برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع

السلام عليكم ورحمة الله وبركاته



أهلا بيكم جميعا

أخواتى - أصدقائى
شباب من ( بنات - أولاد )

طبعا كلنا هنا واحد وهنفضل أن شاء الله واحد
بنتكلم وبنحكى على الى بيدور جوانا من مشاعر وكلمات وأحساس

بس صدقونى ناقصنا حاجه واحد هى روح التعاون والتفاعل
ان ياما نزلت موضوعات قبل كده وكنت بتمنى وبحلم ان ألاقى صدى اكبر بس للأسف بشوف العكس
فى نفس الوقت انا موش هيأس لأن دى بجد رسالتى ونفسى فعلا اقدمها ليكم انتم وأكملها معاكم
علشان نقدر نقاوم حياتنا ونواجه الصعاب الى بنقابلها

----------------
حوار من القلب للقلب

نفسى بجد انك تتكلم انت وهى وأنا معاكم
كلنا نقول الى جوانا
نقدر نشارك رأينا لبعض نقدر نفهم بعض أكتر ونقرب المفاهيم
-لو مضايق من حاجه تقدر تحكيها هنا معانا وانا وغيرى هيسمعك !
-لو نفسك تقول جملة حب قولها وأحنا كلنا هنقدرك !
-لو عايز تقول اى حاجه خاصه بحبك ؟؟ اتفضل فى الموضوع ده كلنا معاك !
-لو قادر تحكى قصتك أحكيها ممكن نتعلم منك وهنكون فى أمان !
الموضوع من الاخر يااجماعه حرية ليكم
عبر عن نفسك : ( زى ماانت عايز ليك حريتك )
عايزين نفضفض ونتكلم ونكون مع بعض دايما

عايز كل واحد منكم فعلا يحس انه فى بيته او فى مكان بيرتاح فيه
كلنا هنا أخوات

ياريت كل الى يدخل الموضوع يتكلم ويعبر عن الى جواه

موش عايز احس بجد انى عملت شىء مالهوش قيمة
عايز فعلا احس بيكم ونحس كلنا ببعض ااننا بنقدم شىء كويس
ونرتقى بقلوبنا ونعبر عن الى جوانا بشكل جميل متميز

ياريت محدش يتحرج ان يتكلم ويعبر عن نفسه !
ياريت فعلا تحس انك هنا فى امان وكلامنا كله أسرار !
ياريت محدش يتكسف ويقرأ الموضوع وميتكلمش معانا !
فكر مرة وأتنين وشارك .. ولما هتشارك غيرك هيشارك ويكون الموضوع ليه أهميته وكلامك ليه معنى وكلنا هنقدروا
لازم لازم بجد نكون ايد واحده !

انا فى أنتظار المشاركات الجاده من الجميع
وأتمنى الأستمرار
وانا واثق فيكم اننا هنعمل موضوع مفتوح (حوار من القلب للقلب )

طبعا انا موش هقدر أقدم موضوعات لوحدى ولاأكتب كلام وخلاص
لازم كلنا نفوق بقى ونتحرك ونكتب ونعبر عن الى جوانا
نعيش بجد ونعيش صح
ياترى مين معايا فى الموضوع ومين هيتكلم ومين هيعبر مين هيفضفض يالا انا فى الأنتظار

مع خالص حبى للجميع
[

merci ya m7md 31 mawdo3 el gamiel dh

hwa fekrth 71wa w 3agbtne wana habda b3rd moshkla baseta lft7 mgal ll7war



e7sas sa3b bgd lma el ensan yekon 3aysh wa7ed
msh lwa7dh bs kl el 7awleh b3ed 3nh wla 25 2w 7te sadek
el e7sas dh 2y 7d yeadr ye7sh ela ely by3ane mnh fe3ln
w atmna m7dsh ye7s bieh

بس انتى يا رنا صغيرة اوى عاللاحساس ده وانا من رايى انك لو بجد مفيش حد حواليكى بيحس بيكى حاولى انتى تدورى عالحد ده
يعنى تشوفى صديقة مناسبه ليكى وتحاولى تقربى منها وصدقينى هى مش حتصدك
وانا مستعده ابقى اختك وابقى قريبه منك لو الاحساس ده عندك فعلا
وعايزه حد يقلى او يفسرلى صفة وحشه اوى بقة فى معظم الناس وهى الشماته
وشكرا يا كيبو عالموضوع الشيق ده

merci ya safsaf
w el shamath fe3ln sefh mawgodh fe nas kter
wbtdayk aktr lma ykono so7abk awy w awl mtoa3y f mawkef me7tgahm m3ke tlaehm shamtanen feke wbyd7ko wyalso mn wrake

اولا شكرا لمروركم للموضوع رنا وصفصوفا ... اولا رد صفصوفا عن الموضوع جميل جدا ودا راى انا كمان ...وبعدين يا رنا احنا روحنا فين ما احنا معاكى هنا اهو وحتى معاكى البريد الالكترونى بتاعنا وطبعا لازم نكون صحاب ونكون جمب بعض ومنستغناش على بعض ولا اية ... شكرا على مروركم . kepoo

فعلا يارنوش كلنا هنا اخوات وصحاب قهوه واحده واكيد ممكن نتكلم مع بعض اكتر وكيد حتحسى ان احنا كلنا معاكى وشكرا ياكيبو بجد الموضوع جميل وبيخلى الواحد يتكلم من قلبه واكيد كلنا فى الموضوع ده حنقرب لبعض اكتر

اولا احب احيى كيبو على المواضيع الشديدة اللى نازل بيها من الاول كده
شكلك ناويها يا معلم
وبالنسبة لرنا احب اقولك انك مهما حصل حتلاقى حد جنبك ومش حتلاقى نفسك لوحدك سواء كان صاحب او قريب او اهلك
بس انتى دورى ثم زى ماقالك كيبو وصفاء انتى هنا معاكى احلى صحاب فى الدنيا وكلنا صحابك وكلنا بنحبك
وبالنسبة لصفصوفة فاحب اقولها ان الموضوع ده مش حنخلص منه ولو صحبتك دى صاحبة بجد مكانتش حتشمت فيكى واللى بتشمت فيكى يبقى اساسا متستحقش انها تتصاحب

ميرسى يا كيبو على الموضوع الشديد وفعلا احنا محتاجين نتكلم مع بعض من القلب ومحتاجين نحس ببعض

وانا معاك يا معلم