تحب تعيش ازاى

ياريت كل واحد يقول يحب يعيش ازاى ياترى فى الخيال عشان سعات احنا اللى بنصوره ونعيش فيه ولا فى الواقع لانه احلى بحقيقته وياترى حد عاش فيكو حلم جميل وفى الاخر اكتشف انه خيال

بصى هوا ساعات الواحد بيتخيل حاجات حلوة بتحصلة هوا طبعا اللى بيحددها

وبيعيش على ان الحاجات الحلوة دى هتحصل بس هيا مجرد اوهام مش اكتر

وانا ساعات بتخيل حاجات حلوة انها تحصلى بس طبعا مش ببقى عايش عليها

بس انا افضل طبعا انى اعيش فى الواقع لان محدش يقدر يهرب من الواقع بتاعة

شكراا على الموضوع

هو احسن حاجه ان الواحد يبقى واقعى اوى بس ساعات الخيال الواحد بيفضل يعيش فيه من كتر ماشاف حاجات فى الواقع معجبتهوش او مكنتش كويسه بالنسبه ليه بس الواحد ممكن يعيش ش حلم جميل ووووووووووووو يتحقق بعد كده فى ساعات كتير احلام ممكن تتحق ق لو احنا فضلنا وراها انا بالنسبالى احب اعيش فى الواقع لان الواقعيه يعنى الانسان يكون طبيعى وربنا يحقق كل احلامنا وخيلتنا

هاي نونيا

اولا احييكي على الموضوع اللزيز دا

ثانيا عايزه اقول ان الانسان لو بيحلم بحلم و فضل وراه و ميأسش و عمل كل اللي يوصله ليه و يبقى عارف و عامل حساب ان الحياه مش ورديه و انه لازم هيقابل عقبات يعني يحسبها صح..
صدقيني حتى لو اللي حواليه شايفين انه صعب يتحقق او حتى مستحيييل
لازم هيحققه ..

ما هو اللي طلعوا القمر دول اكيد لما قالوا انهم هيطلعوه الناس قالت عليهم مجانين
و حد كان يتخيل انك تقدري تسمعي صوت حد و تكلميه حتى لو كان في اخر الدنيا من حته جهاز.. قصدي على الموبايل

الاحلام بتتحقق بس نحسبها صح

انا بقالى فترة كبيرة عايشه فى حلم نصه حلو اوى ونصه كبوس بس النهارده اكتشفت انه كان خيال وانى لازم اعيش فى الواقع اكتر من كده والرومانسيه اللى بتيجى من الخيال مش مطلوبه اليومين دول خالص

ميرسى ياجماعه بجد للكل وبجد كلكم كلامكم صح بس يا صفصوفه الرومنسيه مطلوبه بس المهم تختارى الشخص اللى يستحقها بجد وبلاش تشاوم

بصي ياندي لازم الواحد يكون عنده
خيال عشان يتحول لواقع هو اه مش في بعض
الاحيان بيتحقق بس لازم نحلم ونحقق الحلم
ولكي مني اجمل تحيه

مرسى ياتونا نورتى المنتدى ومرسى يابرنسيس عالردك

انا بقي مخبيش عليكووو

عندي حلم مسيطر عليا دايما
دايما بشوفو صاحي او نايم

بصراحه
نفسي ابقي رجل اعمال بيزنس مان
عندي شركتي وعربيتي الجيب السودا
وكل لبسي بدل وكرافتات
وكل يوم امسك شنطتي واروح الشغل
واما ارووح اقعد اكمل شغل شويه ع اللاب توب بتاعي
بعد كده اخرج مع مراتي بليل نروح اي مكان نضيف
واقولها يلا نرووح عشان عندي شغل الصبح
واروح الشركه الصبح واخش ابتسم للموظفين اللي عندي
واعاملهم كلها زي اصحابي واسألهم ها ايه اخبار الشغل النهارده
وبعد كده اطلع اقول للسكرتيره الغيلي كل مواعيدي النهارده
علشان في اجتماع لكل المديرين اللي في الشركه
وفي الاجتماع اقولهم ان شركتنا الحمدلله في تقدم مستمر
وده طبعا بفضل مجهدكوو واسألهم عملتو ايه في تراخيص العماره الجديده بتاعتي
وو
..
.
.
.خلاص صحيت

ايه ده انا قدام الكمبيوتر بتاعي وفي البيت ومعنديش عربيه سيات حتي





يارب حققلي اللي في نفسي

ههههههههههههههه
واطلق مراتى واتجوز السكرتيرة
ربنا يحققلك احلامك يا مؤمن انا بجد مش شايفه فيك غير اللى انت بتحلم بيه

انا احب اعيش فى الخيال طبعا لان الحقيقة وحشة اوى اوى بس للاسف بتقوم على الواقع الوحش دة وغصب من عننا بنعيشة للاسف (مفيش فايدة بردو)

ليه ياهيمه مفيش فايده انت ماتعرفش فايده الخيال ايه فايدته انت تحلم وتحاول تحقق حلمك ويارب يامؤمن انت وسعيد تحققوا احلامكم وكل واحد بيحلم بحاجه بعيده عنه يقدر يحققها

هوا مين دلوقتى بيعرف يحقق حلمة انتى مش عايشة والا اية

بس ده كلام المعقدين ياهيمه واللى معندهمش طموح ولو كل واحد فكر زيك محدش حيتقدم
خطوه واحده

وفى حوار مع الكبار كلنا راح نستفيد
بالمناقشه والحوار نخلقه الفكر المفيد

هههههههههههه صفاء اصلا ياسعيد اللى بتنور المواضيع