هو العيب فينا لا فى ده زمن؟

سوال محيرنى جدا عايزه اعرف اجابتكم عليه ياترى ايه شكل علاقتك بامك وابوك؟حلوه ولا كلها خناق؟ طيب فكرت فى السبب هما ليه دايما بيقولوا اننا قراراتنا متسرعه؟ هو ده صح ولا غلط؟ طيب هو احنا الصح ولا الزمن العجيب اللى احنا فيه؟ طيب ليه بيقولوا ان زمنا كله عرى رغم انا فى السبعينات كانت كل البنات بتلبس منى جيب؟ طيب هو اللى الشباب بقوا يعكسوا عمال على بطال؟ هو ايه اللى بيحصل انا نفسى اتلخبط
عموما ياريت حد يحاول يفك الشفره ويفهمنى لانى بسراحه محتاره هو العيب فينا ولا فى ده زمن؟

الصرحه موضوع صعب اوى الرد فيه
بس انا شايف ان العيب فينا عشان الزمن هو هو عمره متغير
لكن البشر هما اللى بتغير فيهم حاجات كتير اوى اولها الطباع



شكرا على الموضوع الجميل بس والنبى خلى موضيعك سهله عشان اعرف ارد

ههههههههههههههههه لالالالالالالا لازم تفكر وتبدع هو ده حلاوه المنتدى تبادل ثقافى ولا ايه

اقولك يا مروة
هو الطبيعى ان يحصل تصادم ما بين الاجيال والازمنة
لان الدنيا ببتغير مع الوقت
وبيتغير معاها الناس وطباعهم وفى حاجات غريبة مكانتش موجودة ايامهم
فهما بيشوفها حاجات شازة وغلط
وده برضه حيحصلنا مع اجيالنا اللى جية
وحنحس بنفس احساس امهاتنا واباءنا
والاهم انك تعرفى كويس انهم بيقولوا كل ده عشان بيحبوكى وخيفين عليكى
ورايهم فى الاخر هو اللى يمشى لانه اكيد الصح

ازيك يا مروه

بصي طبيعي يبقي فيه خلافات بين الاب والام وبين اولادهم
ده بيرجع لأنهم كانو عايشين بعادات وتقاليد تانيه
و دلوقتي لقو حاجات كتير اختلفت فبيخافو ان الاختلاف ده يكون فيه ضرر لينا
علشان كده دايما بيختلفو معانا ومع قرارتنا برغم اننا ممكن نكون صح اكتر منهم
بس هما بيبقو محتاجين اننا نبقي معاهم علي نفس تفكيرهم وطريقه حياتهم القديمه
لأنهم شافو انها كانت حياه كويسه


شكرا يا قمر علي الموضوع الجميل ده ومستني بقيت رددوكو

بجد كلامكم جامد مووووووت بس على فكره انا مش عندى مشاكل الحمد لله فى التعامل مع بابا وماما بالعكس انا وهما اصحاب جداااااااااااااااااااا بس انا لقيت ان الخلاف ده بقت السمه السايده فى لامجتمع دلوقتى وعموما ربنا يستر على عبيده
ده احنا غلابه والنبى

مرمر الموضوع تحفه اوي اوي زي ما اتعودنا منك يا قمر

وهقولك بيت شعر عاجبني اوي

نعيب زماننا والعيب فينا ......وما لزماننا عيب سوانا

معني البيت ان احنا بنقول ان احنا في زمن فساد وعري وظلم

لكن مفكرناش للحظه ان احنا اللي عملنا كل ده بأدينا

والزمن هو اللي المفروض يعيب علينا اللي احنا بنعمله ..ومش العكس

لان عمر ما الانسان هيزع تفاح وهتطرح بطيخ

احنا اللي بنعمل كده في الزمن ده وعلشان كده منلومش غير نفسنا

وبالنسبه لموضوع العري اللي بتتكلمي عنه ده

فأنا شايفه فعلا ان زمان كان لبس الميني جيب هو السائد

وكانت نسبه المحجبات قليله جدا وبتلاقي اغلبهم نساء كبار في السن

ورغم كل ده كانت البنت بتحس بأمان في الشارع وبتمشي وهي مش خايفه

لانها واثقه ان اللي ماشيين في الشارع رجاله عندهم نخوه وعمر ما حد هيتعرض ليها

لكن دلوقتي (حدث ولا حرج) بنلاقي بنات محجبات في الشوارع وبيتعاكسو بردو

ده غير نسبه التحرشات اللي زادت جدا في مجتمعنا

وده ان دل علي شئ هيدل علي فساد اخلاقي في المجتمع

اما بقي بالنسبه لنقطه الاختلاف بينا وبين ابائنا

فده شئ بيطلق عليه ((( صراع الاجيال)))

شئ كان موجود من عشر سنين وهيفضل موجود طول الدهر

وزي ما كل الاعضاء قالت

انه بيكون من منطلق خوفهم وحرصهم علينا عايزنا نتربي ونمشي علي نفس النهج

اللي هما اتربو عليه.....وطبعا ده في حد ذاته مش هنقدر نقول انه كله صح او كله غلط

لكن الاب والام لازم يكون عندهم نوع من انواع مجاراه للعصر اللي اولادهم عايشين فيه

علشان يقدرو يخلو العلاقه بينهم وبين اولادهم اقوي واقوي

لان احنا جيل بجد غلبان اوي

ومش بنحب التحكمات والاراء الصارمه

احنا عاوزين ناس توصل لقلوبنا علشان نقدر نفهمها

شجره الدر يا قمر ميرسى على كلامك الحلو وكمان بيت الشعر ده انا عرفاه ويمكن من كتر ما كانوا الدكاتره فى الجامعه بيقلهولنا الواحد بقى يفكر فيه كتير عموما كل اللى بنتمناه من ربنا هو الستر والعفو والرضا امين
شاهد الله يوفقك كمان وكمان
نور ربنا بجد يسترعلينا الواحد بقى تايه فى الشارع
معلمنا الكبير تسلم يا كبير على رعايتك الدايمه لينا
اقولك حكايه حصلتلى انا اخويا وابن خالتى شافونى فى فرح خالى وما اخدوش بالهم انى اختهم فا مع الاسف كانوا بيعكسونى ماساااااااااااااااااااااااااه مع العلم الاتنين اصغر منى سنا
واللى عنده مواقف كده يحكيلى عنها

وانبى الاخت الكتبه قصيده فوق
احنا مش ايام سلامة وجهاد وحياتك
بصى يامروة
اكيد فى اختلاف فى زمن بينك وبينهم
ومن طبيعى انهم يخافوا عليكى
ومعنى انهم بيخافوا انك انتى بتعملى حاجه غلط لاه طبعا
بس هما بيخافوا عليكى
وبعدين موضوع الشباب البيعكسوا انا موستاء منه جدا
يعنى ايه موستاء
يلا سلام يامروة

يا باشا سلامتك من الاوستياء ياموستاء
ياريت كل واحد يقولى بيعمل ايه مع اهله لما بينتقضوه*****
مستنيه الردود

على فكرة انا درست فى علم النفس ان الخلافات بين الاهل والاولاد مش صراع اجيال ولا حاجة
ده بيبقى ناتج ان الاولاد بتحس انها بتكبر وبتتكون شخصيتها وبتبقى عايزة تستقل
بفكرها وارائها وكل حاجة فالاهل بتحس ان اولادهم بتتسحب نهم وتأثيرهم على اولادهم بيقل
فبيخافوا ويقلقوا ولما يقلقوا هيغلطوا ساعات فى تصرفاتهم مع ولادهم مش قصدى ان هما
غلطانين فى اللى بيعملوه لا قصدى ان هما ممكن يقابلوا تصرف عمله اولادهم برد فعل اكبر من الفعل نفسهفالاولاد تتخنق منهم بس مش دايما هتكون ردود افعالهم غلط او انهم يعالجوا المشاكل بشكل غلط
بس انا شايفة برده ان فى صراع اجيال لان احنا منبهرين بكل حاجة جديدة وهما بيحبوا كل حاجة قديمة