(الشخصية فى الحب)اتمنى الكل يجاوب, خليك جرىء وأدخل شارك؟

( الشخصية فى الحب )

انا النهارده جايب ليكوا موضوع مهم حبتين
احنا طبعا كلنا ناس حبيبه وبنحب بجد
بس حب كل واحد بيفرق عن التانى
والحب تبادل\ ودا شىء اكيد
بس الجديد اللى حبتك دى حبتك ليه؟؟
ممكن عشان دمك خفيف
او شخصيتك غريبه
او انك راجل شرقى مثلا او مثلا بتعرف ربنا
او بتحب الفرفشه والضحك
او كونك رومانسى
وهيا كمان انت حبتها مثلا
عشان هيا بنت اموره وعسووله
ممكن عشان محترمه وعشان لبسها محترم
شخصيتها قويه كل ده عارفينه بس اللى انا عايز اعرفه منكم بجد
انتى وهو
ازاى كل واحد طبع التانى بافكاره وعاداته
يعنى شخصية كل واحد فى حبكوا وعلاقتكوا
هل تفرض شخصيتك على حبيبتك
بجد عايز اعرف ايه اللى انت عملتوه عشان تثبت شخصيتك قدامها ويستمر حبك ده
وهل فعلا فى الحب شخصيه؟؟؟؟؟
عايز اعرف الطريقه وهل الشخصيه فى الحب كانت بلسانك ولاابفعللك وتصرفاتك؟؟؟
كل واحد منكم ممكن يشرفنى ويقولى ازاى؟؟ كون شخصيته مه اللى بيحبها
؟؟
وهياا كمان انتى عملتى ايه رضيتى بده ولاالا
هل طبعتيه بطبعك
ولاانت قبلتى شخصيته لاانه مماثل لها؟؟
كتير منناموش هيقدر يتكلم
بس واحده واحده هنشارك ونعبر عن الى جوانا ممكن نوصل لحاجه تفيدنا
يالا انا فى الانتظار
رأيك يهمنى

تحياتى
Commander of military aircraf t
kepoo

انا براي ان الموضوع ابسط من كدة بكتير لان اللي بيحب حد بجد بيحبة كدة
من غير سبب حتي لو فيه عيوب الدنيا والاخرة هيشوفها كلها مزايا ولو سالت حد انت بتحب الشخص دة ليه مش هايعرف يرد

فعلا ياساندى انا من رايك برضه الواحد مره واحده بيلاقى نفسه بيحب حد ميعرفش ليه ولا ازاى ممكن كمان يكون عمره متكلم معاه يعنى من بعيد لبعيد بعد كده يبدا التعارف وده يقول لده طبعه والتانى كمان يقوله طبعه وواحده واحده بتلاقى طبعهم زى بعض بس ده لو بيحبو بعض بجد ونايس توبيك ياكيبو موضوع جامد بجد

اولا احييك على الموضوع يا كيبو
وعاوز اقولك ان طبعا فى شخصية فى الحب والشخصية دى بتبقى بالفعل والتصرفات قبل الكلام
والشخصية بتكون موجودة وبعدها بتتحب انت مثلا ممكن يشدك فى بنت انها رقيقة مثلا او دمها خفيف وبعد كده ممكن الموضوع يتطور لحب.
وبمجرد انك تحبها حتبدا تشوف كل العيوب اللى فى شخصيتها ومهما تشوف مش حتعرف تكره العيوب دى وممكن تعانى بس حتفضل تحبها برضه والعيوب دى مش ممكن تسبب فى قطع علاقتكم مع بعض بس هى بتسبب مشاكل كتيرة.