مهم وهيخلى المنتدى احسن وااجمل واجمد.......

يا جامعة فى مواضيع بتبقى موجودة فى غرف ميكونش ليها اى صلة للموضوع المكتوب .ياريت كل واحد او على المشرف فى اى قسم لو لاقى موضوع ميخوصش الروم الموجود فيها ينقلو للمكان المظبوط عشان يبقى معروف .... معلش يا جماعة بتقل عليكم . بس بجد دا مهم جدا . وعندى طلب كمان معلشى ... ياريت يكون فى غرف للبرامج ومنتديات مناقشة اذا كان حب او مشاكل الحب او حلول المشاكل .. اغانى قديمة ..برامج كمبيوتر ... دروس فى اى مجال لو اى حد عارف يدخل ويشارك .. اقسام دردشة . اعلانات دعايه ...اخبار منتدى انح يكون فى جديد امال يا مؤمن انت فين نايم لية انت ونور ... منتدى طبى ..اخبار النجوم .والنقد السينمائى..اغانى حصريه والبومات جديدة وحصريه قبل اى منتدى تانى..فيديو كليبات ..ريميكسات.. تهانى واهداءات ..خلفيات وصور .. المناقشات والاخبار . قسم رسائل الموبايل النغمات الثيمات كمان ..برامج للموبايل ... ارشادات الاعضاء ... فين يا جماعة كل دا .. لو المنتدى لسة جديد حتى اشتغلو وايديكم فى ايد بعض .. والله يا جماعة هتكسبو دهب واهم الصحاب وحب الناس للمنتدى وهتعملو شهرة كويسة ........ يالا يا مؤمن انت ونور اغسلو وشكم وفوقو للمنتدى .. وانتو لو طلبتو اى حاجة انا هساعدكم اذا كان جهد او مال ومحدش يتكسف كلنا واحد هنا .. السيرة الذاتية موجودة عندكم واليل بتاعى لو احتاجتو اى حاجة موجود اكتبولى رسالة هشوفها حتى لو مش موجود .. ربنا يوفقنا جميا .. تحياتى kepoo

تحياتي انا كمان ليك يا كيبووو
بجد اقتراحات لذيذه
ومتقلقش فيه حركه تتطورات للقهوه قادمه
والمواضيع حتترتب قريب متقلقش يا جميل

فعلا ياكيبو عندك حق
وبالزات فى موضوع الترتيب ده بالزات
بس للاسف فى مشرفين مش بيخوشوا اساسا على اقسامهم
فصعب تلاقيهم متابعين اصلا المواضيع اللى فى قسمهم


وبالنسبة للاقسام الجديدة فدى اقتراحات حلوة اوى وكنا عاوزين نعملها من زمان
وانا فكرت فى قسم برامج الكمبيوتر وقسم للموبيل
بس انا كنت عاوز اوضحلك حاجة موقفانا شوية
وهى ان اقبال الاعضاء بيبقى قليل فى المواضيع الى زى دى
يعنى عندك مثلا انا منزل لعبتين كمبيوتر فى قسم الالعاب وشادى منزل لعبة
وطبعا ولا كأننا تعبنا ونزلنا العاب وعملنا مواضيع ورفعنا صور
فاحتمال كبير ان يحصل كده فى الاقسام الجديدة وعشان كده احنا ركزنا على الاقسام اللى بيبقى فيها اقبال زى الاقسام اللى موجودة دلوقتى لغاية ما يزيد عدد الاعضاء ان شاء الله


وجارى دراسة الاقتراحات كلها
وان شاء الله فى قسم التنمية البشرية حيتفتح باشراف برنسس
وقسم النقاش والحوار باشراف سوسو

وانت لو شايف نفسك فى مجال تقدر تشرف عليه وتدى فيه مجهود فطبعا دى حاجة تفرحنا اوى
وبجد بشكر مجهودك وافكارك فى رفع شأن قهوة انح ونشاطك فى كل المواضيع
وفعلا انت عندك حق ان اهم حاجة اننا كسبنا صحاب هنا الحمد للله كتير اوى
ولسه ان شاء الله حنبقى اكتر
وخطوة خطوة مع بعض
والى الامام يا انح

افكاررررر جميله ياكيبو والمنتدي اكيد محتاجها

بس زي ما نور قال لازم نعمل اللي المنتدي محتاجه دلوقتي

لان المنتدي الفتره اللي فاتت كان بيتبع اغنيه ام كلثوم (ايها الراقدون تحت الثري)

وعلشان كده لازم نطلع لازم نطلع السلم درجه درجه

ونفكر في الخطوات اللي هنعملها ونشوف ايه النتيجه اللي ممكن تترتب عليها

وبعدين نقوم بالتنفيذ

وياريت لو عندك افكااااااار تانيه كتييييييير تقولنا عليها علشان نناقشها ونحاول ننفذها

افكار جميله بجد وهتخلي المنتدي احسن
بكتير وهيبقي في تجديد وربنا يوفقوا

بجد مهم اوى حكاية تنظيم المواضيع حوه الاقسام عشان انا فعلا بتوه ولما بدخل موضوع
واحب ادخله تانى بنسى مكانه لانه مش محطوط فى المكان الصح
بجد لازم ننظم القهوة كده ونرتبها زى ماقال كيبو عشان متبقاش شبه شقة العزاب كده
اللى كل حاجة مرمية فى حتة
وكمان عايزين ننزل العاب زى ماريو والعاب قتالية العاب كده يعنى مش العاب نظرية
ونقعد نسال بعض احنا اساسا زهقانين من الصراحة بنلعبها طول النهار وكمان لما ندخل المنتدى نلاقيها هى والالعاب اللى شبهها اللى نفس النمط عايزين العاب عملى
وكمان ياريت تجيبوا العاب البنات بتاعت مكياج فله وباربى عشان بحبها اوى الصراحة احم احم
ايه الاحراج ده
المهم لازم ندخل الحاجات اللى كيبو قال عليها دى عشان المنتدى يبقى عالمى
وقبل مانجي باعضاء نحط اللى يجذب الاعضاء عشان فى ناس مبيعجبهاش المنتدى ومابتشلركش لا بمواضيع ولا بردود
يالا بقى الهمة يارجالة