 995489

لايا صفصوفه مجتمعنا اللى احنا فبه فى الكليه ماينفعش مايكونش ليكى اصدقاء ولاد بس المهم ان يكون ده فى حدود وبعد كده انتى تعرفى الكويس وتصحبيه بجد وزى ماقال هيمه مش مع اى حد بيعملوا كده يعنى ده بيتوقف على احترام البنت لنفسها قبل اى حد وهى باحترامها اللى بتجبر اللى قدامها يحترمها غصبن عنه حتى ولو هو مش محترم

بس احب اضيف لكلامك اننا بنسوق فيها عشان بجد بنحبهم ومش بنبقى متوقعين انهم يفسروا حبنا ليهم كاصحاب واخوات بانه سيبان وقلة ادب ومحدش عارف دماغ التانى فيها ايه
علشان كده انا بقول ياريت كلنا نخفونخلى بالنا من تصرفاتنا

طبعا ياصفصوفه وانتى تلاحظى فى كلامى انى بقولك فى حدود

مفيش صداقة بمعنى الصداقة بين ولد وبنت Exclamation

اصل الصداقة يعنى الاتنين يبقوا عارفين عن بعض الصغيرة قبلل الكبيرة
افكارهم ومبادئهم قريبة اووووووى والاختلافات بسيطة يعنى اخلاص ويبقوا مع بعض على الحلوة والمرة
يعنى نخرج مع بعض نروح لبعض البيت اهلى يبقوا عارفينه واهله يبقى عارفنى
نخرج مع بعض ونعدى على بعض نشكى لبعض همومنا ونفضفض مع بعض نعمل كل حاجة مع بعض وده عادة بين لولد والبنت بيقلب بحب من احد الطرفين اذا لم يكن طرف واحد
وكمان نفضل مع بعض طول العمر الا لو ربنا ما ارادش مش نسيب بعض اول ماندخل مرحلة جديدة فى حياتنا وكل الناس تبقى عارفة ان احنا اصدقاء لان ممكن البنت ترتبط ساعتها الانسان المرتبطة بيه ممكن ميرضاش ان يكون ليها اصحاب ولاد وممكن متقدرش تقول للناس كلها انها ليها اصحاب ولادكل ده معتقدش انه ينفع بين ولد وبنت
لازم يكون الصداقة دى بين ولدين او بنتين خاصة كمان ان فى حاجات بتبقى خاصة بالولاد
ومتعلقة بجنسهم ماينفعش يحكيها لصحبته البنت والبنت كذلك وكمان الاهل بيبقوا عارفين ان الجماعة ولاد وبنات اوكى بس مش هيسمحوا بعلاقة صداقة جامدة زى اللى انا شرحتها دى
بين بنتهم وولد ومش هيسبوها تخرج مع صاحبها او يجى يزورها لاننا عرب ومعظمنا مسلمين
مش فى امريكا مش معنى ان امريكا سامحة بده ان دى حرية لأ دى اباحية
ثانيا بالنسبة لحديث رسول الله (صلى الله عليه وسلم)اللى بيتكلم عن سبعة يظلهم الله بظله
يوم لاظل الا ظله فى جزء فيه بيقول
شابان نشأا فى طاعة الله اجتمعا عليها وتفرقا عليها
ياترى هتبقى واقف انت وصاحبتك او انتى وصاحبك تحت ظل عرش الرحمن Question

لكن احنا كلنا لينا اصحاب ولاد كده كده وبتاع وكلام نعناع وانا كده وبصراحة اللى اخترتهم
يكونوا اصحابى وليا علاقة بيهم اه روشين وكده بس رجالة جدا ومحترمين جدا وواثق فيهم
وعارفةانهم مش ممكن يعملوا معايا اى حركات نقص وساعات كتير بنقعد نحكى مع بعض
ونتناقش فى مواضيع كتير وناخد اراء بعض ونحكى بعض ظروفنا ومشاكلنا لبعض

برافو عليكى ياااسوسو هو دة الكلام بتبص ازاى لصاحبتك؟؟؟ لو جرىء جاوب وانتى كمان تعالى أيوه انتى, تحدى وجراه 230877

ميرسى ليكى يا مرح