باي باي ياانوثة ومع السلامه يا شنبات... برعاية معسل السلوم وزغلول وقص وفحم اسوان...

يااااااااااااااااااااااااااه وحشتوني اوي اوي اوي ياانحااااااويه

ومن زمان مجتش هنا ومكتبتش مواضيع

المهم بجد انكم وحشتوني اوي ووحشني الكتابه هنا

وحشني الرغي كتيييييير ....(اللي ناس كتيره اشتكت منه )
بس نعمل ايه بقي (اللي فيه داء عمره ما بيبطله)

النهارده موضوعنا مختلف شويتين

من كام يوم تقريبا

نزلت انا والاسره الكريمه بليل نتمشي شويه

واول لما دخلنا كافيه.. طبعا انا لازم اقعد اول واحده علشان اختار المكان الاستراتيجي

علشان ابقي مراقبه الاوضاع كلها

وانطلقت وتربعت علي الكرسي
الجرسون بيكلم اللي ورايا .....بيقلها دلوقتي ياانسة
قلتله لالا لما صاحبي يجي .....

انا في سري :"الله يحرق ابليسك طيب اتجملي قدام الراجل الغريب
وقلي مستنية زميلي
او حتى قولي مستنية حد لو مش عاوزة تكذبي يعني بس ماعلينـــا"
انشغلت شوية في الموبايل ....
وفجأة برفع رأسي ....
لقيت كأن المكان اتهد فوق دماغنا من كثر السحابة البيضاء اللي فوق دماغي

عنيا بتدمع ..ياحرام ده انا بكح كمان...
دارت عينيا في المكان .....
ادعوكم للدوران معايا.....

ركن رقم واحد ....
الأنسة اياها والمدعوصاحبها .....وكل منهما يمسك بخرطوم طويل ..
لاادري اين ينتهي ...او ادري ..ولكن لااريد ان اصدق ....
ترى ماحقيقة الحوار الدائر ....كلهما تدور اعينهم في المحاجر ....وفي عالم بعيد عن الأخر
ترى ماالذي يجمع بينهما ...هل هو هذا الخرطوم الطويل ......ام الضياع المتمثل في الصورة المتجمدة امامي ...ام انه الإستضلال تحت السحابة البيضاء ظاهريا ....الداكنة داخليا...
(نخرج من جو العربي الجاهلي ده بقي )

ركن رقم اثنين ...
الجرسون :طلباتك ياباشا ؟؟
الباشا:جبلي واحدة عادي ..وجيب لمراتي تفاح على ماتيجي

ركن ثلاثة ......
بنوتة 1: ماما ده خفيف قوووي اديني نفس من عندك.
بنوتة 2 :خدي بتاعي انا هطلب بالخوخ.
الأم:"في عالم ثالث"
الثلاثة قدامهم نفس الخراطيم .
نكتفي بالأركان الثلاثة ....

ونرجع لذات نفسي وحوارها مع ذات عقلي...

بدون تفكير طويل .....كلهم بيشيشوا ....يمكن عــــــــــــادي
جايز طبيعــــــــــــي ...احتمال تطــــــــــور ..... زي تطور الحاجه الساقعه اللي زمان كان اسمها كازوزا وبعدين بقي اسمها مياه غازيه وبعدين اسمها بيبسي وكولا واخيرا كانز زيرو ودايت


لكن بصو
انا مش هتكلم من ناحية الصح والغلط ...ولا من ناحية الحلال والحرام......


هتكلم اولا من ناحية :"الأنوثة ترجع للوراء ....(ترجع لايه يا انسه شجره ؟؟؟؟؟ )
ايوا زي ما سمعت (ترجع للوراء)
المفروض الخبر يكون
الأنوثة تجر اخر اذيالها من بنات 2008.......
الأنوثة تنتحر على اعتاب معسل السلوم وبرعاية زغلول وقص
وغيرهم من شركات المعسل
.


ياجماعة والله المنظر مؤلم ..مؤلم ..مؤلم
الكافيه كان مليان ناس ...بدون حلفان البنوتات اللي في الكافيه كانوا بيشدوا نفس
...او بالأصح بيشدوا ارواحهم .... بجد مش متخيله البنوته الرقيقه دي
بعد 10 سنين صوتها هيبقي عامل ازاي (محشرج )
والرئه بتاعتها وسنانها هيبقو عاملين ازاي
وبصراحه كنت مدهوشة لان اكاد اكون انا وقله من البنات
اللي مش واخدة خرطوم في حضني ...وقاعدة بولع في روحي ....

الناحية الأخرى ....
ليه بقي المنظر الشاذ ده عادي جدا بالنسبه لينا
ليه الولد اللي قاعد مع المدعوة صاحبته معتبر الأمر عادي ....
وراضي على نفسه يقعد مع بنوتة بتضيع انوثتها مع كل نفس يدخل ويخرج؟؟؟؟
يمكن بيطبع شكلها بشكله ؟؟؟
يمكن شاف ان الأنوثة ضايعة في حجات كثير ...سواء لبس ..سواء حياء ..سواء طريقة كلام ..فقال بالمرة اهي تكون صاحبي وخلاص ..ويبقى اسمي مصاحب دكر حلو؟؟
يمكن
ويمكن هما الإثنين محتاجين اللي يحتويهم ويحتضنهم ...ويقول على فين ياشباب ؟؟؟
وعشان ايه ..ولخاطر مين ..تولعوا في نفسكم ؟؟؟؟

نيجي لعمو اللي قاعد مع مراته .....
طبعا اولا اسمحولي ااقول كلمة في الموقف ده
"يادي المصيبة على الرجولة اللي بقت من الأساطير ....."
في راجل في الدنيا يطلب شيشة لواحدة ست ...وكمان مراته ام عياله ......
مش هعلق كثير في الموقف ده ....جايز عاوزها تمووووووووووت ويرتاح منها ....
عشان كده لاتعــــلــــيق

نيجي بقى للطامة الكبرى ...اللي خلتني اكتب الموضوع ده .....

ام وبنتين زي القمر ....."كلهم محجبين حجاب زي الفل وعبايات سوده
و فعلا والله قمة في الإحترام ..وده اللي زعلني عليهم اكثر"


يعني لما كنت بشوف حد بيشيش ولا بيشرب سجاير ااقول مفيش ام واب
يحتوى الشباب دول ؟؟
مفيش صدر حنين ...وكلمة رادعة ..ورقابة واعية ..عشان حالة الضياع دي ؟؟؟؟
لكن لما ام بنفسها بتولع في فلذات اكبادها قدامها ..وتتفرج عليهم وهما بيتحرقوا ...
تبقى ايه ؟؟
تبقى مين؟؟؟
تبقى ليه ؟؟؟؟

تبقي القطه اكلت عيالها .....والفرخه اكلت بيضها
يبقى شعار المرحلة الجاية ...باي باي ياانوثة برعاية معسل السلوم وزغلول وقص ..وبطعم الخوخ والتفاح ..وبريحة الياسمين واللافندر ....
واتحرقي ياانوثة بفحم اسوان .....

واخيرا
وانا خارجة كان نفسي احضن كل بنوتة وابوس فوق راسها وااقلها اتوسل اليكي

عشان خاطر ربنا

بلاش ...بلاش....بلاش

بس لا حياه لمن تنادي ....ولا تنادي علي من لا حياه له

مستنيه اسمع رأيكم في الموضوع بجد

وهل ده بقي شئ عادي ومقبول اجتماعيا ؟؟ وهل لو لقيت زوجتك او بنتك بتشرب شيشه هتعمل ايه؟

وياتري ايه اللي مستنينا بعد كده؟



ونزل 5 شيشه هنا للزباين يا سااااااااااااااالم

وحشتينننننننننننننننننننننننا ياشجرة
وبجدواللهى المنتدى كان بايخ من غيرك
وكنت عايز اسال سؤال لولبى
هى كافتيريا ديه فين
انا باه من راى ان فى ناس بتشوف ان الشيشه ديه استيل
او فى ناس متعوده عليها
وكنت نفسى اسال سؤال حد يجوبنى عليه
هو احنا ليه منشوف بت بتشرب شيشه نستغرب
ولو شفنا راجل عادى
مع انى عمرى ممسكت علبة سجاير او شيشه قالوا للرجال فقط
انا من راى ان السجاير او شيشه المفروض ولا رجاله ولاستات بجد لانها غلط
واحد باه حيقولى ازاى احنا رجاله ومنعرفش نعيش من غيرها
طيب لو يامان جريت شوية حتقدر تكمل وانت طالع السلم حتقدر تتطلع
وانا فى نهاية الرنامج احب انصح كل شب وكل فتاء لاتنحرف

هاتلى باه اله سعيد واحد تفاحة لزوم البؤين القلتهم دولات
عشان وراية مطش كورة بكرة

اكتبي و طوللي براحتك يا امبراطورة المنتدي محدش يقدر يقولك حاجه:-)..طالما بتكتبي كلام مفيد اوي كده :-)ايه ده.. دا ولا محمود سعد ‎:-D‎
و انا من رأيك و رأي نور و شيتوس.. و فعلا الناس دي بtake it so easier than you think
و بيشوفوها إما روشنه_يعني شباب بأه و مش جريمه يشيشوا !_ او عايزين يقولوا انهم open minded_زي الأم و بناتها‎!‎_
او تمدين و ديموقراطيه _زي الزوج_
و طبعا كلنا عارفين ان دا totally wrong

اقتباس :

ولا وحشتينا كلنا يا شجرة
وبجد عاوز اقولك احنا كنا مفتقدينك قد ايه ووحشتينا كلنا والله
وانح قفلناها من ساعة ما سبتيها وفتحناها اما رجعتيلنا تانى
وعلى فكرة انتى العمود الاساسى بتاع انح
من غيرك المشاريب بتنزل من غير سكر والشيشة بتنزل من غير فحم
وعشان كده انا بقترح انك تاخدى لقب امبراطورة انح بدل دراع المعلم اليمين

مرسيي يا نور ربنا يخليك وبجد مش عارفه اقول ايه بعد الكلام الحلو اللي قولته ده
متشكره جدا ليك وانا والله كنت مفتقداكم كلكم
وايه امبراطوره انح دي ههههههه امبراطوره مره واحده

طيب قول الكونتيسه الحافيه

اقتباس :

وبخصوص الموضوع بقه
فانا شايف ان الموضوع زاد عن حده فعلا
وسورى بقه انا فعلا مش بحترم البنت اللى بتشيش ومفتكرش ان فى حد بيحترمها وان كان جوزها بيقعدها كده ادامه يبقى هو بصراحة راجل لامؤاخذة
واللى يجنك كمان انها بتكون عاملة كده وحاطة رجل على رجل وجوزها جنبها وقاعدة على البحر ولابسة مينى جييييييب والحياة وردى وعادى جدا
متفكريش فى الحوار ده يا شجرة
عشان الحوار ده حوار اخلاق و مبادىء والناس دى معندهاش مبادىء اساسا ولا اخلاق فمتشغليش بالك لانى مفتكرش انك لو نصحتيهم ممكن يقتنعوا او يسمحوا لحد بالنصح اساسا

انا متفقه معاك يا نور فعلا الراجل اللي يسمح لمراته بكده يبقي راجل لمواخده
ده كمان يبقي ناقص له ايشارب ولبانه

لان المنظر فعلا بيبقي مؤسف اوي
لدرجه اني بدأت اشك ان الناس اتمحي من عندها كلمه اخلاق ومبادئ
وبقت محذوفه وتقديرها ( كان زمان وجبر )

وفعلا لو واحده سمعت النصيحه اكيد في 100 واحده عمرها ما هتسمح لحد
بأنه يكلمها وينصحها وطبعا بتبقي رافعه شعار(انا حره ...وانتو مالكم )

اقتباس :

مش عارف ايه الناس اللى بتشيش دى مش خايفين على صحتهم
المهم نزلى واحد شيشة تفاحة هنا يا سالم

واحده شيشه هنا يا سالم للمعلم نور وظبطله الحجر كويس

وعلي العموم مرسيي يا نور علي رأيك ومفيش حاجه في ايدينا غير اننا ندعي ليهم بالهدايه

اقتباس :

وحشتينننننننننننننننننننننننا ياشجرة
وبجدواللهى المنتدى كان بايخ من غيرك

شكرا يا محمد ربنا يكرمك يارب وانا رجعتلكم تاني يا سيدي
وقاعده علي قلبكم

اقتباس :

وكنت عايز اسال سؤال لولبى
هى كافتيريا ديه فين

اسمها الجناتله (تسمع عنها دي )
وبعدين عاوز تعرف اسمها لييييييه؟؟؟ علشان تروح تتفرج علي البنات وهي بتشيش
ولا تبلغ عنهم

اقتباس :

انا باه من راى ان فى ناس بتشوف ان الشيشه ديه استيل
او فى ناس متعوده عليها
وكنت نفسى اسال سؤال حد يجوبنى عليه
هو احنا ليه منشوف بت بتشرب شيشه نستغرب
ولو شفنا راجل عادى
مع انى عمرى ممسكت علبة سجاير او شيشه قالوا للرجال فقط
انا من راى ان السجاير او شيشه المفروض ولا رجاله ولاستات بجد لانها غلط
واحد باه حيقولى ازاى احنا رجاله ومنعرفش نعيش من غيرها
طيب لو يامان جريت شوية حتقدر تكمل وانت طالع السلم حتقدر تتطلع
وانا فى نهاية الرنامج احب انصح كل شب وكل فتاء لاتنحرف

انا هفهمك يا محمد
احنا في مجتمع حاطط تشريعات لنفسه وهي
ان الولد من حقه يعمل كل حاجه .....والبنت مش من حقها تعمل اي حاجه
وده راجع لتفكير قديم ..واحنا لغيت دلوقتي بنطبقه منغير تفكير
لكن لو ركزنا شويه هنلاقي ان في حجات ومواقف احيانا ينفع الولد يعملها والبنت لا
وفي حجات تانيه بنلاقي في افوره اوووي اوي في التحكمات اللي عليها
زي مثلا الراجل المطلق اللي من حقه يتجوز تاني
لكن المرأه المطلقه ..بيتجني عليها ومحدش بيرضي يتزوجها
اما الجانب التالت بقي واللي هو الشيشه
فهي زي ما قولت مضره لكلا الطرفين
لكن لو بصيت ليها كمنظر عام
ازاي بنوته رقيقه تقعد وتشرب بتاعه زي دي(المنظر مش عاطفي خالص )
لكن من الناحيه الطبيه واللي انت اتكلمت عنها في ان الانسان لو جري او طلع السلم
مش هيقدر يكمل وده السبب في ان شبابنا دلوقتي بقي سيكي ميكي
وكبيره اوي يفتح ازازه خل وميقدرش يفتح بيت
لان اولا صحته بقت تحت الصفر وبالتالي ادائه في العمل هيقل جدا
والدليل علي كده ارتفاع نسبه الوفاه بين اعمار من 30 الي 45 سنه

بس عارف يا محمد علي الرغم من كل ده انا بتعاطف مع اللي بيشربو الشيشه والسجاير ليه
لانهم ناس ضعيفي النفوس وعليهم ضغوط جامده
والشيشه او السيجار هو الشئ الوحيد اللي بيحترق من اجلهم
ومفيش حب ناس حواليهم ومفيش نصح ومفيش خوف اللي حواليهم عليهم

انا رغيت كتير وانت مش بتحب الرغي وهتضربني دلوقتي

وعلشان اصالحك هنزلك 1 شيشه وصايا وخاصه بعد الكلمتين الحلوين اللي انت قولتهم دول
ويارب دايما اشوفك منور مواضيعي

Princess كتب:

اكتبي و طوللي براحتك يا امبراطورة المنتدي محدش يقدر يقولك حاجه:-)..طالما بتكتبي كلام مفيد اوي كده :-)ايه ده.. دا ولا محمود سعد ‎:-D‎
و انا من رأيك و رأي نور و شيتوس.. و فعلا الناس دي بtake it so easier than you think
و بيشوفوها إما روشنه_يعني شباب بأه و مش جريمه يشيشوا !_ او عايزين يقولوا انهم open minded_زي الأم و بناتها‎!‎_
او تمدين و ديموقراطيه _زي الزوج_
و طبعا كلنا عارفين ان دا totally wrong

ميرو يا سكره منوراني يا حبيبه قلبي ومرسيي ليكي كتييييييير كتير
وزي ما قولتي هما بيسموها روشنه انهم يحطوا الشيشه في بوئهم ويقعدو يولعو في روحهم
لكن بصراحه انا بسميها خنفسه وقله حياء لان التشيش بقي عيني عينك وفي الشارع
والام المتفتحه ذات العقليه المتفتحه وبتولع في بناتها اهي دي تبقي اغبي ام علي وجه البشريه ومتستحقش كلمه امومه اساسا

ربنا يرحمنااااااا ويهديهم يا ميرو

ومرسيي يا حبيبي علي مداخلتك الرائعه دي

نورتيني يا قمر

Moamen Hassan كتب:

اولا احب احيكي علي اسلوبك الرائع في طرح الموضوع ده
ثانيا عاوز قولك ان بنات كتير بتشيش بغرض الترويش مش اكتر
انتي عارفه المشكله مش ان البنت تشيش
المشكله في طريقه البنت وهي بتشيش بصراحه بتأفور اووي
عشان كده بنص كل بنت بلاش تشيشي لو سمحت
ممكن تشربي سجاير

واطمني

ههههههههههه ايوا زي ما عمو مؤمن بيقول يابنات

احنا نشرب سجاير

واهي اخف بردو وطالما عمو اللي في الصوره ده بقي زي الفل كده

يبقي هنشرب السيجارة كلها مرة واحدة .. يعنى مفيش تخميس

وبعدين انصحكم انا انكم تشربو سجاير ستراكى سترايك
من بتاعت الست مارى منيب .. ...جو تانى صدقوني انا

عارف المشكله في ايه يا مؤمن
المشكله انها مش بتأفور ...المشكله انها بتشربها بطريقه بروفيشينل اوي (متعووووده دايما)
وعلي رأي المثل القديم اللي بيقول (اللي بيزمر مبيغطيش دقنه )
طالما نزلت الكافيه وطلبت شيشه يبقي من حقها تعمل اللي هي عيزاه
لان برقع الحياء سقط
وعجبي

و عجبي