قعدت ستات هيهيهيهيهيه

قررت اني اعمل في الموضوع ده قعدة تواصل ستاتي مفتوحه اربع وعشرين ساعه ندرديش

فيها براحتنا في الطبيخ في الاسعار في الازواج في الاولاد في امور الحياه كده يعني ياللا بقى

تعالوا واللي بتقور محشي تجيبه واحنا نساعدها واللي بتنقي رز تجيب الصنيه وتيجي واللي

معاها عيل ياتنيمه ياتسكته المهم اللي عايز يدردش او يسال او يحكي يتفضل واللب

والسوداني عليا

تشرفونا في اي وقت في قعدة الستات




:

انا ايه اللي جابني هنااااااااااا

جميله الفكره احييك عليها
بس ايه مين عايزه تتناقش في ايه؟
على العموم انا حاضره و اللي عايزه تفتح موضوع سي نو بروبليما:-) نتناقش و نقنع بعض و لو انتوا الولاد تقترحوا علينا موضوع نتناقش فيه و تسيبونا مع بعضينا اوكش برضه.. وابقى انا او اي بنت تعمل توبيك قاعدة رجاله و احنا البنات ممكن نقترح عليكم افكار مواضيع و نسيبكم منكم لبعضكم و احنا نتفرج من بعيد علشان الكتاشي_جمع كاوتشي ‎:-D‎_اللي هتتحدف..خصوصا لو فتحنا فكرة التعصب و الأهلي و الزمالك.

بس انا حضرتني فكره:-)
انتي ايه رأيكم في الميك اب ؟
انا مش هقول رأيي ناو ولا هرتب افكار الموضوع .. انا عايزاكي تتكلمي و تعبري زي ما انتي عايزه و نستفيد من بعضنا
و النبي مالينا إلا بعضينا ‎;-D‎

انا شكلى دخلت غلط

ايه الاحراج ده

انا ايه الى دخلنى فى عربية الحريم

اولا بشكرك جدا جدا يا تيفا علي فكره الموضوع الحلوه دي لانها هتخلق روح المناقشه

ثانيا بشكر ميروووووو جدا علي افكارك الجامده واحنا ممكن نبقي نعمل لهم موضوع

ونخليهم يتناقشو فيه والفضايح تبقي علي ودنو واحنا نقعد نتفرج عليهم من دكه الاحتياطي

ثالثا بالنسبه للموضوع اللي هنتناقش فيه فهو فعلا موضوع جميل
ويستحق المناقشه برافو عليكي يا ميرو وايوا كده عاوزين نشوف الافكار الجامده ياقمر

واما عن رايي في الموضوع
انا بصراحه بتبع منهج الوسطيه ...يعني علي الرغم اني في الايام العاديه مش بنزل بميك اب

لان مفيش وقت الصبح اساسا...لكن حتي لو حطيت مش بحب انه يبقي اوفر اوي

وظاهره الافوره في الميك اب دي منتشره جدا في الجامعه واكيد كلنا ملاحظين الظاهره دي

وبحس انهم بيوحشو نفسيهم ...لان البنت ممكن تكون بطبيعتها اجمل بكتير

من ال2 كيلو مكياج اللي هي حطاهم....وبالتالي بشوف انه عادي البنت تحط ميك اب بس ميكونش صارخ اوي ويكون ميك اب هادي جدا

يعني مثلا بنلاقي في الجامعه البنات حاطين ميك اب كأنهم رايحين فرح او ملهي ليلي

فبجد بستغرب لان المفروض الجامعه دي للدراسه والعلم مش للهشك بشك والسيكي ميكي

اما عن الظاهره بجد اللي بتستوقفني وهي ان البنات في سن 15 و16 بيحطو ميك اب كامل

وانا عندي في المدرسه اللي بتدرب فيها بلاقي ان في انتشار لظاهره الميك اب

علي الرغم من صغر سنهم

وعلشان كده انا مش متفائله من الجيل الجديد ده نهائي

اذا كانو دلوقتي بيعملو كده ......امال لما يوصلو 25 سنه هيعملو ايييييييييييييييييه؟؟؟

وانتي بقي يا ميروووووووووووو؟؟؟ قوليلنا رأيك

العفو و الله يا شيجو و انا افكاري تيجي ايه بس جنب افكارك دا انت إمبراطورة المنتدى و انا يا دوب برنسيسه :-)
بصى يا ستي انا بطبعي احب الطبيعه البيور في كل حاجه اصلا مفيش حاجه اجمل من خلقة الخالق يعني بشوف ان مهما رسموا لوحات مش بتعادل لوحة من لوحات الخالق الجميل الذي يحب الجمال في منظر الشروق مثلا.. عشان كده بشوف ان مش طبيعي ابدا نحط لون ازرق في عينينا مثلا فهماني؟
عايزه اقولك اني بقالي فتره بغسل وشي و بنزل من غير و لا نقطة ميك اب ..و كنت بدأت احط في اولى جامعه فاونديشن و بلاشر و بس يعني ولا شادو ملون ولا جلوس ..بعد كده بقيت بحط كونسيلر و بلاشر و شادو جلامور عشان بيدي ضي تحت اخر الحواجب كده بيعجبني :-) بس اكتشفت ان الكنسيلر دا بيعمل هالات سودا سودا:-( و كل ما بتحطيه كل ما تزيد و بالتالي بتتعودي عليه و ماتقدريش تنزلي من غيره:-(
بصي فكرت كده احنا لو من دلوقتي بنحط ميك اب يعني كيميكالز لازم تضر البشره مهما كانت الماركه كواليتي و نضيفه..و انا في فترة نضارتي اصلا و لسه شباب و عماله اضر و اجهد بشرتي ..لو فضلنا على الحال دا بعد ١٠ سنين هنبص في المرايه هنلاقي وشنا اتأثر اوي و بقى بهتان مش نضر و بنعاني من تجاعيد العين و مش بعيد انسداد في القنوات الدمعيه من كتر اللي عملناه في عينينا_بتحصل كتير على فكره_ و الناس اللي بتحط روج هتلاقي شفايفهم اسودت ..
وعلى ايه دا كله احنا لسه شباب و عايزين بشرتنا تفضل شباب طول عمرنا انا مش ضده قطعا لأ انا ضده انه يبقى عاده دا كله إلا دا‎:-D‏ يعني اعتني ببشرتي وصفات طبيعيه و ادلعها من غير ما اضرها:-) ‎
- و في نقطه كمان مش عارفه اقولها ولا ايه..؟
يللا هقولها و خلاص: بصي بحس اني اغير ابقى في كامل رونقي و جمالي للناس اللي في الشارع.. مش عارفه بحس اني بمتعهم بحاجه مش حقهم يمكن دي _دا في اعتقادي الشخصي_فكرة او حكمه من حكم ربنا في الحجاب و اللبس المتغطي لأن لما بتغطي جمالك و ما بتظهريهوش كله انتي كده بتحافظي على قيمتك و بتخليكي قمر اسبيشيال كده للشخص الوحيد اللي يستاهل يشوفك في احسن صوره هو و بس..زوجك و حلالك طبعا:-) عارفين؟ متهيألي ان لو كان في الدنيا مفيش اي مانع ديني ولا اخلاقي في موضوع اللبس ..كانت هتبقى حاجه بايخه اوي و اصلا الجمال هيبقى ملوش طعم و مش هيبقى جمال اساسا...
و الله جاتلي فكرة يوم نعمله و بنات و ستات مصر ينزلوا من غير ميك اب ‎:-D اكيد نادرات اللي هينزلوا اليوم دا و لو نزلوا في ولاد كتير هيجيلهم صرع ‎:-D‎

اولا انا بشكرك اوى ياتيفا على القعده الحلوه دى وبالنسبه للموضوع انا راى ان المنتشر اوى الاوفر برضه سواء فى الجامعات حتى فى اماكن العمل كمان لانى عديت مرحله الجامعه خلاص بس والله ساعات البنت بيكون شكلها احلى من غير ميك اب وبالرغم من كده متقدرش تنزل من بيتها من غيره تقولى ايه بقى بتجرى وراه الموضه

ايه يا بنات احنا هنقضيها شكور لبعض لالا احنا عاوزين بجد قعدة ستات شوفو بقا قعدات الستات ايه الي بيحصل فيها طبعا اكيد بتكون فيه نميمة طبعا وبتتكلمو علي حد اكيد اكيد ومحديش ينكر وده بقا الموضوع الي عاوزين ندرديش فيه وهو اني بجد مشوفتيش بنتين متجمعين مع بعض والا جيبين سيرت حد يالا بينا نفكر نشوف هنتكلم علي مين يالا بينا فكرو معايا
علي فكرة يا ميررو الميكب بجد بيضعف وبيبوظ البشرة

فاونديشن و بلاشر
كونسيلر و شادو جلامور

وفيه دوا كحه برضه و برشام للامساك اسمه انتوسيك

محمد طب الميك اب بيبوظ البشره و فهمناها..ايه بيضعفها دي؟! على اساس انها ناقصه كالسيوم؟ خلاص يا بنات ندهن وشنا بسيجنال المتكامل قبل ما ننام عشان تيفا مايزعلش
و ناخد انتوسيك عشان ال.. احم زي ما المعلم قال ‎:-D‎

طب قشطة يا بنات
اعملولى دايرة كده بقه واسمحولى اقعد فى النص
عشان عاوزين نتكلم فى مواضيع كتير اوى
بس الاول طلعوا الرجالة بره عشان عاوزكم على انفراد
شوفوا بقه
انا بكره فى البنات التناكة والبنت اما تفتكر نفسها حلوة وهى اساسا بتبقى شبه البتاع ده
وكمان بحس ان البنات عموما بيحبوا النكد جدا وبتحبوا العياط وده بيبقى سلاح مؤثر اوى ضد الطرف التانى وبالزات لما تكون مرتبطة بواحد وعاوزة تأثر عليه
عاوز كل واحدة تدينى رأيها فى اللى بقوله ده

وسمعينى سلام
خدنا ايه من الرجالة غير حلاقة الدقن

ملحوظه: غريبه ان الموضوع اتشاف لحد اللحظه دي ٨٨ مره! بينما اترد عليه ١١ مره ل٨ اشخاص فقط!!
هو احنا بنتكلم في مواضيع مخيفه لدرجه ان اكتر من ٥٠ شخص اتفرجوا عليه و مااشتركوش فيه؟!!!

طبعا نسمحلك يا نور بس ايه يعني.. داخل علينا ايديك فاضيه وين كرمك المعهود.. هاتلنا تسعه كيلو برتقال و خمسه كيلو تفاح و سبعه كيلو جوافه و انت جاي عشان نقعدك معانا :-) هو كده الولد اللي عايز يسأل البنات لازم يتخرب بي... قصدي يكرمنا الأول‎:-D‎

تسعه كيلو برتقال و خمسه كيلو تفاح و سبعه كيلو جوافه
حيث كده بقه
انسى الاسئلة اللى قولتها دى وانا مش شايف اى حاجة وحشة فى البنات
بالعكس دول زى العسل ومفيهومش ولا عيب

ههههههههههههه
خلاص يا عم احنا اللي هنكرمك .. طلعي يا بت القهوه من تحت البوتاجاز و اعمليله شاي ‎:-D‎
و بعدين احنا البنات ديموقراطيين نتقبل وجهات النظر المختلفه
و الدليل على كده اهو هجاوب على الأستفسار و التساؤل و كل ما يشغل فكر المواطن المصري في: "حديث المدينه"‎:-D‎
بس بجد محدش يحط اسئله جديده غير لما يجاوب عليها على الأقل خمس بنات

اللى تبحو مين سيد
سيد ياسيد

اللى تحبو مين
سيد ياسيد

هو انا بعمل اية فى زنقة الحريم دى
يالهوووووووووووووووووووووووووووووووى
اختشى ياست

هيههيهيهي

هييه "شادي يا لهوي" وصل يا بنات
لولولولولولي
غطي دماغك يا بت انتي و هيا
ايه الأغنيه الغريبه دي تؤتؤ بلدي بلدي انا عايزه رصيف نمره خمسه لعومارو دياب
شادي بيغني و انا هطبل
ونااومبليللأ اومبلأ

صباح الخير
انا اهو هجاوب عشان مبحبش اخلف وعدي..
أولا: بالنسبه لموضوع الغرور..اساسي ان اي بني ادم مايحبش المغرورين من الجنسين..احلى حاجه التواضع..من تواضع لله رفعه.
ثانيا: احنا مش نكد ولا بنحب العياط دا ظلم و انا كده اعيط:-)
لا بجد انا مستغربه انك شايف ان الدموع دي "سلاح" و مؤثر و زعلان انه مؤثر للطرف التاني!
بص يا نور.. انا شايفه ان لوفي اتنين مرتبطين يعني بينهم حب.. طرف منهم مش هقولك بيعيط..دا بس مخنوق..و الطرف التاني محسش بيه و ما اتأثرش..يعرف انه مبيحبش بجد..
و بعدين مفيش واحده تحب انها تزعل حبيبها و العكس صحيح..دا المفروض لو بيحبوا بعض بجد لو حس حد منهم ان التاني زعلان.. مش كتير ابدا انه يبكي بداله من كتر ماهو حاسس بيه..خصوصا لو كان مش في إيده حاجه تحل مشكلة التاني.. مش تقولي سلاح انت ناوي تدخل الجيش ولا ايه يا عم ‎:-D
بس اكيد الناس المرتبطين او اللي ارتبطوا قبل كده يفهموا في الحاجات دي اكتر مني..يللا ربنا يخليلنا اسامه منير.

bs ya nour

enta m3ak 7k en bnat kteer 2wy dlwate fehm daaaa el takbr w el e7sas el zayd bl gmal
7te lw m3ndhash mnoh
w mo3zm el gomal fe31n msh htlaey fehm 7war el takbr el zayd dh


2ma el 3yat fyema el bnt 7sash 2wy zyadh 3n elzom 2w btst3bt

2ma eza kant mrtabta b7d w3yza td3`t 3leh fda leih 71ath
zy en kan hysda el dmo3 yeba 2ked by7b wmfesh wahda hat7b hd htd3`t 31eh bdmo3 wdh 2ked msh hyba 7ob dh hybaa

[الله الله ايوووووووا كده

اول مره الاقي مكان للمناقشه في المنتدي

وبحييك يا طيفا الموضوع محقق نجاح كويس


طيب دلوقتي انا قولت رأيي في موضوع الميك اب

اقول رأيي بقي في الموضوع بتاع نور

اقتباس :

انا بكره فى البنات التناكة والبنت اما تفتكر نفسها حلوة وهى اساسا بتبقى شبه البتاع ده

عندك حق والله يا نور في بنات تنكه اوي بس في بنات تانيه بتتفهم غلط
لانها بتكون بنوته خجوله وبالتالي البعض بيفهمها تناكه منها
بس عايزه اقولك بردو ان في ولاد تنكيين كتيرررررررررر

بس اللي بيحصدوه في الاخر هو كره الناس ليهم

وبجد انا دايما بدعي اني اكون كبيره في عيون الناس وصغيره في عين نفسي

لان من تواضع لله رفعه

اقتباس :

وكمان بحس ان البنات عموما بيحبوا النكد جدا وبتحبوا العياط وده بيبقى سلاح مؤثر اوى ضد الطرف التانى وبالزات لما تكون مرتبطة بواحد وعاوزة تأثر عليه

ههههههه كنت قريت مقوله بتقول (خلقت المراءه لتبكي )

بس عاوزه اقولك يا نور ان دموع المرءه ناتج عن انها مخلوق حساس

يمكن انت او ادم بوجه عام بيبص انها بتبكي علي اتفه الاسباب

لكن فعلا هي مخلوق زي الزجاج........اي خدش فيه بيكسره وبيجرحه

بس مفكرتش تسئل نفسك ايه هو السبب اللي بيخلي دموع المرأه تنزل من عيونها


اقدر اقولك وبكل بساطه في جمله وجيزه (نصف دموع المراءه منك يا رجل)

والنصف التاني تبكيه من رقه مشاعرها واحساسها

المرأه بتبكي لما بتشوف الم غيرها ده طبعا عكس الرجل اللي عاطفته بتبقي قويه شويه ومش بيتأثر بالاخرين زي المراءه

بتبكي لما بتتجرح اوووووووووووووووي

المراءه بتبكي لما الرجل بيزعق ليها ويهملها وميحسش بيها

المراه مخلوق ضعيف اوووووي ومشكله ادم انه مش فاهمه

مش بيفهم ان حواء دي مخلوقه من ضلعه وهتفضل في ضلعه لانه هو مصدر الحمايه الوحيد

وهي احيانا بتستخدم الدموع دي كسلاح لما بتحس انها فاقده الحمايه

وبالتالي لو شوفت امراءه بتبكي كتير يبقي اعرف ان ورا دموعها رجل


ومن هنا اقدر اقولك

ان وراء كل رجل عظيم امراءه

ووراء دمع كله امراءه رجل (الحته دي من تأليفي)


وعايزه اقولك ان مصدر قوه المراه هو دموعها

والانسانه الضعيفه هي اللي مش بتبكي

لان الدموع بتقوي

لانها بتسيب جرح كبير اوي علي الخدود

اما بالنسبه لان المرتبطه بشخص بتبكي قدامه علشان تأثر عليه

فأنا مش هكدب عليك

لان في بنات كتير كده

بيستخدمو دموع التماسيح

لكن الدموع المزيفه بتبان والدموع الحقيقيه بتبان


انا رغيت كتيررررررررررررررر اوي وشكلي هتضرب دلوقتي

بس بجد كنت عاوزه ابين وجهه نظري[/size]

نا شايفه ان نور عنده حق عشان بجد البنات بتحب النكد والكابه والغرور وبيفتكروا ان بكده حياثروا على اللى قدامهم بس احب اوضح انه بالعكس ده كده الولد حيتقرف منها

بس البنت اللى بتيقى كده يبقى اكيد حبيبها قاسى عليها وبيزعلها على طول يعنى هو اللى بيحب النكد

ههييهيهيهيهييييييييييييييييي
بقولك ايه يااعتدال الولاد حلبس بيبصبصلى كل شوية
وشوفتى البت اعتماد اتجوزت واحنا بلاخيبة
ولا..........................
بس ياجماعة مبحبش اتكلم عن حد

شكررااا يا شجرتنا علي ردك انتي وكل الاعضاء المنورين معنا في قعدة الستات بس

في موضوع شددني وعاوزين نتكلم مع بعض فيه شويا وبصراحة كبير وهو

ليه معظم البنات بتحب بسرعه اوي وفي نفس الوقت بتبيع بسرعه قوي ؟؟؟؟؟؟

مستني اراكم وحورتكم وكلامكم !!!!!!