الهيـــــــــــافه فن ..مش هز كتاف

والله يا شجره فعلا الشباب معظمه بقت دماغو صغيره
وكل اللي شاغله الخروجات والسهر والبنات
ونادرا لما تشوفي شاب بيفكر يعمل مشروع
او عنده هوايه مفيده انا بصراحه شايف ان الاعلام له دور كبير في ده
الافلام معظمها بتتكلم عن الشباب اللي بيعيش حياته و العربيات والسهر
ونادرا ما تلاقي فيلم عن شاب مكافح

شكرا يا شجرتنا علي مواضيعك الهدفه دي

ماهو المشكلة ان البنى ادم مننا بيدور على الرفاهية
وفى الزمن ده الخروجات والسهر والفسح والاصحاب هى دى الرفاهية
ومش بييجى فى دماغه ابدا انه يفكر يشتغل او يفكر فى مشروع يأمن بيه مستقبله
وطبعا ده ناتج من عوامل كتير واسباب كتير
منهم عدم وجود حافز عشان الشباب كله يائس من حياته
وثانيا الحكومة وعدم توفير فرص الشغل
وثالثا العقول نفسها اللى متخرجة على منهج الرفاهية والخروج

eshta 3leky ya shagrtna w 2shkrk 3l mawdo3 ely gh fe wa2th
dlwaty m3zm el shabab wel banat dma3`hm f el hyafh mn 3`er myfkrh f enhm by3mlh kdh leh 2w eh elntegh

بجد يشجره
موضوع جامد ويارب الناس تحس
بس انا بختلف مع نور وموئمن
الاعلام ملوش دعوه يمن
زي مافيه ملودي
وروتانا مش هتقدر تغمض عنيك
فيه اقرا متعه الاعلام الهدف
كل قناه عارفه هدفها بس انتا اللي بتلعب بالريموت مش الريموت اللي بيلعب بيك
اما اخويا نور اللي انا وهو عمرنا متفقنا
بس هو عارف قمته عندي
ينور احنا اللي بنعمل الحافز
والحكومه دي اتفرضت علي الشخص الناجح والفاشل فهيا مش سبب نعلق عليه غلطنا
اما العقول احنا اللي بنسخرها وفي ايدك تختار ملودي ولا اقرا
ويارب كلنا نبقا احسن ونفتكر ايام التفاهه ونضحك
بس مش معنا كده الكبت وعدم والخروج والترفيه
نشتغل الاسبوع كله ونتفسح الجمعه
مش نتفسح الاسبوع كله
والجمعه نكرهه علشان مش هنقضيها ونقضيها نوم
وسمعني سلام الصراحه راحه لاميره الغنا العربي مروه

بجد يا شجرة موضوع الهيافة انتشر بشكل يحرق الدم وبجد الشباب يائس وفى الضياع
اة صحيح فى ضغوط كتيرة على الشباب واهمها الحكومة اللى ماشية بنظرية ألهى المواطن فى لقمة العيش عشان مايفكرش فى السياسة
بس بردة لازم ناخد بالنا ان احنا لازم نكون ايجابين ونعرف ان الصحة والوقت نعمتين غاليين من ربنا لازم نستثمرهم عشان نرتقى بأنفسنا وقد قال رسول اللة (ص):
"نعمتان مغبون فيهم كثير من الناس الصحة والفراغ"
بجد حرام لماا الشباب يضيع صحتة فى التدخين والكيف والهيافة بدل ما يشتغل ويتعب ويكافح وكتير اوى من الشباب بيحب الراحة طبعا وغير كدة يضيع فلوسة فى البلاوى دى وعلى النات والسهر بدل مايحاول يجمع فلوس يعنى مثلا لوكل واحد فكر بيشرب كام علبة سجاير فى اليوم او كام حجر شيشة وشال تمن الحاجات دى على جنب ونساة بعد مدة هيلاقى معاة مبلغ معقول ينفعة فى اى حاجة
غير انة يشتغل ويكافح ويجمع فلوس ويفكر فى مشروع ويبدأ واحدة واحدة ويصبر لكن كل واحد عايز يبدأ كبير ويقول ياعم يعنى هعمل اية
لكن كل واحد بيرمى العيب على الدنيا وعلى رأى الشافعى:
"نعيب على الزمن والعيب فينا وما للزمن عيب سوانا"
ياريت الشباب يتحرك بجد ومايستهترش بوقتة عشان هيلاقى عمرة اتسرق من بين ايدية
كن كيان بذاتك ولاتعيش على هامش الحياة

كلامك كله صح يا اسراء

بس لا حياه لمن تنادي
كل واحد مشغول بدنيته وحياته وتقضيه وقته
ومحدش بيبص لقدام غير مجموعه قليله بس
عشان كده دايما في ناس ناجحه وفيه ناس لسه بتدور علي اول السلم